اللي ورى حـدب المحانـي تمثنتـك=ياقلـب منهـا لاتخالـف حنـايـاك
والفتنه اللي لوعت سيـف لاعتـك=انا بعيني شفت والا انت وش جـاك؟
يافاتن اقلوب البشر ويـش قصتـك؟=ارهيت بالتعذيـب ماخفـت مـولاك
والفتنه اللي تختفي خلـف غطوتـك=مابان منها غيـر رمشـك وعينـاك
يافاتني حسبي علـى جـور فتنتـك=ماطلت شي ولا قوى القلب ينسـاك
يسعد صباحٍ فيـه صافحـت طلتـك=لو هي مصافح شوف يكفي فدينـاك
افدى العيون ورمش عينـك ولبتـك=ويفدون كل البيض فالارض (0000)
ياطرّ جيبي يـوم تطـرق بنظرتـك=انـا ذبحنـي فالنواعـس مراعـاك
خطوتك موحيها على القاع تك..تـك=ياتك حالي تك يـوم اوحـي اخطـاك
اثره لعانـه يـوم تقصـر بخطوتـك=قطعت قلبـي فـي تعمـدك لاخطـاك
خطوتك.. نظرة عينك العـام خلتـك=خلتك في قلبي على خانـة اشـراك
واليوم شف يامغيزل العيـن هيبتـك=مستوليٍ قلبـي مـن البـاك للبـاك
إن كان هذي مـع مهاويـك مرّتـك=ياليت ربع اللي وطا سيـف ياطـاك
ومن يوم نسناس الصبا شال طرحتك=وانا رهين اللي طلـع مـن خفايـاك
لعب الهوا دوره على كشف غرّتـك=وعقب انكشف ماعاد باقي بي ادراك
في سيرة الطغيان زينـك وسيرتـك=سجدت للي يا اتلـع الجيـد سـواك
ياويل ويلـي مـن تقاسيـم قبلتـك=اموووت فيها موت واموت واحيـاك
اطيح من طولي على صوت ضحكتك=ادوووخ دوخة عشق واضيع والقاك
تهوس..تجنن.. تاخذ العقـل خدتـك=يا ام الزمـام اللـي لميعـه تغشـاك
ذوب العسل كنه على اطراف شفتـك=يسلم دريك العشق من ذايب اشفـاك
واصبح علي الصبح والصدر منتـك=لاذقت نوم ولا قوى القلـب ينسـاك
ومادام فتنتهـا علـى فالهـا جتـك=ياقلب منهـا ليـش لجـت حنايـاك