السلام عليكم ورحمة الله وبركاته
صبحكم الله بالخير
أخباركم يالربع
بشكر بالأول كل من ساعدني بموضوعي الأول وقدم لي النصايح الله يجزاكم خير ويطول باعماركم على الصحة والعافية ويوسع أرزاقكم يارب
مرتني بنت عمي ظهر الأحد فانطلقناإلى المخيم في الطرفية
ياالله على المخيمات ماتوقعت عددهن كذا كثااااار مره وبالليل تقل عرس
المهم استانسنا مررررره أمرر شي
خاصة يوم رحنا نطعس في أحد الصباحات تكسرت عظامي لأني كنت بالأخير لين أحسنت بي بنت عمي وبادلتني المحل
وحنا نسرح بأرض الله شفنا بعارين ووقفنا عندهن بنت عمي ودها تصور جمبه قال السوداني اركبوا وكلهم عيوا هالخوافين قلت أنا أركب مبين من البعير انه شايب وابلشنا بس يصيح اصدقاه تقدموا عنه وكل شوي ملتفت علي وهاج خشته قلت للسوداني خله يوقف وعيا يقول ماكل الناس تعرف تركب الجمل
وقالنا طولوا قدام وشوفوا البعير اللي فاز بالمزاين قيمته اربع ملايين
ماصورته لأن جوالي خلص شحنه ..المزيون كانت أطرافه ورقبته عراض وخشته طويله متدليه
وابشركم لون بشرتي ماتغير الحمد لله وبحط لكم صورة الواقي ..حتى بابايا يوم شافني قال أشوى ابيتي ماسمرت
ماأحب أطول عليكم بالهرجه أخليكم مع الصور

إقتباس المشاركة الأصلية بواسطة جويرية هذي بعض أمتعتي هذي الغرفة اللي أنام فيها أنا وبنات عمي هذا المطيبخ ..زاوية من اليمين والسيار..حركااات انا هذا قسم الحريم وهذا قسم الرجال هذا الكديش اللي صورت معه ودي انه متمشي بي ابداعاتي في التصوير أعجبني شكل الشمس والبزران وهذي شفتها مره وحنا داخلين للبيت بنجيب اغراض ونرجع كانت أحلا من كذا كل الأنوار شغاله ومنظرها حلو ذكرتني بعماير نيويورك..القمر كبير

هذا الواقي


أتمنى تقريري أعجبكم وخاصة شجاعتي المعهودة

ماشاء الله
حركاااات والله ياجويريييية صرتي طير بر
والله كشتتكم مبين عليها ممتااااازة .. شهيتيني
بس غريبة ما في دبابات ؟؟

،،
الله يهينييكم .. والحمد لله على سلامتكم .. واهم شي انك ما اسمرييتي

ماشاء الله تبارك الله

تخييم موفق

مشكوره على التقرير

ننتظر جديدك

مبدعه يا جويريه
إن شاء الله تكونون استمتعتوا وانبسطتو




آه يازين ها المعاميل زيناه

مشكوره ويعطيتس العافيه

ماشاء الله تبارك الله
الحمدلله على السلامه
في الحقيقه اختي جويريه
تقرير
الله يهنيكم

ننتظر جديد ابداعاتكـ

ما شاء الله

لو دارية كان سيرت عليكم

غضى
اييييه طير بر لايشق له غبار
أما الدبابات ..صديقة وحده من بنات عمي توفت منه وماحرصوا يجيبونه الا آخر يوم ولاركبته بعد عشان ماتزعل امي
اما السمار على طول أول مادخلت على أهلي أسألهم أنا مسمره
منوره الموضوع الله يعطيك العافيه

عبدالله الاصيقع
مشكووور الله يعطيك العافية ويجزاك خير

سعود الصبي
ايييه الحمد لله الله يجزاك خير
أما الشاهي في هالمعاميل له طعم ثاااني

حنيا الروح
مشكوره الله يجزاك خير ويعطيك العافية

جمانة العالم
نتشرف والله ونركبك في البعير بعد

يعطيك الف عافية

جويرية على التقرير

بس الصور شوي

تقبلي تحياااااااااااااااااتي

بطله يا جوجو

إقتباس هذا الكديش اللي صورت معه ودي انه متمشي بي

مشاااااااااءالله عليك جويريه رحله روووعة
الله يسعدك دووووم مووو يوم

المسافر
الله يعافيك يارب
أما قلة الصور معك حق لأن شحن جوالي على طول يخلص والكهرب يفتح من المغرب لين الفجر بس
وحنا كثارين ولا كنت أقدر القط صور الا بعد صلاة الفجر عشان مافيه أحد

العيساويه
أبطل شي
بالأول خفت أركب بس السوداني عطاني الأمان
الله يعافيك منوووره

المحبة لبني زيد
تسلمين الله يجزاك خير يارب

صور الرحلة تهبل ياجوجو بس ليتهن اكثر

اما صورة المطبخ من زاويتين فن

زيزي
والله كان ودي انهن كثار..مع اني يوم اصور اقول ياكثرهن لكن انمحقت بركتهن يوم حملتهن
فناااانه أنا بالتصوير بس للأسف محد اكتشفني الا انتِ
منووووره الموضوع

شغل مأنتك وصور روووعه

أهم شئ استانستوا ..