هذي هي::::::

خالد المنصور · #1 24-04-2004, 03:39 PM

هذي أول مشاركاتي بهذا المنتدى ....عسا أن تنال إعجابكم.:

أنا يا بو محمد ما سـليت وخـاطـري ما زان = ووقتي زود هـمـومي هـموم وثـقل حـموله

سـبايب مـن رماني بالعيون ورمشـه الفـتان = غزاني بالجـيوش وحط له بأقصى الحشا دوله

عقب ماكنت أحسب إن الهوى يطوى مع النسيان=وأحـسب إنـي ليا حـبيته أبا أنساه بسهوله

نشى حبه علي مـن يم (قبله) و إبـتدأ هتان = بعد جـتـه الشمال وجا يعـم الأرض بسـيوله

سـقا قـلبٍ مـن أيام الموده هـالكٍ ضـميان = روى عقب الضما واخضر عشبه وارتفع طوله

لمحته عـقب ما مرت عليه من السـنين أزمان = ماكنه عن عيوني غاب يوم ولا انـتحى زوله

عـقب شـفته سرى بـنج المحبه داخل الشريان = يا لبا الـبـنج مـن خـده ومن قده ومجدوله

عـرفته عـرف ما شـكيت شـك ولاني ابغلطـان = تقل مـا في بنات الـناس لا مثله ولا حوله

أي والله عـارفه عرف المطر للضـلع والوديان = إلى هـلت هـمـاليله نصا واديـه وسـهـوله

هذي هـي ما تغير شـكلهـا من يومنا ورعـان = هـذي هـي قالهـا قلـبـي وعـيني قبله تقوله

تبادلناالرسايل بالقلوب بدون نطق لسان =أخذ و أعطى عهود الحب مثنية و مدبوله

كما الظبي الجفول إلي جفل من ثورة الدخان = عـقب سـمع البنادق ثورت يا ماسرع جفوله

جفل وابعد عيونه عـن عـيوني عـقبها مابان = و أنا بـنج الـمحبة داخـلي ما زال مفعوله

أخذت أردد اسـمه بالـضمـير وداخل الوجدان = و أقول إن كل مــا سوى بقلـبي منه مقبوله

مادام انه حـفظ عهد المحبة ما نـساه وخان = فأنا مازلت أحـبه وأعـشـقه و أهواه قولوا له

ولوني كنت أحسب أن الهوى يطوى مع النسيان = وأحـسـب إنـي ليا حـبـيته أبا أنساه بسهوله

فاناماأنسـاه لو مرت عليه من السنين أزمان=ولا أنسا اسمه ولا رسمه وهو له بالحشـا دوله

::::::::::::::::::::::::::::::::::خالد محمد المنصور::::::::::::::::::::::::::::::

الــرحيل الــعذب · #2 24-04-2004, 04:36 PM

صح لسانك .. وسلم احساسك

قصيدة رائعة تكتمل فرحتنا بمعانقتها

صح لسانك يابو محمد

اخوك ابو راكان

سعد الحامد · #3 24-04-2004, 06:30 PM

صح لسانك ياخالد
ولاعدمناك ياأبن العم
ومنها واطيب ان شاء الله
وترانا ننتظر الجديد

محمد بن صقيران · #4 24-04-2004, 08:14 PM

صح لسااانك يا خالد

قصيدة وافية واطلالة رااائعة

ننتظر القادم وبشغف

دمت بخير

ابن ضويان · #5 24-04-2004, 10:13 PM

صح لسانك يا ابو محمد
هذه القصيدة رائعة خصوصا ان اسلوبها مما يسمى بالسهل الممتنع
ونحن ننتظر القادم على احر من الجمر

سيف السيف · #6 25-04-2004, 06:22 PM

السلام عليكم ورحمة الله وبركاته

الشاعر القادم بقوه / خالد محمد المنصور

لله درك ولا فض فووك

وصح لساانك على هذه الفاتنه

فعلاً كتبت واجدت وابدعت يا ابو محمد

ماشاءالله تبارك الله والله لايضرك

دمت بخير ودام ابداعك وتألقك

تحياتي لك

سعدالسيف · #7 25-04-2004, 06:37 PM

صح لسانك يابو محمد

خالد المنصور · #8 25-04-2004, 10:29 PM

ابو راكان:

يالله حيه.... عاش من شافك.

صح بدنك..والفرحة فرحتي بردك يالغالي.

:::::::::::::::::::::::::::::::::::::::::::::::::: :::::::::::::::::::::

سعد الحامد:

صح بدنك يا ابن العم

وأبشر إنشاء الله بما نقدر عليه.

:::::::::::::::::::::::::::::::::::::::::::::::::: ::::::::::::::::::::

محمد بن صقيران:

صح بدنك ياطويل العمر ..

وأبشربما نقدر عليه.

:::::::::::::::::::::::::::::::::::::::::::::::::: ::::::::

ساهر:

صح بدنك:::::::وأبشر وما يصير خاطرك الا طيب.

:::::::::::::::::::::::::::::::::::::::::::::::::: ::::::::::::::

الشاعر الكبير : سيف السيف

ردك يشرفني .

صح بدنك يالغالي ::هذا بعض ما عندك..
وأشكرك على هذا الدعم المعنوي الكبير.

:::::::::::::::::::::::::::::::::::::::::::::::::: :::::::::::

سعد السيف:

صح بدنك يالغالي.

::::::::::::::::::::::::::::::::: تقبلوا تحياتي

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر