مهم وضروري لشعراء قبيلة بني زيد ارجوا الافادة a

آخر المشاركات المطروحة في منتديات قبيلة بني زيد

  تقرير مصور رحلتنا للقصيم 66 صورة ( آخر مشاركة : 1420محمد    |    رحلتي لبلد العمه (اندونيسيا) ( آخر مشاركة : 1420محمد    |    المرجع الشيعي السابق الشيخ حسين المؤيد في شقراء ( آخر مشاركة : 1420محمد    |    عبدالعزيز الجبرين ( أبو الريم ) في ذمة الله ( آخر مشاركة : سعود الصبي    |    الامير سليمان بن حمد الجبرين ( آخر مشاركة : أبن دليحان    |    من حين جاء من خيطان فوق إجمله ( آخر مشاركة : العلياني    |    كاميرا Nikon Z fc متعة التصوير ( آخر مشاركة : سعود الصبي    |    جميع أناشيدي وشيلاتي تجدونها .. هنا ( آخر مشاركة : سعود الصبي    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    أفتتاح أسواق العثيم في الدوادمي ( آخر مشاركة : سعود الصبي    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

مهم وضروري لشعراء قبيلة بني زيد ارجوا الافادة

المشاركة في الموضوع
 
خيارات الموضوع طريقة العرض
  #1  
قديم 16-05-2004, 06:14 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 
ضروري جداً جداً جداً

 

الاخوه الكرام ( سيف السيف ، محمد بن صقيران ، عميد السر ، فتى بني زيد ، شويعر بني زيد ، الصريح ، زيد روما ومن يهتم بأمر الشعر والشعراء ) ان يحاول معي حصر الشعراء وترتيبهم وياحبذا تاريخ الولادة والوفاة ان كان الشاعر قد توفي ... فأنتم أهل الاختصاص

لاني اريد ان اضعها في الموقع الرسمي تحت عنوان شعراء بني زيد ولكن لا بد من حصر اكبر عدد منهم
اتمنى ان تكتبوا من بقي واذا تم ترتيبهم على حسب العمر او المقدره الشعريه سواء في رساله خاصه لي او عبر هذا الموضوع لانه خلا 3 ايام سأنزلها الموقع


--
والذين كتبوا لحد الآن من الشعراء هم


----
و من فحول الشعراء النبطيين لا يدانيه أحد في ابداعه وشاعريته لقبه كثيرينمن ادباء الكويت والجزيرة العربيه بمتنبي القرن العشرين
ولد سليمان بن ناصر بن شريم وهو من بني زيد المعروفين من حاضرة نجد في بلدة عين بن قنور في السر بأقليم القصيم سنة 1305-1888 وتوفي سنه 1363-1944 بمدينة بريدة.
---
والشاعر الكبير سليمان بن شريم، شاعر اشتهر بالمطولات وهو أيضاً أول من مارس شعر المحاورة في نجد مع صقر النصافي ومرشد البذالي وعبدالله اللويحان وأحمد الناصر.. ويعتبر هذا الجيل هو المؤسس الحقيقي لشعر المحاورة في نجد
---
عبدالله بن محمد بن عبدالله الصبّي
الملقب بــ ( مبيلش ) ولد في شقراء عام 1301هـ
توفي عام 1371هــ
_
الشاعر المشهور محمد بن عبد الله بن زامل الملقب الرشوف
--
سيف بن ناصر بن عبد الله بن محمد بن سيف السيف من آل سويّد من قبيلة بني زيد ولد في بلدة الشعراء عام 1304 هـ ، وتوفي عام 1401
--
الشاعر سعد بن حمد بن سالم بن ضويان (الضويان) بن محمد (الضعيف) بن علي بن عطية بن زيد.
ولد في منتصف القرن الثالث عشر في الشعراء وعاش فيها اول حياته ثم انتقل الى القرين في الجمش

الشّاعر عبيّد بن سويلم والمعروف بلقب " الديدب "ولد في الطّرفيّة بالسّر وذلك قبل سنة 1300 هـ تقريبا . زامن كثير من الشّعراء في إقليم السّر وكان له بهم صحبة ، منهم : سليمان بن شريم ، وعبيّد بن جلاّل ، ودرعان .
انتقل إلى فيضة السّر بجوار أبناء عمّه من آل سويلم هو وزوجته وذلك بعدما كبرا وذلك سنة 1386 هـ وتوفي عام 1394
---
عبد الله بن مهنا بن حشَّاش ( ابن مهيني )

---
سعد بن صقيران ( ابو دهيس )

--
عبد الله بن سعود الدريبي
--
سعود بن سعد الصقيران
-----

محمد بن سعد الصقيران ( دهيس )
---

سعود بن عبد الله الدريبي
---
سيف بن عبد الله السيف ( عكاشة )
----
سعد بن علي الماضي (الشعيلان)اطال الله في عمره
وهو شاعر نبطي وعربي

محمد بن علي العجاجي الملقب (بعفريت)رحمه الله
---
سعد بن محمد العجاجي رحمه الله
---
الشاعر مهنا بن عبدالعزيز المهنا الشاعر
---
إبراهيم بن سعد البواردي ، الملقب ( محيز ) من فخذ الحراقيص ، توفي سنة 1360هـ في شقراء
---
ابنه محمد بن ابراهيم البواردي .

---
سعد بن عبدالعزيز البواردي ، الملقب ( دريويش ) توفي سنة 1353 هـ في شقراء
---

سليمان بن عبدالله الطويل ، من فخذ الحراقيص ، توفي سنة 1340هـ ، وهو من شعراء شقراء المشهورين .
--

ابنه عبدالله بن سليمان الطويل ، توفي سنة 1370هـ
--
عبدالعزيز بن صالح الهدلق الملقب بالعوهلي ، من فخذ آل محمد من بلدي ، توفي سنة 1340هـ في شقراء .

---
محمد بن سعد الناصر ، من فخذ آل صالح ، توفي بالرياض سنة 1378هـ
--
محمد عبدالرحمن الخضير ، بفتح الخاء ، من فخذ آل غيهب ، توفي سنة 1386هـ
---
عبدالرحمن المقرن ، من فخذ آل صالح ، توفي سنة 1360هـ في شقراء
---
عبدالله بن محمد الجماز ، من فخذ آل سلمان ، توفي سنة 1331هـ في شقراء
---
عبدالله بن محمد العيسى ، من فخذ آل عيسى ، توفي سنة 1337هـ في شقراء
--
سعد بن إبراهيم أبومعطي ، ولد في الشعراء سنة 1348هـ ، وتوفي بالرياض سنة 1413هـ ، من فخذ آل صالح .
---
عبدالرحمن بن عبدالله العبدالكريم ، معاصر ، ولد في شقراء سنة 1350هـ ، من فخذ آل غيهب .
--
المرحوم باذن الله (عبدالعزيز بن عبدالرحمن العيبان ) الملقب بــ (ابوقاسم)
و المرحوم باذن الله (محمد بن سعود السعدان ) الملقب بـــ ( حــزام)
_
الشاعر سعود بن عبدالعزيز المقرن
الشاعر / عبد الرحمن البواردي
ناهض بن عبدالرحمن القويز رحمة الله

عبدالرحمن بن ناهض القويز .
الشاعر عبدالله بن علي بن عبيد الطخيس "رحمة الله"
- ولد عام 1280هـ
- توفي سنة 1363 هـ
--
ابراهيم بن عبيد بن عثمان الطخيس " رحمة الله "
---
عبدالله بن محمد العبيد الطخيس "رحمة الله"
----

عبدالرحمن بن ابراهيم الطخيس ( ابو فيصل ) "رحمة الله "
-----
نورة بنت سعد الطخيس "رحمها الله"

------

هيله بنت سعد الطخيس " رحمها الله "
--
الشاعر سعد بن محمد الضويان
---
الشاعر محمد بن ابراهيم الصقيران
--
الشاعر عبدالكريم محمد مهنا المهنا.


طبعاً انا وضعت ماكتب في المنتدى من أسماء بدون ترتيب

 

الرد مع إقتباس
  #2  
قديم 16-05-2004, 03:33 PM
ابو ريما ابو ريما is offline
كاتب متميز
 





ابو ريما is on a distinguished roadابو ريما is on a distinguished road
 

 

استلم يا ابو عبد الرحمن
للشاعر محمد بن عبد العزيز البيز من البيزة من العيسى اهل شقراء ولد في عام 1300 هـ تقريبا وفي طفولته انتقل الى نفي ثم الى الشعراء وفيها عاش الى ان مات في شهر رمضان 1387 هـ..
هذه القصيدة ارسلها الى احد اصدقائه.يقول فيها
قال الذي ولف من القيل واختار
غرايب ما ولفوها الشعاعير
قلته وانا كبدي على وصف مصهار
او كنها تصلى على واهج الكير
على الذي ما شفت مثله بالاقطار
لا مع هل الديرة واهل المظاهير
مجمول حسن دلول وحجول حيار
في مدمجات كنهن الجمامير
واردوف تقل حزوف ونهوده صغار
والعنق عنق اللي رعى بالعثامير
لاوالله الا ياعلي صار ما صار
انا كسير وعن هل الغي ما اسير
دور دوايه يا علي وابد الاخبار
دور دوايه يا زبون المخاسير
ابو ريما.....الدوادمي

 

الرد مع إقتباس
  #3  
قديم 16-05-2004, 04:42 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

تسلم يابو ريما ( وشاعر واحد لا يكفي من شخص مثلك ) نطمع بالمزيد بارك الله فيك

وننتظر البقية

 

الرد مع إقتباس
  #4  
قديم 16-05-2004, 07:03 PM
سعدالسيف سعدالسيف is offline
كاتب مميز
 





سعدالسيف is an unknown quantity at this point
 

 

ارجو تعديل القب الى السيف وليس بن سيف الاسم الشاعر ((سيف بن ناصر السيف))وليس بن سيف من اهل الشعراء ولدي بالشعراء عام 1304هـ وتوفي في الدمام في 14/6/1401هـ وشكرا

 

الرد مع إقتباس
  #5  
قديم 16-05-2004, 11:37 PM
ابو ريما ابو ريما is offline
كاتب متميز
 





ابو ريما is on a distinguished roadابو ريما is on a distinguished road
 

 

ابشر يا ابو عبد الرحمن انت وباقي اعضاء المنتدى باللي اقدر عليه ويصلح للنشر... وانا موعود بقصيد لشاعر كبير من بني زيد قد لايعرفه الا القليل من الاحياء!! وان شاء الله سيكون مفاجأة لاغلب رواد المنتدى... بس عساه يحصل...
ابو ريما......الدوادمي

 

الرد مع إقتباس
  #6  
قديم 17-05-2004, 06:21 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

أخوي سعد السيف اسم الشاعر سيف بن ناصر السيف موجود في اعلى الصفحه مع نبذه تعريفيه ولكن انا كررت الاسم بالغلط

وان شاء الله كل شاعر منهم سيكون له قصيده كحد أدني في الموقع

واحتمال ان تكون لكل واحد منهم صفحه خاصه نستطيع ان نضع فيها كل شيئ خاص به

 

الرد مع إقتباس
  #7  
قديم 17-05-2004, 09:05 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

هنا اسم بعض الشعراء من كتابة الاخ الغالي فتى بني زيد

--------


1- الشاعر سليمان بن ناصر بن شريم ، من أسرة الشريم أهل شقراء والسر ، من فخذ الحراقيص ، ولد في عين بن قنّور بالسر سنة 1300 هـ ، وتنقل بين بلدان كثيرة منها بريدة وعنيزة والكويت وبريدة وفيها كانت أكثر إقامته ، توفي في بريدة سنة 1363 هـ ، ويعد من الشعراء المشهورين في نجد في النصف الأول من القرن الرابع عشر .

2- الشاعر عبدالله بن محمد بن عبدالله الصبيّ ، الملقب ( مبيلش ) ، من أسرة الصبي أهل شقراء ، من فخذ آل غيهب ، ويعد من أشهر شعراء شقراء في وقته ، ولد سنة 1301 هـ بشقراء ، وعاش يتيماً ، وسافر للجبيل ثم البحرين ثم الكويت ، ثم رجع الى شقراء وتوفي فيها سنة 1371 هـ .

3- الشاعر سليمان بن عبدالله الطويل ، من أسرة الطويل أهل شقراء ، من فخذ الحراقيص ، وهو من الشعراء المشهورين في شقراء ، توفي في حدود سنة 1340 هـ تقريباً ، عن ثمانين عاماً من العمر تقريباً


4- الشاعر عبدالله بن سليمان الطويل ، من شعراء شقراء ، ولد بشقراء في حدود سنة 1290 هـ تقريباً ، وتوفي فيها في سنة 1370 هـ ، وهو من أسرة الطويل ، من فخذ الحراقيص .

5 - الشاعر سعد بن عبدالعزيز البواردي ، الملقب ( ابن دريويش ) من أشهر شهراء شقراء في وقته ، اشتهر بشعر الرد وبرع فيه وكذلك في انواع الشعر الاخرى ، كما اشتهر بروحه المرحه ومواقفه المضحكة ، ولد بشقراء سنة 1312 هـ ، وتوفي في عنفوان شبابه بتاريخ 13/12/1346 في شقراء ، وهو من أسرة البواردي أهل شقراء من فخذ الحراقيص .

6 - الشاعر ابراهيم بن سعد البواردي ، الملقب ( محيز ) ، توفي بشقراء سنة 1360 هـ

7 - الشاعر عبدالعزيز بن صالح الهدلق ، الملقب بـ ( العوهلي ) اغلب شعره في الرد وايضا في الغزل ، توفي سنة 1340 هـ في شقراء ، وكان معوقاً رحمه الله ، وهو من أسرة الهدلق أهل شقراء ، من فخذ آل محمد من بلدي .


8 - الشاعر محمد بن سعد الناصر ، من شعراء شقراء ، توفي بالرياض سنة 1378 هـ ، وهو من الناصر أهل شقراء والدوادمي ، من فخذ آل صالح .

9 - الشاعر محمد بن عبدالرحمن الخضير ( بفتح الخاء ) ، الملقب ( أبو دحيم ) ، ولد بشقراء سنة 1315 هـ ، وعاش أميّاً لم يتعلم ، وامتهن الفلاحة وغيرها من الأعمال ، وتنقل في عدد من مدن المملكة وآخر أسفاره للكويت للعلاج ، تأثر بشعر البادية ، وغلب على شعره الغزل ، وكان صاحب طرائف ، توفي بشقراء سنة 1378 هـ ، وهو من الخضير ( بفتح الخاء ) أهل شقراء ، من فخذ آل غيهب .

10 - الشاعر عبدالرحمن المقرن ، من شعراء شقراء ، وتوفي فيها في حدود سنة 1360 هـ ، وهو من أسرة المقرن أهل شقراء ، من فخذ آل صالح .

11 - الشاعر عبدالله بن محمد الجماز ، توفي في شقراء سنة 1331 هـ ، وهو من الجماز أهل شقراء ، من فخذ آل سلمان .

12 - الشاعر عبدالله بن محمد العيسى ، توفي بشقراء سنة 1337 هـ ، وهو من العيسى أهل شقراء ( ولهم أبناء عمومة من القصيم والزبير والأحساء ) ، من فخذ آل علي .

 

الرد مع إقتباس
  #8  
قديم 17-05-2004, 06:46 PM
الصورة الرمزية لـ الصريح
الصريح الصريح is offline
شاعر
 





الصريح is an unknown quantity at this point
 

 

مع اطيب تحيه.. مقرونة بالشكر الجزيل.. على هذه الخطوة المباركة
يااباعبدالرحمن
............

الشاعر المرحوم/سعود بن عبدالله البليهي... من كبار شعار القبيله بالقويعيه.. ولد في حدود 1290هـ .. وتوفي(( تاريخ مؤكد)) عام1363هـ
عن عمر ناهز ثلاثة وسبعين عاما.
وكان في شبابه يسري ليليا على قدميه من القويعيه الى مزعل لمقارعة شعار القبائل الاخرى ويعود بنفس الليله لحضور صلاة الفجر مع والده حتى لايكتشف امر مسراه فيعاقبه.
وقد تولع في صباهـ بفتاة تدعى" ثريا"ويكنيها احيانا بـــ"ثلاب"في قصائدهـ
وتصادف وهو في زيارة "للشعراء" ان سمع عبد آل خلف وهو يصدّر كان يتغنى باحدى قصائده فيها والتي مطلعها:
الزين بثريا وترّك هجيره = اي القمر وايات غبس النجوم
فأثار شجون شاعرنا فتمثل قائلا:
الله لا يجزى ضحاك اشـعـــــــراوي = ذكرتـني عصـرن مضى قـد نسيته
قالــو تبـيـع الحـب و ا نا غــلا و ي = الحب لو يجلب بسـوق ن شــريته
قلبي كما عشب ن تحصرف سناوي = هـَميد ما تلقى الخضر في نبيته

الاان هذا الحب انتهى نهايةعجيبه حيث طالت غربة شاعرنا فأجبرت
معشوقته من قبل والدها على الزواج من غيره ..وعندما علمت بعودته
فيمابعد ابلغته بانها لازالت على حبها له وانها ستطمح .. فأجابها:
يا للـي تجـي ثـلاب بالخـير ماسه = قل له يقول سعود معاد لي به
و الله لـو حـط الــمـخـلـّط بـر اســه= معاد ابي ثلاب لـو عـِنـْيِـــلي به
مانيب من يشرب غسال النجاسه= ولاحب نقض المستوي واتخريبه

كثرت زيجات شاعرنا فيما بعد بالرغم من حالة العوز والفاقة التي كان يعانيها.. وكانت اولاها بام عياله الكبار .. وفي صغرهم منذ قرابة مائة عام كان هناك موقف طريف.. حيث جلس الى جواره احد اصحابه واخذ يسأله باستمتاع عن قصائده الغزليه وردياته مع الغير.. فما كان منه الا ان تأوه منشدا:
صدرك وسيع وصدري اليوم ضايق = مالـي عـميل و قـاعد ن مـاتـغـديت
حملي ثقيل وشلت فوقه وسايق = امشي و كني شاربـن غـو ر كبريت
البـارحـه مـا ذقـت نـو م الـخلايـق = خـليت بالخلـو ه لـحالي ولا امسيت
جايـع وغـير الـجـوع قلبي حـرايـق = من هم ورعانن ضوى الليل ما جيت

فكان ان اعتزى صاحبه "ابو محمد اني ابوه " والله مااعلمته اقلط يا"بوعبيّد".. فرد عليه شاعرنا: شامت يابومحمد هذاك لو قلته قبل القصيده اما هالحين لاوالله.
رحم الله شاعرنا واموات المسلمين.

اخوك// الصريح

 


آخر تعديل بواسطة الصريح ، 17-05-2004 الساعة 11:34 PM.
الرد مع إقتباس
  #9  
قديم 22-05-2004, 06:09 AM
الصورة الرمزية لـ محمد بن صقيران
محمد بن صقيران محمد بن صقيران is offline
شاعر بني زيد
 





محمد بن صقيران is on a distinguished road
 

 

عبد الله بن مهنا بن حشاش بن سويد
( ابن مهيني )

ولد الشاعر عبد الله بن حشاش في الدوادمي سنة1296هـ وتوفي سنة 1374 هـ
وتميز ابن مهيني بعذوبة الشعر وجزالته وغلب على شعره الغزل ، وفقد الكثير من شعره لعدم وجود من يكتبه في حينه ولوفاة من يحفظون شعر ابن مهيني
شاعر عذب سلس لا يغلب علي شعره تكلف ولا غموض 0رحمه الله رحمة واسعة
نسبت قصائد كثيرة من قصائد ابن مهيني لغيره واشتهروا 0


ومن نماذج شعر ابن مهيني هذه الرائعة والتي يقول فيها


البارحة روابعي بادلاجي=تقفي وتقبل بي على غير مصلوح
يا زين هو لي عندكم ود واجي= والا ان ما لي عندكم ود واروح
يا بو ثمان ٍ لا عطاها اللجاجي=ريقك يداوي اللي من الود مجروح
ينهج لك باب الضمير انهجاجي=يا زين حبك بالحشا ينعش الروح


=========================


سعد بن محمد بن صقيران بن سويد
( ابو دهيس )
ولد االشاعر سعد بن صقيران عام 1300 هـ في الدوادمي وتوفي بها1388 هـ رحمه الله
شاعر من الطراز الاول شاعر موقف له الكثير من المساجلات مع غيره من الشعراء المعاصرين له
وقد طرق جميع اغراض الشعر واجاد فيها


ومن نماذج شعره

قالو تسير قلت ما في تسيير= ولا احد ٍ مسبعني ولا بي سباعه
اخاف من شوف البني الغنادير= اللي لطراد الهوى سم ساعه
خمص المثاني نابيات المخاصير= قتيلهن ما ينلحق به شفاعة
والخد براق المزون المزابير= والعنق عنق مرايع ٍ عقب راعه


==========================

محمد بن سعد بن صقيران بن سويد
( دهيس )
ولد الشاعر محمد بن سعد بن صقيران في الدوادمي عام 1338 هـ وما زال على قيد الحياة اطال الله في عمره ليكسب عملا صالحا متقبلا.
شاعر جزل ومقل ولا يخرج شعره الا لمن ترتاح نفسه لهم طرق اغراض الشعر كلها وان غلب على شعره مسحة الحزن لفقده ثلاثة من خيرة ابنائه وبعد بلوغهم سن الرجوله


وهذه ابيات من قصيدته في ابنه تركي رحمه الله


يالله يا خلاق يا راعي الجود= يا منزل ٍ وبل المطر من غمامه
تفرج لعبد ٍ طول الايام مضهود=ما له جدا يا كود عضة ابهامه
الحال مني ناحل ٍ كنه العود=والعود بالي ما بقى الا عظامه
من عقب تركي اوجس القلب ملهود= عقبه تراي اشرفت رجم العدامه


يتبع



 


آخر تعديل بواسطة محمد بن صقيران ، 24-05-2004 الساعة 08:04 AM.
الرد مع إقتباس
  #10  
قديم 24-05-2004, 05:55 PM
الصورة الرمزية لـ سيف السيف
سيف السيف سيف السيف is offline
شاعر
 





سيف السيف is an unknown quantity at this point
 

 

السلام عليكم ورحمة الله وبركاته

الاخ العزيز / سعد الحامد

بيض الله وجهك على هالمجهود والحرص على التوثيق..

وليس هذا بغريب عليك لاعدمتك ..


وهذي اضافه بسيطه واتمنى ان يتم إضافة معلومات كافيه من احد المقربين للشاعر المرحوم بإذن الله / عبدالعزيز النداوي الضويان (( ابو هلا )).

((تاريخ ميلاده وتاريخ وفاته))

وهذي احدى قصائده رحمه الله نقلتها حسب ماوجدتها في احد المواضيع التي تطرقت للشاعر (ابو هلا) رحمه الله







جزع قلبي المسكين وارتج وارتهـش=على غالـي فرقـاه للقلـب واحشـه
بحرف الهجاء لاسمه على ثومته نقش=برسمٍ من الياقوت والمسـك ناقشـه
سميـه جفـل يـومٍ رمايـه إرتبـش=رماها وصارت فوق شبرين طايشـه
ولا هيب غربية ولاهي مـن الحبـش=من أهل الوطن في عالية نجد عايشه
لها طلعةٍ من شافهـا بـاه واندهـش=ولها قامة فرعا زها الوسـط قايشـه
عيون المها يسحر بعينـه اليارمـش=بسحـرٍ حـلالٍ حطـه الله برامشـه
عليه أشقرٍ مجدول وإن قضته عكـش=كساها قِدم واخلاف للـردف نايشـه
لها وجنةٍ بيضـاء ولا دقهـا النمـش=غلاها يسل الحال والقلـب عارشـه
لها هش قلبي يوم جتني بقلـبٍ هـش=عزمني وجيته يوم أهل ذاك طارشـه
تعطرت بالعنبـر ورشيـت بالمـرش=وتفرشت جوخٍ كامل الزيـن فارشـه
ترى مركب العشاق في بحر حبه دش=تلقا هبوبٍ كـوس وأمـواج طايشـه
وكبدي وكبده يابسـات مـن العطـش=ولاكن نصون النفس عن كل فاحشـه
توادعت أنا وياه مع سرحـة الدبـش=أخذ سبحتي وأخـذت حبـت غوايشـه
وراحت عفيفة جيب ماداست الغشـش=سوى كلمة عذبـه وللوجـه فاتشـه
وأنا رحت للبصره وهو لليمن طـرش=ولاظن طرشي يلتقي مـع طوارشـه
عليها سلام الله مامطر سمـاه ورش=وعدد مايطري راعي الديـن عايشـه
عسى من سعى بفراقها لرقطٍ حنـش=على عرش رجله شين الأنياب ناهشه
يساهر ثلاث أيام عنه الرقـاد يهـش=ورابع نهاره مات من سـم هايشـه

 


::: التوقيع :::


حنا خلقنا الله كذا يابني زيد=مافيه شي إلا تطوله يدينا


 
الرد مع إقتباس
  #11  
قديم 25-05-2004, 01:07 AM
ابو ريما ابو ريما is offline
كاتب متميز
 





ابو ريما is on a distinguished roadابو ريما is on a distinguished road
 

 

مشكور يا ابو عبيد على هالقصيدة للشاعر عبد العزيز النداوي الضويان(ابو هلا) رحمه الله
وتوفى ابو هلا في نهاية شهر شعبان 1411هـ في حادث مروري ..
ابو ريما......الدوادمي

 

الرد مع إقتباس
  #12  
قديم 14-06-2004, 12:58 AM
الصورة الرمزية لـ طويق
طويق طويق is offline
عضو مثالي
 





طويق is an unknown quantity at this point
 

 

شعراء حمولة اليابس من آل صالح من الحراقيص

تزخر أسرة آل يابس بالعديد من الشعراء .
وإن شئنا البدء فلا يصح لنا أن نبدأ بغير الشيخ / عبدالله بن علي اليابس
رحمه الله الذي جند حياته ونفسه وشعره للعلم وطلبة العلم والتوجيه والإرشاد فسافر من أجل ذلك إلى دول كثيرة كالهند ومصر ..الخ
ومن ذلك تشوقه إلى العرض ومن سكن فيه من آل يابس إذ يقول :

سائل العرض حبذا من وادي # وثنايا جبالـــــــــــه الأطواد
قد نعمنا به زمانا سعيــــــداً # بين أهل وجيرة أمجــــــاد

ومن شعره للعوام يدعوهم ويوجههم قوله :

الدنيا قطعة جذمــــــــــــــــــــــار # في راسه نار ترعــــــــــــــــــاه
كم بيت عايش في نعمــــــــــــه # أمسى والذل ما ينســـــــــــاه
واللاهي في ملذاتــــــــــــــــــــه # جاه الحزن وتـــــــــــــــــــــولاه
جاه القبر وخلى جسمـــــــــــــه # فيه الديدان ابترعــــــــــــــــــاه
ياغافل في الدنيا فكـــــــــــــــــر # وأعبد ربك لا تنســــــــــــــــاه
اللي ما يتّبع أمـــــــــــــــــــــــره # عيشة ضنك في دنيـــــــــــــاه
لا تحسبك فيها خـــالـــــــــــــــد # شوف الماضي والأشبـــــــــاه
يوم حسابك قرّب منــــــــــــــــك # وميزان العدل بتلقـــــــــــــــاه

ومن شعراء اليابس الشاعر / سعد بن يابس - رحمه الله -

وله أبيات حينما قال له خاله إذا شفت الدخيخين - أي الدخان - مع ذي الفريجه فاقلط ترانا شابين ، فأخذها بخاطره وقال :

ياخال ماني للدخاخين تبـــــــــــــــــــــــاع
ولا هيب ياريف الهجافا لنا ثـــــــــــــــــــوب
حنّا من اللّي بالرشا ذكرهم شـــــــــــــاع
فنجالنا من بد الأيام مشـــــــــــــــــــــــروب
نشريه لو قيل الريالين بالصـــــــــــــــــــــاع
لا قلّت الأسعار والزاد مطلـــــــــــــــــــــوب
نحاف من هرجة خبيثين الأطبــــــــــــــــاع
رجالهم يشفي على شذب عرقـــــــــــوب
همازةٍ لمازةٍ سمتهــــــم ضـــــــــــــــــاع
متعوذن من نسلهـــــــــــم ذيب يعقــــوب

وهذه القصيدة وردت في ديوان أبطال من الصحراء للمؤلف منديل الفهيد الجزء الرابع تحت عنوان بائية ابن يابس .

ومن شعرائنا :

الشاعر/ عبدالله بن مهنا اليابس - رحمه الله - راعي رحيمة وأبناءه صلاح ، وسعد .

ومن شعره عندما كان يعمل في رفحه وجاءه عدة مكاتيب تحثه للعودة للنخل وأهله فأرسل لهم مشتاق للشعراء واهلها هذه الأبيات


يالله ياللّي كل من ظيم ساله
ياخيرن تدري عن السر والغيب
ابرج لمن مثلي برى الدوب حاله
من ظيم بقعا قد بدى راسه الشيب
إلا بغى يدله وينساح باله
قام يتزايد في ضميره لواهيب
ياهل الركايب ناقلين الرسالة
بالله عليكم ريضو يا مناديب
بكتب جوابن من ضميرى مقاله
ما ينفع المضيوم كثر الهناديب
تلفون عبدالله صبي الشكاله
عيد الركاب امجنبن المعازيب
يحط من فج الخوافي افواله
وفلّة حجاج ومكثرن له تراحيب
من نشوته ضارن بحط الجزاله
ما ثمّن المعسار عند المواجيب
ورثن لبوه ومن قديمن وخاله
بيوتهم مدهال عوج المصاليب
الكيف يعبا والذبيحه اقباله
ما ثمن المصرف بسيل وتراتيب
عشير من كن الغزيل خياله
ريحة نسمها حق عاجٍ من الطيب
إلا نشدك وقال هو ويش حاله
قلّه ذليلن في ديار الأجانيب
يطوح الونّه من اللّي جراله
مثل الخلوج الا اجرعت للدباديب
على العيال اللّي من أول اقباله
واليوم في دارن عوى دونها الذيب
خليت انا هدب الرواسي اعتاله
بين الفياض وبين هكا الشخانيب
خشم الجبل يضفي علينا اضلاله
عقب العصير الا أقبلن المغاريب
من يوم راع الدين شح بحلاله
حرصن يبي حقه وانا خالي الجيب
أعذرت عن غرسي وخليتها له
لا عاد يومن فيه عاملت ابو ذيب

وله أيظاً :

يالله يامنشي السحاب المراديف
نوٍ من القبله ضفى له خيالي
ينشي بليلة خرمسٍ له تكاشيف
أردف ربابه غاديٍ له ضلالي
يسقي ديار اللّي دبشهم مهاجيف
وابشتكي لله على ما جرالي
زلّ الشتاء يا مسندي وأقبل الصيف
والزرع مضمي والسواني هزالي
لا ضاق صدري خت شفي من الكيف
وناديت يرمون الحطب للدلالي
وقلبتهن مثل الغباس المهاديف
وسويت فنجالٍ على شف بالي
ابيه يجلى عن ضميري تحاسيف
وأمر الله الماضي على ما جرالي
والتاجر اللي في ضلال وهفاهيف
ماهوب عاذرني على قد حالي

وله أيضاً عندما كان في مستشفى القويعية وصرح له الدكتور بالمغادره إلا إن إبن عمه يريد أن يضيفه شهر أو شهرين لإسترداد عافيته فلم يتمالك شاعرنا نفسه وقال :

ملّ عينٍ ما تبات الليـــــــــــل كلّه
لا طرى في خاطري شوفة عيالي
رخصوا لي يا سعد والهرج خلّه
الحكي ما عاد عندي له مجالي
بلّغ الشايب سلامي ثم قلّه
جمّل الله حالكم في كل حالي
ولا تلوم اللّي بعيدٍ عن محله
أنت في دارك وانا مالك ومالي
أنت في دارك وانا داري مطلّه
من ورى سيف البحر عزي لحالي
كل خلٍّ يا سعد ودّه بخلّه
ننحر اللّي كنّها عنق الغزالي
جعل طلبات العذارى فدوةٍ له
حيثهنه ما يحسبن الرجالي

رحم الله شاعرنا وأسكنه فسيح جناته .

والسلام عليكم .

 


::: التوقيع :::

طويـــق


 
الرد مع إقتباس
  #13  
قديم 08-11-2004, 10:33 AM
جبرين بن سعد الجبرين جبرين بن سعد الجبرين is offline
عضو مثالي
 





جبرين بن سعد الجبرين is an unknown quantity at this point
 
الولد وابوه وجده شعراء

 

ولد العم ابو عبدالرحمن مشكور على حرصك لتوثيق تراث القبيله.

جدي الشاعر جبرين بن عبدالله بن حمد الجبرين (بن حماده) ولد سنه

1338ه تقريبا وتوفي بسبب حادث مروري عندما كان عائد من شقراء

وكان عمره 72 سنه (الله يرحمه).

وابنه الشاعر سعد بن جبرين بن عبدالله بن حمد الجبرين

ولد في القويعيه عام 1361ه وعمل في المنطقه الشرقيه في شركه

ارامكو حتى احيل الى التقاعد قبل سنتين وهو مقيم في مدينه الدمام.

وادعوا له بالشفاء العاجل.

وحفيده (محدثكم )جبرين بن سعد بن جبرين بن عبدالله بن حمد الجبرين

(الصارم).

كما اعدكم بكتابة قصائدهم ان شاء الله . كما اعدكم بالبحث عن شعراء

من الجبرين غير المذكورين.

وتقبلوا تحياتي . جبرين الجبرين .

 


::: التوقيع :::

لا اله الا الله .... محمد رسول الله


 
الرد مع إقتباس
  #14  
قديم 09-11-2004, 10:47 AM
الصورة الرمزية لـ وارث العـز
وارث العـز وارث العـز is offline
عضو مشارك
 





وارث العـز is an unknown quantity at this point
 

 

والله انها كبيرة.....

فخذ كامل و لا طلع منه واحد يقول أنا شاعر والا حتى يذكر من جدناه شاعر

بس باعزي نفسي بهالأبيات اللي قريتها لواحدٍ منهم، ولو أنها مهيب ذاك الزود




لأظلمت ظلمى ظلام الليل ظلماس = وأقبل العسال من راس ضلع ٍ سوادي
سطر وصاتك ترى راسك بينداس = عرق الغياهب و نسل السداحين بادي
غير الله ما أهاب ولا أحني الراس = عظيم قدري بين العربان زادِ
ربعي قرومٍ مالهم بالوفا قياس = نجوم ليلٍ توقد حزات الذوادي
أشهد أنهم للشديدات جلاس = عيال عبدالعزيز المناعير الأجوادي
هم عزوتي لا من ضاقت بي الأنفاس = ياجعل دربهم لجنة الفردوس مهادي

يا حاسدٍ ماعطى الوهاب للناس = يا عل عينك ما تشوف الرقادي
الله يرحم زمانٍ به عذبين الأجناس = عهد جدي العود كريم المبادي
هو عزنا اللي يتخطرف به الهوجاس = سلمت يمناه شيخنا باني الأمجادِ
و روحي فدا منهو أغلى من الماس = و عمري للعمر كله مدادي
يا الله إنك تحرسه عن كل وسواس = الوالد الساعد غلاب الأعادي
أبوي القطامي أبو صليب الراس = أبو محدٍ عليه من المخاليق زادي

وصلاة ربي كثر ما العدو وجاس = وأكثر من صليل أبلجٍ بالجهادي
على النبي خير من وطى الساس = محمد المبعوث رحمةٍ للعبادي




 


آخر تعديل بواسطة وارث العـز ، 09-11-2004 الساعة 11:07 AM.
الرد مع إقتباس
  #15  
قديم 26-01-2005, 10:58 PM
الصورة الرمزية لـ أبو جماز
أبو جماز أبو جماز is offline
عضو مشارك
 





أبو جماز is an unknown quantity at this point
 

 

و هذه أضافة أرجوا التكرم بأضفتها بقسم الشعراء و القصائد الموجود بالموقع

الشاعره : موضي بنت سعد بن حمد الضويان (( رحمها الله )) من الضويان من الضعيف من آل علي من أهل الشعراء , ولدت في الشعراء عام 1296 هـ , توفيت عام 1394 هـ

الشاعر محمد بن سعد بن مهنا الجماز (( رحمه الله )) من الجماز من الضويان من الضعيف من آل علي من أهل الشعراء , توفي عام 24/6/1408 هـ

ولكم جزيل الشكر ..

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 09:55 AM ] .


Powered by vBulletin Version 3.6.4
Copyright ©2000 - 2023, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www