{كذا الدنيا}قصه سعوديه رووعه a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الــفصــيح والـفـرائـد الأدبـيـة > نزف القلم
التّسجيل   جعل جميع المنتديات مقروءة

{كذا الدنيا}قصه سعوديه رووعه

المشاركة في الموضوع
 
خيارات الموضوع طريقة العرض
  #1  
قديم 18-09-2007, 12:30 AM
فتى منقاش فتى منقاش is offline
عضو نشيط
 





فتى منقاش is on a distinguished road
 
{كذا الدنيا}قصه سعوديه رووعه

 

هــــذي قصه قريتها وهي موب طويله كثير بنزل لكم اول جزء إذا شفت ردودكم وحمستوني


نزلت لكم الباقي وإنشاء الله تعجبكـــم


_- وهاهي البدايه -_
الاماكن كلها مشتاقه لك ..
والعيون الي انرسم فيها خيالك
والحنين الي سرى بروحي وجالك
ماهو بس انا حبيبي
الاماكن كلها مشتاقه لك
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي آه من تطري علي
الاماكن الي مريت انت فيها
عايشه بروحي وابيها
بس لكن مالقيتك
جيت قبل العطر يبرد
قبل حتى يذوب في صمت الكلام
واحتريتك
كنت اظن الريح جابت
عطرك يسلم علي
كنت اظن الشوق جابك
تجلس بجنبي شوي
كنت اظن وكنت اظن
وخاااااااااااااااااب ظني
ومابقى بالعمر شي احتريتك
المشاعر في غيابك
ذاب فيها كل صوت
والليالي من عذابك عذبت فيني السكوت
وصرت خايف لاتجيني
لحظه يذبل فيها قلبي
وكل اوراقي تموت
آآآآآآآه...آآآآآآآآآآه
لو تدري حبيبي
كيف ايامي بدونك
تسرق العمر وتفوت
آه يالامان ..وين الامان
وانا قلبي من رحلت ..ماعرف طعم الامان
ليه كل ماجيت اسال هالمكان
اسمع الماضي يقول
ماهو بس انا حبيبي
الاماكن كلها
مشتاقه لك
ناصر من بعد ماغنى الاغنيه : يالله حبيبتي تأخرنا .....
نورة وهي تلبس عباتها : خلاص خلصت بس مين هي يلي الاماكن اشتاقت لها ؟؟؟؟
ناصر : ماتعرفينها ..!!!
نورة : لآ .. ماحصل لي الشرف .....
ناصر وهو يغمز لها : أكيد تعرفينها ... نور عيني .....
نورة حمرت خدودها : ههههههههههه ... طيب . يالله مشينا ....
ناصر : تمام يامدام .. هههههااااااي .....
نورة : هههههههههههههههه ... ( ونزلوا من البيت عشان يروحون )
وهم في السيارة قال ناصر : هااا .. كيف ولدي ....
نورة وهي تحط يدها على بطنها : يسلم عليك ...............
ناصر : الله يسلمك ويسلمه ..... ( ووصلوا لبيت أبو ناصر ) وأول مانزلوا طار ناصر بسرعة وفتح الباب لنورة .....
نورة : ههههههههههههه .. تسلم حبيبي ....
ناصر والابتسامة شاقه حلقة : العفو ياروح روح روح حبيبك ..... ( ودخلوا البيت )
ناصر ونورة : السلام عليكم ..
الكل : وعليكم السلام والرحمه .........
نايف يستهبل كالعادة : بدري كان ماجيتوا ....
ناصر : بدري من عمرك بس وش نسوي لاختك ساعه لين ماتتجهز ...
نورة وهي مفتشله : حراااام عليك أناااااااااااااا ...
الكل : هههههههههههههههههههههههههههههههههههههههههههههههههه ههههه ...

..::::.. التعريف بالشخصيات ..::::..
1)) عائلة أبو ناصر وتتكون من :الاب _ الام
ناصر: شاب عمره 28سنه.. وسيم وجذاب طيب وحنوووووون جدا... متزوج من بنت عمه نورة.....
سلطان: جميييييييل جدا ووسيم للغاية.... عمرة 25سنه...
منال: عمرها 22 سنه... بنت في قمة الجمال... ناعمة حييييل...
دلع : آخر العنقود يعني سكر معقود ... عمرها 18سنه يعني رايحه صف ثالث ثانوي. جميله ومرحه وطيوبة .. ملامحها ناعمة وتجذب الواحد لها ......... هي حساسة ورقيقه.......
*************************
2)) عائلة أبو نايف وتتكون من :الاب _ الام
نورة :عمرها 25 سنه ... جذابه وناعمه .. متزوجه من ولد عمها ناصر وهي ألحين حامل.....
منيرة : عمرها 22سنه ... وهي صديقة منال بنت عمها الروح بالروح ... جمالها رباني حلوووووة كثير وناعمة ....
نايف :عمرة 18 سنه واكبر من دلع بكم شهر ... حبوووب وحلووو ومملوح ... عيونه تسحر الواحد لها على طول....... رايح ثالث ثانوي ....
أحمد : أصغر واحد عمرة 15سنه.. يموت على شي أسمه إنترنت...
***************************
3)) عائلة أبو طلال وتتكون من : الأب – الأم
هيفاء : عمرها 27 سنة عندها ولد وبنت الولد أسمه سامي وعمرة 7 سنين والبنت أسمها سلوى وعمرها 5 سنين ... زوجها توفي يوم كان عمر سلوى سنتين ... وراحت هيفاء وسكنت في بيت أهلها وهي تتعذب لانها كانت تحب زوجها وزوجها يحبها وكانت مرتاحه معه كثير بس جا يومه قبل لايشوف عياله يكبرون .....
طلال : عمرة 25 سنه صديق سلطان ... وسييييم لأبعد حد .. ويدخل القلب بسرعة ....
رنا : عمرها 19 سنه طيوبه وحلوة وناعمه ...
روعه : عمرها 18 سنه وصديقة دلع .. رايحه ثالث ثانوي ... جمالها موطبيعي .. كل شي فيها يسحر الواحد ...
عبد الرحمن : آخر واحد وهو صديق أحمد وفيه نفس الطبع ... وهو حبه الشديد للنت .... وعمرة 15 سنه ..
***************************
4)) عائلة أبو مشعل وتتكون من : الاب – الام
مشعل : طيب ومحترم وحلو عمرة 28 سنه متزوج أميرة وعنده بنت أسمها مها وعمرها 6 سنين ...
التوأم سلمان و روان ..
سلمان : عمره 18 سنه دائما مع ولد عمه نايف ,,, أصحاب وما يخبون شي عن بعض ... حلووو ووسيم ... يحب الفر فشه والتنكيت مثل نايف وما يحب الرسميات ..... رايح صف ثالث ثانوي ....
روان : أصغر من سلمان بخمس دقايق .. وطبعا عمرها 18 سنه وهي بعد رايحه ثالث ثانوي .. حلوة وناعمه والهدوء من أطباعها .. ماتحب المشاكل ... مسالمه . وصديقة بنات عمها دلع وروعه ....
ندى : آ خر وحدة وعمرها 14 سنه ......
*****************************
5)) عائلة أبو إبراهيم وتتكون من : الاب
إبراهيم : شاب رااائع .. خلوق حلوووو ورزة ... عمرة 26 سنه ويشتغل مع أهله بالشركة ...
ريناد : بعمر رنا ... طيبه حبوبه وحلوة ... محبوبه من قبل الكل .....
( امهم توفت من سنين وكانوا صغار في السن ... وكان لازم من أبوهم انه يجيب له وحدة تربيهم ... وتزوج وزوجته في منتهى الطيبه .. حبت ريناد وابراهيم وربتهم كأنهم عيالها وهم حبوها وصاروا ينادونها يمه لطيبة قلبها ... )
فيصل : أخو ابراهيم وريناد من الاب .. عمرة 18 سنه وطبعا مع عيال عمة ... رومنسي وجذاااااااب على صغر سنه ... بس الكل يحبه ...
نجود : عمرها 14 سنه ومع ندى دائما ..
***********************************************
وأخيرا أخوهم العزابي عبد العزيز عمرة 23 سنه قريب من عيال وبنات أخوانه كثير .على الرغم من إختلاف أعمارهم. لكن علاقتهم قووووووووووووووويه ...
**********************************************
الكل اليوم متجمع في بيت أبو ناصر لان سلطان وطلال راح يرجعون من السفر "" سلطان وطلال كانوا مسافرين لندن يدرسون هناك وخلصوا آخر سنه وهذاهم راجعين ."" طلعوا الرجال كلهم عشان يستقبلونهم من المطار وبقى في البيت الحريم والبنات .....
:.:. ودق جرس الباب .:.:
قاموا مرتبشين وبسرعة حطوا طرحهم على روسهم وغطوا شعورهم .... ودخلوا الرجال ..... وركضن أم ناصر وأم طلال وراحوا سلموا على عيالهم .........
أم طلال وهي تصيح : كيفك ياوليدي ...
طلال وهو يمسح دموعها : بخير يالغاليه بخير ....
أم ناصر ودموعها تجري على خدها : وينك ياوليدي عنا ماتسأل والله اشتقنالك ..
سلطان وهو فيه الصيحه : وأنا أكثر وسامحوني ان كنت مقصر ....
وبعدها راحوا يسلمون على الباقي .....
طلال وهو يسلم على رأس جدته : شلونك يمه ( الجدة كبيرة في السن ومخرفه )
الجدة : مين إنت .؟؟؟؟؟؟؟؟؟؟؟؟؟؟؟؟؟
طلال : أفا نسيتيني يمه ...
الجدة : أنا ماأعرفك عشان أنساك .......
قالت هيفاء : هذا طلال يمه طلال أخوي .. ( لف طلال وطالع فيها وابتسم ورجع طالع في جدته )
الجدة : ايييييييه .. طلال وليدي شخبارك يمه ؟؟؟
طلال : بخير الحمد لله . ( جا دور سلطان يسلم )
سلطان : وانا سلطان عرفتيني ...
الجدة : سلطان !!!!!!!!!!!........ ايييه سلطان كيف أحوالك يمه ؟؟؟؟؟..
سلطان وهو يسلم على راسها للمرة الثانيه : بخير .. ( وبعدها راحو يسلمون على الباقي )
دلع وهي تضم أخوها بقوة : هلا بالقاطع .. شلونك .....؟؟؟؟؟؟؟؟؟؟؟؟؟؟
سلطان وهو في حضنها : بخير .. وأنت بعد ماتقولين عندي أخو أسأل عنه ...
دلع وهي تصيح : سامحني .... ( وبعدها جلسوا كلهم في الصالة الكبيرة )
الجدة وهي تطالع في سلطان وطلال : وانتوا لسى ماعرستوا ...؟؟؟؟؟؟؟؟؟؟
سلطان : لأ . يمه لين ألحين ليه عندك عروس لنا ؟؟
الجدة : لأ . بس كنت أحسبكم تزوجتوا من الصفر والحمر يلي هناك ... ( انفجرت الصالة ضحك )
الجدة وهي عاقدة حواجبها : هااااااو . ليه تضحكون ؟؟؟
سلمان : هههههههههههه . وانت وش دراك ان هناك في صفر وحمر .؟؟
الجدة : من التلفزيون ...
نايف : هههههههههاااي . وتشوفين تلفزيون بعد .. لاااااا الحرمه خربت ...
الكل : هههههههههههههههههههههههههههههههههههههههههههههههههه ...
ابو نايف وهو يحاول يمسك ضحكته : عيب يانايف ..ههههههههههههه .
نايف : هههههههههه . إن شاء الله يبه ... ( وبعدها قعدوا يسولفون ويسألون عن الاخبار والاحوال )
":":": بـــــــعد العشاء :":":"
راحوا الحريم والرجال وقعدوا في الصالة الثانية وجلسوا الشباب والبنات في الصالة الكبيرة البنات كانوا مستحيات كثير .........
طلال : أقول دلع .. يعني إذا ماعندك مانع ودي أسالك سؤال يفرقع في قلبي من زمان .... وسألت سلطان عليه وقال لي مايدري ..
دلع : وشو هالسؤال ؟؟؟؟
طلال : ليش سموك دلع ؟؟
دلع وهي تهز كتوفها : والله مادري ؟؟ تصدق سألت أمي مرة وقالت لي إن الدكتورة يلي ولدتها كان اسمها دلع .. وسمتني عليها ....
طلال : ههههههههههههه ... علشان الدكتورة يعني ...
دلع :ههههههههههههه ... ايه شفت شلون ..
نايف : بس إسم على مسمى ... ( الكل التفت له وهم مستغربين )
نايف يبي يصرفهم عن الكلمه يلي قالها بدون مايقصد قام يكح : كححححححححح .. احم احم ..
سلطان : أي اسم على مسمى الله يهديك ... والله ولا قاربها الدلع تقول واحد من الربع .. اذكر هذاك اليوم قبل لا اسافر اعطتني هذيك الضربه يلي بغت تكسر لي فيها ضلع لولا ستر الله ...
دلع وهي زعلانه : هيييين يا سليطين ... يجيلك يوم ....
مشعل : ههههههههه .. مهاوي حبيبتي قولي لماما يلا ..
مها : طيب بابا .. ( وراحت )
سلطان : وين بدري ...
مشعل : بدري من عمرك .. بس ورانا شغل ...
سلمان بخبث : وش شغله في أخر ذا الليل ..؟؟؟؟؟؟؟؟؟؟؟
مشعل : شي مايخصك .. اشغال عائليه يعني .. خااااصة ...
فيصل : هههههههه .. تعجبني ... اذا جيت تصرف عمرك ..
عبد العزيز : خلو الولد يعيش حياته ..
مشعل : تصدق ماحد يفهمني غيرك ........
(( فـــــــــي الـســـــــيـــارة ))
مشعل : حبيبتي وش فيك ؟؟؟
أميرة وصوتها مخنوق : مافيني شي ....
مشعل : تخبين علي يعني ...
أميرة : والله حال هيفاء مو عاجبني ... من مات ( ونزلت دمعتها . وبلعت غصتها ) ياسر وهي ماسكة الحزن .. حاولت معها بس مافي فايدة ... ( أميرة صديقة هيفاء من أيام ماكانوا صغار ... وياسر يصير أخوها .. حزنت لما مات وحزنت على حال صديقة عمرها ورفيقة دربها ))
مشعل وهو يتنهد : وش نسوي بعد ياأميرة .. حاولنا معها بس مافي فايدة .. وقلنا لها إن ياسر خلاص الله يرحمه بس هي معنده ولين الحين زعلانه ...
أميرة : الله يساعدها ...
(( في اليوم الثاني ))
ريناد : هلا يمه طلبتيني ؟
أم فيصل : ايه حبيبتي .. تعالي بقولك شي ...
ريناد وهي تجلس جنبها ..: وت ؟؟؟
فيصل يدخل على فجئه : هههههه أختي وانجليزي مايصير .. ( وراح جلس جنبها )..
ريناد : ههههه حرام عليك كلها كلمه وحدة ...
أم فيصل : الله يهديكم هههه ... المهم اسمعوا ... تجهزوا اليوم على المغرب لاننا بنروح المزرعه ..
فيصل : غريبه يمه بالعادة المزرعه مانروحها إلا الخميس واليوم اثنين ...
امه : ايييه بس بنروح اليوم حاله استثنائيه لان أخو أم طلال سالم بيجي ..
ريناد : مين هذا يمه ...؟؟؟؟ خال رنا ..!!!!!!!!!!!
امها : ايه هذا خالها يلي سافر هو وعياله الكويت عشان شغله ...
ريناد : أهاااااا عرفته يلي عندة ايمان ودانه ...
امها : ايه هذاك هو ...
فيصل : عن مين تتكلمون أنا مو فاهم شي .؟؟؟
ريناد : هذا أخو خالتي أم طلال ...
فيصل : لا ياشيخه يعني فسرتيها الحين ..
ريناد : ههههههه وهذا سافر للكويت من كم سنه ونحنا كنا صغار عشان كذا مانذكرة ..
فيصل : طيب عندة عيال :؟؟؟؟
امه : ايييه عنده ايمان ودانه وبدر وعلى ماأظن عمر ...
ريناد : وعمر هذا بعمركم انتوا يعني راح يكمل شلتكم ..
فيصل : واااااي وناسه ..
امه : قوموا تجهزوا مابقى شي على المغرب ولا تنسون شيلوا معاكم ملابس زيادة عشان بنام هناك ..
فيصل وريناد : أوكيك ..
؟؟؟ في المزرعه ؟؟؟
وصلوا بيت أبو سالم يلي خلاص راح يستقرون في الخبر بعد مالزمت عليهم الظروف انهم يسافرون للكويت ...
كانت عائلتهم تتكون من : الاب – الام .
بدر : أكبر واحد عمرة 25سنه ..
دانه : عمرها 20 سنه ...
ايمان : عمرها 19 سنه ...
عمر : عمره 18 سنه ...
... في قسم الرجال ... ( كانوا قاعدين ومستانسين .. طبعا الشلة الرباعية شلة المراهقين ( نايف – سلمان – فيصل – عمر ) فالينها ضحك وتريقه وسوالف ... دق جوال عمر وأول ماطالع في الشاشه ابتسم :
فيصل : بسم الله لايكون جنيت .. تتبسم للجوال ..
عمر : ههههههه . لا هذي وحدة كنت أعرفها بالكويت ويوم قلت لها اني بسافر قامت تصيح .....
نايف : والله وطلعت راعي سوالف ياعمير ...
فيصل : هااات برد عليها ( وأخذ الجوال )
عمر : ترى اسمها فتون ...
فيصل : ألووووو .. هلا وغلا هلا بفتون .. وش تبين فيه .... ههههه .. لا ماعليك منه وصل وشوفيه منثبر .... أوكي عمري يوصل .... ايه خلينا نسمع صوتك لاتقطعين هاه .. باي حياتوو ...
سلمان : الله يغربلك تكلمها وكأنك تعرفها ...
فيصل : هي والله يلي فلتها وجلست تسولف ... بس عليهااااا صوت وااااي ..
عمر : هههههههههههههههههههههههههههههه ....
عند الحريم ( البنات قاموا وراحوا للغرفة الداخليه لان الحريم وسوالفهم عورت روسهم )
ريناد : اشتقنا لكم ..
ايمان : وحنا اكثر والله ..
دلع : قوموا بنات خل نرقص ...
روان : الله يرجك قولي آمين ...
دلع : بسم الله علي مالت عليك والله من جد خبله ..
رنا : أقول انتي وياها ورى ماتنثبرون وتاكلون تبن ...
منيرة : عفيه على بنت عمي الشاطرة ....
منال : يالله بنات والله زهق ..
روعة : طيب وش نسوي يعني ..
دانه : قوموا نتمشى برى ..
رنا : والله وجبتيها يابنت خالتي ... بس الشباب برى يعني فشله نطلع ...
إيمان : أوكي أجل خل نجلس هنا .. ( وراحت شغلت المسجل وقام الرقص يلي على أصوله )
وعلى فجئه سمعوا أصوااااااااااات صرااااااااااااااااااااخ .... بس ماسمع هذا الصوت غير البنات .. طلعوا ركض
رنا : وش فيكم ؟؟؟؟؟؟؟؟
نجود : ص..صرصورررررر ..
ندى وهي تصارخ : يممممممممه لحقوا علينا ...
البنات : ههههههههههههههههههههههههههه ..
ريناد : مالت عليكم غربلتونا ... ( ورجعوا دخلوا )
..............................
بدر : هههه طيب تذكر نادر ..
طلال : هههههههههه ايه ( نادر صديقهم ) تذكرت ..
سلطان : أي واحد ..؟؟؟
بدر : هذاك يلي طاح من على الدرج يوم كان بثالث ثانوي وقام يسب ويلعن في المدير والمدرسين والطلاب حتى الفراش ماسلم منه ...
سلطان : خخخخخخ .. ذكرته هذا يلي جا المدير يهاوشه قاله نادر انطم وسكته قدام الناس ..
طلال: ههههههههههه ايه هذاك ...
نايف : تصدق ان أخوة معنا ..
بدر وطلال وسلطان : لاااااااااااااااااااااااااااااااااااا ...
سلمان : بسم الله الرحمن الرحيم .. طالعوا أشكالكم كأنكم مهرجين ... هههههههههه ..
عمر : ايه من جد والله .. هههههههههههههههههه
طلال : أقووووووووووووول جب أنت وياة ...
بدر : طيب وش أسم أخوة ؟؟؟
نايف : هاني على ماأظن ...
فيصل: وععععع مافي تناسق هاني ونادر ... بس والله ذا الهاني حليل مو بطال ...
سلطان : يعني على عكس أخوة .. لان أخوة كان واحد نشبه ماينطاق ......
نايف : إلا وين عزوز وإبراهيم ؟؟؟؟؟؟؟؟؟؟؟؟
طلال : ماادري قالوا بيطلعون وللحين مارجعوا ...

يا الله باي انا فانتظار ردودكم علشان اكمل لكم

 

الرد مع إقتباس
  #2  
قديم 29-09-2007, 08:54 PM
فتى منقاش فتى منقاش is offline
عضو نشيط
 





فتى منقاش is on a distinguished road
 

 

 

الرد مع إقتباس
  #3  
قديم 30-09-2007, 09:03 PM
الصورة الرمزية لـ آسر
آسر آسر is offline
:: قلم مازال ينبض ::
 





آسر is on a distinguished road
 

 

فتى منقاش

لي عـــــــودة بإذن الله

لقرائتها


أشكرك كثـــــــيراً

 


::: التوقيع :::

ربَّاهُ ... قد أكثروا مَدْحي وما عَلِمُوا ** أنّي ومَن كَرِهُوهُ فيكَ أشْباهُ
فيا إلهي كما أكرمتَ عبدَك في ** دنياهُ فاشملْ بهذا السِّترِ أُخراهُ!


 
الرد مع إقتباس
  #4  
قديم 01-10-2007, 04:44 AM
الصورة الرمزية لـ الخيّالة
الخيّالة الخيّالة is offline
مشرفة قسم مـالذ وطـاب
 






الخيّالة has a spectacular aura aboutالخيّالة has a spectacular aura about
 

 

فتى منقاش كمل القصه كلها .. تحمست معها

لاتطول علينا

 


::: التوقيع :::

" اللّهم لك الحمد حتى ترضى "



 
الرد مع إقتباس
  #5  
قديم 22-10-2007, 12:31 AM
سولاف سولاف is offline
عضو مشارك
 





سولاف is an unknown quantity at this point
 

 

مشكورة وين بقية الاجزاء

 

الرد مع إقتباس
  #6  
قديم 31-10-2007, 12:07 AM
adreeem adreeem is offline
عضو مشارك
 





adreeem is an unknown quantity at this point
 

 

نحتري باقي الاجزاااااااااااء

 

الرد مع إقتباس
  #7  
قديم 01-11-2007, 01:37 AM
سولاف سولاف is offline
عضو مشارك
 





سولاف is an unknown quantity at this point
 

 

هل نزلت بقية الاجزاء
مشكورين سولا ف

 

الرد مع إقتباس
  #8  
قديم 03-11-2007, 11:47 PM
فتى منقاش فتى منقاش is offline
عضو نشيط
 





فتى منقاش is on a distinguished road
 

 

لا ولا راح انزلها

لان مافيه مشاكين يحمسون

 

الرد مع إقتباس
  #9  
قديم 19-11-2007, 09:32 PM
الصورة الرمزية لـ بنت الخوالد
بنت الخوالد بنت الخوالد is offline
عضو جديد
 





بنت الخوالد is an unknown quantity at this point
 

 

تكفىىىىىىىىى سجلت بالمنتدى بس عشان القصه تكفىىىىىىىىىى كملها الله يعافيك

 

الرد مع إقتباس
  #10  
قديم 20-11-2007, 12:19 AM
الصورة الرمزية لـ &حنايا الروح&
&حنايا الروح& &حنايا الروح& is offline
عضو ماسي
 





&حنايا الروح& will become famous soon enough&حنايا الروح& will become famous soon enough
 

 

لالالالالالالالالالا
فتى المنقاش والي يسلمك لا تزعل علينا
لا تتاخر
نحن بالإنتظار

 

الرد مع إقتباس
  #11  
قديم 09-12-2007, 12:53 AM
الصورة الرمزية لـ .a.h.a.m.
.a.h.a.m. .a.h.a.m. is offline
:: مناقشة محترفة ::
 





.a.h.a.m. is on a distinguished road
 

 

إقتباس
ولا راح انزلها

لان مافيه مشاكين يحمسون


مو مشكلة انا بنزّلها

 


::: التوقيع :::

سبحــان الله و بحمــده


سبحــان الله العظيـــم


 
الرد مع إقتباس
  #12  
قديم 24-12-2007, 10:54 PM
الصورة الرمزية لـ المها الشارد
المها الشارد المها الشارد is offline
عضو مستمر
 





المها الشارد is an unknown quantity at this point
 

 

قصه روعه ربي يعطيك العاافيه

 

الرد مع إقتباس
  #13  
قديم 29-12-2007, 03:06 AM
الحل الصعب الحل الصعب is offline
عضو مشارك
 





الحل الصعب is an unknown quantity at this point
 

 

فتى عادي اذا بتغلى انا اكمل عنك


طلعوا وما بقى في المجلس غير الرباعي المرح بالاضافه الى عبدالرحمن و أحمد ..
فيصل : تكفى حموووود قوم اطلع للغرفه تلاقي اللاب توب حقي عند الشنطه جيبه ..
أحمد : ماااااااابي قوم انت ..
فيصل وهو يقوم : أوريك يالدب ...
وطلع ورجع وفي يدة الشنطه حقت اللاب توب ...
قعد جنب نايف بعصبيه ..
نايف : يه وش فيك معصب ..؟؟
فيصل : مو معصب .....
نايف : الا معصب ..
فيصل من جد عصب : أقولك مو معصب ..
نايف : ايه صح مو معصب ..
راح وشبك السلك ودخل على النت وفتح الماسنجر وكانوا كلهم أوف لاين ..
نايف : مافي احد ؟..
فيصل : ايه مالت عليهم كلهم طالعين ..
نايف : أجل افتح حقي خل نشوف ..
فتح فيصل الايميل حق نايف وكانوا كلهم أوف لاين ما عدا اثنين كانوا اون لاين ..
نايف بلهجه سريعه : اطلع بسررررررررررعة ..
فيصل : ليه من هذولا ؟؟
نايف : هذا واحد من أخوياي ..
فيصل : والثاني ؟؟
نايف : وحدة ضايفها من المنتدى ..
فيصل : أحللللللللللللللللف ..
نايف : حبك سحلف ..
فيصل : هههههههههههههههه طيب كلمها ..
نايف : ماابي ..
فيصل : طيب ليش ؟؟
نايف : لاني اذا كلمتها راح تقعد تحقق معي انت وين ومع مين ووش تسوي ومن حركات البنات يلي ماتخلص ..
فيصل : طيب خلني أنا أبي أكلمها ..
نايف : نعم ياعيوني لاااااا تحلم ..
فيصل : ليش طيب تكفى خل أكلمها ..
نايف : أووووووووووووف منك كلمها بس اياني واياك تقعد تتغزل فيها ..
فيصل : ولا يهمك .. ( وأعطى صديق نايف بلوك ودخل علشان يكلم البنت )
نايف كان النك نيم حقه ( وفيت وما توقعت الخيانة ) : هاااااااااااااااااااااااي ..
البنت كان النك حقها ( باربي السعودية ) : هااااايات ياهلا ..
وفيت وماتوقعت الخيانة : شلونك ؟؟
باربي السعودية : تمام انت شخبارك ؟؟
وفيت وماتوقعت الخيانة : أسأل عنك .
نايف : أقولك عندي لك رأي ..
فيصل : وشو؟؟
نايف : أطلع وضيفها عندك بالايميل وكلمها على راحتك ..
فيصل عجبتة الفكرة وعلى طول نفذها .. وأضافها عندة وهي قبلت الاضافة ويوم جا بيكلمها طلعت ..
فيصل : يلعن الحظ يلي زي كذااااا ..
نايف : ليش وش صاير ؟؟
فيصل : طلعت ..
نايف انسدح على الارض وهو ميت من الضحك ..
فيصل : ايه ايه إضحك ياوجة العنز ..
نايف : هههههههههههههههههههههههههههههههههههه ..
في هذة اللحظة دخل سلمان وعمر يلي كانوا بالمطبخ وما شهدوا من الاحداث شي .. استغربوا لمن شافوا فيصل يطالع الكمبيوتر باحباط ونايف منسدح من كثر الضحك ..
سلمان : وش فيكم ؟؟؟
فيصل :مافينا شي ..
عمر : بالله عليك قول وش صاير .......
وقال لهم فيصل السالفة كلها وانسدحوا جنب نايف وهم ميتين ضحك ..
فيصل : ايه اضحكوا يالثيران ..
نايف : بالله عليك وش كان شعورك يوم لقيتها طالعة ؟؟
فيصل : عادي كان ودي أقوم واتوطى في بطنك انت ووجهك ..
وبعدها أذن الفجر قاموا صلوا وراحوا ينامون ..
.................................................. ....
(( اليوم الثاني الساعة 11 صباحا ))
الجدة وهي تصارخ : يلااااااااااااااااااا يابنات قوموا ..
روعة : يمة تكفين خلينا ننام ..
الجدة : يكفيكم نوووم شوفي الساعة كم ..
وقاموا البنات بعد ماأخذوووووو هوشة مرتبة من الجدة ..

عند الرجال وبعد ماخلصوا الغداء ...
أبو بدر : ها ياسلطان وطلال وشلونكم لقيتوا وظيفة ولا للحين ؟؟
سلطان : لا خالي لقينا وقدمنا أوراقنا وننتظر القبول ( طلال وسلطان تخصصهم طب )
أبو ناصر : وانت يابدر قدمت أوراقك ولا للحين ؟؟
بدر : لا عمي للحين ..
سلمان : وانت وش تخصصك ليكون عرض أزياء ..
بدر : عرض أزياء بعينك وشو عرض أزياء انت بعد ..
فيصل : أجل وشو ؟
بدر : داخل هندسة ..
عبد العزيز : هههههههههه حركااااااات والله هندسة ..
مشعل : طيب ليه ماتشتغل معنا في الشركة كلنا نشتغل فيها أنا وابراهيم وعزوز وناصر .. وكل مابغينا زيادة في الراتب ( يأشر على ابوة واعمامة ) نروح لواحد من الحلوين هذولا ويعطينا ..
أبو مشعل : ايه يبا تعال معنا محتاجينك حنا ..
بدر : والله مدري انت وش رايك يبة ..
أبو طلال : أبوك معنا يعني انت بعد معنا ..
بدر : خلاص معاكم ..
أبو ابراهيم : على بركة الله ..
فيصل باستهبال : مبروووك مبروووك منك العيال ومنها المال ان شاءالله ..ههههههه
نايف : يتربون بعزك .
عمر : بالرفاه والبنون ..
بدر : هههههههههههههههههههه الله يبارك فيكم عقبالكم ..
سلمان : لا وين عقبالنا حنا ألحين خاطبين الثانوية العامة خل نتزوجها بعدين بنطلقها ولا يهمك وبنتزوج أخوات زوجتك ......
أبراهيم : الله يشفيكم ...
...................................
ندى : تكفين رواااااان وين الووكمان حقك ؟؟
روان : وش تبين فيه ؟؟
ندى : بتصور معه .. يعني وشو بسمع ..
روان : ياربي منك تلاقينه في شنطتي .
ندى : thank you ( وطلعت هي ونجود علشان يجيبونه )
منال : بنات عندي لكم خبر حلوووو ..
البنات : وشوووووووووو ؟؟
منال : تو سلطان مكلمني يقول انهم بيطلعون ويقولون يبون يطلعونا معهم ..
البنات : احلللللللللللللللللفي .
منال : والله يلا قوموا ..
العنود : غريبة أول مرة يسونها ؟؟
منيرة : هههههه يمكن نزلت ملائكة الرحمه عليهم يلا خل نقوم لا يهونون ...
وتجهزوا البنات وطلعوا علشان يروحون ..
دلع وروعه وروان كانوا راكبين مع سلمان وفيصل ..
روعه : طيب وين بنروح ؟؟
فيصل : ما أدري والله عبد العزيز قال ألحقوني بالسيارة .. ( وقطع عليهم صوت جوال روعه )
روعه : ألووو .. هلا وعليكم السلام .. ايه.. ياهلا والله ......... وشوووووووووووو .. لاااااااااا مستحيل ... ( وسكرت الجوال وقعدت تصيح )
دلع : وش فيك ..؟؟؟
روعه : _____ ( تشهق )
سلمان : ليش تصيح ؟؟؟
روان : مدري ؟؟ ( وأخذت جوال روعه وفتحت على المكالمات المستلمة علشان تعرف مين يلي كلمها ... وكان رقم أخت كريمة صديقتهم )
روان : ألووووو .. شلونك ؟؟؟ أيه تو انتي مكلمتها وهي الحين تصيح وش السالفة ؟؟؟ كيـــــــــــــــــف ؟؟
لااااااااا ما أصدق .. كيف طيب ؟؟ مع السلامه ......... ( وهي بعد قعدت تصيح )
فيصل : ياحبيبي .. كنا بوحدة صرنا بثنتين ..
دلع : وش فيكم لا تجننوني ؟؟؟
تتوقعون ليش روعه وبعدها روان قاعدات يصيحون ؟؟؟
وايش قالت لهم أخت كريمة ؟؟؟؟؟؟

 

الرد مع إقتباس
  #14  
قديم 29-12-2007, 03:08 AM
الحل الصعب الحل الصعب is offline
عضو مشارك
 





الحل الصعب is an unknown quantity at this point
 

 

دلع : وش فيكم لا تجننوني ؟؟؟
روان وصوتها رايح من الصياح : كريمة ..
دلع بخوف : وش فيها !!!!
روان : مـ ... ماااااتت ...
( عم الهدوء السيارة لدقائق وماحد مستوعب )
دلع بصدمة : وشوووووووووووو .؟؟؟؟؟
روان : أختها تقول ماتت بحادث سيارة ...
دلع وهي تصيح : لأ اااااااااا مستحيل أكيد تكذبون ..
(( وهنا سلمان وفيصل من جد توهقوا ولا عرفوا وش يسوون ))
فيصل : خل نرجع المزرعة ..
سلمان : وهذا يلي بيصير بس خلني أكلم نايف وأقولة .. ( واتصل على نايف وقال له السالفة وعرف الكل بخبر الوفاة وقرروا يرجعون للمزرعة ))
وأول مارجعوا فتحوا الثلاث بنات مناحة على أعز صديقة لهم ..
( كريمة هي كانت الصديقة الصدوق لدلع وروعة وروان . كانت بنت مثل العسل الكل يحبها أخلاقها عاليه وماتحب أحديزعل منها ..... كانوا مايفترقون عنها ولاهي تفترق عنهم .. وكانت بمثابة الاخت لهم )
العنود : أووووووووووووووف خلاص البنت ماتت لاتقعدون تسوون حركات مالها داعي وتعورون روسنا ..
دلع وهي تطالعها باشمئزاز : انتي انسانة انتي ؟!!!!!!!!
نورة : خلاص يابنات امسحوا دموعكم هي محتاجه دعواتكم مو دموعكم ..
العنود : تكلمت أم النصايح والحكم ..
روان : انتي ورى ماتسكتين ..
نورة : آآآآآآآآآآآآه لحقوا علي ؟؟
الكل تجمع حولها يبي يعرف وش فيها ..
بس مافهموا شي لانها كانت تصارخ وباين عليها انها تتألم ..
أتصلت منال على ناصر يلي جا مثل الطير ودخل عند الحريم علشان يشوف نورة وش فيها .
ناصر وهو يشيلها : جيبوا عباتها ...
العنود بصوت واطي : جعلك من هالحاله وأردى ..
الجدة بخوف : وش فيها ؟؟؟
أم نايف : ماأدري والله ألحين مو موعد ولادتها ..
الكل : الله يستر ..
......................................
في المستشفى كان ناصر ينتظر على نار .. نزلت الدكتورة من الغرفة وهي مبتسمة ..
ناصر : خير دكتورة بشري ..
الدكتورة : من أنت ؟؟ زوجها ..
ناصر : ايه زوجها ..
الدكتورة : تفضل معي للمكتب .. ( ولحقها ووصلوا لمكتبها )
ناصر : وش فيها نورة ؟؟؟؟
الدكتورة : وليش كل هذا الخوف ؟؟
ناصر : كانت بتموت من الوجع وحنا نعرف انها الحين بالشهر الثامن ومو موعد ولادتها ..
الدكتورة : لا عادي هذا شي طبيعي تطمن مو ولادة ..
ناصر : شي طبيعي !!!!!!!!!! شلون يعني شي طبيعي ..؟؟
الدكتورة : يعني الوجع يلي كانت تحس فيه الظاهر كان السبب فيه عيالك ..
ناصر باستغراب كبير : عيااااااااااااااااااااالي !!!!!!!!!!!!!!!!!
الدكتورة : ايه عيالك الظاهر كانوا يترافسون داخل بطنها ..
ناصر : شلون عيالي .. حنا سوينا أشعه لها قالوا حامل بولد واحد ..
الدكتورة : ايه عادي دائما تصير .. أحيانا أشعة التلفزيون ماتبين غير ولد واحد والثاني مايبين .. بس ألحين بين ومبرووك زوجتك حامل بتوأم صبيان ..
ناصر طار من الفرحة .. شكر الدكتورة وراح طيران لغرفة نورة لقاها تلبس عباتها علشان قالوا لها إنها ألحين بتطلع .. بشرها بالخبر وهي قعدت تصيح من الفرحة ..
...........................................
أم ناصر : هااا وش صار .؟؟؟
ناصر : ماصار شي ...
العنود : شلون ماصار شي وهي كانت تصايح علينا تقول بزر ..
نورة سفهتها بس ناصر رد عليها : والله انتي أدرى من البزر ..
العنود : اوووووووف طيب وش فيها ولا كانت تدلع ..
ناصر وهو يقرب نورة منه ويحطها بحضنه : من حقها تدلع مو ملاااااك مثل القمر .. يلبق لها الدلع ..
نورة احترق وجهها من الفشله .. أستحت من جد كل الحريم كانوا قاعدات والبنات معهم يعني ماراح يحرمونها من تعاليقهم عليها ..
الجدة : طيب قووول وش صار ؟؟
ناصر بفرح : بصير أبووووو ...
روان : بالله عليك أحلف ..
ناصر : والله بصير أبووو ....
ريناد : طيب داريين من أول انك بتصير أبو .. حنا نبي الخبر الجديد ..
ناصر : ايه أول كنت راح أصير ابو لواحد ألحين أنا أبو لاثنين ...
أم نايف : شلوووووون يعني ؟؟
ناصر : يعني حبي الأول والأخير حامل بتوأم صبيان ....
عمت الفرحه على الكل والكل قام ينطط من الفرحه .. ماعدا العنود طبعا يلي ودت لو ان الارض تنشق وتبلعها .
الجدة : كلللللللللللللللللوش ...
روعه : هههه يمه حنا محنا بعرس ..
الجدة : ايه بس خلونا نفرح ..
الكل درى بسالفة التوأم وفرح من قلب لنورة وناصر ..
البنات حاولوا ينسون سالفة موت كريمه شوي لأنهم مايبون يخربون على نورة فرحتها ..

(( اليوم يلي بعدة رجع الكل لبيتة ))
..............................................
(( بعد أسبوع ))
البنات كانوا متجهزات علشان زواج ناس يعرفونهم .. والكل راح يروح إلا نورة وناصر .. لان نورة تعبانه شوي في الحمل مع التوأم حقها وناصر لازم يساعدها..
كانوا البنات جالسات بطاولة لوحدهم وأنوااع الوناسة ..
____ : السلام عليكم
ريناد ورنا : وعليكم السلام .
____ : شلونكم ؟؟
ريناد : تماام ..
البنت : شكلكم ماعرفتوني ..
رنا : العذر والسموحة أختي ؟؟
البنت : أنا ريم ..
ريناد ورنا بدهشه : كذااااااااااااااااااااااااابة .
ريم : ههههههههههههههه والله ( وقاموا البنات يسلمون عليها )
( ريم كانت صديقة رنا و ريناد من أيام الثانوي .. سافرت مع أهلها لدبي من بعد ماخلصت الثانوي ومن ذاك اليوم انقطعت أخبارها ... بنت حلوة نعومه وطيوبه .. دمها خفيف .. )
ريناد : يالدبه تغيرتي ..
ريم : للأحسن ولا ؟
رنا : طبعا للأحسن .. طالعة تهبلين .
ريم : وانتوا بعد تغيرتوا ؟
ريناد : هااا وكيف لقيتينا .
ريم : أكيد تهبلووووووووووووووون ......
وجلسوا يسولفون لين ماخلص الزواج ..
............................................
في سيارة راشد أخو ريم ..
ريم : تدرين يمه من شفت اليوم .!!
أم راشد : لا يمة مين ؟؟
ريم : شفت ريناد ورنا صديقاتي ..
أم راشد : لاااااااا هااا وكيفهم وش أخبارهم .؟؟
ريم : تمام مشاءالله طالعات ملكات جمال ...
أم راشد : طيب كيف أشكالهم يمكن لمحتهم ..؟؟
ريم : امممممممممم شفتي يلي كانت لابسه فستان تركواز وأسود له ذيله من ورى ومخصر على جسمها ؟..
أم راشد وهي تفكر : ايه هذيك الحلوة ؟
ريم : ايه هذيك هي ريناد ...
أم راشد : مشاء الله لاإله الا الله تهبل ..
ريم : ايه يمه احلوت واجد .. طيب شفتي الثانيه يلي كانت لابسه فستان أحمر وفيه أسود ... طويل من ورى وقصير شوي من قدام .؟؟
أم راشد : ايه هذيك المزيونة ؟؟
ريم : ايه هذيك هي رنا ..
أم راشد : مشاء الله لاإله الا الله تأخذ العقل ..
طبعا كل هذا الكلام دار بين ريم وأمها في السيارة وطبعا يلي كان يسوق السيارة هوراشد وكان قاط اذنة عندهم يسمع كل كلمة قالوها .....
.......................................
"" اليوم يلي بعدة الساعه 4 عصرا ""
رنا كانت تكلم ريناد ..
رنا : هااااااا رينو وش قلتي ؟؟؟
ريناد : أوكي تمااام بس شوفي طبعا نبيها عزيمة بنات ..
رنا : أدري عزيمة بنات أجل عزيمة شباب أنت ووجهك ..
ريناد : لا اله الا الله طول عمرك مرجوجة ,, أنا مأقصد كذا أنا قصدي مانكون فيها حنا بالحالنا ..
رنا : ايه قولي كذا .. لا تخافين عزمت بنات عمي كلهم وبنات خالي سالم وريم وخلود ..
ريناد : من خلووووود ؟؟
رنا : بنت الجيران ..
ريناد : لاجد من خلود ؟؟
رنا : أقول لك بنت الجيران وش فيك ..
ريناد : أهاا طيب متى تبيني أجي ؟؟
رنا : شوفي الحين الساعة أربع و الجمعة راح تكون الساعه ست يعني تعالي من خمس ..
ريناد : أوكي تبين شي ؟
رنا : سلامتك ..
ريناد : الله يسلمك .. ( وسكرووووووو )
اتصلت رنا على الكل وعزمتهم واتصلت على ريم بالجوال لكنها ماترد فدقت على تلفون البيت ..
رنا : السلام عليكم ..
راشد سبه قدام صوتها لان صوتها ناااااااعم ويسحر السامع : هلا والله وعليكم السلام ..
رنا : ممكن تعطيني ريم ..
راشد : من أقول لها ..؟؟؟؟؟؟؟؟؟
رنا : قول لها رنا ..
راشد : أووووووكي .. ( وقام يصارخ ينادي ريم )
كلمت رنا ريم وعزمتها ووافقت ريم تجي عندها .. بعد ماسكرت من الخط :
ريم : رشوووووووووووود ..
راشد كان سرحان ولا هو معها في الخط .. قعدت تنادي بس هو مطنش متعمدا .. زهقت منه وراحت تتجهز ..
...................................
وصلت ريناد لبيت عمها ولقت في الصاله روعة وهيفاء سلمت عليهم وجلست ...
ريناد : إلا وين سموي وسلووووووو ؟؟
هيفاء : سامي بالحوش وسلوى نايمة ...
ريناد : والدبة الكبيرة وينها ؟؟؟
روعة : هههههههههههه ومن هذي بعد .؟.
ريناد : هههههه رنا ...
رنا وهي تنزل الدرج : سمعت اسمي ؟!!!
ريناد : جبنا سيرته فاحت ريحته ..
رنا : ايه هذي ريحة عطري .. ( وراحت سلمت عليها )
رنا : يلا رويع ورنيد .
روعة : رويع بعينك وش ذا اللإسم ..!!!
ريناد : ايه ورنيد بعد بعينك وش ذاا..
رنا : ههههه طيب ممكن ياانسة روعة وانسة ريناد تتكرمون وتجون معي للمطبخ ..
روعة تبي تنرفزها : لأ أنا أخاف على بشرتي من المطابخ .. تجيني حساسية .
رنا وهي تسحبهم ثنتينهم : ياشين دلع البعارين أقوووووووول يلا قوموا .. ( ودخلوا للمطبخ )
نزل عبد الرحمن للصاله وشافته هيفاء ..
هيفاء : على وين ياقميل ؟؟؟
عبد الرحمن : هههههههه مواعد أخوياي بالراشد وبنروح ..
هيفاء : طيب راح تتأخر ؟؟
عبدالرحمن : ماأدري ليه بغيتي شي ؟؟
هيفاء : سلامتك .
عبد الرحمن : الله يسلمك ( وطلع من البيت )
........................................
الساعة 15 : 6 تجمعوا البنااااااااات
تعرفوا على بعض وجلسوا ..
رنا : شلوووووووووووونك خلووووودة ؟؟
خلود : هههههههههه تمام انت وش مسوية ؟؟
رنا : نسأل عنك يالقاطعة ..
ريم : بناااات بناااات عندي لكم نكتة ..
ريناد : تكلم مهرج أفندي ...
ريم : هههههههههه أنا مهرج أفندي حراااام والله ..
ريناد : هههههههههه يخسي مهرج أفندي انتي وين وهو وين أنت في درجة أعلى من التهريج ..
منيرة : جات تبي تكحلها عمتها .......
البنات : ههههههههههههههههههههه ..
منال : طيب وش نكتتك .؟؟
ريم : ايه يقول لكم في واحد جـ....... ( وقطعت كلامها لأن جوالها دق )
ريم : ألوووووووووووووو ... أية جيت مع السواق .. وش تبي طيب .. أوووووووووووووف ترى مو ناقصة ثقالت دمك .... طيب ياسيدي أسفة ................. هههههه وش ذي جديدة ... أوكي سمعني ..... حيواااااااان ( وسكرت جوالها )
ريناد : ههههههههههه وش فيك ؟؟
ريم : السخيف ..

 

الرد مع إقتباس
  #15  
قديم 29-12-2007, 03:11 AM
الحل الصعب الحل الصعب is offline
عضو مشارك
 





الحل الصعب is an unknown quantity at this point
 

 

--------------------------------------------------------------------------------

خلود : مين ؟؟؟
ريم : خاااااالد ..
روعه : مين خالد ؟؟
ريم : زوجي ..
البنات بصدمة : وشوووووووووووووووووووو ؟؟؟
ريم : ههههههههههههههههههههههههههههه .. وش فيكم .؟؟؟؟
روان : متى تزوجتي ..؟؟
ريناد : ريموووووووووة عن السخافة قولي مين خالد .؟؟
ريم : ههههه هذا الله يسلمك خالد أخوي ..
دلع : انت عندك أخو اسمة خالد ؟
ريم : ايه عندي القرود خالد وراشد ...
ريناد : طيب هو أصغر منك ؟؟؟
ريم : لا وين أصغر مني ... شوفي أول شي يجي أخوي راشد بعدين الثور خالد بعدين أنا ..
رنا : هههههههههههههه ليش طيب قالبه عليه ؟؟
ريم : الأهبل يقول لي سمعتي نغمة القطار ؟؟ أنا قلت له لا .. على بالي راح يسمعني شي جديد .. الا ويقفل السماعة في وجهي ...
ايمان : هههههههههههههههههههه بالله عليك ماتعرفين وش معنى نغمة القطار ؟؟
ريم : لا والله ماكنت أدري ....
ريناد : هههه خلاص ألحين عرفتيها انتبهي أحد يضحك عليك ..
ريم : ولا يهمك خلاص ... بس خليني أرجع البيت والله أنتف كشتة هو وخشتة وجه الدجاجة ...
البنات : ههههههههههههههههههههههههه لايسمعك ...
رنا وهي ترد على جوالها لان توه دق : هلا وغلا ..
عبد العزيز : هلااااا في بنت أخوي يلي ماتسأل عني وتقول لي عم .
رنا : أفا عليك أنا ماأسأل عنك .. شلونك ؟؟
عبد العزيز : مشكلتي طيب .. بخير انتي شخبارك ؟؟
رنا : فديت الطيب .. بخير أسأل عنك ..
عبد العزيز : هههههههه تسأل عنك العافية ... وش تسوين ؟؟
رنا : والله مسوية جمعة بنات وجالسين نسولف ..
عبد العزيز : أهااا طيب ماأعطلك .. باااااي ..
رنا : باااااايات ... ( وسكرت )
روان : مين ؟؟؟
رنا : المزيووووووون فديتة ..
دانة : أي مزيون ؟؟
رنا : شوفووووووو ( ومسكت جوالها وراحت للأستيديو وطلعت صورة عبد العزيز وورتها البنات )
ريم : وااااااااااااااااو من ذا ؟؟؟
ريناد : قل هو الله أحد ..
ريم : لا من جد مين هذا ؟؟
رنا : هذا عمي عبد العزيز ..
( كانت صورة عبد العزيز من جد حلوة .. والبنات جنوا عليها )
إلا ويدق جوال ريم مرة ثانية ..
خلود : هههههههههه لا حوووووووول ماراح نخلص مع الجوالات ..
ريم : ههههههههههههه ..
دانة : طيب ردي ..
ريم : لا مابي هذا خويلد ..
ريناد : أقو ل ردي عن الهبالة ..
ريم ردت بس حطتة على السبيكر : ألووووووووووووو ..
خالد : هلا ريومة ..
ريم : لا تكلمني زعلانة ..
خالد : أفاااا تزعلين مني ؟؟
ريم : ايه أجل أنا يلي تسكر في وجهي .
خالد : ههههههههههههه وش أسوي طيب النغمة كذا .
ريم : مالي خص زعلانة .
خالد : وأذا قلت لك عشاني ..
ريم : _________ ( مسوية يعنني ثقيلة )
خالد : عشان خلووووووووودي ..
ريم : ههههههه القلب الطيب مشكلة صراحة ..
خالد : اية كفو أختي أدري ماتكسر خاطر أخوها .
ريم : طيب خالد تبيني أسمعك نغمة القطار ...
خالد : هههههههههههههههههههههههههههههههههه .لا تكفين ..
ريم : اية ترى والله أسويها ..
خالد : هههههه طيب تبين شي ؟
ريم : اية ..
خالد : وشو ؟؟
ريم : غني ..
خالد : هههههههههههههههههههههه ضحكتيني ..
ريم : تكفى خلوود غني ..
خالد : ياربي المعجبات .
ريم : ههههههههههه يلا غني ..
خالد : أحم احم . ( وغنى لها اغنية راشد الفارس أحلى من القمر كان صوتة مرة حلو .. )
ريم : عاش الصوت ..
خالد : عاشت أيامك ..
ريم : خالد بقول لك شي بس مو تعصب ..
خالد : وشوووووووووووو ؟؟
ريم : كنت حاطة على السبيكر ..
خالد : نعععععععععععععععععععععم ..!!!!!!!
ريم : نعامة ترفسك فقعت اذني ..
خالد : مالت عليك يالخبلة وشو حاطة على السبيكر يعني في أحد سمع صوتي .؟؟
ريم : اية البنات كلهم سمعوه . بس ابشرك الظاهر عجبهم ..
خالد : اية هين شغلك في البيت يا أم كشة .. ( وسكر )
ريم : هههههههههههههههههههههههههههههههه
ريناد : حراام عليك ..
ريم : ههههههههههه عادي خلوودي طيب بيسامح .. بس هاه وش رايكم بصوتة ..
البنات : يجنننننننننننننننننننننننن ...
ريم : اية طالع علي ..
البنات : هههههههههههههههههههههه ...
( وكملوا سهرتهم والساعة 10 رجعوا لبيوتهم )
.................................................. ................................
يوم الأربعاء الساعة 11 صباحا ..
روان كانت نايمة في غرفتها لأن الوقت مبكر واجد بس سلمان ماخلاها في حالها ودخل يصحيها .
سلمان : رواااااان ..
روان : همممممممممممم ..
سلمان : قومي يلا ..
روان : سلمانوة تكفى روح بنام ..
بس سلمان طنش وراح يدور في أغراضها .. وقف عند التسريحة لقى مكياج وبكلات وأشياء حايسة على بعض ..
فتح الدرج حق التسريحة لقاه كله ألبومات للصور ..
سلمان : ياحب ذا البنت لتجميع الصور ..
جلس يتفرج فيهم وكانت أغلب الصور لروان يوم كانت بالمدرسة أيام الإبتدائي ... وصل لآخر ألبوم كان عليه قلوب حمراء .. فتحة ولقى أول صورة لروان في صف ثاني ثانوي .. جلس يتفرج وكان في صور بنات كثير متصورات مع روان .. لفت إنتباهه صورة بنت حلووووووة واقفة مع روان ومبتسمة ابتسامة هادئة أعطتها جاذبية أكبر ... جلس يطالع ويتأمل ملامحها .. هي الوحيدة يلي شدتة من بين كل هالبنات .. بعد خمس دقائق حس على عمرة وحس انة قاعد يطالع صور بنات ماله الحق فيهم انة يطالعهم .. سكر الألبوم بس باله مشغول ..
سلمان : يالله رواااااااان عن السخافة ..
روان وهي تقوم : أووووووووووووف نعم وش تبي ؟؟
سلمان : قومي بسوي خطة أبيك تنفذينها ..
روان وهي تدخل الحمام : وش خطته ؟؟؟
سلمان : وش رايك اليوم بدل مانروح المزرعة نروح للبحرين ..
روان : وااااااااااااااااااو فكرة تهبل .....
سلمان : ايه أدري تهبل أصلا أنا ماأقول غير درر ..
روان : ايه صح .. ( وبعد ماخلصت هي وياه تخطيط أتصلوا على الباقي وقالوا لهم عن الخطه علشان يصير تنفيذها جماعي ومفعولها أكبر )
وبعد زن كبير من الشباب والبنات وافقوا انهم يروحون للبحرين ويجلسون فيها لين الجمعة ...
طبعا علشان الوناسة تكمل عزموا البنات بعض من صديقاتهم وأغلبهم اعتذروا لان ضروف أهلهم ماتسمح .
ثنتين بس وافقوا يجون لكن الباقيات رفضن ...
وصلوا للبحرين وراحوا للفندق يلي بيجلسون فيه ...
أستغربوا الشباب وجود عائلة معهم بس مااهتموا لانهم عرفوا انها وحدة من صديقات البنات ..
كانوا لين ألحين جالسين في الريسبشن ينتظرون مفاتيح غرفهم ...
ريناد : بنات مو كأن ريم تأخرت ؟؟
دانة : ايه اتصلي شوفي وينها ...
ريناد : ألوووووووووو .
ريم : هلا والله ..
ريناد : وينكم تأخرتوا .؟؟
ريم : غمضي عين وأفتحي عين أكون عندك .. ( وسكروو )
دخلت ريم مع أمها وخلفها اثنين شباب .. راحت طيران لجهت البنات وأخوانها راحوا يحجزون ..
ريم : هاااااااي بنات ..
البنات : هاياات .. ( وقاموا يسلمون )
طالعت ريم في البنت يلي جالسة جنب روان ودلع وضحكت ..
رنا : أعوذ بالله سكنهم في مساكنهم ..
ريم : ريووووووووووووووووووووف ..
ريوف : ههههههههههههه .. ( وراحت سلمت عليها )
ريم : شلونك يالخايسة ؟؟
ريوف : أسأل عنك ؟؟
روعه : لحظه لحظه أنتوا تعرفون بعض ؟؟
ريم : ايه ريوف تصير بنت خالتي ..
البنات بصدمة : وشوووووووووو ؟؟
ريم : ههههههههههههه بنت خالتي بس أمها تصير أخت أمي بالرضاعة ..
ريناد : وليه ماقلتي لنا ؟؟
ريم : ماكنت أدري أنكم تعرفونها ..
دلع : حركااااااااات ريوف هااه .
ريوف : ههههههههههههههه شفتي .
( ريوف تصير صديقة دلع وروعة وروان وحيدة أمها وأبوها ماعندها لا أخوان ولا أخوات .. أمها تصير أخت أم ريم بالرضاعة )
رنا : ريمووووووه شوفي هناك ( وأشرت )
ريم : مين هذاا ؟؟
رنا : هذا عمي عبد العزيز يلي وريتك صورته ..
ريم : كذاااابة ..
رنا : ههههههههههه والله بس يهبل صح ؟؟
ريم : وشو يهبل إلا يجنن أحلى من الصورة بكثيرررررررررر .. ( عبد العزيز كان لابس ثوب مخصر على جسمة .. ومو لابس شماغ يني شعرة مبين وكان حاط فيه شوي جل )
وعلى فجئه ضحك عبد العزيز وبانت غمازاته ..
ريم : وااي وعنده غمازات بعد ؟
رنا : ايه فديته وفديت غمازاته ..
أشر خالد لريم علشان يطلعون لغرفتهم ..
ريم : يلا بنات ..
البنات : وين ؟؟
ريم : لقينا غرفه بنطلع ..
ايمان : بل عليكم يامسرع حنا صار لنا ربع ساعة وحنا نحوس ..
ريم : ايه تدرين بعد أخواني معروفين بسرعه يعطونهم يلي يبون ..
ريوف : الا وينهم عيال خالتي ؟؟
ريم : هناك ( وأشرت عليهم )
ريوف : هههههههههههههههههههه من زمان عنهم سلمي لي عليهم ..
ريم : أوكي يوصل .. شوفوا بنات اتصلوا علي قلولي رقم غرفكم ..
البنات : أكيد .. ( وراحت ريم ) وبعدها بعشر دقايق راح كل واحد لغرفته ... بس غرفهم ماكانت كلها بطابق واحد .. يعني مفرقين .. كل عائلة في طابق ..
..................................
نايف : أوكي وين تبينا نطلع ؟؟
منيرة : ماأدري خل نشوف البنات ونقرر ..
واتصل نايف عليهم وتجمعوا كلهم شباب وبنات تحت .. وطبعا أهاليهم كانوا نايمين في سابع نومه ..
(( عند بوابة الفندق ))
عبد العزيز : هاااا وين تبون تروحون ؟؟
ابراهيم : ماأدري عنهم البنات ؟؟
نايف : خل نسأل ونشوف ..
سلمان بصوت عالي شوي : بناااات وين تبون تروحون ..؟؟؟
البنات بصوت واحد : السيـــــــــــــــــــــــــف ..
فيصل : ههههههههههههه كنت متوقع ..
عبدالعزيز : وشو السيف انتوا بعد .. وش راح نسوي في المجمع ..؟؟
بدر : سمعت ان بناتهم حلوات ..
فيصل : تكفى عمي نبي نروح .
عبد العزيز : لا حوووووووووووول ..
طلال : خلاص خل نروح ونفتك من غثاهم ..
عبد العزيز : يلا مشينا ..
................................................
" في السيف "
انقسموا لمجموعات ..
المجموعه الاولى طبعا كانوا البنات ..
والمجموعه الثانيه كانوا الشباب ( عمر و فيصل و سلمان و نايف )
مشعل راح مع زوجته وبنته .. وكان الحال نفسه مع ناصر ..
أما هيفاء فراحت الالعاب علشان تلعب عيالها .. وعبد الرحمن وأحمد راحوا لهم مقهى انترنت ..
أما الخمس الشباب الباقين فراحوا لكافي ..
( أما راشد وخالد فما راحوا معهم .. لان كل واحد منهم راح لمكان )
....................................

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 04:48 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www