أنظم على وزن و قاف = وأمغط على قدر اللحاف
لا صارت سنيني عجاف = و الصيد إلى ما جا سمين
ما عاد لي في ذا البلد = عمّ ولا بنت و ولد
إلا أبيّ لي رقد = تحت النصايب من سنين
مالي و مال الصرقعه = من عاف شن فيها جدعه
ما شفت منها منفعه = يا صاحب العقل الرزين
لا هيب شعر أو أدب = أو فكرة فيها عجب
ما غير ضحك إبلا سبب = والشين فيها صار زين
السوس في سن القلم = ينخر ويزداد الألم
في ساحته حقد و ظلم = و طْابقته شرع ٍ و دين
يا فارس ٍ سل الحسام = في وجه من رد السلام
يا حبك لكثر الخصام = ما قول غير الله يعين
كم شاعرٍ أسرف و قال = ما نقض إمتان الحبال
ما حسب ليوم السؤال = ليش إنقض الحبل المتين
يا أهل المزاين شن كثير = نفد ولا فاد البعير
لو حط في تبن و شعير = أوجه ولا شح الطحين
مثل السمك يا أهل الحدا = يلبط يبي ريح الندا
راع الجمل يوم إبتدا = ينهب دقيق المسلمين
شالوا وزير عقب ذا = حطوا خفير للغذا
يا ناس ما ينفع كذا = والعيب باكر ييّبين
ما دام به طقة صدور = للواسطه فعل و دور
والمشكله تبقى تحور = بين الوزاره و العوين
والله عجيبه هالظروف = نفط كثير دون خوف
و السعر مثل الي تشوف = لا بد حنّا مذنبين
لو أخلص الحاكم بلا = شعب يدين إله الولا
نذر بلا حلف فلا = أحوالنا يوم ٍ تزين
عبدالله أشهد له شجاع = عشى الذيابه و السباع
وإن حمّر عيونه يطاع = والحلق من دونه يدين
حنّا بطه نقتدي = شمعه عليها نهتدي
ونقاطع السمرمدي = شاتم خيار المرسلين
مسكين ذياك الغبي = نافس على سب النبي
ما حصل الي هو يبي = والنار مثوى المجرمين
صلوا على محمد عدد = ما طاح من وبل و برد
وإعداد من صابه كمد = من دعوة الهادي الأمين
04-04-2008, 12:26 AM
النمط الخطي
