الحكمة ,, المجموعة من الشعراء a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

الحكمة ,, المجموعة من الشعراء

المشاركة في الموضوع
 
خيارات الموضوع طريقة العرض
  #1  
قديم 11-04-2008, 11:19 AM
الصورة الرمزية لـ النايف25
النايف25 النايف25 is offline
عضو نشيط
 





النايف25 is an unknown quantity at this point
 
الحكمة ,, المجموعة من الشعراء

 

بسم الله الرحمن الرحيم

اخـــواني لاعــزاء في منتدئ بني زيــــد

اقـــدم لـــكـــــم...

مجموعه قصائد وابيات في الحكمه من الشعر الشعبي



, راكان بن حثلين العجمي يقول
ما قل دل وزبدة الهرج نيشان@ والهرج يكفي صامله عن كثيره
الذم ما يهفي للاجواد ميزان @ والمدح ما طول ايدينن قصيره



تركي بن حميد
اخير منها ركعتينن بالاسحار @ لا طاب نوم اللي حياته خساره



اللي يضيع الليل يتنا النهارا@ واللي يضيع القايله من يقديه
مويضي البرازيه



أحفظ دبشك اللي عن الناس يغنيك@ اللي ليا بان الخلل فيك يرفاك
بركات الشريف

ولد النبيته لو تمرجل ولو جاد @ يدك به من ساس جده وداعه
فجحان الفراوي


دنيا نبي تقزيرها ضحك حجان @ ولا ترا سيورها مستقيله
بندر بن سرور


اليا روى القصه بجد بطنها بجد @ لو كان لعتيبه نسبها لقحطان
عبدالله بن عون


الادمي لولا المكارم والاخلاق @ كالحنظله من عرقها لا ورقها
سعد جدلان الاكلبي


ما كل رجال لو طالن اشانيبه @ يقضي لزوم الرياجيل وتعناله
سعد بن سلطان الرخيمي


وش خانة الدنيا وجمع الدنانير @ وحنا علينا نازع الروح ناوي
عبدالله مدعث الدوسري


كرامتي ما هي مثل عملة الين @ بالعز مثل اختي وأنا مثل اخوها
عيد بن سمير الحربي

الله ستر خلقه بلبس الهدومي @ والناس تفرق بالفعايل والاطباع

بيت اعجبني كثير ولاكن ماعرف منهووولة


يقول الامير خالد الفيصل دايم السيف
الناس تفنى والمباني والاملاك
والقول يبقى والخبر للتوالي
الشعر معنى حكمته بعد الادراك
وما كل يلمع على النور غالي
والشعر صور شاعر فيه تلقاك
اما لبس لك جوخ ولا سمالي


ويقول: بركات الشريف
احفظ رثك اللي عن الناس يغنيك
اللي الى بان الخلل فيك يرفاك
اجعل دروب المرجله من معانيك
واحذر تمايل عن درجها بمرقاك
أدب ولدك كان تبغيه يشفيك
واستسفعه من بعد مرباه يالاك



وهذا الشاعر سليمان بن شريم من بني زيد يقول:
وربعك الى بان الخلل فيك عافوك
اقرب قريب لك من الناس يشناك
ان كثر مالك اصدقولك وطاعوك
وان قل ما بيدك شانت حلاياك
لو تطلب الماء عندهم كان ما اسقوك
ابعد مزارك عن وطنهم ومرباك
وان طاب حظك اصدقولك وحبوك
وان بار كل ما يبي غير فرقاك
وهراجة المجلس الى جيت وروك
منازل تطرب نظريك بدنياك
والى قضوا منك اللوازم وخلوك
تفرقوا وانت احتمل لحل ما جاك
كنك سراج البيت للنور شبوك
واللي انقضى اللازام حد الربع طفاك
الى ان قال ...
واصحى لخلان الرخا لو تغالوك
اعرف ترى اطيبهم الى احتجت يجفاك
كنك خوي مقيط دهووك واغووك
وحقك عطاك رشاك واقفى وخلاك
واحذر عن العيلة ترى الحق مدروك
مثل العمل يدركك ما منه فكاك
وان كان عدوانك على الضيق حدوك
فاخصم طلابتهم بعجفاك وقداك
وان كان هم لمشرف الحق ما شوك
ناظر مطاليع الفرج قبل مبداك
واحلم على الجاهل ترى الحلم مبروك
وقم للضعيف اللي من الضيم ينخاك
وادمح خطا جيران بيتك الى اوذوك
ترى القصير وحرمة الجار بحماك
وقم للضيوف اللي لفولك وضافوك
اغلا كرامتهم حجاجك وبشراك


يقول الشاعر: عبدالله بن صقيه التميمي
ساس الردي لابد مبناه ينهال
ولد الردي صاحبي تحطه بطانه
تلقاه وقت الضيق لاضحكك الجال
الصفر لا يغريك زين لمعانه
ترى الذهب من صافي جنيه واريال
ما يختلف يا ذيب طيلة زمانه
بستان غيرك لوبه الوان واشكال
ما تنتفع من خوخه وبردقانه
ما ينفعك ما فيه لو بالثمر مال
لاصار بالغدراء جداره مخانه

ويقول التميمي ايضا
احرص عن الزلات في كل الاحوال
لا تنخدع باللي يعلج اللبانه
ما يفتري ويشين الناس رجال
راع الحكي بالناس خله وشانه
عليك باللي بالمهمات سردال
ليث مثل من حط قوسه رهانه
انت وانا نبعد عن القيل والقال
كم واحدٍ يا ذيب ضره لسانه



ويقول غازي بن دخيل الله بن عون العتيبي
الرفقه اللي مالها ساس ووصول
اتلى تلياها تروح بسهوله
مثل الذرور اللي على راس غرمول

اول مهب يعترض له يزوله
والفعل ما يطلع على مستوى القول

يقول قول ما يطبق فعوله

والفرق في الافعال ماهوب في الزول
والا ترى اطيب ما من الثور زوله

لو غرّهم زوله وحطوه مسئول
صاروا مثل راع الغنم ومخيوله

ثوب على جسم على شبه مخيول
ودايعه يفرسهن الذيب حوله


يقول عبدالعزيز الحسن:
بعض البشر مثل النجوم المراهيش
انوارهم تزهي بالافراح بشه
افكارهم ري العقول المعاطيش
في الدين والدنيا للاخيار هشه
وبعض البشر عقله من التبن والخيش
لوزان شكله داخل الراس عشه

وقال تركي بن حميد العتيبي

ترك عشير عشرته يوم او دون
ثم يبدل بك عشير وينساك
شف لك قطامي على السد مامون
درع القفا ما ينهض الراس لحذاك
اللي الى اوحى الناس فيكم يهرجون
حامي على عرضك ويدمح خطياك

ويقول: عبدالله اللويحان التميمي وهو من اهل نفئ وعاش في الشعراء فترة طويلة

الشور ما ينفع قلوب المهابيل
كالزند وان حرك تطاير شراره
لو تأمره بالعدل يعرض على الميل
يبتل على رايه بربح وخساره
والطبع ما ينزال غيره بتبديل
مثل الجدي مرساه ليله نهاره
والحنظله لوهي على شاطي النيل
زادت مرارتها القديمه مرارة

يقول راشد الخلاوي الهاجري:
لا تستشير الا صديق يودك
في الله صافي السر مامون عاقبه
وترى شور ما لا يستشيرونه الملا
شمعه نهار في ضيا الشمس دايبه
وأرى النصايح في البرايا فضايح
وكم ناصح اضحى له الناس عايبه

ويقول محمد عبدالله القاضي التميمي:
تكلفك بامر ما يخصك جهالة
وتبعدك عما كان يلزمك له قافي
ولا تصافي كود حيد صميدع
غيور على الصاحب نصوح وميلافي
ولا تلوم النفس في جاري القضا
مالك عن المقسوم يالعبد مكافي
يا شرهل المعروف منك بتواضع
وهل الشر باشرهم بشر وتستافي


ويقول غازي بن مهنا الشيباني : وهو حي يرزق في دمـخ منطقة قريبة من بلدة الشعراء يناهز من العمر 80 تقريبا

ما طار وقع من مطيره ولو حام
والزود مثل النقص ينقص ولو زاد
دنيا تغر الناس في طول الاحلام
ولابد تاصل شرها بين الاجواد
ياماشي بالدرب مسرى ومجهام
لابد من عقب المراويح معواد
احد قضى زامه واحد يمسك الزام
واللي صدر منها يجي غيره اوراد


ووو يقول محمد بن عايض بن هادي الحباني
من رابع الخايب سكن دوم واياه
لبس الدناسه عقب لبس الجدادي
ومن طاوع الشيطان في دينه اغواه
يصبح غريق بين الامواج غادي
ومن عاشر الطيب ترى الطيب شرواه
وبالطيب يرقى نايفات المبادي
خلك مع الطيب وممشاك ممشاه
ورافق على الربع القروم العوادي
عز الفتى دينه وسلمه ومرباه
وربعه عضوده عند قدح الزنادي
تاقف معه وبقدر الامكان تحماه
لا صار باطراف الحبال انعقادي


ويقول محمد بن عقيل السويلمي
اضرب طريق الخير واسلك مسيره
ولا تلتفت للناس عوجاه واقداه
ولو طال عمرك عارف وش مصيره
ازبن ولي العرش واتعب على رضاه
وأد الفروض الاوله والاخيرة
واضف لهن مخافة الله ورجواه


ويقول حمد بن هادي المسردي القحطاني
من كثر ماله ساروا الناس برضاه
ولو كان ناقص قالوا الناس وافي
ومن قل ما بيده ترى الناس تشناه
ولو كان يسقيهم عسل قنط صافي
فالمال كم ساس طمان وعلاه
والفقر كم حطم روابع سنافي
لاشك ما للعبد عن حكم مولاه
من خير ولا شر ولا عوافي


يقول محسن بن ناصر المري
قوموا بدين الله ورزوا شعاره
واخشوا نهار فيه تخطيف الابصار
دنياك مرجعها الفنا والقشاره
لا تامن الدنيا ترى الوقت غدار
لابد من قبر وحيش جداره
من مات ياالمسكين خلي على الدار


وهذا الشاعر المرحــوم مرشد بن سعد البذال اشهر من نااار على علم
لولا الردي ما صار للطيب سمعه
لاشك لهذا ضد ذاك يصير
والناس مثل الماء غدير ومالح
هذا ملاح وذا زلال غدير
والاجواد قربتهم تبيض وجودهم
تنفع ولا من قربهم تأثير
والاشرار نفعتهم مكافاة شرهم
والا ترى قرب اللئيم خطير
الرجل عقل ومرجله وديانه
بلاشك راعي ها الثلاث ظهير

علي المفضي يقول
من طاول الدمعه تكدر شرابه
والغت مرارة دمعته كل حالي
وافنى عنا دنياه زهرة شبابه
لو كان من بين الخلايق مثالي
واللي يبي ياقف لوقته يجابه
ينهد حيله والزمن ما يبالي


ويقول الشاعر عبدالله العلي الحرير
الى بغيت اتحط كلش على البال
غديت صقار بساقه هداده
تغثك الدنيا ولا ادركت به حال
مثل البعير الى تقلد اشداده

ويقول حامد بن مايقه الحبابي من اهل قطر

تخير اذا رافقت من الناس عارف
رجل اذا شان الزمان يطيب
رفيق على عسر الليالي ويسرها
كما الزرع في وقت الدهور خصيب
امين يحفظ السر عن ساير الملا
حفيظ على ما في الضمير قطيب

خلف ابو زويد الشمري

دخيل خذ من والد لك مسالة @@ ومسا لة مايفهــــــــــــمه كل رجال
ا
حشم خويك عن دروب الرذالة @@ ترى الخوي عند الاجاويد له حال

والمرجلة بالك ترخي حـــــبالة وبالك تعيل ولا تراخا لمن عال

وان كان ماتدعى على كل قـالة @@ تراك من حسبة هدوم بها ازوال

وان كان دلوك ما تميحه شمالة @@ ترى الرجال يطوحونه على الجال

ورفيقك الداني إلى شفت حـاله @@ احمل عليه من المـــــــعليق ماشال

لعل رجل عيشته قد حــــــــالة @@ عسى تدور زوجتــــــــه فية الابدال

الحمرة تدرك معوشة عــــــياله @@ والا الرجل يبغى منه بعض الاحوال

وان صار لك من عوص النضا زماله @@ا تورد بك إلى ســـــــــرب اللال

خله مع الديان تمشي لـــــــــــــحاله @@ إن كان ماأنته للمسة الخشم حمال

لو ربع يوم مقعدك بالشــــــــــــــكاله @@ يسوى حلال عايشين بــــه انذال

ونختتم رحلتنا هذه مع أبيات للشاعر محمد بن احمد بن محمد السديري

قصر يذلك لا تقابل مبانيه
خله عسى شامخ طويله هدامي
خله عسى ما صاب اغادير يفنيه
يودع منازله الطويله رجامي
لو زان مدخاله وطالت حواميه
شيد على الخيبه قليل الرحامي
وحي يوريك المذله وتغليه
انا اشهد انك ميت القلب عامي
من لا يودك لا توده وترجيه
ارفع مقامك يا عزيز المقامي
ارفع مقامك عن عدوك وتوذيه
ويلحقك من تركة رفيقك ملامي
حق الرفيق وواجبه لا تخليه
يلزمك مثل الوالدين الحشامي
اختر عزيز الجار والحق يعطيه
شبل على هرج يقوله يحامي
ومن قارب الاجرب بالامراض يعديه
عدواه تسطي باللحم والعظامي
درب السلامه بينات مماشيه
ودرب العطب يرث عليك اللكامي


ومن قصيدة أخرى يقول فيها السديري

لا خاب ظني بالرفيق الموالي
مالي مشاريه على نايد الناس
لعل قصرٍ ما يجيله اظلالي
ينهد من عالي مبانيه للساس
لا صار ماهو مدهل للرجالي
وملجا لمن هو يشتكي الضيم والباس
بحسناك يا منشي حقوق الخيالي
يا خالق اجناسٍ ويا مفتي اجناس
تجعل مقره دارس العهد بالي
صحصاح دوٍ دارس ما به اوناس
البوم في تالي هدامه يلالي
جزاك يا قصر الخنا وكر الادناس
متى تربع دارنا والمقالي
وتخضر فياض عقب ماهيب يباس
نشوف فيها الديدحان متوالي
مثل الرعاف بخصر مدقوق الألعاس


ومن رائعة اخرى يقول السديري

لا تقرب الأجرب بالامراض يعطبك
يصير جسمك مثل جسمه عليلي
ممشا الخطا من صافي العقل يسلبك
ويصير لك يم الرذيله سبيلي
وعن ما رد الانذال نزه مشاربك
واشرب نظيف لو ورادك طويلي
ولياك تنسى يا ابن الاجواد واجبك
واللي يروم المجد حمله ثقيلي
يالادمي وان كان كبرت مصايبك
ازبن على محي البلاد المحيلي
أزبن على رب بعرشه يراقبك
وناجه وبعد العسر يسره جليلي


واتمنى ان الموضوع ينال على اعجابكم

تحياتي النايف

ســــوااالــم

 

الرد مع إقتباس
  #2  
قديم 15-04-2008, 12:01 PM
الصورة الرمزية لـ قهيدان بن سدحان
قهيدان بن سدحان قهيدان بن سدحان is offline
:: محل تقدير ::
 





قهيدان بن سدحان is an unknown quantity at this point
 

 


الأخ الفاضل النايف حياك الله ... وسلم بنانك على ماسطرته لنا بقلمك النير ... وفعلا إن من الشعر لحكمه كما قال رسول الله صلى الله عليه وسلم أخي النايف بإنتظار جديدك ودمت بود .

 


::: التوقيع :::



أقــم صلاتك ... قبــل مماتــك .


 
الرد مع إقتباس
  #3  
قديم 22-04-2008, 10:56 AM
الصورة الرمزية لـ الخيل عشقي
الخيل عشقي الخيل عشقي is offline
عضو نشيط
 






الخيل عشقي is an unknown quantity at this point
 

 

تسلم يمينك يالنايف على هالطرح الممتاز مافيه افضل من قصيد الحكمه ...

ونطمع بالمزيد

 

الرد مع إقتباس
  #4  
قديم 22-04-2008, 12:00 PM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

الله لايهينك يالنايف على الإختيار الجميل ..

وكثيرا ما يعجبني رشيد الزلامي ..

لاهنت

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
  #5  
قديم 23-04-2008, 11:07 PM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 

 

اهلين النايف


فعلاً اختيارك لاشعار الحكمة يدل على حكمة المنتقي

واعجبتني البيتي اللي قالها

حامد بن مايقه الحبابي من اهل قطر

تخير اذا رافقت من الناس عارف
رجل اذا شان الزمان يطيب
رفيق على عسر الليالي ويسرها
كما الزرع في وقت الدهور خصيب
امين يحفظ السر عن ساير الملا
حفيظ على ما في الضمير قطيب




تذكرت بيت يقول

وين الخوي اللي على السد موثوق ........ لاضاق صدري فرج الهم عني

ننتظر جديدك

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 06:02 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www