((المحاورة)):شروطها , و فنونها , و أوزانها -أرجو التثبيت-

عبدالرحمن الربيعة · #1 26-09-2007, 06:18 AM

بسم الله الرحمن الرحيم

السلام عليكم ورحمة الله وبركاته...

اخواني الاعزاء...

اسعد الله اوقاتكم بكل خير..

انقل لكم من خلال هذا الموضوع عن المحاوره والتي زادت جماهيريها بشكل غير

متوقع في الاونة الاخيرة..

واتمنى ان ينال الموضوع على استحسانكم..

(( شــعــر الـمـحـاورة ))

المحاورة أو مايسميها البعض ((الردية)) فن خاص من فنون الشعر

التي حققت رواجاً وانتشاراً كبيرا على مستوى الخليج العربي.

وهذا اللون له عشاقه ومحبيه وهو يختلف عن شعر النظم.

اذ يعتمد على سرعة البديهه حيث انه يلقى في نفس الموقف ارتجالاً

هنالك عوامل مؤثرة في عطاء الشاعر وفي المحاورة نفسها منها:

1- الصفوف (شياله):

فكلما كان عطاؤهم جيدا وصوتهم مسموعا ... وكلما كانوا منظمين اكثر كلما أعطوا
المحاورة .. متعة وجمالا.

2- القافيه:

وهي على نوعين:

مطرود: وهي ان يلقي الشاعر بيتا واحدا .. ويرد خصمه ببيت.

وسمي: ان يلقي الشاعر بيتين مفصولين ويرد عليه الخصم ببيتين .. وهو الغالب.

3- الصوت:

وهو عامل مهم جدا ويعيب على اكثر الشعراء رداءة الصوت وبحاحته .

فكلما كان صوت الشاعر مسموعا وواضحا كلما رفع اسهمه عند الجمهور.

من الامثله على الشعار المتميزين بصوتهم الرائع :

تركي الميزاني , ابن جرشان البقمي ، مطلق الثبيتي (رحمه الله) ، صياف الحربي
وغيرهم لاتحضرني اسماؤهم.

4- سرعة البديهه والرد:

وهذا عامل يميز بعض الشعراء

لعل ابرز الشعراء سريعي البديهه:

مستور العصيمي ، مطلق الثبيتي ، احمد الناصر الدوسري ، فيصل الرياحي ، حبيب العازمي وغيرهم

5- اللحن :

لحن المحاورة من عوامل نجاحها وتفاعل الجمهور معها

لعل ابرز الالحان الرائعة التي تأتي من حنجرة

تركي 200 ,حبيب العازمي، خلف ، مطلق الثبيتي(رحمه الله) ، صياف الحربي(رحمه الله) ...

***************************

((( أوزان القلطة )))

1-البحر الطويل :

مثل محاورة خلف والمعنى :

خلف:

المعرفة تجيك بها العوارف والعوارف تجيك بها وطنا=ياسلامي على شيخ فتح للشعر ميراد حق وصار عاده
يالمعنى عليك الله وامانه ياهل الملعبه وين المعنـى= غاب عشرين عام ولابغيت القاه والحظ جابه من بلاده

أو كقول حبيب العازمي في محاورة مع خلف:

حبيب:

يامرحبا ياخلف عقـب انـك وصلـت المطـار= والطايرة وقعـت وانـت مـن بيـن ركابهـا
مدري حجزت على العودة حجز اوكي ولا انتظار= الله يامنا من العودة ويحمانـا مـن اسبابهـا

2-المروبع المكسور:
كقول الشاعر مطلق الثبيتي في محاورة مع الزلامي:

مطلق:

من ضمير الرضى مرحبا بالضيوف= عـنــد شـيــخ الجـمـيـع
ياالزلامي تهرج يازين الوصـوف= زبــدتـــك لاتــمــيــع

3-القصير:

كقول احد الشعراء:

ياسلامي على كل الرجال= ردةٍ خاطـري غنابـهـا
هبت رياحها شرق وشمال= والمعاني حسبت حسابهـا

او مثل محاوره احمد الناصر و علي الماجد

احمد:

ياسهيـل اليمانـي لاتغيـب= ودي اسري وابي درب العدال
شاب راسي قبل حل المشيب= ياعلي من غرابيـل الليـال

4-المنكوس:

مثل المحاورة التي جرت بين مطلق الثبيتي (رحمه الله) وصياف الحربي(رحمه الله)
صياف:

قلب الثبيتي طار.. تالي الليل .. قلب الثبيتي طار= قلته وانا خابر.. هواذينه.. قلتـه وانـا خابـر

مطلق:

صياف يامكار.. جاك السيل .. صياف يامكار= يالله ياساتر .. على عينـه .. يالله ياساتـر

أو كقول أحد الشعار:

سلام رديه.. بها راس وعيون.. سلام رديـه= الليلة الليلة.. بها أشكال والوان .. الليلة الليلة
رده ومثنيه .. على اللي يغنون .. رده ومثنيه= كلن وتحليله .. إلى كان ماكان .. كلن وتحليله

5- المخومس:

كقول الشاعر :

يا ناقلين الطـرق عنـا= من جنب الطاروق غادي
إن قالوا العالـم تعبنـا= أنا قوياتـن عضـودي

تعاليل ياهل الملعبه هذي تعاليل

6-المسودس:

كقول مرشد البذال:

اسمعـوا وافهمـوا رد الكـلام... ياسلامي على اللي يفهمون أقوال

مــن قــدم شـريــف الـكــلام بـلاجــزا
شاقه الالم ... واغرم يوم جابنه مطاليب حاجات الرفيق
مــن عنـالـه وجـــب حـقــه وصـــار

7-المثومن:

مثل قول الشاعر:

وصلنا كلامك ونفهم كلامك

تبي تركب البرج والبرج عالـي
ترفق وخل المشي يارجل بالهون

لقيتك لقيتك وانا مانسيتك

تصلي الفروض وتبوق القرايب
توضيت والا مصلي ماتوضيت

8-المربوط:

وهي ربط شطري البيت او آخر البيت بكلمة او جملة مكررة.
أ- مربوطه بجهة واحدة:

مثل قول مستور العصيمي :

سلام الله بردية ولي نية ولي مقصود= ومقصـودي شليويـح المـطـاري واسر ياساري

ب- مربوطه من الجهتين:

مثل محاورة احمد الناصر ومطلق الثبيتي (رحمه الله):

احمد:

عيني تحب اصحابها .. والله يلوم اللي يلوم بجمادى والا رجب ... عيني تحب أصحابها

9-السهل:

وهو الشائع.

كقول احمد الناصر في محاورة مع سلمان السبر:

احمد:

وين سلمان وينه واحمـد الحمـاد= كل واحـد يغيـب ويطـول الغيبـه
ودي أقعد ولايصلح لـي المقعـاد= وقلبي أقشر ولاادري وش اسوي به

او كقول نجر بن فيصل العتيبي في محاورة مع نايف العماوي
نجر:

العماوي ينادي وانا عنه غايب= يبحث النار بيدينه وهذي مصيبه
كل ماقلت لاتشعل علينا الحرايب= قال انا عنتر الشداد وامي زَبيبه

منقول

ذيب الحداثا · #2 26-09-2007, 05:23 PM

السلام عليكم ورحمة الله وبركاته

والله ماقصرت يابو حاشي ورايتك بيضا

عبدالرحمن الربيعة · #3 26-09-2007, 09:22 PM

وعليكم السلام ورحمة الله وبركاته

مشكور أخوي الغالي على مرورك

الصييفي · #4 26-09-2007, 11:46 PM

مشكور يبو حاشي على النقل،
معلومات قيمة،

يثبت

تحياتي

عبدالرحمن الربيعة · #5 27-09-2007, 12:46 AM

العفو ومشكور على المرور

سيف شامان · #6 29-09-2007, 11:31 AM

السلام عليكم

الله يعطيك العافيه يابو حاشي ..

موضوع به الكثير من المعلومات المهمه ..

دمت بود

سعود الصبي · #7 29-09-2007, 12:51 PM

با الفعل موضوع يستحق التثبيت

أبو حاشي

يعطيك العافيه

عبدالعزيز العماني · #8 29-09-2007, 12:52 PM

بسم الله الرحمن الرحيم

لاهنت يا بوحاشي ويعطيك العافيه معلومه جديده علي

حمد 2222 · #9 30-09-2007, 12:23 AM

اشكرك ياابو حاشي

عبدالرحمن الربيعة · #10 30-09-2007, 09:59 AM

إقتباس

المشاركة الأصلية بواسطة سيف شامان


	السلام عليكم الله يعطيك العافيه يابو حاشي .. موضوع به الكثير من المعلومات المهمه .. دمت بود

وعليكم السلام ورحمة الله بركاته
الله يعافيك أخوي سيف شامان وشاكر لك مرورك

عبدالرحمن الربيعة · #11 30-09-2007, 10:00 AM

إقتباس

المشاركة الأصلية بواسطة سـعـود الـصـبـي


	با الفعل موضوع يستحق التثبيت أبو حاشي يعطيك العافيه

الله يعافيك ومشكور على مرورك

عبدالرحمن الربيعة · #12 30-09-2007, 10:02 AM

إقتباس

المشاركة الأصلية بواسطة عمدة


	بسم الله الرحمن الرحيم لاهنت يا بوحاشي ويعطيك العافيه معلومه جديده علي

الله يعافيك ومشكور على المرور

عبدالرحمن الربيعة · #13 30-09-2007, 10:03 AM

إقتباس

المشاركة الأصلية بواسطة حمد 2222


	اشكرك ياابو حاشي

العفو وشاكر لك مرورك

القضاعي النجدي · #14 19-11-2007, 10:33 PM

ب- مربوطه من الجهتين:

مثل محاورة احمد الناصر ومطلق الثبيتي (رحمه الله):

احمد:

عيني تحب اصحابها .. والله يلوم اللي يلوم .. بجمادى والافي رجب ... عيني تحب أصحابها

بارك الله فيك ابو حاشي

ابوسعود@ · #15 01-12-2007, 08:14 PM

شكلك شاعر جيد.....
مشكور...

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر