@@ تراني حاضر(ن)بالجد هيا النداويه @@ a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الخيمة الشعبية
التّسجيل   جعل جميع المنتديات مقروءة

@@ تراني حاضر(ن)بالجد هيا النداويه @@

المشاركة في الموضوع
 
خيارات الموضوع طريقة العرض
  #1  
قديم 04-05-2004, 01:26 PM
شويعر بني زيد شويعر بني زيد is offline
عميد منتديات بني زيد
 





شويعر بني زيد is an unknown quantity at this point
 
@@ تراني حاضر(ن)بالجد هيا النداويه @@

 


السلام عليكم جميع بدون تخصيص
واحبتي احبيت ان لاتقف المحاوره
للحظه واحده بما انه يوجد بالمنتدى
متذوقين ويوجد شعار من البنيخي
لهم الباع الطويل بهذا النوع من الشعر
اتمنى ان يحضروا ويقدموا ما لديهم كلنا
نتعلم معهم وهم قدوتنا ولا ودي اسمي
احد واترك احد ولكن هم الثروه الحاضره
والقادمه
لهذا الزمت نفسي بوضع هذه المحاوره
حتى يتم تواجدهم وبشكل مستمر
الله مع الجميع فل يتفضل من يجيب
هذا الندا





الا يامرحبا باللي يبي يلفي على الموجود= تراني حاضر(ن)بالجد هيا يالنداويه
نبي نسعد بنيخينا ونفرح حامد(ن) وحمود= ليا سمعوا بيوت(ن) تخلف الشاعر بماويه

والسلاااام

 

الرد مع إقتباس
  #2  
قديم 05-05-2004, 12:16 AM
الصورة الرمزية لـ سيف السيف
سيف السيف سيف السيف is offline
شاعر
 





سيف السيف is an unknown quantity at this point
 

 

السلام عليكم ورحمة الله وبركاته

الاخ شاعر بني زيد.. رغبتك في تنشيط حركة المنتدى .. بادره تدل على اهتمامك وحرصك على هذا المنتدى الغالي..

ومحاولةً مني لتقديم ولو شي بسيط لهذا المنتدى .. اسمح لي اشاركك هالطاروق لاعدمتك ..

واستلم




يدوم إلك البقاء ياللي ترحب وإبذل المجهود= مادام النفس تشعبها طواريق الهواويه
على طاري حمد وحمود ليش البيض راحت سود؟=تبيعون البشوت الشقر ببشوتٍ حساويه

 


::: التوقيع :::


حنا خلقنا الله كذا يابني زيد=مافيه شي إلا تطوله يدينا


 
الرد مع إقتباس
  #3  
قديم 05-05-2004, 02:11 AM
شويعر بني زيد شويعر بني زيد is offline
عميد منتديات بني زيد
 





شويعر بني زيد is an unknown quantity at this point
 
Re: @@ تراني حاضر(ن)بالجد هيا النداويه @@

 

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""

اهلا وسهلا
بالشاعر
والبناخي
سيف السيف

وهذي الساعه المباركه
وارجو ان تحيه انت والا انا
مجرد محاوله لان المحاوره
مرغوبه ولاتخلوا من الفائده
الفكريه سوى تحسين مستوى
الشاعر الى الافضل او المتلقي
ودام عزك يابو عبيد وابشر ان
ابذل قصارى جهدي لان اكون
نقطه في بحرك وافخربك قبل
نفسي دمت لا بناء عمك درع

استلم لاهنت





انا عارف ترى قاري تجي حسنا وتبيع سعود= واقول النفس ما ضاعت ترى بيوتي نقاويه
وحقك نسمع قريب وترك البعد عن منقود= واشوف انك تنبهني عن الهندي وجاويه


والسلام

 

الرد مع إقتباس
  #4  
قديم 05-05-2004, 03:43 AM
الصورة الرمزية لـ سيف السيف
سيف السيف سيف السيف is offline
شاعر
 





سيف السيف is an unknown quantity at this point
 

 

المهلي مايولي يالغالي
وانت فيك بركه ولا عليك قصوور

واستلم لاهنت




انا ماقلت فيك قصور , لاجاحد ولا مجحود=ولكن لاتظن الناس بقلوبٍ عماويه!!
ليا منا قرينا فوقكم (عما) وسورة (هود)=نبي نعرف جماميل البلد قبل الشواويه!!

 

الرد مع إقتباس
  #5  
قديم 05-05-2004, 07:15 AM
شويعر بني زيد شويعر بني زيد is offline
عميد منتديات بني زيد
 





شويعر بني زيد is an unknown quantity at this point
 

 


اااارحب ابو عبيد
واستلم لاعدمتك



ترى لك بيننا قيمه وخل اللعب بالمفقود= ولا تاقف لي وضدي انا وانته غناويه
بحد السيف عارف لك يوقع لك بعشر(ن)عود= يعرف انك فحلها يوم يدين الدون ملويه

والسلااااام

 

الرد مع إقتباس
  #6  
قديم 05-05-2004, 07:43 AM
الصورة الرمزية لـ سيف السيف
سيف السيف سيف السيف is offline
شاعر
 





سيف السيف is an unknown quantity at this point
 

 

هلااابك ياشاعر بني زيد

واستلم لاعدمتك





يقولون المعاني حبلها ياصاحبي ممدود= ترى دار الحيا ماهي كما الدار السناويه
عليك التهمه البيضاء لها يومين مدري زود!؟=بلشنا!! والشبه واجد فالاجرام السماويه!!

 

الرد مع إقتباس
  #7  
قديم 05-05-2004, 10:07 AM
شويعر بني زيد شويعر بني زيد is offline
عميد منتديات بني زيد
 





شويعر بني زيد is an unknown quantity at this point
 

 


ااارحب ابو عبيد
جعل من ارثك بالجنه
دايم بالعالي وتستاهل
واستلم لاعدمتك


انا عندي مثل غيري وحبلي دايم(ن)مشدود= والاني منكر شويعر والا ابيع شعراويه
وراك اليوم تنكرها وعينك ما تشوف عبود= ولوتبحث خطاوينا تبين لك خلاويه

والسلاااام

 

الرد مع إقتباس
  #8  
قديم 05-05-2004, 04:46 PM
الصورة الرمزية لـ سيف السيف
سيف السيف سيف السيف is offline
شاعر
 





سيف السيف is an unknown quantity at this point
 

 

هلااابك يالغالي

واسف على التاخير

واستلم ردي الاخير لاهنت

وصح لسااانك وبيض الله وجهك.. كفيت ووفيت

واعذرني اذا حصل مني قصور يالغالي ,,






عسى حظك يجود وتبلغ الغايات والمقصود=وتصلح نيتك والعلم تمسي في حراويه
بغيت اجس نبضك واكشف الرابط واعرف الكود= يجوز المنتدى طبعه من إطبوع السحاويه

 


::: التوقيع :::


حنا خلقنا الله كذا يابني زيد=مافيه شي إلا تطوله يدينا


 
الرد مع إقتباس
  #9  
قديم 05-05-2004, 09:57 PM
شويعر بني زيد شويعر بني زيد is offline
عميد منتديات بني زيد
 





شويعر بني زيد is an unknown quantity at this point
 

 


الغالي ابو عبيد

اشكرك على حضورك وعلى تراحمك
ونزاهتك مع اهلك واخوتك ودائما
وسيفك مسلول على من يجي
بدرب قبيلتك وبحق انت شاعر
القبيله وكثير مثلي يرون ما اراه
لك جزيل الشكر ارجو ان اكون
قدمت ما يليق بشاعريتك النادره
تحيتي وتقديري للجميع
واستلم ودعتك الله



كريم(ن) ياشديد الباس ماهز النفس نمرود= تريد العلم من اصله تزاود به غلاويه
ترى لله باحلف لك بعيني دايم(ن) جلمود= وكم من شاعر(ن) بانت وسومك من مكاويه

والسلاااام

 

الرد مع إقتباس
  #10  
قديم 08-05-2004, 01:05 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

عليك التهمه البيضاء لها يومين مدري زود!؟
.....................بلشنا!! والشبه واجد فالاجرام السماويـه!!

اي والله بلشنا والشبه واجد

الشاعران سيف السيف وشويعر بني زيد

عطونا من هالخير الله عندكم الله يعطيكم من طيب فضله

متابعين وانا في صف شويعرنا ولا يهون ابو عبيد

 

الرد مع إقتباس
  #11  
قديم 08-05-2004, 02:49 AM
الصورة الرمزية لـ سيف السيف
سيف السيف سيف السيف is offline
شاعر
 





سيف السيف is an unknown quantity at this point
 

 

شاعر بني زيد

عساااني ما خلا ولا عدم منك ..
وكل حرف كتبته ..دلاله على تواضعك وطيبك ونبل اخلاقك..
وانا عودٍ من عرض حزمه.. واليد الوحده ماتصفق ..
لكن الشي اللي يشرفني هو اني من بني زيد وإنك من نفس هذه
القبيله الشامخه بشموخ مثلك وشرواك.. كن بخير

-------
-----
---
--
-

الرائد سعد الحامد

هلااابك يابعد راسي

مرورك ومتابعتك تشرفنا

وتسعدنا الله يسعد ايامك ولياليك



إقتباس
كاتب الرسالة الأصلية : سعد الحامد
عليك التهمه البيضاء لها يومين مدري زود!؟
.....................بلشنا!! والشبه واجد فالاجرام السماويـه!!

اي والله بلشنا والشبه واجد



سعد قبله لجبـينك وعسى الله يعينك

دمت بخير ايها النبــيل

 


::: التوقيع :::


حنا خلقنا الله كذا يابني زيد=مافيه شي إلا تطوله يدينا


 
الرد مع إقتباس
  #12  
قديم 08-05-2004, 02:17 PM
جذاب جذاب is offline
 





جذاب is an unknown quantity at this point
 

 

صحة السنتكم والله وتسلمون

واصلوا لاهنتو واطربونا

بالبيوت الجزله

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] غير متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 06:04 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www