الوجد للدوسري ومجارات الفراعنه لها a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

الوجد للدوسري ومجارات الفراعنه لها

المشاركة في الموضوع
 
خيارات الموضوع طريقة العرض
  #1  
قديم 17-03-2008, 07:31 AM
فهد البواردي فهد البواردي is offline
محل تقدير
 





فهد البواردي is on a distinguished road
 
الوجد للدوسري ومجارات الفراعنه لها

 

من أروع ماقيل في الوجد قصيدة خالد مدعث الدوسري

كل مافاضت عيوني باشت الأضلاع غنا=الموارد في الضلوع وكل ضلع في ونه
والتمني مايحقق هقوت القلب ان تمنا=بس قلبي مايداني تبعد الهقوات منه
وا وجودي وجد من جلي عن دياره مجنا=تو عمره عشر واربع والليالي ماتحنه
ماوراه الا عجوز واخته وعود مسنا=بين فقروبين دين وبين ضيم وبين منه
ماذبحهم غير دمع من الغبينه مايكنا=ويل من سود الليالي بالمصايب يبتلنه
راح مثل الذيب وهبلته حياة الذيب ظنا=وآمن والموت يومه بين مخلابه وسنه
راح ينقل دم قلبه وان ضواه الليل ونا=الذيابه مروحاته والسيوف يدورونه
ليا ذكر دم القرايب عانق البيدا وثنا=وان تذكر ضحكة امه زاغ قلبه من مغنه
مايلوعه في حشاه إلا ليا شاف البرق سنا=غاب عشر اسنين مابه من يرد العلم عنه
ان حداه الخوف منا هزت الأشواق منا=يوم طال الوقت عود للديار اللي ربنه
قال مادام ان المذلة والبلاوي يبتلنا=والله ان الموت في الأوطان بين الربع جنه
يوم وقف في المنازل مالقى بيت مبنا=غير بيت للهبايب والذواري يلعبنه
راح يمه كنه اللي ضاربه رمح مطنا=وعذابه مادري ان اسهوم بقعا يحترنه
يوم قرب سمع له صوت من العله يحنا=حصل امه عندها ضيف يقول الموت سنة
قال يمه قالت عيوني من الدمع انعمنا=قال ابويه قالت اطوال النصايب قد خذنه
قال واختي قالت اقفى القوم باختك مع ظعنا=قال ربعي قالت اسنين المجاعة فرقنه
قال جيتك قالت ان الموت ماظني تونا=واستلمها نازع الارواح روح مرجهنه
ثم صاح من التفرق صيحة اللي فيه جنا=دق صدره وانظوى من حر ما به طي شنه
كل هذا حال قلب من خلقه الله معنا=الهموم يوكلنه والروابع يوكلنه
ليه ادور للسبايب والسبب فينا ومنا=النفوس وما تسوي واليدين وماحصدنا
لا تسودنا الخطايا نلحق الشرهة زمنا=ما جزانا إلا عملنا والخلائق يثبتنه

وهذي قصيدة مجاراة للقصيدة السابقة للشاعر ناصر الفراعنة السبيعي

كل مافاضت عيوني نجر بن حربان دنه=في ضلوعي يسمع اللي من ورى بغداد دنه
يوم ابن مدعث لنا سن الوجود الحق سنا=وا فؤادي كن دود الارض يرعى في مسنه
وا فؤادي لو تظن أبن مدعث ماتظنا=كنه المجدور عقب الجور مرمي بعنه
اشعال التمباك من خلجته ماشبه وكنا=مير كنه من عجاج فاح من صدره يكنه
وا وجودي وجد منهو عض ابهامه وحنا=واحد شاف الثلاث البيض سود مستجنه
شاف قدام الخيام خشيفري من مرجهنا=ثور البندق يبي صيده ورغ الخشف عنه
اطلق اربع عقبه اربع ثم سمع صوت يونا=اثره امه صابها طلقه وطار العقل منه
واتهموه بذبحة امله ليلة العيد وتجنا=اتهمنه الناس وصدوف المقادير اتهمنه
قالوا خوانه ترى منا بمنك ولا انت بمنا=يفرق بيننا وبينك عسى مالك مظنا
لك ثلاث ايام من ذا الحين وارحل من وطنا=عقبها تخطر على راسك مضاريب الاسنه
ودع مريته وتو بنته صغيرة ماتحنا=توها ام اربع شهور وفي لحمها زود لنه
ركب غوجه وانقلب قبله بليل ماتونا=والحمايا من خلافه ارخوا حبال الاعنه
المطايا والسبايا من خلافه عمدنا=والمنايا سجداً قدام عينه يحترنه
كل ماعنز على قوم وطنا الراس طنا=قالوا اذلف ذابح امه لعنبونا لو انه
حنا ذابح امه لو زبنا عد انه مازبنا=لعنبوك بيوت قوم ذابح امه زبننه
الجماله ماتجمل في ولد حر تدنا=مير دور غيرنا وانحش بقلبك لاندنه
وانقلب من عندهم كنه على محماس بنا=يمة هل الغوص عجلات الركايب وجهنه
ركب بابو البحر ودموع عينه يذرفنا=فوق خده كنهن اذواد بدو مرثعنه
ويوم حل الليل اشرعة السفينة دودلنا=والهبايب مايخلن محبل مادودلنه
قام ربان السفينة قال ياناس امتحنا=قوموا أدعوا ربكم علام وسط الاجنه
قال شيخ منهم انا عندي الراي المطنا=ضحوا بواحد عسى الله ينقذ ايدين رجنه
وطاحت القرعة على اللي ذابح امه ماتتنا=رموا به في ظلامات البحور المستكنه
واتبحوا عنه وهو في غبة الموج يتثنا=ثم عرض له من وحوش القرش جرجور وحنا
عض جرجور البحر ساقه وصاح واستجنا=ابك لولا الله كلاه القرش مايسلم مطنا
وفي ديار من بلاد الهند بين انس وجنا=من فضل ربي عليه اطراف البحر احذفنه
ومثل ماقبل امس متهوم بذبحة امه امعنا=اتهموه بذبح سلاطان البلاد المطمئنه
وفي السجون المظلمة خسة عشر عام قضنا=مع ثلاث ماقضنا الا عقب حاله قضنه
لاسمع ورقى تغني جر مسحوبه وغنا=كل مغنى يزعجه غصب يجي تاليه ونه
لاطرت بيوت قوم في الخلاي يرفعنه=داب دولاب لابد في الدولاب وزنه
كل مابرق سرى شرق صدوف الغيث شنا=كن قلبه فوق سبق طير بر شطرنه
عقب مده جاه من داره نذير مرثعنا=قال انا جيتك بعلم والله انه والله انه
حرمتك ماتت لها عشر سنوات قد مضنا=والبنية معمس تقرع عليك قراع شنه
عمها عزر بها في وسط بيته ماتهنا=خادمة نسوانه الثنتين واللي يضيفنه
ثم زوجها لـ ابو سبعين عام ما نقصنا=شايب يطرب خفوقه لاسمع للقرش ونه
يوم سمع هروجهم فاضت عيونه وازحرن=وسط سجنه كنه اللي ساكنه مجنه
قال ياربعي افزعوا لي من سجن غيضنا=وقبر قلب الدمدمه غادي ايديكم يظهرنه
قالوا انا وش لننا والله انا ما شحنا=غير بنتك ولا مثلك ما بقربه قرب جنه
وانتخوا عيون قايدهم جنوب خايلنا=وهو من ورى سجنه عيونه كل نجم خايلنه
وعقب عام من مجي ربعه وسنن عض سنا=اعفوا الكفار عنه من عقب سود داهننه
يوم فكوا قيد رجله وانطلق خاطره منا=وانفلت يبغى ديار من ورى نجد اشحننه
حث ساقه مايشوف الا بنيته يوم قنا=من عقب عشرين عام في وطن قوم معنه
ومن رداة حظة نهار اغمن عيونه وارقدنا=فز من نومه عقب عضه حنش داب بسنه
ومن اثر سم الحنش يونس ضلوعه يطبخنا=طاح وعزّي لواحد سود الافاعي طيحنه
يوم هو فكر الا فوقه نجوم يبرقنا=وشاف بكيت بنيته اللي جاء يبيها بينهنه
قال يانجوم السماء تكفين روحي صوب اهلنا=علمي بنتي عن اللي صاب ابوها واستسنه
اشهد انا مابحلنا في الليالي اشهدنا=مير حظي خانني ثم مات مابه من يقنه
ذاك وجده وجد حالي في مظنا=من عطنا من هنوف خدرها ابيض الهنادي يحتمنه

 

الرد مع إقتباس
  #2  
قديم 17-03-2008, 08:02 AM
الصورة الرمزية لـ سعود الصبي
سعود الصبي سعود الصبي is offline
:: نائب المشرف العام ::
 






سعود الصبي is just really niceسعود الصبي is just really niceسعود الصبي is just really niceسعود الصبي is just really nice
 

 

الله الله الله
التوجّد من أفضل أنواع الشعر لدي
أستمتع أتلذّذ با القراءه

فعلا أبدع الشاعر كما أبدعت أخي فهد بإنتقاءك لها

كذلك رد الشاعر الكبير ناصر الفراعنه


عافاك الله اخوي

 


::: التوقيع :::

أحياناً يكون أبلغ رد هو عدم الرد


 
الرد مع إقتباس
  #3  
قديم 17-03-2008, 08:25 AM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

اخوي فهد

الف شكر على الاختيار والنقل الرائع

 


::: التوقيع :::



 
الرد مع إقتباس
  #4  
قديم 17-03-2008, 08:33 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

ماشاء الله تبارك الله

اختيار موفق اخي فهد

قصيدة الفراعنه في الوجد تعتبر ملحمه

الله يعطيك الف الف عافيه

تحيتي لك

 

الرد مع إقتباس
  #5  
قديم 30-03-2008, 03:17 PM
فهد البواردي فهد البواردي is offline
محل تقدير
 





فهد البواردي is on a distinguished road
 

 

إقتباس
المشاركة الأصلية بواسطة سعود الصبي
الله الله الله
التوجّد من أفضل أنواع الشعر لدي
أستمتع أتلذّذ با القراءه

فعلا أبدع الشاعر كما أبدعت أخي فهد بإنتقاءك لها

كذلك رد الشاعر الكبير ناصر الفراعنه


عافاك الله اخوي

استاذي سعود الصبي

الله يمتعك دوم يابن العم

مشكووور على الرد

كن بخير استاذي

 

الرد مع إقتباس
  #6  
قديم 30-03-2008, 03:17 PM
فهد البواردي فهد البواردي is offline
محل تقدير
 





فهد البواردي is on a distinguished road
 

 

إقتباس
المشاركة الأصلية بواسطة المسافر
اخوي فهد

الف شكر على الاختيار والنقل الرائع

استاذي المسافر

العفووو ابن العم

كن بخير

 

الرد مع إقتباس
  #7  
قديم 30-03-2008, 03:18 PM
فهد البواردي فهد البواردي is offline
محل تقدير
 





فهد البواردي is on a distinguished road
 

 

إقتباس
المشاركة الأصلية بواسطة سعد الحامد
ماشاء الله تبارك الله

اختيار موفق اخي فهد

قصيدة الفراعنه في الوجد تعتبر ملحمه

الله يعطيك الف الف عافيه

تحيتي لك

استاذي سعد الحامد

الله يعافيك

مشكووور على الرد

كن بخير استاذي

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 08:18 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www