الفية ابن عمار a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

الفية ابن عمار

المشاركة في الموضوع
 
خيارات الموضوع طريقة العرض
  #1  
قديم 07-03-2008, 02:00 AM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 
الفية ابن عمار

 

السلام عليكم ورحمة الله وبركاته ..

اسعد الله اوقاتكم بكل خير ..

اهديكم الفية ابن عمّار الصوينع - رحمه الله ( متوفي عام 1291هـ ) وهي الفيه رائعة

عسى ان تستمتعوا بهذه الرائعه وان تنال استحسانكم ،، ولكم خالص التحيه والتقدير ..



الألف اولّف من جوابٍ نظيفي=ودموع عيني فوق خدّي ذريفي
من لامني في حب خلي وليفي=دقـّاق رمش العين سيد الخوندات
خوندات ياللي ما بعد عاشرنّة=قلّه تراهن باللهوى يذبحنّة
قلبي وقلبك يالمشقى خذنّة=عزّي لمن مثلي تعرّض للآفات
التاء تبعت الزين والزين مقفي=امشي وحتفي شايلة فوق كتفي
لا شفت مجدول ٍ وكتف ٍ وردف=ما اقوى التفت لو طوّحو لي بالأصوات
أصوات قالوا يا هبيل ٍ وسايح=طرد المقفـّي يالمشقـّى فضايح
قلت إيه مير علومكم والنصايح=مثل المطر فوق الصحون المكفـّات
الثاء ثمانه حبّ رمان طايف=او جحويان ٍ في رياض ٍعطايف
متكمل ٍ بالزين سيد العفايف=غندورة ٍ فيها من الحور شارات
وشارات فيها من ظبيّ الحمادي=هي لذة الدنيا وغاية مرادي
من غاب إصويحبي عن بلادي=عليه جاوبت الحمايم بالأصوات
الجيم جاني من عشيري كلامي=ولا لقينا من يرد السلامي
عليه زرع القلب هايف وضامي=ما لي جدا كود البكى والتنهـّات
انهت على ما فاتني في زماني=يوم الحبيب زارني في مكاني
وراي ما خذت القضا يوم جاني=توي عرفت البيض فيهن غرّات
الحاء حليّه بالوطن مالقيته=عذلت عنه القلب ولا قويته
لوهو بيذكر يم مسقط نصيته=اباصله لو حال دونه مسافات
ومسافات لوهي بالبحور الظلامي=من فوق بتيل ٍ حداه الولامي
اليا تهيّا بلوغ شفّ المرا= اسطي ولو طبّيت بحر الظلامات
الخاء خليلي صار مني قريبي=جعلي نصيب ٍ له وهو من نصيبي
ودي نواجه نور عيني حبيبي=مير الوحيد زهيد ما فيه نوهات
نوهات نوهات ٍ غدت مثل غثا البال=طول النهار مديم عمال بطال
إن استراح القلب من ذيك الأهوال=دنياك هذي يااشقر الراس نشبات
الدال دامي ما قضبت الذوايب=لو قيل لي طيّب فلا ني بطايب
دنو دناة القبر وادنو نصايب=هاتو استاذ وحبر وادنو سجلات
سجلات اريد أكتب بها لي وصيّة=عمري غدا ياوجد أهلي عليّه
قولوا لصافي الخد ياقف عليّه=كود يتحسّف ثم يرجع لما فات
الذال ذلّت عند مدّت ليالي=لو قيل لي طيب فانا ابخس بحالي
والله ما يطري على شف بالي=الا انت يا راعي الثمان الرهيفات
رهيفات فيهن للمولع طرابه=مجمول مدلول ٍ ولا به طنابه
ياليت من يدخل معه في ثيابه=واسجّ انا واياه بالعمر سجّات
الراء ردوف اصويحبي ثقـّـلنـّه=وانهود للثوب الحمر شلّعنـّه
وامثومن ٍ محلا بياضه ودنّه=في وسط ساق ٍ فيه من عرق الارطات
ارطات غرمول ٍ سقتها الذواري=والله لو اني عن الزين داري
لا اضوي عليها مثل ذيب الغدارى=جايع ٍ واعياله بالمغابه مجيعات
الزاء زماني شفت منه الهوايل=عذّلت عنه القلب ولاني بطايل
يا ذيب لو نشكي قصير وطايل=مير العمر يا ذيب هيهات هيهات
هيهات لو بالعقل يا ذيب لبّه=ها الكيف يتبع واحدن ما يحبّه
لا صار هرجه لك خريط ٍ يدبّه=وشلك بشوفه بالعيون المشقـّات
السين سلّمت الدراهم وعيّا=واللي بغيته من وليفي ما تهيّا
يقول والله لو تحب الثريّا=خذني على السنـّه تشوف الطرابات
طرابات ينسنـّك جميع الدروبي=وارجوك في تالي حياتك تتوبي
واجعل مقرّك بين جلدي وثوبي=حتى تعرف البيض فيهنّ جنـّات
الشين شاب الراس يا عذب الانياب=واللي برجوى توبة ٍ كان قد تاب
انا وان بدالي لازم بفتح الباب=يرحمني الله عالم الخفيّات
يرحمني انّي فيك يا زين مفتون=اسهر بحبك والخلايق ينامون
واخلفتني عن ملة اللي يصلون=ما عاد اميـّز لو قريت التحيّات
الصاد صيدي يوم الاوي غريمي=شفق ٍ على الحبّه ولمس البريمي
ماهوب صيدي قلةٍ بالحريمي=مير ان كل ٍ له من الناس مشهات
مشهاتي انتي يا ظبي الفريدي=حب العرب يمحي وحبك يزيدي
اليا قضبت الزين هو يوم عيدي=تصبح بساتين الضماير مريفات
الضاد ضدي حال بيني وبينه=يقول هذا صانع ٍلا تبينه
عسى العمى يلهيه بصبيّ عينه=وعساه ما يرقد من الليل ساعات
وساعات منها ما يشوف الكدارا=ولا يعرف الليل هو والنهارا
عساه يوم البعث يحشر حمارا=ويمحلونه محل الاسراف سيّات
الطاء طويت السد والسد باحي=مالي ومالك يا ظبيّ البراحي
لعلها هزّت خفوق الجناحي=اللي رجوله فوق متنه مطوّات
الظاء ظديتك من تولّع بالاثنين=لازم يخلّي عشرتك يالمسيكين
ما ينجمع وسط المرابط حصانين=يجيلهن عض ٍ ودزٍ ٍ وصقلات
العين عن من ينقل الهرج حذراك=تراك كنك شايل ٍ داك برداك
اليا سمع له حكيةٍ من حكاياك=يحطّها كبر القصور المبنـّات
ومبنـّات يبني كبر خشم القرابه=ويكدّر المشروب عقب الطرابه
وهو يشابه بومةٍ في خرابه=لا ينتقد هرجه ولا كفو هرجات
الغين غاب العقل باوّل شبابي=وادميت من تلعاب الارجاب نابي
واليوم شاب الراس والكيف طابي=ولا ني على الفايت كثير الحسوفات
حسوفات لا تفرح على اللي يجي منك=ايضا ولا تفرح على اللي غدا منك
مدراك لو ان صدّته نهيته عنك=نهاك عنه ربي والي السموات
الفاء فؤادك لا تولـّيه الاحساد=واحذر يجيلك مع هل الشر مقعاد
واضحك وكنّك عن جميع العرب صادّ=ثم اعتبر بالذيب يضوي بغارات
بغارات يضوي والعرب ما دروبه=واللي يوقف بالمحاري حكوبه
كم وقفةٍ ولا قضى منها نوبه=يكسر ليا شاف اللحم كنّه إحدات
القاف قل للي يريد النواميس=واللي شفيق ٍ بالهوى يرخي الكيس
وليا بذلت النفس والفلس وإبليس=يطيح ناس يدّعون الديانات
ديانات صارت للخلايق علاجه=يلقى بها راعي الهوى قضى حاجه
اليا نثرت الحب جتك الدجاجه=حاضت وباضت لو تبي عشر بيضات
الكاف كنّ السد في كل الاحوال=واحفظ لسانك لا يقولون ذا مال
حتى تجي عند العرب خوش رجّال=وان جيت بالمجلس نواظرك صقلات
صقلات لا تمشي مع اللي يشاكيك=هذاك داك وتحسبنّه يداويك
يا ذيب كان الله على الرشد هاديك=اكتم سدودك بالضلوع المحنـّات
اللام ليت العمر ينكس الحلـّه=قدّر ثلاثين السنه في محلّه
والرجل قبل الشيب يا حلو دلـّه=وان لاح فيه الشيب ما فيه لذات
ما فيه لذات ٍ ولا يقبلونه=لو حطّ له ردن ٍ وكحّل عيونه
اهل الهوى عقب الغلا ينكرونه=لو كان قد صافوه في فايت ٍ فات
النون نام الحظ ما فيه حيله=عيـّا يباريني ولا ازريت اشيله
من يوم فارقني عريض الجديله=دلـّيت اكسّر في حشا الصدر عبرات
عبرات ضاقت به ضايا ضلوعي=عليك يا خلـّي حسين الطبوعي
والله يمين القطع ما جفـّت دموعي=دايم عيوني في مراعاك سهرات

 

الرد مع إقتباس
  #2  
قديم 14-11-2008, 06:40 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

الله يعطيك العافيه اختي

بس وين حرف الباء

تحيتي لك

 

الرد مع إقتباس
  #3  
قديم 14-11-2008, 06:49 PM
الصورة الرمزية لـ شوق
شوق شوق is offline
عضو نشيط
 





شوق is an unknown quantity at this point
 

 

يعطيك العافية حديث الصمت

الفية راااااااائعة

 

الرد مع إقتباس
  #4  
قديم 14-11-2008, 06:53 PM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 

 

هاااااااااااااااو


اي والله صدق وينه

يمكن طاح منا ولا مناك

لكن ولا يهمك بعدلها

شاكره لك مرورك المشرق على متصفحي

يعطيك العافية

 


::: التوقيع :::

إضغط على الصورة لمشاهدتها بالحجم العادي


 
الرد مع إقتباس
  #5  
قديم 14-11-2008, 06:54 PM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 

 

اختي جودالحزن
اسعدني مرورك

 


::: التوقيع :::

إضغط على الصورة لمشاهدتها بالحجم العادي


 
الرد مع إقتباس
  #6  
قديم 14-11-2008, 07:00 PM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 

 

بسم الله الرحمن الرحيم

ألفية ابن عمار ( المثومن )

المناسبة : يقول الشيخ عبدالله بن عــمــار مـسـتـرجـعاً بـذاكرته ويـقول :

كان هناك شاعـراً يـقال له ( العوني ( أتى إلى بلدة ثادق قاصداً الشاعر بن عمار

مـعـلـناً تحديه له لٍِمـا سـمع عن جزالة شعره في عصره وقال له : يابن عمار…

سـوف أكتب لك قصيدة ( ألفـية مـروبـعة ( وأريدك أن تأتي بـمـثـلها وتجاريني

في وصفها إن استطعت ! فـقال ابن عمار هات ما عندك ,, وعندما انتهى العوني

من ألفيته المروبعه,, جاء دور ابن عمار فـقال :



ألف أولف من كلام نظيفي *** ودموع عيني فوق خدي ذريفي
من لامني في حب ذاك وليفي *** دقاق رمش العين سيد الخوندات
خوندات ياللى ما بعد عاشرنه *** قلة تراهن بالهوى يذبحنه
قلبى وقلبك يالمولع خذنه *** عزيل من مثلى تعرض للافات
الباء بليت بحب خلى على ماش *** ولا حصلى منه ما يبرد الجاش
غديت انا واياه طاسة ومنقاش *** بالوصف كنة يالمعزى سلامات
سلامات بالذي يذكرونة *** يبغى المعزه منه وهى المهونة
يقول طيب مار غارت عيونة *** سبب ولدكم صابة واحد مات
التاء تبعت الزين والزين مقفى *** أمشي وحتفى شايلة فوق كتفى
لا شفت مجدولة وكتف وردف *** ما أقوى التفت لو طوحولى بالاصوات
أصوات قالوا يا هبيل وسايح *** طرد المقفى يالشقاوى فضايح
قلت ماطعت اشوارهم والنصايح *** مثل المطر فوق السحال المكفات
الثاء ثمان حب رمان طايف *** أو قحويان في رياض عطايف
متنفل بالزين سيد العفايف *** عمهوجة فيها من الحور شارات
شارات فيها من ظبي الحمنادي *** هى لذة الدنيا وغاية مرادي
من يوم قفى صويحبي من بلادي *** علية جاوبت الحمامة بالاصوات
الجيم جانى من عشيري كلامي *** ولا لقينا من يرد السلامي
علية زرع القلب هايف وظامي *** مالى جدى كود البكاء والتنهات
ابكي على ما فاتني من زمانى *** يوم الحبيب زارني في مكانى
وراى ما خذت القضا يوم جانى *** توى دريت البيض فيهن غرات
الحاء حلية بالوطن ماليقته *** عدلت قلبي عنه ولا قويتة
لوه يذكر يم أمريكا نصيتة *** أنصاة لو بيني وبينة مسافات
مسافات في وسط البحور الظلامي *** في وسط مندوس حداه الولامي
والى حصل لى بلوغ المرامي *** أصبر ولو هو في بحور الظلامات
الخاء خليلى صار منى قريبي *** جعلى نصيب له وهو من نصيبي
ودي أواجة نور عيبنى حبيبي *** مار الوحيد اللي فية نوهات
ما فيه نوهات ولو من غثاء البال *** دب امشي طول النهار عمال بطال
ولا استراح البال عن ذيك الاحوال *** دنياك هذى ياريش العين نشبات
والدال دامي ماقضبت الذوايب *** لوقيل لك طيب فلا نيب طايب
دنوا استاد القبر ودنوا النصايب *** دنوا دوات الحبر نكتب سجلات
سجلات أريد أكتب لي وصية *** عمري غدى ياوجد أهلى علية
قولوا ياليت لصافى اللون يعطف علية *** يكود يرجع ويتحسف بما فات
الذال ذالى عنة مدة ليا لى *** لو قيل لك طيب فانا ابخص بحالى
والله مايطري على شف بالى *** الا انت ياراعي الثمان الرهيفات
ارهيفات فيها للمشقا طرابة *** مجمول مدلول ولابة طنابة
ياليت من يدخل معة في ثيابة *** واسج أنا واياة بالعمر سجات
الراء ردوف صويحبي ثقلنة *** مثومن ما احلى بياظة وفنة
ونهودها لثوب الحمرشلعنة *** والساق فيها مثل عرق الارطات
ارطات غرمول ذرتتة الذواري *** والله يالولاى من الناس اداري
لضوي عيها مثل ذيب العذاري *** جايع وعياله بالمغابة مجيعات
الزاء زمانى شفت منة الهوايل *** لعاد حظي بالغنادير مأايل
وراي ما اترك كل قاصر وطايل *** مار العقل ياذيب هيهات هيهات
هيهات لو ان العقل فية لبة *** ماكان يتبع واحد ما يحبة
لصار هرجة لك خريط يد بة *** وشلك بشوفة بالعيون المشقات
السين سلمت الدراهم وعيا *** واللي نبية من صاحبي ما تهيا
يقول والله لو تحب الثرياء *** خذنى على السنة تشوف الطرابات
طرابات ينسنك جميع الدروبي *** يكود في باقى حياتك تتوب
اجعل مقرك بين جلدى وثوبي *** حتى تشوف البيض فيهن جنات
الشين شاب الراس ياعذب الانياب *** واللي ير جوى توبتة ذاك قد تاب
ماران بدالى عازه وافتح الباب *** الله يرحمني ياللي عالم بالخفيات
خفيات انا فيك يا زين مفتون *** من حبك أسهر والخلايق ينامون
لهيتنى عن مذهب اللى يصلون *** معاد أميز ولو قرانة التحيات
الصاد صيدى يوم الايم غريمى *** شفق على الحبة ولمس البريمى
مهوب صيدى قلة بالحريمى *** مار كل لة من البيض مشهات
مشهات فيك ياظبي الفريدى *** حب العرب ينفص وحبك يزيدى
لشفتك ذاك هو يوم عيدى *** تصبح بساتين الظما يرا مريفات
الضاد ضد حال بينى وبينة *** يقول هذا طامع لاتبينة
عسى الولى يبلاة في صبي عينة *** يسهر ولا يمرح من الليل ساعات
ساعات مايدل الجدارة *** ولا يعرف الليل هو والنهارة
عساة يوم البعث يحشر حمارة *** محمل من حمل الاسراف سيات
الطاء طويت الياس والسد باحى *** معاد لى شف في ظبى البياحى
لعلها هفت خفوق الجناحى *** اللى اسبوقة فوق رجلة مطوات
امطوات طار في يوم هبة *** راعية لو رز اللوا ماينية
شاف الحبارى رايضلت بحبة *** يبغى العشاء من فخذ وتندات
الظاء ظحانى يالمشقى بالاثنين *** لازم تخلى عشرتة يامسيكين
والى ابتغى بالمرابط حصانين *** يجى لهن هز ولز وصقلات
صقلات يصقل كل ماجا طعامة *** يجرى لهن عن المعيشة بحامة
افهم كلامى يالهبيل العـدامـة *** الى جمعت الحصن فالحصن خطرات
العين عن من ينقل الهرج حذراك *** تراك كنك شايل داك برداك
والى سمع لة هرجة من حكاياك *** يحطها مثل القصور المبنات
يبن عليها كبر راس الغرابة *** ويكدر المشروب عقب الطرابة
وهو يشابة بومة في خرابة *** لا ينقل هرجة ولا كفو هرجات
الغين غاب العقل باول شبابي *** وأدميت من تلعات الاركاب نابي
واليوم شاب الراس والكيف طابي *** مانى عن الفايت كثير الحسوفات
احسوفات لاتفرح على اللي يجى فيك *** ايضا ولا تندم على اللي عدى منك
مدراك لو هو واجب صدتة عنك *** ناهيك والى العرش رب السموات
الفاء فؤادك لا تولية حساد *** واحذر يجى لك مع هل الفى مقعاد
اضحك وكنك عن جميع العرب صاد *** ثم اعتبر يالذيب يضوى بغارات
يضوى بغارات وهم ما دروا بة *** واللي يوقف بالمحارى حكوبة
كم واحد وقف ولا قضى نوبة *** يكسر الى شاف الطعم كنة حدات
القاف قل للى يريد النواميس *** واللى شقا بالهوا يرخى الكيس
والى ائتلف النفس والفلس وبليس *** يطيح ناس يدعون الديانات
طاحوا وصاروا للخلايق علاجة *** يلقاهم راعى الهوا قضى حاجة
والى نثرت الحب جتك الدجاجة *** حارت وباظت لو تبى عشر بيضات
الكاف كن السد في كل الاحوال *** واحذر لسانك لا يقولون ذا قال
حتى تجي عند العرب خوش رجال *** لا صرت بالمجلس نواظرك صقلات
صقلات لاتجلس مع اللى يشاكيك *** هو علتك ودواك هلى يشانيك
ياذيب كان اللة على الرشد هاديك *** أكتم كلامك بالضلوع المحنات
اللام ليت العمر ينكس لحلة *** قيمة ثلاثين السنة هى محلة
الرجل قبل الشيب ياحلو دلة *** وان لاح فية الشيب مافية لذات
مافية لذات ولا يقباونة *** لو حط لة رده وكحل في عيونة
أهل الهواء عقب الغلا ينكرونة *** لرة مصافيهم في فايت فات
الميم ماغيري من الناس جرب *** وما غيري أحد في حياتة تطرب
لاويت صافى اللون فوق المضرب *** كن العدو عينى عيونة مداوات
امداوات جعلة ما يجى لى عبارة *** واللي يصد عنك وش لك بكارة
الحذر ما ياطا بوسط الحبارة *** لازم يجى فيها عفاريت حيات
النون نام الحظ ما فية حيلة *** عيا يبارينى وانا أزريت أشيلة
من يوم خلانى عريض الجديلة *** دليت أكسر في حشا الصدر عبرات
عبرات اكسرها بداخل اضلوعى *** عليك ياخلى حسين الطبوعى
دين القطع ما قط جفت دموعى *** دايم عيونىفى مهاواك سهرات
الواو ويل أهل الهوا من هواهم *** وان كات هلى سم حالى وطاهم
كم ليلة يصبح جفيف عشاهم *** الا لقيمات مع الحلق مرات
مرات لين أقضي من الترف شفى *** ووسدة عضدى وزندى وكتفى
وأكشف على اللى امتبين ومتخفى *** حتى يجى للاكل والشرب لذات
الهاء هواى الخافية يا فطينى *** والعاشرة ياللى تعرف الرطينى
كلامى ما ودى بعده يبينى *** وقولى محمود وما يجى فية نيات
نيات مات القلب من كثر همى *** واشكى عليك الحال ياولد عمى
حيثك سنادى وانت لحمى ودمى *** ترضاة يجفانى ولا نيب مجفات
الياء يالى حلف حبة صلف ومراقدة كلف *** لو هو يتمم مطلبي كان اقول الف
حيثة يقرر لى على الحب بالعرف *** والا فغيرة لو يبى عشر بيزات
بيزات تبغا ونفلها للفراش *** راسة مثل الظبي مابة عراش
الا النادى ذاك لاهن على ماش *** هذاك من لة فلوسي ارخيصات


هذي الالفية بعد التعديل وسببها

 


::: التوقيع :::

إضغط على الصورة لمشاهدتها بالحجم العادي


 
الرد مع إقتباس
  #7  
قديم 14-11-2008, 07:30 PM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

سلمت يمناك يا حديث

من أشهر الألفيات في الشعر

الله يعطيك العافيه والله لايهينك

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 06:22 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www