بسم الله الرحمن الرحيم

السلام عليكم ورحمة الله وبركاته

مع قرب موعد الكشتات والطلعات والروحات

حبيت اني اشارككم في هذا الموضوع عسا ان يحوز على رضاكم

وبسم الله نبدا

انطلقت الرحله من مدينة الرياض الى مدينة الدوادمي وكالعاده رفيق الدرب

اخوي ال صعب وخذناها رحله سياحيه حيث انا ذهبنا مع الطريق القديم
من شقرا لكي نتمشى بالديار المحيطه
حيث شد انتباهنا ديرة اثيثيه التي تقع بعد مرات وقبل شقرا
لما فيها من المناضر والاماكن الجيده
واترككم مع الصور لتتحدث





وهذي صور تبين مدخل الديره القديمه







وهذي صوره تبين الماضي والحاضر



وبعد ما اخذنا جوله في القريه القديمه قررنا الذهاب الى عين القلته كما يطلق عليها اهلها
وفي الطريق توقفنا لالتقاط صوره لهذا السد



وكملنا بعدها طريقنا للعين ( عين القلته ) واترككم مع الصور










وهنا كما ترون محل للجلسه وشرب الشاهي او الغدا عاد انت وضميرك








وفي هذي اللحضه انهينا رحلتنا في قرية اثيثيه واكملنا مسيرتنا للدوادمي
حيث ان الاخوان يحترونا للعشا وحنا ما خذين راحتنا على الاخر

واللحمدلله وصلنا للدوادمي ولقينا الشباب مضبطين الخيمه وساكبينها
ماعاد بقا الى العشاااااء
وبعد مجادلات ومناوشات لطريقة طبخ العشاء الي يقول كبسه والي يقول مندي والي يقول شوي وكلن يدلو بدلوه بس اللحمدلله القرعه جت على المزاج

وقررنا انا نسويه حاويات وما ادراك مالحاويات
كملنا اغراض الطبخ من خضار وتوابل وقصدير وغيرها من السوالف
وقررنا التعاون في التقطيع والتصفيف والطبخ وشبة النار
واترككم مع الصور









واثناء تقطيع اللحم قررنا تعبية الحاويات بالخضار على بال ما يخلص تقطيع اللحم



وهذي صوره بعد وضع اللحم بالحاويات



وهذي بعد اضافة اللمسات الاخيره التوابل والملح



واللحين جا وقت التغليف





وبعد التغليف جا دور القصدير





وبعد كذا تشب النار



وبما ان النار بتطول والعشا بيطول مهوب مستوي لا زم تنقنق وقررنا النقنقه على الكبده
وشوفو هذي الطريقه بتجوز لكم

وهي انك تجيب الشوا ( الشحمه الي في بطن الذبيحه ) وتفرشها وتحط الكبده فوقها زي الي بالصوره



وتضيف لها بعض الاضافات مثل البصل الاخضر او البصل العادي انت وشهوتك


وبعد ما تتبلها تحكم تسكيرها علشان تطلع



وبعد كذا تحطها على الضو





لكن للاسف الشباب جواعى ولا امداني القطلها صوره يوم خلصت
المهم بعد ما تجمر الضو نفرش الجمر بطريقه مرتبه وموزعه
ملاحضه / خل على وجهك شماغ مرشوش بمويه علشان ما تحرق وجهك الضو



بعد كذا تصف الحاويات على النار بالترتيب علشان ياسع المكان






وبعد انتضار دام ساعه الى ربع طبعاً الوقت يعتمد على كبر الذبيحه
اللحمدلله خلص العشاء ولقطت له هالصورتين على السريع
وزين انها طلعت





وهذي صوره لبعد الدمار الشامل الي حصل بالسفره وجعله بالعافيه علينا انشالله



وبعد العشاء طبعاً كل واحد قام ماعاد يشوف دربه
وكلن نام

ولكن المفاجئه كانت بالصباح حيث ان واحد من الشباب جزاه الله خير
راح لبيتهم في الصبح وجاب لنا هالفطور الي تحبه قلوبكم
واترككم مع الصور



وهذي صوره للشباب يديهم تاكلهم يبون يسمون وانا مستقعد الى ابصور



وهذي الصور بعد ما فحطو بالصحون الربع





وفي الختام شاكر لكم تحملكم لطول الموضوع

وارجو ان يفيدكم وينال اعجباكم واستحسانكم

وتقبلو تحيات اخوكم ومحبكم

snaipr

وش هالزين يخزي العين


صراحه شغلكم بطل وانتم اهله

جعله بالعافيه وتكفى اطلعوا دايم وصور لنا

ياااالله .
وش ذا الفله هالعيد شكل كللن كااشت وفالها ..

خطيره صورك
وشغلكم يجنن والخبز واللحم وكل شي زين

فنانين وطبااخين ماشاء الله ..
الله يعطيك العافيه على هالموضوع البطل

يسلمووووو على التقريرالحلو

ما شاء الله

تقبل تحيااااااااااااااتي

شغل ولا أحلى

والطبخ باين انه لذيذ

خاصه الي حطيتوها بصحون

ولا الفطور شغل مرتب ماشاء الله
حسيت كنها من طبخات أهل الجنوب

بالعافيه عليكم

وعساها تدوم هالطلعات الحلوه