الحلقة الاولى من قصص الابيات الشعريه المعروفه (1-10) a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

الحلقة الاولى من قصص الابيات الشعريه المعروفه (1-10)

المشاركة في الموضوع
 
خيارات الموضوع طريقة العرض
  #1  
قديم 30-08-2007, 03:09 AM
الصورة الرمزية لـ ميلاف
ميلاف ميلاف is offline
عضو نشيط جداً
 





ميلاف is on a distinguished road
 
الحلقة الاولى من قصص الابيات الشعريه المعروفه (1-10)

 

انا بسوي لكم زي اختي موج الغلا وبجيب لكم بعض الابيات المعروفه والمشهوره وقصتها






الولدوان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي




من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..


قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..


وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..




راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..


وقال هذى القصيده .


قالهـا ابـن الذيـب مـن هاجـوس بالـه
كلـمـةٍ يـلـعـب بـهــا والـبــال زيـنـي
قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي
حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي
لالقيـت اللـي علـى ( السكـه ) لحالـه
يلـتـفـت ويـقــول ويـــن المستحـيـنـي
أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي
الطـمـع فــي كــروة الرجـلـي رذالـــة
.خـص وان جـابـه مـجـال الغانميـنـي
والــردي فــي حـالـةٍ مـاهــي بـحـالـه
واعـويـنــه مــــن كــــلام الطيـبـيـنـي
الـــردي لـــو بـــان مـايـذكـر عـمـالـه
مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالــــه
ماتـحـاكـوا فـــي قـفــاه الرامـسـيـنـي
مابـغـى غـيـري وانــا مابـغـى بـدالـه
.قـاعــدٍ لـــي بـالـرجـا مـــدة سنـيـنـي
الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي
أشـــرب الفـنـجـال واكــــب الـبـيـالـة
تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالـــة
.نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالــه
مادرى ان المـوت فـي حبـل الوتينـي
كيـف ينفعنـي وابـا(..........) خـالـه
مايـقـوم البـيـت دام الـسـاس طـيـنـي
مـاش ويــن الـلـي عـوايـده الجمـالـة
.مثـل ابـن ظافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي
جـــــوّد الـعـلـيــا ولـزمّــهــا عـيــالــه
وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لــه
وسار في درب النبي وأخزى اللعيني
مـوقــفــه مــاكـــل رجــــــال يــنــالــه
مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه
وعـادتـه لـطـمـة خـشــوم العايلـيـنـي


و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..




مــــــــــــلاحظه:::الشاعر راشد بن الذيب هو والد الشاعر المعروف حاليأ

محمد ابن الذيب



تقبلوا تحياتي



ميــــــــــــــــــــــــــــــــلاف

 


::: التوقيع :::

والله فلا ألوم الوليعي ولو طـاح ....من رأس رضوى والعوض به عباته

مير اعذروني عند هبات الأرياح .....لأذب عمري ثـم أسـوي سواتـه


 
الرد مع إقتباس
  #2  
قديم 30-08-2007, 01:19 PM
الصورة الرمزية لـ الرزين
الرزين الرزين is offline
عضو v.i.p
 





الرزين is on a distinguished road
 

 

يعطيك العافية ميلاف





قصة جميلة جدا تدل على معنى الشهامة عند ابن الذيب

 


::: التوقيع :::



 
الرد مع إقتباس
  #3  
قديم 30-08-2007, 01:32 PM
الصورة الرمزية لـ عبدالعزيز العماني
عبدالعزيز العماني عبدالعزيز العماني is offline
مدير النشاطات الخارجية
 






عبدالعزيز العماني has a spectacular aura aboutعبدالعزيز العماني has a spectacular aura about
 

 



بسم الله الرحمن الرحيم

يعطيك العافيه

 


::: التوقيع :::





 
الرد مع إقتباس
  #4  
قديم 30-08-2007, 04:46 PM
الصورة الرمزية لـ ميلاف
ميلاف ميلاف is offline
عضو نشيط جداً
 





ميلاف is on a distinguished road
 

 

شكرا للمرووور جميعا

 


::: التوقيع :::

والله فلا ألوم الوليعي ولو طـاح ....من رأس رضوى والعوض به عباته

مير اعذروني عند هبات الأرياح .....لأذب عمري ثـم أسـوي سواتـه


 
الرد مع إقتباس
  #5  
قديم 30-08-2007, 08:42 PM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 

ماشاء الله عليك ياميلاف

الموضوع مرة حلو

وانا قد سمعت بالقصه بس مهوب بهذا الشكل الي سمعتها مختصرة مرة مرة

الله يعطيك العافيه

ننتظر العدد الثاني ان شاء الله

 

الرد مع إقتباس
  #6  
قديم 31-08-2007, 03:24 AM
الصورة الرمزية لـ ميلاف
ميلاف ميلاف is offline
عضو نشيط جداً
 





ميلاف is on a distinguished road
 

 

يا هلا والله باختي موج


ويا هلا بكم كلكم


برايفت موج الحين انتي تنزلين كل اربعاء حلقه ؟؟

انا شكلي من الطفاقه بطقها كلها اليوم وافتك


مشكورين على المروووور وشرفني حضوركم


مـــــــــــــــــــــــــــــــــيلاف

 


::: التوقيع :::

والله فلا ألوم الوليعي ولو طـاح ....من رأس رضوى والعوض به عباته

مير اعذروني عند هبات الأرياح .....لأذب عمري ثـم أسـوي سواتـه


 
الرد مع إقتباس
  #7  
قديم 01-09-2007, 03:05 AM
الصورة الرمزية لـ بنت البيز
بنت البيز بنت البيز is offline
:: نـحـلـة الـمـنـتـدى::
 





بنت البيز is on a distinguished road
 

 



ماشالله على ابن الذيب

ذكرني بأبو موج الغلا .. يوم يشيل الرجال معه و تكرشه اخته من الروعه :(

( اللي هم عمي و عمتي )

بس القصه ذي اول مره اسمعها

يعطيك العافيه اخوي ميلاف على فكرة الموضوع الحلوه

بانتظار الجزء الثاني بس مهوب اليوم عاد

 


::: التوقيع :::

يــوجـد دومــاً من هو أشقى منـــك ,,

,, فــ ابتسم


 
الرد مع إقتباس
  #8  
قديم 01-09-2007, 05:09 PM
الصورة الرمزية لـ بيزان
بيزان بيزان is offline
عضو مثالي
 





بيزان will become famous soon enough
 

 

بيض الله وجهك على هالقصة انا اول مرة اسمعها انا دايم اسمع المثل بس مدري وش قصته الين انك نورتني بهالقصة الله ينور عليك

 

الرد مع إقتباس
  #9  
قديم 01-09-2007, 06:10 PM
الصورة الرمزية لـ ابن ضويان
ابن ضويان ابن ضويان is offline
ساهر
 





ابن ضويان is an unknown quantity at this point
 

 

ما قصرت على هالقصة

 


::: التوقيع :::

اللهم إنك أعطيتنا الإسلام من غير أن نسألك ، فلا تحرمنا الجنة ونحن نسألك



 
الرد مع إقتباس
  #10  
قديم 02-09-2007, 01:20 AM
الصورة الرمزية لـ ميلاف
ميلاف ميلاف is offline
عضو نشيط جداً
 





ميلاف is on a distinguished road
 

 

يا هلا بكم والله وبا غلاكم


ايييه كذا حمسوني عشان اجيب لكم سوالف وعلوم ما تعرفونها


مشكورين على المرور وشرفني قلطتمكم على الموضوع

 


::: التوقيع :::

والله فلا ألوم الوليعي ولو طـاح ....من رأس رضوى والعوض به عباته

مير اعذروني عند هبات الأرياح .....لأذب عمري ثـم أسـوي سواتـه


 
الرد مع إقتباس
  #11  
قديم 05-09-2007, 06:03 AM
الصورة الرمزية لـ طـُهـر !
طـُهـر ! طـُهـر ! is offline
:: هطول المطر ! ::
 





طـُهـر ! will become famous soon enoughطـُهـر ! will become famous soon enough
 

 



إقتباس
المشاركة الأصلية بواسطة ميلاف
و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..

وهذا اللي أعرفه أنا .. ..

بس بيني وبينك التحريف أصرف ومخلّي المعنى أقوى ,,
وعلى ما قالوا " الولد لخاله والبنت لعمتها " !


زين سويت بالموضوع ,, عشقي الشعر .. ..

 


::: التوقيع :::

".. رَبِّ لا تَذَرْنِي فَرْداً وَأَنتَ خَيْرُ الْوَارِثِينَ .."

اللهم ارحم والديّ واغفر لهما واجمعنا بهما في جنات النعيم


 
الرد مع إقتباس
  #12  
قديم 06-09-2007, 10:53 PM
الصورة الرمزية لـ ميلاف
ميلاف ميلاف is offline
عضو نشيط جداً
 





ميلاف is on a distinguished road
 

 

يا هلا والله فيكم كلكم ...



طهر... وش اللي الولد لخاله والبنت لعمتها ؟؟ ما فهمت ؟؟

بس ترا بقول لك شي الخال والد .. يعني تقدرين تقولين لخالك يا يبه ..


مشكورين اخواني واخواتي سيداتي سادتي على المروووور


مــــــــــــــــــــــــــــيلاف

 


::: التوقيع :::

والله فلا ألوم الوليعي ولو طـاح ....من رأس رضوى والعوض به عباته

مير اعذروني عند هبات الأرياح .....لأذب عمري ثـم أسـوي سواتـه


 
الرد مع إقتباس
  #13  
قديم 07-09-2007, 03:33 AM
الصورة الرمزية لـ بنت عز ونظرتها تهز
بنت عز ونظرتها تهز بنت عز ونظرتها تهز is offline
* نجمة المنتدى *
 





بنت عز ونظرتها تهز is an unknown quantity at this point
 

 

تسلم اخوي ميلاف

ما قصرت على هالقصة

 


::: التوقيع :::



تسلم اخوي بارع على التوقيع المميز




مشكور اخوي RULES على التوقيع الرهيب


 
الرد مع إقتباس
  #14  
قديم 30-09-2007, 06:14 PM
ابن بني زيد ابن بني زيد is offline
مراسل أخبار الجماعة
 





ابن بني زيد is on a distinguished road
 

 

استاذي ميلاف

رويت القصة أيضاً عن شاعر من شمّر

والله اعلم بحقيقتها

وفقك الله وسدد خطاك

 

الرد مع إقتباس
  #15  
قديم 04-10-2007, 08:10 PM
الصورة الرمزية لـ ميلاف
ميلاف ميلاف is offline
عضو نشيط جداً
 





ميلاف is on a distinguished road
 

 

يا هلا والله ومرحبا بكل من شرفني بدخول الموضوع والرد عليه


اخوي ابن بني زيد الله اعلم انا تحثت عنها ووجدت هذا الكلام فالعلم عند الله فان كان عندك علم غير ذا الكلام نورنا


مشكور اخوي على الملاحظه

 


::: التوقيع :::

والله فلا ألوم الوليعي ولو طـاح ....من رأس رضوى والعوض به عباته

مير اعذروني عند هبات الأرياح .....لأذب عمري ثـم أسـوي سواتـه


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:44 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www