غباء الموظفات وذكاء ودهاء الخادمااااااااااات !!!! a

آخر المشاركات المطروحة في منتديات قبيلة بني زيد

  سقيا مدى الحياة في مكة المكرمة داخل حدود الحرم (صورة) ( آخر مشاركة : ساكتون    |    أسهل طريقة ليكون لك صدقة كل يوم في رمضان وانت مرتاح مكانك ( صورة ) ( آخر مشاركة : ساكتون    |    أحفر بئر ب 50 ريال فقط ليكون لك سبيل ماء وصدقة كل يوم ولاتنسى والديك (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    أجهزة المحمول الصينيه وصحة الانسان ( آخر مشاركة : خالدالراجحي    |    توقف رسمي لخدمة فايبر في السعودية ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : خالدالراجحي    |    أروع وأجمل تموينات ومخبز ممكن أن تراها بعينك (صور) ( آخر مشاركة : ساكتون    |    أجمل وأروع مشروع بريال واحد فقط (صورة) ( آخر مشاركة : ساكتون    |    معركة ( الثنية ) يارم افزعي لشيحان العقيد الشيخ على بن عطية ( آخر مشاركة : الطايل    |   


العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل   جعل جميع المنتديات مقروءة

غباء الموظفات وذكاء ودهاء الخادمااااااااااات !!!!

المشاركة في الموضوع
 
خيارات الموضوع طريقة العرض
  #1  
قديم 18-06-2004, 03:40 AM
الصورة الرمزية لـ جمر الغرام.....
جمر الغرام..... جمر الغرام..... is offline
عضو نشيط
 





جمر الغرام..... is an unknown quantity at this point
 
غباء الموظفات وذكاء ودهاء الخادمااااااااااات !!!!

 

تأتي الخادمة من بلدها وهي تبحث عن كل شئ عن لقمة عيش عن رجل عن كل شئ

قطعت البحور والبرور لماذا ؟؟؟؟

لسنا كل الخادمات مجرمات ولسن كل الموظفات مغفلات !!!

اتصلت بي صديقتي : قال الحقيني أم يزيد قلت خير أمريني شبيك لبيك أم يزيد بين ايديك وش فيك .

قالت شفتي خادمتي فلانه قلت نعم عاقله ماشاء الله عليها الخادمة الوحيدة التي

رأيتها متمسكه بالنقاب والغطى عن الرجال عاقله وثقيله!!!!

ياخيتي مدري أنتي وش تسوين بالخادمات معاك يمشين صح !!!

قالت ولا لك عليه يمين انني اتعامل معهن مثل مااعامل احد عيالي لا من ناحية اللبس

والاكل و الطلعات وكل شئ .!!

ولكن اتضح اني غبيه!!!؟؟؟

ماذا غبيه كيف قلت لها !!!

قالت تعالي ارجوك الله لايهينك!!!

عاد انا طقتني أم الركب بس الشكوى لله لازم اروح

قلت ولايهمك عاد انا الفتوة راعية فزعه اللي تحتاجني تبشر قصدي تؤشر.

وصلت عندها.

بعد السلام والكلام قلت هات خوفتيني وش القصة .!

قالت: ماشكيت لك من فتره من شغالتي ... قلت لك تجينا اتصالات غريبه قلت ايه ...

حتى اني قلت لك سجلي مكالمتها واعطيتك جهازي التسجيل حقنا .

.. تبع الهاتف ببلاش كلها ستين ريال وتكتشف العجب...!!!

المهم قالت:: سويت مثل ماقلتي واكتشفت العجب ...

قلت وش سار قالت تعالي اسمعي ::

قلت طيب ورحت وفتحنا الجهاز الا وصوتي ماشاء الله لاإله الله وش ذا الزين هنيال الاصمخ

المهم وشوي الا والتلفون صوت الازارير ::: اتصال طبعا من بيت صديقتي ..

إلا والطرف الآخر صوت سعودي هلا والله وينك ..

ردت الشغاله قالت ماجوده ياهبيبي يائمري .

يلعن امها بنت الكلب حبيبي وعمري ايوه استغفر الله بس.

.... المهم وهات من هالكلام للاسف الحشره اللي يكلمها سعودي؟؟!!!

لدرجة انه يقول انتي مدري وش سويتي فيني سحرتيني ..:{

. ووزني نقص خمسه كيلو من الشوق كله هك طبعا علشان الجنس حسبي الله ونعم الوكيل...

لدرجة تقول انا شغاله انت شو يبي من شغاله ... قال أحبك (( اه يالقهر حبتك القراده يابعيد )

اثاري الدنيا مواعده وعلوم وصديقتي ياغافل لك الله ...

اخر الشريط قالت انا تعبانه وكل يوم يكبر بطني اخاف يصير مثل الهبهبه ( البطيخه )..

قال لاتشتغلين على طول قولي تعبانه علشان يسفرونك ولازم اشوفك قبل السفر...

هذه المكالمة الأولى .

المكالمة الثانية يتخللها صوتي مع صديقتي ... اللهم لاحسد . شئ يهبل ..

المكالمة الثانية يعاتبها ليش ماتتصلتي قالت كيف بابا وماما بالصاله والعيال ماناموا ...

قال طيب كيف اشوفك قالت كله بكره يروح مدرسه وبيبي صغير نوم...

قال وانتي الحين وش تسوين قالت اغسل واكوي ... قال غبيه ؟؟!!

قالت ليه قال تبينهم يشوفونك تشتغلين وويبطلون يسفرونك:::

قالت ايوا الله صه ( صح)

المهم صديقتي كانت تثني عليها ...ّّ

قالت وش السوات ياخيه !!! قلت ابد وكليني عليها واوريك فيها الكلبه .

المهم قلت لها تعالي ووديتها ملحق عندهم بالسطح وقلت اجلسي هنا يابنت الكلاب ...

مين يجي هنا بيت انكرت ولفت ودارات اخر شئ قالت ايوا انا اعترف انا مره واحد سوي غلط...

طبعا ماقالت وشهو الغلط بس ماقالت قصة السعودي

......

ذهبت انا وصديقتي لها بالملحق وشيل وحط ماهي راضية تعترف !!!

قلنا هات الغلط الواحد اللي تقولين

وش تتوقعون .....

تعالوا لاهنتم شوفوا شغالات أخر زمن

تقول هذا زوجي كان شغل بالقصيم بعدين هو يجي رياض يبي سفر بعدين هو كلم انا لازم اشوفك

قلت انا مااقدر طيب انت تعال بيت

قال انا مايعرف لازم انت يجي ؟؟!!

قالت وين يجي قال انتي خذي لموزين وتعالي الفيصلية ... شئ ليتهم رايحين الحله .... البطحاء ...

لكن اول ماشطح نطح الفيصلية.....عا.ااااااااااااد ( شوفوا كم خمت من البيت وعطته )

قلت ايه كملي صديقتي فاتحه فمها ......ماهي مصدقه....

قالت بعدين انا كلام هو مافيه مفتاح ...!!

قال دوري ... انا يدور سبهان الله يجي عند باب مجلس رجال سوي كذا مفتوح ...ياللصدفة الغريبة

بعدين يلبس عبايه قفلي باب كذا بعدين باب شارع حطي حجر

علشان هو مافي قفل بعدين كيف يرجع انا مشكله...

بعدين وقف تكسي كلام ودي فيصليه انا يروح فيصليه قبل الظهر ماما يجي يرجع انا..!!

والله لولا الخوف من الله وماتمالكت اعصابي اني لاأحوسها ....

قلنا طيب غيره مافيه شئ ثاني قالت ...

حاولنا قلنا خلاص هات المسجل والشريط ....

ويوم سمعت بغت تنهبل قالت صح انا يروح مع رجال وماما وباب وبيبي نوم ....

يروح سوى سوى في سياره هو .... الحين انا حامل اثنين شهر طيب كيف؟؟؟!!

قالت خلاص انتي يبي يقتل انا يبي سجن ماعندي غير

هذا الكلام طيب كيف عرفتيه قالت هو يتصل غلطان بعدين كل يوم كلام انا...

المهم زوج زميلتي راح للشرطه وطلعوا برنتات على بيته

واعطوه قالوا شطب على الارقام اللي تعرفونها والباقي علينا...

طلع اربعة ارقام اللي يكلمون وصديقتي مداومه ومكالمات بالساعات من 7،30 الى 12 الظهر..

طلعوا اسمايهم وشاورا الكثير من اقاربهم الكل اشار عليهم ناس يقولون سفروها وناس يقولون اسجنوها

لكن زوجها اتخذ قرار قال لو سفرتها الوقحين اللي كانوا يكلمونها!!!

راح يعيدون التجربه مع اي شغاله او اخت في الله

لذلك لابد من ردعهم ...

الان كلهم في ابو زعبل اعاذنا الله واياكم من كل شر

هناك عدة نقاط لابد من مناقشتها :::

1- لماذا تترك الخادمة ترد على الهاتف.. 2- كيف استطاعت الحصول على مفتاح. 3- كيف عرفت توصف للشخص هذا وللموزين موقع البيت رغم انه بداخل حي.. 4- لماذا نسلم الخدم كل شئ نعطيهم الجمل بما حمل ....

للمعلوميه سبق لها العمل بوادي الدواسر ثلاث سنوات ونصف .

وسنتين بالرياض يعني خبره ....

في كل شئ

لكم شكري وتقديري والحذر الحذر من الغفلة عن مثل هذه الخادمة

من امن العقوبة اساء الادب..

منقول
جمر الغرام

 


::: التوقيع :::

ياناس ابي واسطه لخوي بيدخل كلية المعلمين....


 
الرد مع إقتباس
  #2  
قديم 18-06-2004, 04:41 PM
الصورة الرمزية لـ dawerd
dawerd dawerd is offline
أبو ثامر
 





dawerd is on a distinguished road
 

 

جمر الغرام
السلام عليكم ورحمة الله وبركاته
موضوع جيد وخصوصًا أنه يتناول قضية هامة من قضايا المجتمع وهو قضية الشغالات ( الخادمات ) ، فكثيرًا ما أسمع عن قصصهن وحكاياتهن مع أولاد الكفيل ، فأذكر قصة زميل لي عنده شغالة شرق آسيوية كانت تعذب أولاده الصغار تضربهم كفوف وترميهم بأي شيء معها وهذا سوى لك حركة بأن ركب كاميرا مخفية مثل كاميرات الأسواق وسجل كل ما سوت الشغاله مع عياله وعند رجوعه لبيته عقب الدوام وشغل الشريط لقى الفضايح وهو يواجهها بما عملت فأنكرت وعندما عرض الشريط عليها انهارت وأقرت ومن بكرة وهو مسفرها نهائي
فحقيقة هذا الموضوع بحاجة إلى نقاش من قبل الأعضاء نريد كل واحد يعطينا مرئياته عن الشغالة وأهميتها للبيت وهل هي ضرورية أم من مظاهر التمدن ؟
ومشكورة على هذا الموضوع الجيد

 


::: التوقيع :::



 
الرد مع إقتباس
  #3  
قديم 18-06-2004, 06:25 PM
بن جثلان بن جثلان is offline
عضو مشارك
 





بن جثلان is an unknown quantity at this point
 
رد

 

صدق القايل ان كيدهن عظيم فالعامله تأتي وقد تغربت عن اهلها واولادها وتجد ما تعيش به المراه السعوديه من نعيم فتحقد عليها والشكر للجميع

 


::: التوقيع :::

ويل للعرب من شر قد اقترب


 

آخر تعديل بواسطة dawerd ، 18-06-2004 الساعة 07:24 PM.
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:29 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www