ابو تالا
هويملية

شغلكم عدل مدل في التقارير

خلوكم على هالوزنة بس لا تغيرونها

الف شكر لكم

وننتظر باقي التقرير

تحياااااااااااااااتي لكم

الجزء الخامس

في هذا الجزء أبتكلم عن برج شاطئ الواحة ...

خلونا نبدأ بالإطلالة من الشقة ....

تلاحظون كثافة العمران ...شوفوا كم برج قاعد يبنى …

وإلا الممرات المائية الموضوعة بشكل حلو …فيه منطقة على الشمال منها زيها لكن جزء كبير منها منتهي وفيها منطقة حلوه يسمونها ( المارينا ووك ) يعني ممشي المارينا ….أحنا مريناها وبنعطيكم تفاصيل عنها…
فيها مقاهي ومطاعم ومحلات …




تلاحظون اللي أمامكم هذي نخلة الجميرة شغالين فيها 24 ساعة ....وجذع النخلة جزء منه خالص بدأ التأجير فيه ...يخترق الجذع شارع ...رائع وفيه أماكن للمشي ...إلى الآن ما خلص ...





وحول البرج مجموعة من الأبراج الشبه منتهية بعضها مؤجر ….وشكلها شقق سكنية دائمة …


وهذي صورة شبه عاموديه …لاحظوا السيارات في الأسفل ….

و هذي ليان …


تالا وليان في صورة عاموديه


من مميزات البرج أنهم حاطين لكل مجموعة من الأدوار جلسة رائعة مزودة بالإنترنت ….كما في الصورة ..




نجي لبعض مرفقات البرج ….

يوجد فيه مسبحين هذا مسبح الأطفال في البرج يقع في الدور الثاني .


وهذا المسبح تابع لفندق الواحة …والبرج تابع له ….


مسبح الأطفال بالفندق ...


التقطت لكم مجموعة من الصور الخارجية للبرج ….

لكن مراكز التحميل ...كلها معندة بما فيها مركز تحميل بني زيد... ما تحمل صور ...مدري وش فيها ..

لذا أكتفي بهذه الصور لحين زوال المشكلة ...




لا شك بأن هناك المزيد

أنتظرونا

تحياتنا لكم

هويمليتي ,, ,,
ياعيني عالتصوير والروقان ,,

لبى قلبك ماقصرتي بهاليوميات ,,

ابوتالا
مازلنا متابعين ليومياتكم,,

وكل يوم حطوا صور لليان وتالا نحلي عليهم شوي

هويمليتي=ابوتالا


الله الله على التصوير الرائع





والله دبي
وعلي فكره انا رحت لدبي في شهر 7 ودبي ما شاء الله رووووووووووعه

وننتظر باقي التقرير

ماشاء الله

أول شي الحمد لله على السلامه

والتقرير ممتاااااااز .. احب التقارير اللي فيها كل التفاصيل

ليش هم أحسن منا .. وش ناقصنا مانصير مثلهم

<---- انقهرت يوم شافت محطاتهم ذكرت محطات طريق حايل القصيم


أبو تالا & هويمليه

الله يعطيكم العافيه و بإنتظار التكمله
ماتبعتكم

الجزء السادس

التقطت لكم مجموعة من الصور الخارجية للبرج ….


هذه صورة للبرج التقطتها من الدور الثاني عند المسبح ….ما قدرت أطلعها أكثر من كذا …هذا وأنا راقي فوق جدار المسبح ….لو يهب هواء طحت ….


هذه صورة للبرج واللي أمامه هو فندق الواحة واللي ساكنين في البرج يستخدمون كافة مرافق الفندق …
حتى الفطور في مطاعم الفندق …


وهذه صورة لهم من على الشاطئ




صورة للشاطئ ….البحر نظيف يشهى اللي ما يحب السباحة بالمطافش فيه ….
هو أنظف من بحر جدة بشي بسيط …الله يخلف علينا …



لا تروحون بعيد ...بعد قليل المزيد من الأحداث

أنتظرونا

تحياتنا لكم

الله ما شاء الله يهبلون تالا وليان ما شاء الله

تقرير ولا احلى ابوتالا و هويمليه

ننتظر جديدكم ان شاء الله

تقارير مثلها ماشفت تسلمون

ابوتالا & هويمليتي

مازلنا متابعين معكم

الجزء السابع

يوم الأحد

الساعه 10 وربع بتوقيت دبي أفطرنا ..

وهذي صور من البوفيه ..















فيه كذا جهه من البوفيه ماصورتها كان فيها الخبز والكيك .. وجهه فيها واحد طباخ يسوي كل يوم طبق ..
وفيه بعد عصاره فواكه للي يبي يسوي لنفسه عصير طبيعي ..

وفيه بعد لحم خنزير ( وانتم بكرامه ) وريان أكل منه بدون لا يدري

وهذي صورة صحني



وبعد الظهر رحنا لمول ابن بطوطه ..

هذا المول مقسم لعدة أقسام مثل : ( ساحة الأندلس – ساحة مصر – ساحة بلاد فارس – ساحة الهند – ساحة تونس – ساحة الصين ) هذا المول مميز ببناءه وديكوراته .. لكن للأسف من دخلت المول فضت بطارية الكاميرا وصورنا بعض الصور بالجوال ..










الجلسات بهذا المول مررره حلوه .. والسقف اذا شفته كأنك تشوف السما ..


وكان فيه شخصيات كرتونيه بالمول .. وكل شوي البزران يقولون تعالي صورينا







في هذا اليوم مباراة السعوديه الساعه 4 ونص بتوقيت دبي ..

رجعوا الشباب عشان المباراة والبنات جلسوا بالمول .. وهذا اليوم اعتبره اليوم العالمي للتسوق هههههههههههههه من بعد الظهر واحنا ندور بالسوق الى الساعه 8 تقريبا ..
وهذي صورة الأكياس بعد ماتسوقنا ..



اللي جوا الأكياس نوريكم ياه بالتقارير الجايه << تسمع بالتشويق

وبعد ما انتهت المبارة راحوا يسبحون .. ( صور الشاطيء بينزلها ابو تالا ان شاء الله )

وبالليل اللي راح يتمشى على الشاطيء واللي جلس على مسابقة بني زيد

وبكذا انتهى يوم الأحد ..

الجزء الثامن

يوم الأثنين

الساعه 8 بتوقيت دبي نزلنا كعادتنا للفطور ..

البوفيه هو نفسه اللي أمس .. وهذي صورة صحني اليوم ..
وهذا بيض عيون يوم شفته ذكرت سنوعه ..


بعد الفطور :

اللي راح يسبح واللي كمل نومته واللي جالس على النت ..

وبعد الظهر رحنا لمول ستي سنتر ..

تغدينا بالمول .. بس نسيت أصور طلباتنا ..

وهذي صورتين لتوتو ولولو بالملاهي اللي بالمول ..



هذا المول فيه محل دونات خطيييييييييييييييير اسمه كرسبي كريم ( هذي الدونات مشهوره بكندا ) ..

في هالمحل نشوف الدونات وهم يسوونها الى أن نشتريها ..

وهذي الصور :



















وهذي الدائره الحمرا اذا طلعت الدونات من الفرن تولع عشان اللي يبي ياكل الدونات ساااخنه ..


وهذا طلبنا


واخذنا طلبنا ورحنا للبيت ..

وبعدها البزران ناموا .. واحنا الكبار رحنا لمكان حلو ورايق اسمه ( المارينا وولك ) وهو عباره عن مطاعم وكوفي كان المبنى قزاز يطل على نافوره .. وفيه جلسات خارجيه قدام النافوره ..






بالنسبه للنافوره كانت تشتغل على الموسيقى وتطلع أصوات أمواج كانت روووعه ..

بعض الصور للنافوره ..






وبكذا انتهى يوم الأثنين ..

انتظروا القادم الأجمل .. تقبلوا تحياتنا

اشتهيت الدونات هويمليتي

بالعافيه عليكم

ورحلتكم مازلنا متمتعين فيها

بانتظار القادم