ليلــــــــــة وداعيـــــــــــة

مشاري الهويمل · #1 26-02-2008, 02:09 AM

ابيات قلتها عسا ان تنال اعجابكم

ياللي خذاك الزمان وغبت عن عيني=عليك مني تحيـة شـوق مهديـة
عليك منـي وداد ولهـف يسقينـي=لوعة غيابك وسط كيسـان ممليـة
لا تحسب اني دفنتك فآخر سنينـي=لا والذي يخرج الميتْـة مـن الحيـة
انك على البال طيفك ساكن ٍ فيني=وانْ قلبي اصبح لدى حضرتك عارية
اغلي وليفي مدامه صـار يغلينـي=واهديه حسنة ولو اهدانـي السيـة
وامسح جروحه ولو ميسمه يكويني=ويطيب جرحه وجرحي ما برى كية
عرفت معنى السعادة وانت فـيديني=عرفت راع الهوى نفسـه شقاويـة
عرفت بعض الهنا ملك السلاطينـي=عرفت كل الهنـا نفـس ٍ غناويـة
هذي علومي معك يومك مصافيني=وقت ٍ تدوّر رضاي وصافـي النيـة
قبل العواذل تنمنم بينـك وبينـي=وقبل النفوس اتغدي يمك جلاويـة
أرخصتني في غلا سـوق المحبينـي=يوم انورت دنيتك بعيـون خدريـة
واهديتك الورد من كل البساتينـي=واهديت وردي لمن هو صابك بغيه
من طب بحر الهوى يبحث عن الزيني=لا يبحر الا على سفـن ٍ شراعيـة
اللول والـدر والمرجـان يهوينـي=في قاع ظلما وسط بحـر الهواويـة
اغوص واختار منهـا مـا يحلينـي=واتـرك بقايـا رداهـا للعماويـه
واليوم لابي قضـاك ولا تقاضينـي=الليلة هـذي تـرا ليلـة وداعيـة
اقطع حبال الوصل وانسى عناويني=واذرف دموع الندم في كل صبحية
بس اذكر اني صويب ٍ وانت راميني=بسهوم سم وغدر ما فيـك حنيـة
وانـا لـي الله ياوينـي ويعطينـي=خل ٍ به الصدق والعقـلان ماريـة
يشملك مني عفو مثـل المساجينـي=ودعتك الله وداعـة مالهـا جيـة
من هان نفسه ذبح قدره بسكينـي=ومن عز نفسه رفع قدره في عليـة

سعد الحامد · #2 26-02-2008, 03:15 AM

مشاري

صح لسانك

معنى ومبنى

عيني عليك باردة

تحيتي لك

sn3ah · #3 26-02-2008, 03:29 AM

إقتباس


	وامسح جروحـه ولـو ميسمـه يكوينـي ويطيب جرحه وجرحي ما بـرى كيـة عرفـت معنـى السعـادة وانـت فيدينـي عـرفـت راع الـهـوى نفـسـه شقـاويـة عرفـت بعـض الهنـا ملـك السلاطينـي عـرفـت كــل الهـنـا نـفــس ٍ غـنـاويـة هـذي علومـي معـك يومـك مصافينـي وقـت ٍ تـدوّر رضـاي وصـافـي النـيـة

روعه
ماشاء الله عليك

صح لسانك يامشاري ..

وابدعت في خاتمة القصيدة.

رادار · #4 26-02-2008, 03:45 AM

صح لسانك يا مشاري ,, و لا تحرمنا جديدك ,,

المسافر · #5 26-02-2008, 10:30 AM

مشاري

صح السانك مليووووووووون

ما يكفوووووووووووووووون

تقبل تحيااااااااااااااااااااااااااااتي

طارق الحصان · #6 27-02-2008, 09:23 AM

سوف أعود بعد أن أستعيد توازني

فقد سحرتني هذه الفاتنه

زيـد رومـا · #7 28-02-2008, 01:34 PM

لا تحسـب انـي دفنتـك فـآخـر سنيـنـي
لا والـذي يخـرج الميـتْـة مــن الحـيـة
انـك علـى البـال طيفـك ساكـن ٍ فيـنـي
وانْ قلبي اصبح لدى حضرتك عاريـة
اغلـي وليـفـي مـدامـه صــار يغليـنـي
واهديـه حسـنـة ولــو اهـدانـي السـيـة

صح لسانك
والله لا يحرمنا جديدك

عبدالعزيز العماني · #8 28-02-2008, 01:41 PM

بسم الله الرحمن الرحيم

صح لسانك مشاري ولاعدمناك ولاتطول علينا

بنت الطيب · #9 28-02-2008, 01:51 PM

صــــــــــــــــــــــــــــــــــــــح لســــــــــــــــــــــــــــانك
والله لا يحرمنا جديدك

سيف شامان · #10 28-02-2008, 02:04 PM

صح لسانك يامشاري

ماشاء الله تبارك الله ..

قصيدة رااائعه .. وننتظر جديدك ..

بالتوفيق ان شاء الله

بنت عز · #11 28-02-2008, 02:45 PM

إقتباس


	اقطع حبـال الوصـل وانسـى عناوينـي واذرف دموع النـدم فـي كـل صبحيـة بس اذكر اني صويب ٍ وانـت رامينـي بسهـوم ســم وغــدر مــا فـيـك حنـيـة وانـــا لـــي الله يـاويـنــي ويعـطـيـنـي خـل ٍ بــه الـصـدق والعـقـلان مـاريـة

ما اروع وما اجمل هذه الكلمات ومعانيها

صح لسانك اخي على هذا الكلاااااااااام والشعر والابداع الجميل

تحياتي لك بكل احترام وتقدير

مشاري الهويمل · #12 01-03-2008, 11:16 AM

إقتباس

المشاركة الأصلية بواسطة سعد الحامد


	مشاري صح لسانك معنى ومبنى عيني عليك باردة تحيتي لك

ابو عبدالرحمن

صح بدنك وشرفني مرورك

مشاري الهويمل · #13 01-03-2008, 11:17 AM

إقتباس

المشاركة الأصلية بواسطة sn3ah


	روعه ماشاء الله عليك صح لسانك يامشاري .. وابدعت في خاتمة القصيدة.

سنعه

صح بدنك

وشاكر مرورك

مشاري الهويمل · #14 01-03-2008, 11:19 AM