قصة الجن مع ناصر الفراعنه a

آخر المشاركات المطروحة في منتديات قبيلة بني زيد

  هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

قصة الجن مع ناصر الفراعنه

المشاركة في الموضوع
 
خيارات الموضوع طريقة العرض
  #1  
قديم 05-02-2008, 04:31 AM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 
قصة الجن مع ناصر الفراعنه

 

كنت أتحدث مع الشاعر عقاب بن ممدوح المرزوقي ابن " شاعر الثقلين " ممدوح بن عبد الله المرزوقي البقمي



وهذا الشاعر هو صاحب لقب شاعر الثقلين الأصلي

فقلت لعقاب : لماذا والدك وناصر جميعهم لقب بهذا اللقب الفريد ؟


فقال : مبتسما !!

هذا لقب أبي قبل أن يخرج ناصر على الساحة بعشر سنوات !!

فقلت : مندهشا كيف ؟

قال وقد غير من وضعية جلوسه !!

كان على وقت الــ I.com والكنود

يقام أمسيات شعرية في محطات معينة

وكان أبي مِن مَن يقوم على هذه الأمسيات ومعه عدد من الشعراء من ضمنهم الفراعنه

فكان كل شخص يضع له لقب معين غير اسمه الحقيقي

فمثلا والدي كان لقبه " شاعر الثقلين " وغيره من الشعراء كانوا يتسون بأسامي وألقاب معينة

كما يضعون الناس ألقابهم

مثل الشاعر سيف السيف " عكاشه " والشاعر محمد بن صقيران " شعيل " و" شاعر بني زيد "

ففي يوم من الأيام طلب الفراعنه من والدي أن يعطيه هذا اللقب

فقال والدي : الألقاب لا تهدى ولا تعطى ، ورفض أن يعطيه اللقب


بعدها ذاع صيت والدي إلى ما قبل خمس سنوات

عندها توقف صيته ولم يعد يعرف لدى الناس الجدد الذين دخلو الساحة الشعبية قريبا لأنه سُجن وهو مسجون إلى الآن

فأخذ الفراعنه هذا النهج فصار يدخل اسم الجن في قصائدة

ولربما كتب في الجن

لكي يثبت أنه " شاعر الثقلين "

وفي الحقيقه شاعر الثقلين هو الشاعر / ممدوح بن عبدالله المرزوقي البقمي

وادعوا الله عز وجل لهذا الشاعر أن يعجل في خروجه من السجن

وإليكم بعض قصائد " شاعر الثقلين " ممدوح المرزوقي

\
/
\
أبراج بوش
/
\
/
\
/

سلام مني على الإسلام وصقوره=اللي ضرب قمة أمريكا وفجرها
بالطائرات المريكيه خذا دوره=والبنتقون وكل البرجين دمرها
تفجير مامر بالتاريخ وعصوره=هز الدول كلها والحرب ثورها
كن المدينه من الدخان ممطوره=نارن تذوب الحديده من سعايرها
جحيم بركان ثاير ضاق بحدوره=ماناش من حاجتن تلقاه يصهرها
لولا البشر عاشته قالوا له أسطوره=زعزع أمريكا وزلزلها وضررها
سلم على اللي كتاب الله دستوره=بالخطه اللي على العدوان دبرها
خلى العدو يحترق راسه بتنوره=خساير الضرب منه وفيه حاكرها
مرخص حياته لضرب الكفر وجسوره=وحنا على ساقته نقصف عمايرها
البيت الاسود بعد مده يجي دوره=أن قاله الله على يدينا ويسرها
وأن كان من ضربت الابراج مذعوره=ماجالها إلا عناوينن تبشرها
عن ضربتن بعدها ماهيب معموره=لاهي ولا اللي يحالفها وينصرها
عماير الكفر والألحاد والبوره=نهدّها فوق راس اللي يعمرها
وأن جت للأرهاب حنا الراس وجذوره=عدوان الاسلام نرهبها ونذعرها
والمسلم اللي يندد ماقرى السوره=يرجع للأنفال والآيه يفسرها
حتى يميز بقول الحق من زوره=والا يجنب عن القاله ويقصرها
من خلقت النفس منهيه ومأموره=الحرب قامت وغنى اليوم شاعرها
واطيب كبدي وأنا ممدوح أخو نوره=من ضربتن سود الله وجه منكرها
ينكر وينسى زمان الذل وشروره=ولا يذبح المسلمين الا ذخايرها
أعوام ودمينا بالقاع مهدوره=يا حيف وشلون نخضع ماندورها
محدن براضي بحكمن زايدن جوره=إلا ذليلن حياته مايعبرها
المسلم يعد للعدوان مقدوره=والفرصه اللي تجي له مايوفرها
طلابة الثار دون الدين ماجوره=العين بالعين لو تكثر خسايرها
حنا نتشرف بلقيا الموت وحضوره=لو تجتمع راية الكفار وزمرها
قولوا لبوش أمة الاسلام مشهوره=بالعز والنصر والحرب وجريرها
يشهد لنا قول رب البيت بسطوره=ماهي شهادة من الاعلام مصدرها
العزوة اللي تعز الدين منصوره=غصبن على شارب اللي مايناصرها
أصحاب الاخدود بالقرآن مذكوره=والمؤمن الحق يثبت يوم يذكرها
القاله اللي من المعبود مأثوره=ماهيب قولة مليك(ن) مايقدرها
يالله في نصرتك بحماك مغموره=تستبشر أمة محمد من بشايرها
ننصر بها الدين عقب الذل والخوره=ونحرر القدس والاحرى نطهرها
الدين قامت تضارس بالوغى نموره=الحرب ثارت وحنا من ثوايرها
حنا العرب والعرب بالفعل مخبوره=ماتترك الثار لو راحت بدابرها
يابوش لاتحسبن الحرب محصوره=على العرب والشعوب اللي تحاصرها
جرب فعول الرجال اللي لهم غوره=لاشافت الموت ذرعانه يشمرها
ماهيب حكامك اللي تتبع الكوره=اللي من الذل تامرها وتنهرها
كم دولتن طبلت للحرب مجبوره=واللي تحايد عن التطبيل تجبرها
تنبح وينبح وراك كلاب مسعوره=أعمى بصيره وهي عميا بصايرها
يابوش ضنك يد الاسلام مقصوره=عن صفعتك يا أكفر الكفار وأفجرها
في عقر دارك نجيك ونقتحم سوره=لو في صواريخك أمريكا مسورها
حنا هل الدين والتوحيد والثوره=نزلزل الارض تحت أقدام كافرها
عدونا بالحرايب يفقد أشعوره=حنا هل الحرب وأن دارة دوايرها
عدونا تنشب اللقمه بحنجوره=ليا هجدناه مايقدر يحدرها
عدونا لو ذحاح الموت ببحوره=نضرب عليه السواري لين نعبرها
تزحف عليه الجيوش بكل مقصوره=لو لغم الارض باطنها وظاهرها
لين أن الاعلام نركزها على زوره=وروس الشياطين نقهرها وندحرها
في مامضى معركة حطين مذكوره=والله جعلنا على أمريكا أنكررها
يابوش دار الزمان وبان منظوره=والحرب منا تذوق اليوم ساعرها
ماجابك الا الله لجنده وطابوره=حتى تجرب جنوده يوم يامرها
أمرن من الله وأمربه مابها شوره=أصبر وكبدك على جنبك نسمرها
كم دولتن في ثرى الافغان مقبوره=ودولتك يابوش جاهزتن مقابرها
لك ساعتن عندنا تحرق لك الصوره=بتجيك من حيث لاتعلم مصادرها
العز رفرف ولوح بالسما نوره=وين أنت ياللي تبي العزه وتقدرها
وين العزاوي عزاة الدين وسبوره=اللي على قمة العليا منابرها
يصيح الاسلام والرايات منشوره=بأمة محمد من أولها ليا أخرها
يستنجد ويستغيث بكبد ممروره=وماعاد للمسلمين اللي يعذرها
حربن على الدين وأهل الدين مجروره=عارن على اللي رجوله مايغبرها
هبوا عسى من ثناه الذل في دوره=تنزل عليه الصواعق من مقدرها
الحر يندى جبينه غصب بحروره=واللأش لو تسلب أخته مايظفرها
ومصيبة الادمي لا بانت العوره=والا البهيمه مبينتن معاورها


\
/
\
محمد الدره
/
\
/


مـات الصغير الشهيد محـمد الـــدره=وماتت فلسطين والقدس وضواحيها
بمشوّكن في يـد الصهـيـون مجـمّره=لا وقـعـّت بـالـعـظـام الصـلب تفـريها
وشلون عظمٍ طري وأدنات ما ضره=يـلــوذ عـــنـهـم بأبـوه الله يـجـازيـها
لين أصبح الدم إله من مندغه شـره=حـسـبـي عـلى اللي زمام العلم بيديها
جريمةٍ من سـبـبـها الـنـفس منضره=لـو هـو ولـد حـاكـمٍ مـا راح جـانـيها
وكم طفـل مثله بري وجـوه في غره=وخـلـوا عـظـامه هشـيم الدم غاشيها
وأعــراضنا تـنـتهـك بالقدس منجره=غصبٍ على المسلمة تـوخـذ برجليها
مـهـونـةٍ لـلـعــرب نـفـاخـة الصـــره=الـلي مــن الــذل مـا تـقــدر تـلاديــها
خـوف وزعـامـة يـهــودٍ جالهـم زره=زر الـمــريـكـان يـهـدمـهـا ويـبـنـيها
أحـرار مستـعـمـرين لصـانـع الــذره=إلى متى الـذل نـيـرانـه نـصـالـيــــها
يـثـعــون بالـمـسـلـمـيـن وبأمنا البره=وحنا نتفرج على الشاشه ونـوحيها
قـدام لـولـد وهي غـادي لـهــا صــره=لا واحــيــاة الغـبـيـنـة ويـش تـاليها
والـظـاهـر إني بـأجـيـب العيد هالمره=والـروح مـهـمـا جـرا بـيدين واليها
يا واحـدٍ بأضـعـف عـباده وضع سره=أنـا دخـيـلــك مـن الـدنـيـا ومغـويها
كـان العــرب طول هالأعوام مضطره=مـن عـاد يـبـغـا يحـررها ويحـمـيها
يـاسـر يهـودي يصـب الـزيـت ويخره=لا واحـلالاه تـعـطى القـوس باريها
يا حـاكـم الممـلـكة ما بـالحـكـا ســره=وش غـاية النفس والموت متقفيّها
الـقـلـب له عـيـن والعـيـنـين له قــره=قــرر عـيــونٍ عــدوالله مـعــمـيــها
لا تـامـن اللي يـحـط السـم بـالـجـــره=وأنـتــه تـمـيــّـز بـقـاصـيها ودانيها
صـدام جـا للـكـويـت وجـيـت مـجتره=والقـدس تبكي وتـنـخـا اللي يواليها
اللي وطـا القـدس ما أنت بسالمٍ شره=إن مـا تـجـيـلـه يجي دارك ويالـيها
جـر الجـريره على الصهيون هالمره=مـثـلـك يـجــر الجـرايـر ما يخـلـيها
أنـته عـميـد العـرب جـر الوغـا جـره=خل العـرب تحترك روسه وآذانيها
من كان في قـلبه امـن الـدين لو ذره=بيحـرر القدس باسم الله وأراضيها
وإن كـان مـالـك عـليهم قــدرةٍ مــره=إسـمـح لـنـا رايـة الـتـوحيد نحييها
تـرا كـبـود الـعــرب بالـحـيـل محـتره=إفـتـح حصـون الجهاد اللي تذريها
صح في رجالٍ لهم بأرض الحرم فره=صـوتـك يهـز الـرجال اللي تناديها
صـح بالجـهـاد الجهاد الروس مفتره=المحشر المحشر اللي حشرنا فيها
والـيـوم يـوم الـرجال اتطـهـّر الــدره=والـنـصـر ولا الـشهـادة بيد باريها
يـهـل الـوفا والـنـقـا والـنفع والضره=وأهـل البيوت الـرفـيعة في معاليها
يا مـن لـكـم بالحـروب أشـناب مغبّره=خـلـوا الـدعا للعـجايز يوم تـدعيها
الـحـرب تـبـغـا رجـال تـعــاود الـكـره=ما تـرخي الـروس للعدوان تاطيها
مـنــوّل الـعـرب بالـعـدوان مـغـتــــره=والـيـوم تـذري عـلينا من ذواريها
الـعــوره اللي مـن الـركبه ليا السـره=الله كشف ستر أهلها اللي مضفيها
هـبـوا هـبـا الله مـن لاهـب من حــره=الموت واحـد وعـز النـفـس يغنيها
على الوغى دام عين الشمس محمره=حـتـى فـلـسطـين داخـنـها يـغطيها
لا ما غدت روسهم تشدي حصاالحره=بـكـره يهـدون خيـبر فوق راعيها
لا وارجـال الـشـرف شـرابـة الـمـــره=اللي نـهـار الـلـقـا تكـثـر عزوايها
يـا نـعــنـبـوا لابـةٍ ما تـقـطــع الـجـره=لا خـيـر فـيـها ولا عــزٍ لمـاضـيها
إن كـان مـا جـا لـنـا بـالقـدس مجـتره=عـيـبٍ لـحـانا وشـواربـنـا نـربيها


\
/
\
ابن بطوطة
/
\
/

ياهـلا يامرحبـا يـابـن بطـوطـه=غصب ارحب بك غلا والله العاطـي
ليتك من سديـر والا مـن الحوطـه=كان ماورطتنـي مـع هـل الغاطـي
رحت من عندي بساتمـك مخروطـه=صوب دارن ما وطا بارضها الواطي
وجيت وانته كهربك ضاربن شوطـه=تدحـم ومـن اسـود الـدم متعاطـي
غبت يوم الكبـد بالمـوس مشروطـه=والظهر مصلوخ من ضرب الاسواطي
وجيتني والنفـس ماهيـب مضبوطـه=مابقى الاشعـرة المـوت واطاطـي
خوتـن عميـا وصميـا ومفـروطـه=وصحبتن صابتنـي بغيـط واحباطـي
مير سـو لغيـب الايـام مخطوطـه=خابرك قبل اربـع سنيـن خطاطـي
وامسح الكبـوت بالزيـت والفوطـه=وثبت السرعه ونورك على الواطـي
وخـل دعوانـا كبـر حبـه القوطـه=الامـور البيـنـه مالـهـا غـاطـي
خلها عـن جملـه النـاس مغطوطـه=واضرب الدرب الوعر وانت محتاطي
تدري الارحـام بالعـرش مربوطـه=لانـت قاطعهـا ولا نتـه بمتواطـي
واصحا بالك تخلف العهد واشروطـه=اسكن الضلعان واشرب من الشاطـي
ولا تجي جرتـك بالطيـن مخلوطـه=كـل ساقـط والـه بالخلـق لقاطـي
وان لقيـت البنـت بكمـا وملقوطـه=هات من باطك وانا جيب مـن باطـي


\
/
\
عجاريف الاجناب
/
\
/

البارحه نـدم علـى الفخـذ كوعـي=من هاجسن في ضامري كنه الـداب
قام ايتلـوا بيـن حـدب الضلوعـي=وليا لطمته عـض قلبـي بالانيـاب
والجرح في قلبي على الكبـد يوعـي=واشين غدر الوقت واطعون الاصحاب
وفي صاحبي يا عقاب وآكبر روعـي=اللي طعني بيـن الاكتـاف ياعقـاب
ويا عنك زلة واحدن مـن ربوعـي=اهون عليه من عجاريـف الاجنـاب
ووالله لو صكـوا علـي الفزوعـي=لا اشهر ورب البيت بيديه الاسبـاب
وانا احمد الله يوم نفسـي بطوعـي=ماجالهـا وقـت الشدايـد تـقـلاب


\
/
\
عليكم الله واكبر
/
\
/

ياخايفه مني وانـا منـك مرتـاب=مزروع دون الوصل خوفن وريبـه
مضى علي الليل واقف على البـاب=وانتي مع الشبـاك عينـك رقيبـه
وهذي سوات الحب مابين الاغراب=انا غريبن عنـك وانتـي غريبـه
اتوق مير الخوف من ذنب وعقاب=ومن الزمان اللـي طعنـي نديبـه
ياهيه لو لايه من الخلق منصـاب=والجمر الاحمر زد كلانـي لهيبـه
لاجيك لو آطا على هامـه الـداب=ترى المسافه بين الاحيـاء قريبـه
لكن خايـف مـن عـذول وكـذاب=يمشي على نور القمـر ويحكيبـه
اليوم حنا في زمـن مالـه ثيـاب=ومبدى الشهر بالليـل ماينسريبـه
ما قلته الا من تجـارب وحسـاب=اكلت من شوكه ويابـس عسيبـه
وجرحه عطيب بضامري مابعد طاب=انـا ضحيـه هالزمـان وصويبـه
ياما على الابهام عضيت الانيـاب=ودموع عيني فوق خـدي سكيبـه
والنار في صدري تلهـب تلهـاب=من كود ماجاني وعظـم المصيبـه
الضيق والعبره وتقفيـل الابـواب=واللـي جرالـي للعـدا يندعيبـه
عبدن خلقه الله تعاقبـه الاسبـاب=يـوم آتذكـر بالليـال العصيـبـه
لكن خلينا علـى ستـر وحجـاب=وصكي حديـد النافـذة يالحبيبـه
ما عاد الي بالحب مبدى ومرقـاب=مادام دون الوصل خوفـن وريبـه

\
/
\
الجــن
/
\
/

البارحـه كنـي مـن الجـن ملبـوس=أصلـي السنـه وأكــب الفريـضـه
يدكني من بيـن الاضـلاع هاجـوس=أونست فـي قلبـي وراسـي ركيضـه
والقلب من فوق المحاميس محمـوس=ونـارن تصـرم بالضمايـر لضيضـه
ادوج كني من خوا الـراس مضـروس=وآعظم راسي مونسـن فيـه شيضـه
مابين حلم وعلـم واصحـى بكابـوس=والسيف يلمع فـوق راسـي لميضـه
والله لو لاإني مـن النـاس محسـوس=ماصحت مثل اللي عظامـه رضيضـه
وغنيت مما بيـن الاضـلاع محبـوس=ماعاد الـي صبـرن عليهـا وريضـه
ونزلت لي جون من النـاس مانـوس=والآدمـي يسعـى وربـي حفيـضـه
ياموصل المكتوب بالك مـن الحـوس=ولابـوك رجلـن علتـه ماتهيـضـه
قالوا لنا جا هرج وأفـراح وعـروس=وأبـاك تنصـى للرجـال العويـضـه
واسلم وسلم لي على الشيخ طاحـوس=راع الوفا واهـل الفعـول الحضيضـه
قله تـرى علـم الخواطيـر مديـوس=وكثر الدجاج البيض من كثـر بيضـه
العلم من عاميـن متقـن ومـدروس=لو جوك في علم وسوالـف غضيضـه
عز الله إني منهـم العـام مجسـوس=ومن شوفتي قلبـي تزايـد جضيضـه
الجد يشـرى تالـي الهجـر بفلـوس=والذيـب بالمرقـاب يـورح نجيضـه
والتمر مايوكل ليـا صـار مهـروس=وياعنك عايـض مايعـوض بعيضـه
واليوم أشوف الراي مبهـم ومنكـوس=والفلـم ماينفـع بـدون تحميـضـه
صحيح من قال الزمن صار معكـوس=وبعض العلوم أدخل على الله غميضـه
أرسلـت للأجنـاب نشـاد وعسـوس=وعيـال عمـك بالقصيـم العريضـه
حنا هل الفيحا هـل العـرف والقـوس=مانستـوي لهـل الوجيـه البغيـضـه
المـوت خلينـا لـه رجـول وديـوس=يـروح ويرضـع عدانـا مضيـضـه
والباز ماياكر علـى رجـم وطعـوس=ومايذبـحـه يـاكـود لازاد غيـضـه
يحسني من فعـل الاجـواد حاسـوس=والناس فيهـم يابـن عمـي رفيضـه
وبعض الفياض بجالها عدود ورسوس=وبالمملكـه تسعـه وتسعيـن فيضـه
يابن صويان أصبح الحبـل ممسـوس=ركب على الراس القوي فـي مقيضـه
ماكـل ملبوسـن يناسـب لملـبـوس=والسيل تعـرف قوتـه مـن مفيضـه
والشيخ عيسى مـا يقـارن بقابـوس=والحـر يعجبنـي بـشـدة لحيـضـه
وروس العلوم السود تحلق على الموس=حتـى تبـان الصاحيـة والمريـضـه
لاترفـع الاذنـاب وتوطـي الــروس=البـرق يلمـع بالمصقـل وميـضـه
مادام شفت الذيـب يضلـع ومفـروس=ذكـه وخـل القلـب ياقـف نبيـضـه
ماينفعك عرقـن بـه الـدم محيـوس=اقطـع عـروق العايبـه والعضيضـه
والله مـا تلقـى ورى العبـد نامـوس=يبغى النسب فيكـم ويبغـى الحفيضـه
انهض وصح اللي من العام معمـوس=والحـر حـر وبينـن مـن نهيـضـه

\
/
\
يا ريم
/
\
/

أبكي وعيني تسهر الليل يا ريـم=مدري بلاها الشوق والا الظليمـه
يا ريم دمع العين مدري على الريم=والا على قلبـن تواكـل صميمـه
تقول لاطمني على نونهـا سيـم=أبكي وعندي لأزرق الدمع قيمـه
ويمكن يكون الدمع للعين تكريـم=ويمكن يكون إلها عذاب وحريمـه
والله يا لولا دمعتن كنهـا الديـم=راحت ضلوعي من عذابي حطيمه
ودم البكا يا ريم ما فيـه تحريـم=يا عنك والله لأرخص الدمع شيمه
وابكي على حالي من الوجد وآهيم=لين الزمن يخلف عليّـه نسيمـه
أبكي حياتن صافيه ما بهـا غيـم=وين المحبـة والقلـوب السليمـه
أبكي قهر وابكي من الغبن والضيم=وابكي من طعونن بقلبـي قديمـه
غدر الزمن خلّى بوجهي مراسيـم=وما يذبح الرجال مثـل الهزيمـه
بعض المصايب شرها ياكل الهيـم=وشلون بكبود الرجـال الكريمـه
وبعض المصايب يخلفن المفاهيـم=تبغى على ما قيل صبر وعزيمـه
مظلوم بالدنيـا وغيـري مظاليـم=من عرض ناسن لبسوهم جريمـه
ما عاد أبي من سود الأيام تعليـم=عقب العذاب اللي كلاني جحيمـه
ولو تصفي الدنيا علـيّ الملازيـم=ما عاد أدور من وراهـا غنيمـه

\
/
\
لحظة وداع
/
\
/


قابلتهاصدفـه بسـوق البساتين=ومن دون مشعرعدت لي خطوتيني
معهاولدها مابعـد تم عامين=ويوم لمحتنـي فكتـه تحترينــــي
ثم جت تخطى مغرق دمعهاالعين=ونااجتلد من عبرتن فـي كنينـي
ويوم اقبلت مني وناظرتهازين=حارت دموع الشوق بالحاجريني
قالت هلا ياسيد كـل السلاطين=وحطت يديهاالناعمه فـي يدينـي
كن الانامـل لمسهـا باشراييـن=وامصيبتـي كبرالجبـل مرتينـي
قلت انتي الي قالت الهرج بعديـن=باملا النظرمن شوفتك ياضنيني
كانك تحسب فراقنا لـه زمانيـن=عدالسنين اللي غدت مـن اسنينـي
اسهرعلاذكرك والنـاس ممسيـن=والخوف مـن سوالقدرمعترينـي
وياماجرالـي يازبـون المجليــن=مـن بعد ما واد عتنـي باسنتينـي
ماتدري ان عقوبت العين بالعيـن=هجرتني واليـوم وينـك ووينـي
ماكن في قلبـك محبـه ولاديـــن=وتعـبـرت ونا العبار تحـديـنـي
مالي جداالااخلص الديـن بالديــن=ومسـح بابهــامـي لها الوجنتيني
وخانتني اعصابي من الوجدوالبين=وقمت ارتعش من خافقن مبتليني
والصمت خيـم بعدهـا بينابيــــن=وفجأه وقف مخلوق بينه وبينـي
يقـول يكفـي قفلـن الدكاكيـن=وقفت توادعني بصوتـن حزينـي
تلحظ بعينـن كنهاعيـن شاهين=لحظت وداع وهلت الدمع عينــي
ومن يوم غابت راحت العشرثنتين=حارالقدم والسـوق يلتـف فينـي
قلت اه ياجرحن له سنين وسنيـن=قام يتناقض ليـن طلـع خزينـي
الله وكبرشـاعـرآ للثقـلـيـن=ون شفت خلي ماجمع الكلمتينـي
اقفت وناماقلت لوكـان حرفيـن=ازريت اعبرشوق قلبـي بحينـي
من حبهااللي مال حبـه موازيـن=وخفـي معـالـم حبها لايبيـني
خايف علاهامن كـلام المعاديـن=اهل الهـروج العـوج والنيتينـي
لكــــن ماللحـب بـاب وكواليـن=ماباقي الاانسـا رضـا والدينـي
الله ولاشوفـت وفرقاالمحبـيـن=احلى ومـر اوقـات هالحظتينـي
والله لتبقا سنين بالقلـب ودنيـن=وحبه يلازمنـي مـلازم قرينـي
لابالله الاطحتلـي بيـن نـاريـن=اجحد ونا عشق الدجيمـا خدينـي
ون كـان للحـب المخلدعناويـن=حبـه كتبـه الله عـذاب بجبينـي
والله لوجنـي جميـع المزاييـن=لاموت ماخلصـت بالحـب دينـي

\
/
\
بيضة الديك
/
\
/

بعض العرب نفسه على راس خشمه =لاقلت لك كلمه زعـل منـك واغتـاض
وتشوف في وجهه من الغيض رشمه=وماعنـده علومـن لهازبـد واحـمـاض
نفسـن تعفـعـف والمحـاديـب هشـمـه=ويبغـى يفـدم بيـضـة الـديـك لابــاض
تبلـش معـه مابـيـن حشـمـه ولشـمـه=عـلـة نـحـر وينـقـدك عـمـدوغـراض
ون كـان لـه حاجـه تضاحـك بغشـمـه=نفسـه يـذللهالـه اهــداف واغــراض
أعـوج ولـه فـي طيـب الفـال عشـمـه=يعجبك فـي اقبالـه وياحسـن الافـاض
والطـيـب مـالـه فــي محـيـاه وشـمـه=والبـرق فـي منشـاه لابـرق ولانـاض
هــذاك مـالـه عـنـد الاجــواد حشـمـه=ولاله مـع زحـول المشاكيـل منهـاض
ومادمت حي وبصمـك الـراس نشمـه=وامشي لي دروبن طويلات وعراض
أنــي مخـلـي يلـحـق الـقـلـب بـشـمـه=ألامــع الــي يفـعـل الطـيـب بغـمـاض

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #2  
قديم 05-02-2008, 05:11 AM
الصورة الرمزية لـ فراوله مع شكليت
فراوله مع شكليت فراوله مع شكليت is offline
عضو متميز
 





فراوله مع شكليت is on a distinguished road
 

 

الله يفـــــرج له كربته ويعينه ’’

اعجبتني لحضة وداع ’’

مشكور ويعطيك العافيه ’’

 


::: التوقيع :::

[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ ]


 
الرد مع إقتباس
  #3  
قديم 05-02-2008, 05:56 AM
الصورة الرمزية لـ ود*
ود* ود* is offline
عضو مشارك
 





ود* is an unknown quantity at this point
 

 

إقتباس
وادعوا الله عز وجل لهذا الشاعر أن يعجل في خروجه من السجن

أميـــــــــــــــــــــن


الحين عرفنا من شاعر الثقلين

وصح لسانه على ماكتب


تسلم يالحصان ..

/
/
ــــــــــ..ود*

 

الرد مع إقتباس
  #4  
قديم 05-02-2008, 06:20 AM
الصورة الرمزية لـ الربان
الربان الربان is offline
عضو v.i.p
 





الربان is on a distinguished road
 

 

الحين عرفنا من شاعر الثقلين

وصح لسانه على ماكتب


تسلم يالحصان ..


مشكور ويعطيك العافيه

 

الرد مع إقتباس
  #5  
قديم 05-02-2008, 03:39 PM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 

 

صراحة القصيدة ( لحظة وداع ) مسكتة


لحظة وداع
/
\
/





قابلتهاصدفه بسـوق البساتيـن
ومن دون مشعرعدت لي خطوتيني
معهاولدها مابعـد تـم عاميـن
ويـوم لمحتنـي فكتـه تحترينـي
ثم جت تخطى مغرق دمعهاالعيـن
ونااجتلد من عبرتن فـي كنينـي
ويوم اقبلت منـي وناظرتهازيـن
حارت دموع الشوق بالحاجريني
قالت هلا ياسيد كل السلاطيـن
وحطت يديهاالناعمه فـي يدينـي
كن الانامـل لمسهـا باشراييـن
وامصيبتـي كبرالجبـل مرتينـي
قلت انتي الي قالت الهرج بعديـن
باملا النظرمن شوفتك ياضنينـي
كانك تحسب فراقنا لـه زمانيـن
عدالسنين اللي غدت من اسنيني
اسهرعلاذكرك والنـاس ممسيـن
والخوف مـن سوالقدرمعترينـي
وياماجرالـي يازبـون المجلـيـن
من بعد ما واد عتنـي باسنتينـي
ماتدري ان عقوبت العين بالعيـن
هجرتني واليوم وينـك ووينـي
ماكن في قلبـك محبـه ولاديـن
وتعبـرت ونـا العبـار تحدينـي
مالي جداالااخلص الدين بالديـن
ومسح بابهامي لهـا الوجنتينـي
وخانتني اعصابي من الوجدوالبين
وقمت ارتعش من خافقن مبتليني
والصمت خيم بعدهـا بينابيـن
وفجأه وقف مخلوق بينه وبينـي
يقول يكفي قفلـن الدكاكيـن
وقفت توادعني بصوتـن حزينـي
تلحظ بعينن كنهاعيـن شاهيـن
لحظت وداع وهلت الدمع عينـي
ومن يوم غابت راحت العشرثنتين
حارالقدم والسوق يلتـف فينـي
قلت اه ياجرحن له سنين وسنين
قام يتناقض ليـن طلـع خزينـي
الله وكبرشـاعـرآ للثقلـيـن
ون شفت خلي ماجمع الكلمتيني
اقفت وناماقلت لوكان حرفيـن
ازريت اعبرشوق قلبـي بحينـي
من حبهااللي مال حبه موازيـن
وخفـي معالـم حبهـا لايبينـي
خايف علاهامن كلام المعاديـن
اهل الهـروج العـوج والنيتينـي
لكن ماللحب بـاب وكواليـن
ماباقي الاانسـا رضـا والدينـي
الله ولاشوفـت وفرقاالمحبـيـن
احلى ومر اوقـات هالحظتينـي
والله لتبقا سنين بالقلـب ودنيـن
وحبه يلازمنـي مـلازم قرينـي
لابالله الاطحتلـي بيـن ناريـن
اجحد ونا عشق الدجيما خديني
ون كان للحـب المخلدعناويـن
حبه كتبـه الله عـذاب بجبينـي
والله لوجنـي جميـع المزايـيـن
لاموت ماخلصت بالحب دينـي


\


شاكرة لك ولاهنت

 

الرد مع إقتباس
  #6  
قديم 05-02-2008, 04:05 PM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

إقتباس
ولم يعد يعرف لأنه سُجن وهو مسجون إلى الآن

الله يفرج عنه ..



الله لايهينك ياطارق على هالموضوع الرائع ..

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
  #7  
قديم 05-02-2008, 04:47 PM
الصورة الرمزية لـ عبدالعزيز العماني
عبدالعزيز العماني عبدالعزيز العماني is offline
مدير النشاطات الخارجية
 






عبدالعزيز العماني has a spectacular aura aboutعبدالعزيز العماني has a spectacular aura about
 

 



بسم الله الرحمن الرحيم

صراحه معلومات اول مره ادري عنها لاهنت ابوسعد

 


::: التوقيع :::





 
الرد مع إقتباس
  #8  
قديم 05-02-2008, 05:30 PM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 

 

شكرا للجميع على مرورهم

إقتباس
المشاركة الأصلية بواسطة سيف شامان
الله يفرج عنه ..

وسبب سجنه أنه أصدر شريط كاملا عن الارهاب واحداث 11 سبتمبر

الله لايهينك ياطارق على هالموضوع الرائع ..


الغالي سيف شامان

هذا ليس سبب سجنه

حسب المعلومات التي أتتني من ابنه عقاب

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #9  
قديم 08-02-2008, 06:11 PM
الصورة الرمزية لـ معشي الذيـب
معشي الذيـب معشي الذيـب is offline
عضو نشيط
 





معشي الذيـب is an unknown quantity at this point
 

 

^^^

أجل وشي اسباب سجنه

 

الرد مع إقتباس
  #10  
قديم 09-02-2008, 07:19 AM
الصورة الرمزية لـ الريمـ
الريمـ الريمـ is offline
عضو نشيط جداً
 





الريمـ is an unknown quantity at this point
 

 

وصح لسانه على ماكتب


تسلم يالحصان ..


مشكور ويعطيك العافيه

 

الرد مع إقتباس
  #11  
قديم 11-02-2008, 04:33 PM
ابو مجيول ابو مجيول is offline
عضو نشيط جداً
 





ابو مجيول is an unknown quantity at this point
 

 

ابن عمي العزيز طارق الحصان

عنوان موضوعك ( قصة الفراعنه مع الجن ) ولكن نص الموضوع يتحدث عن النزاع بين الشاعر ناصر والشاعر ممدوح البقمي حول لقب ( شاعر الثقلين) وقد قلت في نهاية الموضوع ( ولربما كتب في الجن لكي يثبت أنه " شاعر الثقلين " ) هذا يعني انك غير متأكد .
ولربما كتب في الجن لشي آخر !!؟؟

ولا اعتقد ان شاعرين كبيرين مثلهما يتشاجرون بسبب لقب اويعجز شاعر يأتي بالمفردات والتصورات والتشبيهات أن يجد لنفسه لقب .

في الأخير اقول لا يمكن الحكم على أمر سمع من طرف واحد لا بد الإستماع إلى الطرفين وعندها يأتي الحكم .

على العموم مشكور على إدراجك لقصائد الشاعر : ممدوح البقمي

 

الرد مع إقتباس
  #12  
قديم 11-02-2008, 05:50 PM
انمار انمار is offline
عضو نشيط جداً
 





انمار is an unknown quantity at this point
 

 

مشكور

 

الرد مع إقتباس
  #13  
قديم 11-02-2008, 05:59 PM
الصورة الرمزية لـ ღ بسمة أمل ღ
ღ بسمة أمل ღ ღ بسمة أمل ღ is offline
عضو مبدع
 





ღ بسمة أمل ღ is on a distinguished road
 

 

تسلم أخوي طاارق ع التوضيح

 


::: التوقيع :::



 
الرد مع إقتباس
  #14  
قديم 12-02-2008, 02:31 PM
شاعر نجد شاعر نجد is offline
شاعر محاورة
 





شاعر نجد is an unknown quantity at this point
 

 

بسم الله الرحمن الرحيم

والسلام عليكم ورحمة الله وبركاته

تسلم ياطارق على الطرح ... لكن

هل تصدق كل اشاعه خاصه إذا كان فيها تناقضات؟؟

هل يعقل أن يكون بين شاعرين منافسه على لقب او مسمى قد لايعني للكثيرين شي؟؟

واللي اعرفه ان الالقاب تطلق على الشاعر من الجمهور والمتذوقين للشعر وليس الشاعر من يطلق على نفسه

واعتقد أن ناصر اطلقت عليه الالقاب من الجماهير مستوحاه من قصائده التي قال عنه البعض انه تعمد ادخال الجن في قصائده لأجل الشهره .. لكن من يعرف ناصر عن قرب يعلم عن كل شي...!؟

لابد من التبين من الشخص الاخر عندما يتهم بشي وتسمع اراء الاثنين ويحكم على الصحيح.

ولك جزيل الشكر

 

الرد مع إقتباس
  #15  
قديم 18-02-2008, 01:44 PM
الصورة الرمزية لـ الأترجّة
الأترجّة الأترجّة is offline
عضو متميز
 





الأترجّة is on a distinguished road
 

 

صح لسان الشاعر ممدوح البقمي


والله يفرج كربته ويخرجه من السجن


والشاعر ناصر الفراعنة أتوقع أنه أُطلق عليه لقب شاعر الثقلين من قِبل الجمهور وليس هو من اطلق على نفسه هذا اللقب


شكرا لك طارق الحصان على هذا اللقاء مع إبن الشاعر الكبير ممدوح البقمي

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 01:17 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www