حفل الزواج أمسى مأتم !!!!!!

الشاعر الصغير · #1 27-10-2007, 05:04 PM

الحمد لله الأعظم = رب غمرنا بافضاله
يا من قرا جعلك تسلم = هاذي بيوتٍ في العاله
ما جبتنا شن ما يعلم = كل عرف منكم حاله
يا من على عيب طمطم = تمرح بدارك شغاله
فنساً بكِر و بْلا محرم = وين الورَع وين رجاله
هذا فعِل رجلٍ مسلم = خالف رسوله واقواله
صارت مثِل بنتٍ منكم = تظهر لكم زين أزواله
يامر عليها متبسّم = ون تزعلي لبس نعاله
تجمع هدومه وتخمخم = قبل الغسيل بغساله
تطبخ لكم زين المطعم = محْلا هذا رجلك قاله
ودّه يغيضك و يلطّم = مكثر غثاه و غرباله
ونْ له تطيبتي تمتم = قصده وجع وشّو ذا له
وإما تزيّنتي خثرم = ما عندنا الا دلاله
لا جا ينادي وين أنتم = ومن الكِبِر إسمك شاله
قولي نظر عيني تسلم = وش نيتك ذا ما قاله
منتي مثل ننسي عجرم = زين البني قل أمثاله
وأنتي تجيبين لْه الهم = شغلك عناده و جْداله
قبله شقي تافخ برطم = يمرح على ضيم لحاله
شكّاكةٍ من يتْكلّم = تركض تفقّد جواله
ماهو غلا به يا محرم = كله طمع في حلاله
كلّ على الثاني غلدم = إبلا سبب والله حاله
همك مواعينٍ و أطقم = و الزمزميه و دْلاله
ونْ تعْزموا واجر مطعم = شغل الهنود و بنقاله
ومن العجز ليلي تزهم = تطلب فولٍ مالفواله
نوم الضحى طبعٍ خيم = في نسوِتن فيها جْهاله
طبع الحريّم سبّ و نم = ومن الغياره حماله
زوج الضّنا سنع و يحشم = مرْةِ الولد سمّت حاله
حفل الزواج أمسى مأتم = للدّيّنات مْن أهواله
فيه المَرَه عضْد بْلا كم = ترقص و يظهر سرواله
والعيب في رجلٍ سلّم = أمره لنصفٍ يحْلا له
يا اهل العزب شفت أكثركم = يلعب على بنت الكاله
والمحصنات تناديكم = و المبزره كلّ داله
وعيالكم أبشر سم سم = ما يظهروا كيس زباله
تفرح ليا قالوا قدم = للجامعه كشف أعماله
واتلا التلايا ما ينضم = راح الخصوصي و آماله
وإبلش توسط وإنخا العم = دربٍ عسِرْ مالْنا و ماله
يا وليدنا دامك تسعم = ما تفرغِ لْشرب بياله
ما عندنا سايق يخدم = والعود حنقٍ في الصاله
للسوق خذنا و تْكرّم = ما للمَرَه غيرِ عْياله
أتلا الشهر مصروفك كم = غير ديونٍ للبقاله
يا قلّها ناسٍ تفهم = تحرص على حفظ أمواله
لا تحقرِ رْيالٍ و إعلم = من دقّها صارجْلاله
يا حيسفا وقتٍ صرّم = يوم أمنا ويّا الخاله
تطحن عيوش ولا تسأم = والماء تجيبه بلحاله
يوم الولد مثل المحزم = في بطن أبوه و يبرا له
حنا بخيراتٍ و نْعم = والله يبي شكر افضاله
هذا الحكي ما يتعمم = و الخير كلٍ يسعى له
صلوا على محمد أكرم = مرسل هدانا برساله

شجرة طيبة · #2 27-10-2007, 05:20 PM

اللهم صل وسلم وبارك على نبينا محمد

وصح الله لسانك

زيـد رومـا · #3 27-10-2007, 05:25 PM

حُميّدانيَة جميلة وخفيفة
وهادفة
يسلم قلبك شاعرنا الجميل
وصح لسانك

الشاعر الصغير · #4 27-10-2007, 06:10 PM

إقتباس

المشاركة الأصلية بواسطة شجرة طيبة


	اللهم صل وسلم وبارك على نبينا محمد وصح الله لسانك

سلمت و البسك الله ثوب الصحه

يشرفني حضورك و إعجابك

مع وافر الشكر و التحيه

الشاعر الصغير · #5 27-10-2007, 06:21 PM

إقتباس

المشاركة الأصلية بواسطة زيدروما


	حُميّدانيَة جميلة وخفيفة وهادفة يسلم قلبك شاعرنا الجميل وصح لسانك

أخي عبد الكريم المهنا
حياك الله , سعادتي بحضورك لا توصف و انت الشاعر
القدير , اشكرك على مداخلتك الجميله و هي شرف لي
و محل اهتمامي و تقديري
لا هنت و سلمت يمينك
تقبل تحياتي و تقديري

@أبو يزيد@ · #6 27-10-2007, 06:21 PM

ابداع ابداع ابداع

اشهد ان شعرك يطربني بالحيل

ايها المبدع ..

صح لسانك ملياررر !!

طارق الحصان · #7 28-10-2007, 12:30 AM

لا يستغرب الابداع من مبدع مهما كان

فلقد وصلت أنا إلى منتهى الاعجاب بفرائدك الهادفه

صح فكرك الراقي الواعي

دمت بود

الشاعر الصغير · #8 31-10-2007, 06:50 AM

إقتباس

المشاركة الأصلية بواسطة @أبو يزيد@


	ابداع ابداع ابداع اشهد ان شعرك يطربني بالحيل ايها المبدع .. صح لسانك ملياررر !!

صح بدنك و سلمت يمينك
سعدت كثيرا بإعجابك و مشاعرك الصادقه
كلك ذوق يالغالي و مداخلتك محل اهتماي و تقديري
و تقبل تحياتي

الشاعر الصغير · #9 31-10-2007, 07:00 AM

إقتباس

المشاركة الأصلية بواسطة طارق الحصان


	لا يستغرب الابداع من مبدع مهما كان فلقد وصلت أنا إلى منتهى الاعجاب بفرائدك الهادفه صح فكرك الراقي الواعي دمت بود

ما عليك زود يالغالي

و روائعك يفوح عبقها في هذا المنتدى
عباراتك الراقيه فخر لي و وسام أعتز به
إعجابك مصدر للثقه بالنفس و ما زلت في أول
المشوار و سأواصل بدعمكم و مساندتكم

أشكرك و تقبل تحياتي و تقديري

ابن قويز · #10 31-10-2007, 12:58 PM

خواطر فتاه · #11 31-10-2007, 01:08 PM

اللهم صل وسلم وبارك على نبينا محمد

وصح الله لسانك

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر