بداية تدل على رحلة ممتعه

انا حطيت الموضوع في المفضله عشان اشوف شوشتك وانا في الوولد وادي

بانتظارك يامبدع

الحمد لله على السلامه

وبأنتظار التقرير المفصل

اولا الحمد لله على السلامة

ثانيا ابي تفصيل ممل مثل تقريري من تطلع الين تدخل

ثالثا اقبص اذن هويملية تضبط التقرير معك

رابعا ننتظركم

خامسا تقبل تحيااااااااااااااتي

سادسا

ماشاء الله
متى نزل الموضوع توني انتبه له

ماشاء الله مبين من البدايه ان الرحله شي
حلوه الرحله بالسيااره
تااخذ رااحتك عالاخر,,
اهم شي انبسطتوا ,,
وهويمليه لبى قلبها كل يوم تعطيني الاخبار

الله يجعل رحلاتكم كلها سعيده

بانتظار باقي اليوميات : )

الحمد لله على السلامه

منتظرين باقي الصور

بسم الله الرحمن الرحيم

حمد لله على السلامه باين راح نستمتع بتقاريركم يالله هويمليه تأخرتي عجلي علينا. ابوتالا أهم شي الوايلد وادي .

الجزء الثاني


السلام عليكم ...

نكمل لكم بعض المعومات حتى الوصول إلى دبي ....

قبل ما نوصل سلوى وقفنا نعبي بنزبن ....فقال لي العامل تبغى صرف دراهم ...قلت له بكم قال ال1000 درهم بـ 1020 ريال ....قمت صرفت ألف ...أحتياط ...وصار سعر صرفهم أحسن من جميع الصرافين في الإمارات ...يمكن يفرق عشرة ريال إلى 25 ريال يعني الصرف 1030 إلى 1045 ريال

بعد تختيم الجوازات من الحدود السعودية والإماراتية ....وقفنا نأمن على السيارة ...



العشرة أيام / بمائة درهم
والشهر / بمائة وخمسون درهم

أمنا لمدة شهر

بعد التأمين ....رحت مكتب السياحة كنت أبغى أحجز في فندق على الطريق أسمة المرفأ ...نريح فيه ذيك الليلة وبعدها ...نكمل لدبي ...مستوى الفندق متوسط ....وكان سعرة العام الماضي 250 درهم للغرفة وهو على البحر في مدينة المرفأ ...وهي تبعد عن الحدود الإماراتية بحوالي 200 كم ...يعني مناسب يريح الواحد ...


سألت عنه قال لي المكتب سعره 400 درهم ...يالله وش نسوي أحجزلي غرفتين فيه ...أتصل عليهم وقالوا له الفندق فل ...صراح استغربت ...لأن الفندق هذا بالذات دايم فاضي ...تسكنه لحالك ....

يالله مالنا الا نمشي .....

فيه منتجع على الطريق يبعد عن الحدود الإماراتية بحوالي 100كم ...أسمه منتجع الدانات ...صراحة مستواه راقي وفيه شاليهات ...أذكر أن الغرفة بـ 900 درهم والشاليه بـ 2500 درهم ...يعني ما تسوى عليك تريح ...دبي دايركت أحسن ....

وواصلنا الرحلة ...حتى المرفأ ...قلنا نتعشى ونريح شوي ....طبعاً ما فيه الا بوفيهات الهنود داخل المرفأ ما لقينا المطاعم اللي نعرفها...وقفنا عند مسجد عنده دورات مياه ومغاسل ...طلبنا العشاء من البوفيه القريب من المسجد ورحنا صلينا المغرب والعشاء ثم رجعنا للبوفيه...

لكن تبون الصراحة ...نظيفين ومرتبين وطريقة تقديمهم للوجبات رائعة ...صراحة تفاجئنا بها ....

خذنا العشاء واللي معه ورحنا لحديقة في المرفأ على البحر ...فيها مسطحات خضراء ...والحمد الله كان فيه شوية هواء ...تعشينا وريحنا كم ساعة .....والظاهر الشارع اللي عليه الحديقة هو الشارع الرئيسي لتجمع أهل الديرة ...السيارات رايحة جايه عليه ...

واصلنا المسير حتى قبل أبو ظبي بعدة كيلومترات يجينا مفرق دبي ....

الطريق سيدين رايح ونفسها جاي من الحدود حتى أبو ظبي...ومريح جداً ...

طبعاً أبو ظبي تبعد عن الحدود بـ 350 كم .....وأحنا نفرق لملف دبي قبلها بحوالي العشرين كم ...يعني ما نمر أبو ظبي ...

عدينا أبو ظبي لدبي اللي تبعد حوالي 120 كم تقريباً ...عن أبو ظبي ...هناك محطات بنزين على مستوى راقي من حيث النظافة والخدمات المقدمة ....يعني كل محطة فيها سوبرماركت فيه كل اللي تحتاج ...وفيه معجنات ساخنة وقهوة بالإضافة إلى وجود مطاعم نظيفة وبعضها عالميه ....



هذا في محطات البنزين الله يخلف علينا........ إن طلعت من محطاتنا وثوبك نظيف ...انبسطت ...والا تخزين المواد الغذائية تلاقيها طاقتها الشمس لين قالت آمين ...

وقفنا نعبي البنزين ...طبعاً عندهم ثلاث أنواع من البنزين ...91 / 95 / 98 ...عبينا من الـ 95 ...طبعاً أسعار البنزين عندهم دبل سعرنا بحوالي ثلاث مرات ..يعني عبينا سيارتنا بحوالي 170 ريال



أما الديزل عندهم أغلي من البنزين ...سألت عنه لأني شفت بعض العمال لابسين تشيرتات عليها دعايه لنوع من الديزل يقولون صديق البيئة ...سعر الديزل عندهم دبل السعر اللي عندنا ثمان مرات ...وأنا أشوف سروات التريلات والشاحنات عند محطاتنا اللي حول الحدود بالكيلومترات ...الله لا يلومهم ..من السعر اللي يروع ....

والا مسجد المحطة ....وش نظافة وش مكيفات فيه ست مكيفات سبلت ...وحنا مساجد محطاتنا ما فيها الا مراوح ...والا دورات المياة اللي كنك في بيتك من نظافتها ...ياحسرة علينا ....

والطريق من أبوظبي إلى دبي أربع مسارات رايح ومثلها جاي والطريق منور بشكل رائع .

المسافة من الرياض إلى دبي حوالي 1050 كم

المهم واصلنا المسير على دبي وعند الوصول لها شفنا ذا اللوحات مرززه رسوم الطريق ...أحصل على بطاقة ساير ...يعني اللي بيستخدم طريق الشيخ زايد لازم يدفع فلوس عن طريق شراء بطاقة ساير ...سألنا عنها قالوا أنها غير متوفرة وأنه لم يتم العمل بها بعد ...أيه أشوا ...

وشارع الشيخ زايد كله تحويلات وشغالين في جسور على كامل الشارع ...الشارع هذا ست مسارات رايح وست جاى بالإضافة إلى ثلاث مسارات خدمة ....يعني الجهة فيها تسعة مسارات ...

ولفت أنتباهي مشروع القطار أو الباصات المعلق على جسور ...

المهم توجهنا إلى الأوويسس بيتش تاور

نكمل لكم الحديث لاحقاً كونوا على تواصل ....

تحيتي للجميع

هه كني دخلت الجو شوي

بس ما بعد سويت شي يبو تالا

ماش انت تقطع كنك موترالصاروخ

امحشها مرة وحده يا مال الشحم مثلي وافلح مع صبيان الفلاح