شوفو ناصر وش سوى بمه a

آخر المشاركات المطروحة في منتديات قبيلة بني زيد

  أسهل طريقة ليكون لك صدقة كل يوم في رمضان وانت مرتاح مكانك ( صورة ) ( آخر مشاركة : ساكتون    |    أحفر بئر ب 50 ريال فقط ليكون لك سبيل ماء وصدقة كل يوم ولاتنسى والديك (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    أجهزة المحمول الصينيه وصحة الانسان ( آخر مشاركة : خالدالراجحي    |    توقف رسمي لخدمة فايبر في السعودية ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : خالدالراجحي    |    أروع وأجمل تموينات ومخبز ممكن أن تراها بعينك (صور) ( آخر مشاركة : ساكتون    |    أجمل وأروع مشروع بريال واحد فقط (صورة) ( آخر مشاركة : ساكتون    |    معركة ( الثنية ) يارم افزعي لشيحان العقيد الشيخ على بن عطية ( آخر مشاركة : الطايل    |    ب 50 ريال فقط سيكون لك أجر مليون شخص وأجر خمس أوقاف بما فيها بئر للسقيا وجامع (صورة) ( آخر مشاركة : ساكتون    |   


العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل   جعل جميع المنتديات مقروءة

شوفو ناصر وش سوى بمه

المشاركة في الموضوع
 
خيارات الموضوع طريقة العرض
  #1  
قديم 06-05-2004, 09:41 PM
الصورة الرمزية لـ الراجحي
الراجحي الراجحي is offline
عضو نشيط
 





الراجحي is an unknown quantity at this point
 
شوفو ناصر وش سوى بمه

 

السلام عليكم ورحمة الله وبركاته

هذى يا طويلين العمار قصه لولد عم رحمة الله عليه لى اسمه( ناصر)( ابو حمد ) هذا ناصر يا سبحان الله العظيم من عرفت الانسان هذا وهو لو تقوله امه طح بالنار ما يقوله لا المهم الانسان هذا عايش فى القصيم مع والدته عمى فى الرياض ابوه طبعاً امه انسانه كبيره فى السن ويبيلها مراعاه خاصه وهذا ناصر ترتيبه من اخوانه قبل القعده المهم باع الدنيا كلها علشان امه المهم اخوانه اللى من امه اربعه وهو الخامس المهم الانسان هذا درس واخذ الجامعه مع العلم كل اخوانه الاربعه رجال اعمال كبار فى الرياض وفى جده وفى الشرقيه الا هو الانسان هذا رفض الا يبي يجلس مع امه ما يبي من الدنيا شي المهم واصل دراسته واخذ الجامعه وتعين مدرس تصدقون عمرى ماشفت اخد زعل منه المهم اخوانه رحمة الله عليه يقولون الله يخليك نبي امي معنا رفض بقوه قال امى ما تحب الا القصيم اخوانه ما يقصرون بس هى ما تبي الا القصيم مع العلم راحة لولدها فى الرياض وولدها فى الشرقيه وولدها اللى بجده بس شهر بالكثير وتمل تبي رفيقاتها العجيز الله يخليها المهم قال ناصر اسمعو خلو امي وين ما تبي انا معها اتركوها على هواها لو تروح براس ضلع انا معها لا تشيلون همها المهم ناصر رحمة الله عليه ما يروح المدرسه الا لين يصلي الفجر ويرجع البيت كل يوم ويسولف مع امه لين يجي موعد المدرسه والمدرسه قريبه المهم يا جماعه تزوج وساكن بفله لخوه فى القصيم يجيها كل سنه فى العيد وناصر هذا له من العيال بنتين وولد المهم بناء له فله وجهزها من ايلا كان الانسان هذا لو اقولكم رضي امه بشكل عمري بحياتى ما سمعة ولا شفت مثل الانسان هذا رحمة الله عليه يا جماعه واقسمت بالله انى اكتب عنه وانا خانقتنى العبره ؟؟؟؟؟؟؟؟؟؟؟؟؟؟؟؟؟؟ المهم الانسان هذا لدرجة يسوى اشياء لامه واقسم بالله العظيم ان فى عصرنا هذا ما احد يسويها لامه من الطاعه وفارد جناح الذل لامة المهم بنى الفيلا وقالت له امه ناصر ليه ما تنقل للبيت قال يلاه تروحين معى انتى قبل عيالي قالت ناصر انا عن هالعجز مونساتني لو رحت يضيق صدري انا سامحتلك يا ناصر قال يمه شوفى بقريح الفيلا ولو انه قصر ما ابيه وانتى ما انتيب معى خلاص انا جالس هنا معك ما ابي اروح واراد الله سبحانه وتعالى انه ياخذ روح الانسان فى اخر يوم له كان ناصر صلا الفجر مثل العاده ورجع لامه يبي يتقهوا معها قهوة العاده كل صبح المهم قام يهمز ( يعنى مساج) لرجلين امه واثناء ما هوب يهمز رجلين امه قال يمه واره اضافرك طوال قام وجاب المقص ويقصقص اضافر رجلين امه ويوم خلص من تزيين رجلين امه قالت خلاص رح يا ناصر تراك صيفت على شغلك قال ما ودي انا ادرى يمه باقى اشوي المهم اخذته السواليف مع امه وتأخر عن الدوام وطنبس على رجلين امه قال وحب رجلين امه قال يمه تبين شي وانا جاي الظهر قالت لا الله يحفظك مع السلامه مع السلامه
المهم له عاده ناصر انه بعد صلاة الظهر يرجع البيت لانه يدرس صف ثالث ابتدائى ويطلع بدري علشان قبل الغدا فيه وقت يسولف مع امه هذاك اليوم تأخر ناصر صيف قلقة امه عليه وقلقة زوجته عليه المهم طالع ناصر من السوبر ماركت بعد الصلاة يبي يروح لسيارته ويجيك هذاك المتهور الطايش بسرعه جنونيه وشاله هو وبا باب السياره كان على وشك انه يركب السياره رحمة الله عليه لما توفى انا رحة للعزاء فى القصيم لو اقولكم يا جماعة الخير وراه جنازه عمرى بحياتى ما شفت اكبر منها رحمة الله عليه حتى حارس المقبره قال انا لى 28 سنه عمره ما مرة على مثل الجنازه هذى من العالم اللى يمشون وراه يا سبحان الله
المدرسين حزنو عليه الاطفال اللى فى فصله صاحو عليه يبونه الكبير والصغير صاح على الانسان هذا طيب القلب أرضى والديه فى اثاء العزاء اليوم الثالث مدير مدرسته اللى هو يدرس فيها ناصر جاء اليوم الاول من العزاء وجاء اليوم الثالث وجلس جنب اخوه قال يا بو بدر انا البارح شفت بمنامى حلم فى ناصر يقول شفت ناصر لابس ثوب ابيض بياضه يجهر النظر وقلت له وينك قال ناصر ابشرك والله اسالون اسأله كثييره مره بس الحمد لله جاوبت عليها كلها يا ربي لك الحمد بس سؤال واحد عجزت عنه قالو خلاص انت من الناجحين يا ناصر مبروك وابشرك ترى عرسي الليله وترى انا ابي اقولك ترى طلابي امانه لا يدرسهم الا فلان واحد من المدرسين :
المهم لين ها لحين لها فوق سنه كل ما تقول وتجلس وتشوف بناته وولده حمد تصيح انا ما رزقن الله ببنت تخدمن وتشوف طلباتى بس ولدي ناصر هو كان لى بنتى وولدي وابوى وامى وكل شي فى ها الدنياء
وارجو يا اخوان يا جماعة الخير طاعة لوالدين والله ان رب العالمين يرزقك بكل شي فى مالك وعيالك وصحتك وكل شي هذى القصه انا ما اقولها انى سمعتها من احد وابي اقولها لا هذى حاصله لاقرب الناس لي ، وياليت ان يكون ناصر هذا عبره لنا كلنا ونعدل اوضاعنا اذا كنا غلطانين من ناحيت الولده او الوالد ما فيه انساك معصوم عن الغلط بس الشاطر يحاسب نفسه والبليد فينا هو اللى يمشي ولا يشوف نفسه هو صح والا غلط
ومعليه الموضوع كان طويل اشوي وسامحونى يا جماعة الخير

ملاحظه :
انا انسان مزاح يا عيال وبنات عمومتى اذا انى ارد على موضوع اقسي فيه بس والله اعد انى امون على وبنات عمومتى ترى والله لو ارد بقسوه اشوي ترى امززززح يعنى خالف تعرف بس واللى يزعل من ردودي
لانى شفت بعض الناس يزعلون وانا ما ابي الشي هذا لانى زي ما قلتلكم انا مزح واللى يزعل يقولى!
ترى انا ما ابي احد يزعل منى ابد ابد ابد

والسلام عليكم اخوكم
الراجحي

 


آخر تعديل بواسطة dawerd ، 07-05-2004 الساعة 12:34 AM.
الرد مع إقتباس
  #2  
قديم 06-05-2004, 09:50 PM
الصورة الرمزية لـ وارث العـز
وارث العـز وارث العـز is offline
عضو مشارك
 





وارث العـز is an unknown quantity at this point
 

 

بيني و بينك...

ما قريت الموضوع ...

شكله مليان ويخوف ...

 

الرد مع إقتباس
  #3  
قديم 07-05-2004, 12:41 AM
الصورة الرمزية لـ dawerd
dawerd dawerd is offline
أبو ثامر
 





dawerd is on a distinguished road
 

 

أخي الراجحي
السلام عليكم ورحمة الله وبركاته
أقول ما حصل لناصر هو نتيجة بره بوالدته
أسأل الله أن يجعلنا بارين بوالدينا آمين

 


::: التوقيع :::



 
الرد مع إقتباس
  #4  
قديم 07-05-2004, 01:52 AM
ابومشعل ابومشعل is offline
عضو مشارك
 





ابومشعل is an unknown quantity at this point
 

 

السلام عليكم ولد العم الراجحي مشكور على هلقصه بس وين تلقا ناس مثل هاذا الناس مشغوله وماهمها الى الدنيا والى رضا الله من رضا الوالدين يا ليت بس الناس تصل رحمها وسلامتكم (

 


::: التوقيع :::

مع تحيات :
مشـــــ ابو ـــــعل


 
الرد مع إقتباس
  #5  
قديم 07-05-2004, 02:08 AM
الصورة الرمزية لـ الدوادميه
الدوادميه الدوادميه is offline
:: من اركان المنتدى ::
 





الدوادميه is on a distinguished road
 

 

جزاك الله خير اخوي الراجحي وبيض الله وجهك وجعلها في ميزان حسناتك.

فعلا يجب على كل انسان البر بوالديه مهما صدر منهم فا الله سبحانه وتعالى اصوانا بهم

ورحم الله ناصر واسكنه فسيح جناته واعلا درجاته وجعل قبره روضة من رياض الجنه.

ومن ناحية الردود لا يضيق صدرك اللي بيفهمك بيدري انها مزوح تجي وتروح

ودمتم سالمين

 

الرد مع إقتباس
  #6  
قديم 08-05-2004, 01:15 AM
الصورة الرمزية لـ ميعاد
ميعاد ميعاد is offline
عضو نشيط جداً
 





ميعاد is an unknown quantity at this point
 

 

<<< بترد عشان الراجحي الزعول مايقول ليه تردون على السحالي وتخلون التماسيح

الراجحي الله يهدينا للطاعه ويبعدنا عن المعاصي

واشكرك على القصه الممتعه صح انها طويله وجاني النوم وانا اقراها بس

ماعليه فالاخير استمتعت

مشكور اخوي على اختيارك

 


::: التوقيع :::






لفتح ملف الفلاش - إضغط هنا






كل الشكر والتقدير لاخوي عالي الهمه
على التوقيع الرائع


 
الرد مع إقتباس
  #7  
قديم 09-05-2004, 11:35 AM
الصورة الرمزية لـ ابن زيد
ابن زيد ابن زيد is offline
عضو نشيط جداً
 






ابن زيد is an unknown quantity at this point
 

 

مشكور أخي الراجحي
والله قصة مؤثرة ومحزنة الله يخلف على أمه بخير وندر أن يوجد مثل ناصر
رحمه الله وجعل الجنة مثواه.

 


::: التوقيع :::

ربِّ ارحمنا


 
الرد مع إقتباس
  #8  
قديم 12-05-2004, 01:42 AM
الصورة الرمزية لـ الراجحي
الراجحي الراجحي is offline
عضو نشيط
 





الراجحي is an unknown quantity at this point
 

 

جزاكم الله الف خير يا عزوتى

و شكر اً على الرد منكم

وارث العز
dawerd
الدوادميه
ميعاد
ابن زيد

جزاكم الله الف خير والله يحفظكم من كل شر يارب
وشكراً على متابعة الموضوع

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 10:51 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www