مهم وضروري لشعراء قبيلة بني زيد ارجوا الافادة

هناك ايضا من الشعراء

اخوي محمد بن سعود السعدان
ايضا
اخوي عبدالعزيز بن سعود ابن محمد السعدان وسبق ونشرة له قصائد في المنتدى
ايضا
اختي ام سعود السياري وهي بنت سعود بن محمد السعدان وسبق ونشرة لها قصائد في المنتدى

اللي جدهم الشاعر محمد (حزام ) السعدان الله يرحمه
وجميعهم على قيد الحياة ولله الحمد

والشاعر نواف اليحيى

جزاكم الله خير

حلوووووووووووووووووو

من أوله لآخره

يعطيكم العافية

الأخوال الكرام
الله لايذري ذراك شعراوي * ذكرتني عصر وأنا قد نسيته
نسبهاسعد بن جنيدل لعبيد بن هويدي الدوسري رحمهما الله وموتانا وموتى المسلمين
للإحاطة والعلم مع فائق التحية والتقدير.

جهد تشكـــــــر عليه
الله يعطيك العافيه

الشاعر عبدالله بن سعود بن سليمان المطوع ( ابو سفيان )


الشاعر محمد المنيع ( شقران)

السلام عليكم ورحمة الله وبركاته

هناك شاعر لم اجد له ذكر فقلت لازم اذكره وهو الشاعر محمد بن عبدالله المنصور (أبو داحم) ولد عام 1299هـ وتوفي في عام 1400هـ من اهل بلدة الشعراء أشتهر رحمه الله بالجود والكرم .

من اشعاره رحمه الله قوله :

منول نسافر ونطرش ونمتد ونزرى على القاعد مصرف بيازه
ونمشي براي الله ورايٍ مسدد حدر الكويت وفوق قبلة حجازه
ونرفع لها بد ونرخي لها بد وان قصر واحدٍ زدنا الاخر لكازه
واليوم صرنا في همومٍ وفي كد نفلي شقوق غروبها بالخرازة
مغير وزن البيت يوم نتردد بغرس بغير حصون جدره خزازة
وقلباننا صارت بذا الضلع الاسود مثل السراج إلى قضى عنه قازه
يالله لعله كل ما هل وارعد يسقي غروسٍ به عليهن عازه
بيارهن ترجع وماهن يرتد والدين يوفى ماله الا نجازه
إلى نويت الركز فاركز على عد مثل القليب الي تسمى لزازة
والا قليب اشنان في ماضي الحد هيام المعيد وكلٍ كالفٍ نحازه
والا الحزيمية إلى وقف العد ماعذبت صبيانها بالنهازة
والا الثلاث الي تذكر على جد حريزة وحرزة وثالثتهن حرازة
هذي عيالم نجد علمٍ مؤكد تنطح إلى رزوا عليها ارتوازه

الاخ سعد الحامد جهدا تشكر عليه الفضل لله ثم لك انت شخصيا لانك الموسس لهذا الصرح المشرف والشكر موصولا لكل من ساهم في انجاح هذا المنتدى

احب ان اذكركم بالشاعر فيصل الطخيس
من اهالي الدوادمي شاعر شاب
يعمل مساعد مستشفى الدوادمي حاليا
ليه قصائد جميله جدا ساذكر بعض الابيات التي احفظ منها
قصيده في بني زيد.منها
انا قضاعي من سلايل زيد وافين الشبور***قوم تذري بالليالي من زبن بقصورها
ابنا رجال سيفا يبتر وبندقنا تثور***ولا لشلفانا عن اللبة وشمة زورها
ورصارنا ماثار في راس الرقيبه والسبور***الا على اللي علق الجوخة بذروة كورها
وله ايضا في الغزل
تلومني كنك عن الحب محروم ***ماهام قلبك بالموده وهايف
كنك عن الزينات ياشيخ مفطوم***ماولعنك لابسات الغدايف
مومن قلبك وعذلنه عن النوم***اوماي طفقات النضا بالسفايف
ولا دعنك تلتجي كل مزموم***تسقي علوه بالدموع الذرايف
ولا انتحى ليلك هواجيس وهموم***تكتب على بيض الزروف الطرايف
بنات نجد اللي لهن نجد محشوم****زين التهايا كاملات الوصايف
بيض الكفوف اللي بهن نقش ورسوم***سود العيونمورات الشفايف
تلع الرقاب طوال والحال ملموم****هيف الخواصر نابيات الردايف
اللي شعني وادعن القلب مشعوم****منزالهن حدر الضلوع النحايف
ماضني اجزل عن غلاهن ولا شوم***مادام في روحي عليهن حسايف
وان قالو العذال غادي ومنجوم****الغادي اللي مال قلبه ولايف

وله ايضا(الخمريه) منها
مرحبا بك ياغناتي عقب طول الغيبه***حي والله ذا لقبال وحيها من جيه
عقب طول الصد والهجران والتغريبه***كيف جيتي وانتي اللي قبل مالك نيه
الي ان قال....منتي اغلا من شعف قلبي بخنة طيبة***ولانتي اول من شرب دمع العيون بغيه
كم وليف تسرح الدنيا ولاتضوي به...ينطع منه الرجا كنه قريص الحية
جعل تسقى ليلة طل الندى في جيبة****وانفرط منه الكلام وفاحت الخمريه
ليها رمت القصيد ولاقويت اجيبة***حاوزت عني مهاته واستذار ادمية

وله ايضا في بنته\ الزعل مايليق بوجه ريمية**مايليق الا الرضا في محياها


وله ايضا
انتي مداك الضلوع اللي على صدري**وانا مداي السهر والحزن والضيقه
ياسكًره عن شهدك التوت لو يدري** تعسلت نكهته بحلوق اباريقه
ياقد يابان يامياس يامبري**وش قصة الخيزران وقل توفيقه
وله ايضا
القلب مرباع للاحزان ياسيف***والعين مدهال السهر يابن الاكرام
واللي منزلها الضلوع المهاديف**ذا العام...كمل حبها عشرة اعوام
وانا على الدنيا قليل التحاسيف**قنعت من حظ الي طاح ماقام
لكن فوادي للهوى عاده رهيف**لي ذعذعت مع مطلع النسر والشام
لا عطرو باسمة ردون السواليف***جضيت كني واطي لي عاى هام
وصديت عنهم ضايق البال ومعيف**واقفيت عنهم خايف هرج لوام
وانهدت ثم ضاقت علي المحاريف***وضيعت مابين الحقايق والاوهام
ياطاري حلة على جازة الصيف**يعودني همه من العام للعام
حنا بشر فينا قلوب ملاهيف **نحس ماحنا تماثيل واصنام
نقالة لحمل العنا والتكاليف***نموت انفسنا عن شفوها صيام..ولها بقيه لا احفظها
ااسف للاطاله ولكن مثل هذا يجب ان يسجل من ضمن شعراء بني زيد الشباب
وسوف احاول قدر المستطاع البحث في النت وعن طريق اخوانه للحصول على
اكبر قدر من شعره حيث من زمن بعيد لم اراه وشكرا لكم جميعا

الأستاذ سعد الحامد تحية طيبة لك ولجميع الاخوة.

أنا كنت أعتقد أن الموضوع مقتصر على الشعراء الاموات ,ولكن يبدوا أن للأحياء نصيب وهذا حسن .

لدي شاعر مجيد في الشعر ولكنه مقل وهو الشاعر خالد بن محمد المنصور ,من اهل الشعراء يسكن لان في الرياض للعمل هناك وهو أحد أعضاء هذا النتدى الشامخ. له نماذج شعرية جميله جدا سوف أذكر منها واحده:



يا نايف الفرقا لها عدة أشكال:::::::ويا ما أشين الفرقا على طول مدة

يقوله اللي ذاق من وقته أهوال::::::ومن كثر ما في داخله باح سدة

وان جا بيشكي ما شكا من ردا حال::::والحمد للي فاق جودة ومدة

أنا اللذي في دنيتي صرت رحال:::من يوم محبوبي نوالي بصدة

وجهت شرق وصار لي فيه منزال :::بيت اللذي طيبه كما طيب جده

بيت الكريم معرب الجد والخال :::عسا اليالي له ولاهيب ضده

أخذت لي سجة وأنا داهله سال::::وأثر الوله له داخل القلب ردة

شوقي على شوف الخباري والأقذال::::وناس لهم في داخل القلب عدة

سقوى ليا من جيتهم والمطر هال::::من وادي الشعرا لوادي مصدة

ياخذ ثلاث أيام والخير هطال::::يسقي نخلنا والشبارم وسدة

وشوقي لنارٍ بالخلا تشعل شعال::::بارض ربيعٍ ما حدٍ شاف حدة

في مجلسٍ ياخذ ثمانين رجال::::على النقا نبنيه والا نهده

ناخذ لنا من دلة الكيف فنجال:::والضيف له من بيننا ما يوده

هذاك هو ما يشرح الصدر والبال ::::ماهو مقابل واحدٍ ما توده

ورعٍ يحسب المرجلة ثوب وعقال:: واليا نشدته يدبل الكبد ردة

واليا مشا ما تحسبه غير تمثال:::كن ما يشوف أحدٍ من الناس قده

والا اللذي علق على الصدر سلسال :: ويلبس هدومٍ ضيقة ما تقدة

هذاك ودك لا مشا يلبس جلال ::: والا يحطون الكلابش بيدة

وينه ووين اللي للأقوال فعال:::حرٍ ينومس بالهدد يوم هده

ابختصر بالقول ياطيب الفال ::: والا البحر يبطي ويبطي بمده

واقبل سلام معطر انواع واشكال::::بالمسك والعنبر وطيبه ونده.

الإخ سعد الحامد ( مساء الخير ) , أشكرك على هذه البادرة الطيبة , الشعار في أسرة ( آل طخيس ) كثير ومبدعون وكلهم شباب , وسنبد أ بأصغرهم سناً وهو ( زيد بن علي الطخيس ), من مواليد 1409 هـ , في مدينة الدوادمي , أحيا كثير من الأمسيات الشعرية آخرها في قصر الطخيس عند زيارة أعضاء المنتدى , إليكم مقتطفات من شعره :
أنا وريث المجد ماعوب غيري***** لاشي غير اني من أعضاء بني زيد
آلاد زيد منوخين البعيري***** اليا حتمى جمر الفقر واقفر البيد
سوواد سيفن مادخل بالجفيري ***** إلا بعد ذبح الشيوخ الصناديد
إلى آخر ماقال الشاعر

وسنذكر باقي الشعراء إذا توفرت لدي مقتطفات من أشعارهم بإذن الله
الحب طير القلب والقلب مغناه ***** والروح داره والمحاني مرابيه
والورد رمز الود والحب منشاه ***** والمسك حبره والكتابات جوري
والشوق معناز الغلا دوم يلقاه ***** بين الحنايا والمعاليق تسقيه
صافي غرام ماتغثبر ولاجاه ***** من لا يكدر طعم حلوه وصافيه
إلى آخلر القصيدة
قصيدة آخرى :
علموها بنت شيخ القوم والحد المنيع/ علمو من عنت العشاق واعيت كل هاوي
علموا من عينها ياقف له الحاجب شفيع / علموا من كفها للدر واللماس حاوي
تسلب الانضار من عين المود والرضيع / من وراها تقصر الهقوات واطيح المناوي
الى آخر القصيدة
وغيرها من القصائد الرائعة