الطيب ما قاسوه بالشاعريه ( عكاشه وفارس العصيمي ) a

آخر المشاركات المطروحة في منتديات قبيلة بني زيد

  اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

الطيب ما قاسوه بالشاعريه ( عكاشه وفارس العصيمي )

المشاركة في الموضوع
 
خيارات الموضوع طريقة العرض
  #1  
قديم 10-05-2008, 12:49 PM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 
الطيب ما قاسوه بالشاعريه ( عكاشه وفارس العصيمي )

 

سيف السيف

بني زيد

داورد


كل هذه الأسماء لها وقعها في قلبي

كان لـ عكاشه هذه الرائعه ( هيبات الأمجاد ) والتي شرح نفسه فيها شرحا مفصلا


يانجم راسلني على السين والصاد=والا على التشفيره الابجديه
هندبت لي في طرقة ٍ مالها ابعاد=تفّجر مدارك حافظ الدرسعيه
اضرب وانقص واجمع حروف واعداد=ولا كل حكم ٍ ينتطبق عليه
طرقي وعـيني يم هـيبات الامجاد=دويتلي مع طرقة ٍ عالميه
ولا كل رجال ٍ يبي يقطع الماد=واكبر خطا تطلع عن الجاذبيه
الشعر مايرفع مقامات الاوغاد=والطِيـب ماقــاسـوه بالشاعريه
ومادامني مع سكة الصدق منقاد=مالي ومال امكبرين الخطيه
فرض الخطا من عصر شداد ابن عاد=قانون جبري واسمه العنجهيه
قـانون شيد به إرم عل ماشاد=شادت بعد ميه وميه وميه
فرض الحمايه كان من عصرالاجداد=قانونها بنده على العنصريه
يحصل تكـتلها على الدم والزاد=والمصلحه ..والعشق.. والمقدريه
وانا دخلت ابلاد وابلاد وابلاد=طرقي وحيد وضاربن مهمهيه
زاحمت صدقاني وزاحمت الاضـداد=على النقاء والنفس دايم نقيه
ولا قد دخلت ابوجه عبدي وعباد=ولا قد رجيت من الخلايق عطيه
يوم إن غيري مرتك ٍ له على اسناد=ما اثر عليه اغياب نصف السريه
ولا قد طرح راسي سوى حب الاولاد=وامي وابوي وحب نجد العذيه
لو قالوا اني للقـشر راعي شداد=صحين!! يــاويلك ياراعّ الرديه
ماابلش مع الطيب وو زاد بعناد=يفداك ياعناده ثمانين عيه
ياسيرة الايام وش عاد وش عاد=وش عاد باقي عقب هذي وذيه
قامت تنازعني مشاريه الاجواد=اللي لهم في خاطري قابليه


ثم جاء هذا الرد من الشاعر / فارس العصيمي والذي حوى جميع الأسماء المذكورة
( سيف السيف . بني زيد . داورد )

بنفس الوزن والقافية

صدفة وخير من ألف مليون ميعاد=مصادفتكم يـا الوجيـه الرضيّـة
يااللي من المشرق نويتوا بمسنـاد=لكم من الخفجـي لـداورد* نيّـة
ديرة مصابيح الدجى عوق الأنـداد=أهل الشجاعـة والكـرم والحميّـة
سعد الرفيق وللعـدا سـم الأكبـاد=يشهد لهـم تاريـخ نجـد الأبيّـة
ربع ٍ رسوا فيها كما شم الأطـواد=راسين في وجـه الريـاح العتيّـة
لعل يسقيها مـن الوسـم رعّـاد=هتـان وسمـي ٍ تدالـج دلـيّـه
ينبت مرابعها من الضلـع للـواد=ويفرح به الـزارع وراع المطيّـة
دار ٍ ليـا فكـرت فيهـا بمعـواد=أكـره نسيـم الديـرة الساحليـة
اما وصلتوها مـع الليـل مهجـاد=وإلا الصباح لكم على الـدار جيّـة
توجهوا من دون قاصـر بالأفهـاد=لسيف ٍ يظاهـي بالفعايـل سميّـه
إنصوا صديق ٍ بالوفا والسخـا زاد=معروف سيف السيف زبن الونيّة
مشاهدة مثله مـن أيـام الأعيـاد=تطرد هموم أهل القلـوب الشقيّـة
والبيت مايحتاج واصـف ونشّـاد=نجـم ٍ إحداثيّـات وصفـه جليّـة
قصر ٍ يجي له من بني زيـد روّاد=أهل الشجاعة والنفـوس السخيّـة
ويجونه أهل الطيب عطشى وورّاد=من ربعه الأدنين وأقصى البريّـة
منزال نشمي ٍ على الطيب معتـاد=سلمـه وسلـم أجـداده الأوليّـة
أول مقابلكـم تراحيـب وقـنـاد=بـنّ اليمـن والهيـل بالشاذليّـة
والثانية كبش ٍ من السوق ينقـاد=غال ٍ مع اللي يكرمـون الرعيّـة
والثالثة زبدة مـن القـول مافـاد=سوالف ٍ عنـد النشامـى طريّـة
وليا تريحتوا وجـو الفـرح سـاد=وكل ٍ قعد ينشـد ويذكـر خويّـه
عموا جميع اللي حضر دون تعداد=وأقروا لهم منـي سـلام وتحيّـة
أزكى من الريحان وأطيب من الكاد=والعود الأزرق والـورود الشذيّـة
وخصوا لسيف تحيتي فوق الأشهاد=سلام روح لـروح معكـم وصيّـة
وهو نادرٍ يفهم مظامين الأقصـاد=يفهـم رمـوز البينـة والخفيّـة
ياسيف للناجـح منافـس وحسّـاد=والكـل منهـم وده يصيـر زيّـه
ولوكل من يرم الهدف للهدف صاد=كـان الخلايـق كلهـا بـوارديّـة
الناس تحفظ قول نيشـان وزنـاد=وياقـل منهـو يحفـظ البندقـيـة
وأنته كتبت من أطيب الشعر ماناد=وزود ٍ على قولك كفوفـك نديّـة
تسلم يمينـك ياعمـى كـل نقّـاد=علـى كـلام ٍ مالقيـنـا حلـيّـه
((الشعر مايرفع مقامات الأوغـاد=والطيب ماقاسـوه بالشاعريـة ))
بيت ٍ شهد له كل من ينطق الضاد=واليعربـي تفخـربـه اليعربـيـة
بيت ٍ من الحكمة يسجّل بـالأوراد=يقرونه الشعـار صبـح وعشيّـة
يوم أغلب الشعار سـرداد مـرداد=لاأرتاح في نفسه ولا فـاد شيّـه
مايقطع أعماق المحيطـات طـرّاد=على الشواطـي خدمتـه جانبيّـة
يحن ماطوره من الصبـح ماهـاد=يومي شراعـه والكنـوز محميّـة
وبعض الكتايب لويزيدون الأفـراد=نقص الكتيبـة والزيـادة سويّـة
لوزادوا أعداد الكتايـب والأعتـاد=أقفـى سعدهـا دولـة الفاطميـة
ومادام لك في قمة المجد مرصـاد=ولا تنتـج إلا النخبـة الجوهريّـة
مالك ومال مراقبـة جـرم منطـاد=ينفخ هواء ويطير بأرض ٍ خليّـة
راحت حياته كلهـا هـم وجهـاد=ويشجعـه مثلـه عقـول ٍ غبيّـة
كانك تبي تطرد وراء كـل جحّـاد=ياكثر من ترفـع عليهـم قضيّـة
وجهة نظر والخاتمة علم الأوكـاد=شهـادة ٍ معهـا شهـود وقويّـة
ماهـي شهـادة زور وإلا تـوداد=ولاني براج ٍ مـن وراهـا جزيّـة
إن كان للطاروق سلطان وأسيـاد=تـراك سلطـان القصيـد ووليّـه

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #2  
قديم 10-05-2008, 01:07 PM
الصورة الرمزية لـ عبدالله الأصيقع
عبدالله الأصيقع عبدالله الأصيقع is offline
مشرف لجنة المقابلات
 





عبدالله الأصيقع will become famous soon enough
 

 

بسم الله الرحمن الرحيم

صحة اللسنت الشعار

قصيدة رائعه بروعه كاتبيها

مشكور على النقل يابوسعد

 


::: التوقيع :::



 
الرد مع إقتباس
  #3  
قديم 10-05-2008, 01:45 PM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

صح السانك يا عكاشة

وصح السانك يالعصيمي

وشكرا طارق

تحياااااااااااتي

 


::: التوقيع :::



 
الرد مع إقتباس
  #4  
قديم 10-05-2008, 02:18 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

قصيدة جميلة ورد اجمل واروع

عكاشه شاعر جميل جداً يعرف كيف ينتقي حرفه بسلاسة

شكراً طارق

 

الرد مع إقتباس
  #5  
قديم 10-05-2008, 02:44 PM
الصورة الرمزية لـ مشاري الهويمل
مشاري الهويمل مشاري الهويمل is offline
pRiCeLeSs
 





مشاري الهويمل will become famous soon enoughمشاري الهويمل will become famous soon enough
 

 

صح السنتهم مليووووووووون


صح لسانك يا عصيمي

ويستاااااااااهل ابنالعم سيف


طارق لا هنت يا غالي على انتقائك لهذه الروائع

 


::: التوقيع :::



 
الرد مع إقتباس
  #6  
قديم 10-05-2008, 03:46 PM
الصورة الرمزية لـ صعب^المنال
صعب^المنال صعب^المنال is offline
عضو مثالي
 





صعب^المنال is on a distinguished road
 

 

قصيدة جميلة والمطلع روعة ولغمة بالحكمة وأحسن بيت
زاحمت عدواني وزاحمت الاضداد *** على النقاء والنفس دايم نقيه
الرد جميل جداً
مشكور على النقل الجميل اية الحصان

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:59 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www