مهم وضروري لشعراء قبيلة بني زيد ارجوا الافادة

صدى الترحال · #16 06-02-2005, 01:41 PM

هلا: حقيقة أستغرب نسيان هذا الشاعر:
الشاعر سعد بن عبدالله الضويان من اهل الشعراء ولد فيها سنة 1338 هـ توفي العام الماضي بتاريخ 16- 1- 2004 الموافق 24- 11-1424 هـ.

مهنا الغيهب · #17 18-02-2005, 11:02 PM

الشاعر

عبدالله بن براهيم العصفور

لا أعلم تاريخ ميلاده

من أهالي القويعيه

نموذج من قصائده في رده على احد ابناء بني زيد

قال الذي لامن ذكر نجد فززّ
،،،،،، كنّه على جنبه ينغز بمنغاز
هيض ضميري تالي اللي مكنزّ
،،،،،، كنز الذهب مايكنزه كل كناز
قيفان بانيها لها البيت ينقزّ
،،،،،، قزّة جبال العرض في عين قزاز
ياعاشق(ن) شقراء ترى الدار مركزّ
ديرة بني زيد النشاما والاعزاز
دخيلهم عن كل شر(ن) معززّ
،،،،،، بامر الله الوالي وهم درع وعناز
وترى لهم في ديرتي كل معنزّ
،،،،،، واهل القويعيه مع الحق تنحاز
صلفين مثل قساس سم(ن) مركزّ
،،،،،، مثل العسل يشفى لهم كل معتاز
فيهم وليفي بو نهيد(ن) مركزّ :)
،،،،،، لافزت به ماشفت غيري حد(ن) فاز

بنت الديرة · #18 25-02-2005, 01:18 AM

ماذا عن الشعراء المعاصرين؟ صحيح أنه يجب الاهتمام بالشعر الموروث لشعراء القبيلة المتوفين رحمهم الله وجميع موتى المسلمين، ولكن وبنفس القدر يجب الاهتمام بالشعراء المعاصرين وخصوصاً الشباب لدعمهم والأخذ بيدهم.

محمّد المنيع · #19 06-03-2005, 09:01 PM

موضوع رائع بجهود الجميع
رحم الله الأموات
وبارك في الأحياء

الرازي · #20 08-04-2005, 11:23 AM

الآخ المشرف / سعد الحامد

أشكرك على هذه البادرة وهذه مشاركة مني ولو انها متأخرة
من شعراء الجريس
1 - الشاعر : محمد بن ابراهيم الجريس ( رميزان ) من أهل الشعراء ولد بها ومات في الدوادمي سنة 1403 هـ رحمه الله تعالى ومن أشهر أبياته
ياحي هاك السمار اللي بدا كله ......................وارجومه اللي براسه مثل الآزوال
حيه ولا حي طعس كنه المله ........................طعس بدرب العقير يبيد الحال

2 - أخيه الشاعر : سعد بن ابراهيم الجريس ولد بالشعراء سنة 1344 هـ ولازال على قيد الحياة متعه الله بالصحة والسلامة

3 - سعد بن عبدالله بن جريس الجريس ولد بالشعراء حدود سنة 1344 هـ وتوفي بالدوادمي رحمه الله تعالى في شهر ذو الحجة سنة 1424 هـ

4 - محمد بن سلطان الجريس ( أبو مسيلط ) ولد بالشعراء ولا زال على قيد الحياة متعه الله بالصة والعافية

وكثير من الشباب الله ينفع بهم

هذا ما لدي وشكراً على هذه الصفة للمشرف

محمد العجاجي · #21 12-09-2005, 02:45 AM

الشاعر عبدالله بن علي العجاجي الملقب(بالقصير)رحمه الله

صقر آل علي · #22 28-12-2005, 11:30 AM

إقتباس

المشاركة الأصلية بواسطة سعد الحامد


	تسلم يابو ريما ( وشاعر واحد لا يكفي من شخص مثلك ) نطمع بالمزيد بارك الله فيك وننتظر البقية

السلم عليكم هذا شاعر من شعراء الرين ولد في الرين ومات فيها سنه 1414
راكب من عندنا بنت العبني تسرح من الرين وتمسي في ثهلاني
لا لفيت اللي من اللابه شحني نصه للامير واثنه للعواني
قله ترانا جالسين ونتتنى وان زهمتوا الجد جيناكم ثواني
مثل نو قامت مزونه تبنى وانحدر شر ق على دار قحطاني
هذه الابيات يوم سمع الشاعر ان فيه غزو لاهل الشعراء من الودهي العتيبي ولكن الشاعر سعد ابن ضويان رد على علي ان الودهي مايقدر يغزي علينا وحنا هل الحرب وجيشنا يكفينا وقال فيها
راكب من عندنا حر معنى كنس ميزها جديدات الاواني
خبر الودهي برد العلم منا قل يكف يديه عن كل المعاني
يوم عصر الجاهليه ما شحنا قاصرين نيفقه هو المهاني
في خنوقه من ورا جدر مبنى في خنوقه عسفوا جيشه سواني

صقر آل علي · #23 28-12-2005, 12:13 PM

السلام عليكم يا اخ سعد هناك شعراء آل علي في الرين
منهم علي ابن محمد ابن شلعان آل علي
مسيهر بن محمد ابن شلعان آل علي
محمد ابن عبد الله ابن شعيفان آل علي
سعد ابن محمد ابن عبدالله ابن شعيفان آل علي

أبن عيسى · #24 28-12-2005, 01:02 PM

(منقول من المنتدى العام)

الوالد الله يرحمه له قصائد عديده آمل أن يساعدني الله لأدراج ( بعضها على الاقل)في المنتدى
وأغلب قصائده مشهورة ومعروفة لأهالي القصيم منها:

ياهلا يامرحبـا يابعـد حالـي
يابعـد كـل الغناديـر يانـوره
عنق حمرا تسبق الخيل مشوال
عنق ريم باشهب الملح مذعوره

من قصيدته في زوجته نورة الغنام (يرحمهما الله)
وله أيضا:

فاطري وش هيظك والدمع سال
تسهرين الليل ما انت مسفهله
ألى ان يقول:
تل قرن فوق متـن كالحبـال
لا فطنـت لتلتـه قلبـي يتلـه
تل ركب مع رهاريه السهـال
يابس الصملان والما ما يدلـه
روحو من فوق عيرات حيـال
والردي خلوه ما حي فطن لـه

هذه فقط مقتطفات وقريبا أن شاء الله سأوافيكم بالباقي

تحياتي لجميع الأهل
أبو ضاري

صقر آل علي · #25 28-12-2005, 01:38 PM

وقال الشاعر علي ابن شلعان آل علي في قصيده له يوم كان في الجنوب شاد بالابل والحلال للربيع وتهيض يوم شاف البرق وتذكر نجد وارسل ولده محمد يشوف وين حد الماطر والبروق اللي يشوف والسيول اللي جاته اخبارها من الرين
كن في صدري هبوب مستثيره
يوم شفت البرق في نو رزاني
ابطو الطراش بعلوم المطيره
مشفي للعلم وابطا ما لفاني
قالو الرين سيله قض بيره
والمكاين رفعوها جدعاني
نحمد الله لا لفو من كل ديره
يذكرون السيل والرجع امتداني
قالوا من الهضب لا عروى جزيره
نفلوه من الوطاه لا ذقاني
ياعمر يامسندي ويش البصيره
مقعدي بحبي من جروا الهواني
جيت لي في ديرة لو اي ديرة
ديرة مافيك من ربعي عواني
قربو لي موتر عجل مسيره
لازمه خشم المثل والليل داني
ينتهض خشمه ليا عشق بقيره
من تغاريس الرمل صابه جناني
من حفيزه كامل حتى سبيره
واحد وستين صنع الطرجماني
توفي الشاعر عام 1414 وكان عمره85سنه

صقر آل علي · #26 28-12-2005, 02:27 PM

ومن قصائد علي ابن شلعان يوم قامت تزهمه امراه من آل سعد من قحطان بشان قصه طويله وقال فيها
ياراكب حر وسومه حديد
حر على حر ومجناه من ساس
يلفي هويشل شوق غض النهيد
وقل ترى علي على الربع بلاس
وقل له ترى ماجا من مسيهر وكيد
قد حط لها في البيت دله ومحماس
انا حميت لكل نبت جديد
ابوخدود كنها فرخ قرطاس
لانطحني كنه بيوم عيد
ومريض ممشاه من زين الالباس
انا احمد الله يوم كل عضيد
اولاد زيد اللي على الحرب يباس
لازهمتو زيد جاكم عضيد
مثل الرمل لاهد من روس الاطعاس

صقر آل علي · #27 29-12-2005, 03:07 PM

ومن قصائد الشاعر مسيهر ابن شلعان اول ما وردت المكاين وفرحو بها قالو بتكفينا من السواني ولاكن المكينه كثر عطالها اكثر من سبع مرات وقام يخاطب ناقته المسماه (بالبريد) وقال
يالبريد اصبر على ماقدرالله
صبر ابو راجح على جور الزماني
والله ان ذا سابع حظي على الله
كلما جبنا اسعاف قيل ثاني
قالو البخاخ في ورشه عطا الله
يم جده قطع يذاك المكاني
مانعرف كتوبهم لابارك الله
والنمر في كتب ترك طرجماني
مانعرف الا السواني في رجا الله
ركب المحال ويجي له غواني
ندفع المزرع الى من بارك الله
دورنا وان قرب اليا عشر وثماني
توفي قبل 50 سنه تقريبا

صقر آل علي · #28 29-12-2005, 03:21 PM

وهذه قصيده لمسيهر ابن شلعان لاخيه علي ابن شلعان وقال فيها
ياعلي لوالمناوي تهياش
كان اتمنى اللي صروفه غوازي
كان اتمنى حره وخرج وفراش
وامات ركبه مسعات المنازي
واربع دلال كيفها حط بخياش
ما رطله عند التجر بالبيازي
وابهارها جابه من الهند نطاش
في مركب مغطى عليه بقزازي
ياعزتي لمسيهر ابو طياش(1)
عقب القعاد وعقب طرد الجوازي
عقب البطاله قرب العير حشاش
ولا يقرش الامن هضاب النوازي
يالله انا طالبك تنشي برشاش
تنشي اللي ما امرح الليل قازي
حتى الهديه في قنا الزرع تعتاش
ويازين قبه نيها يوم حازي
ــــــــــــــــــــــــــــــــــــــــــــــــــ ـــــــــــــــــ
1- طياش احد ابنا مسيهر

صقر آل علي · #29 29-12-2005, 03:36 PM

وهذه ابيات لمسيهر ابن شلعان ردا على السياري يوم قال السياري انا بأدب مسيهر لان شعره في الغزل والهوى وقال فيها
والله لو يدبني السياري
ما انسى الهوى دام عيني حيه
ماأنسى هوى اللي يلبسون الجزاري
واللي يحط قذلته ورديه
ياعود ريحان نبت بضلالي
يسقى على خمسه عشر ورديه

الجبل الصامد · #30 16-01-2006, 12:41 AM

من الشعراء: عبد الرحمن بن محمد بن علي بن سحيم من آل سلمان من أهل رغبة وتوفي عام: 1417هـ ومن أبياته:
لي ديرة تاقع وراء خشم الحصان دون النفود وعارفــين حــــــــدودهـــا
ديرة هل توحيد مروين الســـنان يوم الذخاير مثل مثل قصف رعودهـــا
شجعن مافيهم شرود ولاجــبان يوم الملاق مثل فعل أسودهـــــــــــا

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر