خاص لمنتدى قبيلة بني زيد و السبق لها ؟؟

الشاعر الصغير · #1 01-08-2007, 09:40 PM

يا من قرا جعلك تسلم = هاذي بيوتٍ في العاله
ما جبتنا شن ما يعلم = كل عرف منكم حاله
يا من على عيب طمطم = تمرح بدارك شغاله
فنساً بكِر و بْلا محرم = وين الورَع وين رجاله
هذا فعِل رجلٍ مسلم = خالف رسوله واقواله
صارت مثِل بنتٍ منكم = تظهر لكم زين أزواله
يامر عليها متبسّم = ون تزعلي لبس نعاله
تجمع هدومه وتخمخم = قبل الغسيل بغساله
تطبخ لكم زين المطعم = محْلا هذا رجلك قاله
قصده يغيضك و يلطّم = مكثر غثاه و غرباله
ونْ له تطيبتي تمتم = قصده وجع وشّو ذا له
وإما تزيّنتي خثرم = ما عندنا الا دلاله
لا جا ينادي وين أنتم = ومن الكِبِر إسمك شاله
قولي نظر عيني تسلم = وش نيتك ذا ما قاله
منتي مثل ننسي عجرم = زين البني قل أمثاله
كلّ على الثاني غلدم = إبلا سبب والله حاله
نوم الضحى طبعٍ خيم = في نسوِتن فيها جْهاله
وأنتي تجيبين لْه الهم = شغلك عناده و جْداله
شكّاكةٍ من يتْكلّم = تركض تفقّد جواله
ماهو غلا به يا محرم = كله طمع في حلاله
قبله شقي تافخ برطم = يمرح على ضيم لحاله
همك مواعينٍ و أطقم = و الزمزميه و دْلاله
ونْ تعْزموا واجر مطعم = شغل الهنود و بنقاله
ومن العجز ليلي تزهم = تطلب فولٍ مالفواله
طبع الحريّم سبّ و نم = ومن الغياره حماله
زوج الضّنا سنع و يحشم = مرة الولد سمّت حاله
وعيالكم أبشر سم سم = ما يظهروا كيس زباله
تفرح ليا قالو قدم = للجامعه كشف أعماله
واتلا التلايا ما ينضم = راح الخصوصي و آماله
وإبلش توسط وإنخا العم = دربٍ عسِرْ مالْنا و ماله
يا وليدنا دامك تسعم = ما تفرغِ لْشرب بياله
ما عندنا سايق يخدم = والعود حنقٍ في الصاله
للسوق خذنا و تْكرّم = ما للمَرَه غيرِ عْياله
أتلا الشهر مصروفك كم = غير ديونٍ للبقاله
ما عندكم ناسٍ تفهم = تحرص على حفظ أمواله
لا تحقرِ رْيالٍ و إعلم = من دقّها صارجْلاله
يا حيسفا وقتٍ صرّم = يوم أمنا ويّا الخاله
تطحن عيوش ولا تسأم = والماء تجيبه بلحاله
يوم الولد مثل المحزم = في بطن أبوه و يبرا له
هذا الحكي ما يتعمم = و الخير كلٍ يسعى له

ع . خـــــاص · #2 04-08-2007, 10:03 AM

صح لسانك

وسلم بنانك

ذيب الحداثا · #3 04-08-2007, 05:50 PM

الله يعطيك العــــــــــــــــافيه اخوي الشـــــــــاعر الصـغير على هالمشاركه

وشكــــــــــــــــــــرا ..

الصييفي · #4 05-08-2007, 11:02 AM

أخي الشاعر الصغير( طرحك لا يدل على أنك صغير و الظاهر انك مثلي عود)/ بيض الله و جهك على هذه القصيدة التي تتخذ طريقة الشويعر و نفس البحر لكثير من أشعاره.

بارك الله فيك فقد و ضعت يدك على كثير من الجروح الدامية للأسف.

أعجبتني كثيرا بيتاك الأخيران.

شكرا لك و نبغى المزيد يا شايبنا

احلى نجديه · #5 05-08-2007, 11:04 AM

يسلمو

الشاعر الصغير · #6 05-08-2007, 12:49 PM

شكرا لكم جميعا
على مداخلاتكم اللطيفه

لدي إحساس أن القصيده لم تلاق إستحسان الكثيرين
و أقول انا واحد منكم و لا بي زود عليكم و اعاني من بعض
المشاكل التي ذكرتها مثل كثير من الناس

القصيده فيها نوع من المبالغه و الهزل و هذا حال الشعر
اعذبه اكذبه , فلا تؤاخذوني يا بني عمومتي

اخي الصييفي ,انا شاعر صغير في عمري الشعري , فأول
بيت نظمته في حياتي لا يتجاوز عمره الثمانية أشهر و على
هذا الأساس تسميت بالشاعر الصغير

و لكن تراني منيب عود حسب ما توقعته و انما احب مجالسة العويد
و سواليفهم و اشعارهم القديمه و قصص الاباء و الأجداد

عسى الله يعييني لتقديم ما يسركم مستقبلا إن شاء الله و سامحونا
إن بدى منا ما يسوؤكم

تقبلو جميعا تحياتي و تقديري

هوتميل · #7 05-08-2007, 01:09 PM

شكــــــــــــــــــــرا ..

قصيده رائعه شاكر لك اخي الشاعر الصغير

ِِّآخٌٌِِـِِِِّّـِِِِّّوٍٍكََـِِِِّّ/ـِِِِّّهٍٍََـِِِِّّـِِِِّّوٍٍتُُِِِِّّْْـِِِِّّـِّ ِِِّمًًـِِِِّّـِِِِّّيََـِِِِّّـِِِّّ ِلـِِِِّّ

أبـو نـوره · #8 11-08-2007, 04:52 PM

صح لسانك

سعد الحامد · #9 11-08-2007, 05:12 PM

صح لسانك يالشاعر المبدع
تقبل تحيتي

طارق الحصان · #10 13-08-2007, 06:28 AM

وربي مبدع مبدع مبدع إلا مجنون ابدااااااااااع

صورة فنيه تحكي ما تعيشه بعض أسر مجتمعنا الحالي

إقتباس

هذا الحكي مـا يتعمـم=و الخير كلٍ يسعـى لـه

وفعلا هذا الكلام لا يعمم على المجتمع كله

مبدع وربي مبدع

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر