ثـم بعـد لطفـك بنـا افعـل بـنـا=مـا انـت يـا إلآهـي لـه أهــل
يا مجيـب الدعـا يـا متـم الرجـا=واسألـك بالـذى يـا إلآهـي نـزل

الألف أولّف مـن تحيّـات الأعـراب=عدّيتهن بالقلب مـن غيـر مكتـوب

الباء بليت بحبّ وضّـاح الا نيـاب=هو سالم ٍ مني ّوأنا رحـت مصيـوب

التاء تنيته لين بـدر الدجـى غـاب=واصبحت لاجاني ولاشفـت محبـوب

جامع الناس بيوم لاريب فيه=جابر العظم من بعد ماينقصم

وأنبتت الارض من كل زوج بهيج=وأوجدت بالفضا كل صنف عـدم

وهو على ركن من الخيـل كنـه=جلمود صخر حطه السيل من عال

مسكية الأنفاس حوريّة العين=تبريّة الخدّين كوفيّة الزيـن

حسنه بالسجنجل جل=وعنقه بالمجلجل جل

كم ليلة منها بدا الشيب بالرّاس=كن النّجوم ابها تعلّق بالامراس

فيالك من ليل كأن نجومـه=بامراس كتان إلى صم جندل

أبا الله مايبقى من الخلد واحـد=وكلّ نعيم ماسوى الخلد نافـد
لكل امرىء فيها مقام ٍ وينقضي=وكل عمل ماهـو ب لله فاسـد

فيانفسي ريحي واطمئنـي جـلادة=وكلّ ابن انثى من لظا الموت جارع

من الله مرتهب إلى الله راغب=وبالله معتصم ٍ وإلى الله راجع

واخضع وضع وارفع بشان القرايب=ثم استدم في نعمة ٍ طيبها طيـب

الذيـب مـالـه قـذلـةٍ هلهلـيـة=ولا لـه ثمـان مفلجـاتٍ معاذيـب
والذيـب مـا يمشـط بالعنبـريـة=لا واهني من مرقده في حشا الذيب !!

ألف وليف الروح قبل امس زرناه=غرو ٍيسلي عن جميـع المعانـي
والباء بقلبي شيّد القصـر مبنـاه=وادعى مباني غيرهـم مرمهانـي
والتاء تراني كلما اوحيت طريـاه=أفزّ لو حلو الكـرى قـد غشانـي
والثاء ثلوم القلب ما احد بيرفـاه=الا ان خلى مـن ريقـه سقانـي
والجيم جيته ما تردّى لمـن جـاه=يقول حي اللـي عنالـي وجانـي
والحاء حليّه يّـم نجـران مربـاه=ريم رعى نبت الدعث والمجانـي
والخاء خليلي ما تجارح سطايـاه=بضامري علّـق شطيـر العرانـي
والدال دوك القلب من حرّ مسطـاه=جرح ٍفلو جبت الدوا مـا شفانـي
والذال ذهـب الحواجـر بيمنـاه=أصابعه تزهـى الخواتـم ثمانـي
والراء روايح ريحة المسك ويـاه=ريحة ز بـاد ٍفـاح أو زعفرانـي
والزاء ز بر جمعه ولا احرز ملاقاه=من ينطحه لاهز رمحـه رمانـي
والسين سمّ الحال والعقل باصبـاه=باربع محاحيـل ٍ تجـر السوانـي
والشين شبّهتـه بكـرة ٍبمربـاه=ما تشرب إلا درّ عـرب سمانـى
والصاد صاب القلب بالدرج مخطاه=قلـت آه وعـزّاه دمـي كسانـي
والضاد ضنيـت حالـي ولا فـاه=قلت الوداع وقـال هـذا مكانـي
والطا طويت الياس منه ورجـواه=لو كـان ساعفنـي فباكرجفانـي
والظا ظبيان المهـا كلهـا افـداه=ويلاه مـن ربـي بحبّـه بلانـي
والعين عامين وانـا ادور لامـاه=أجيه الى غاب القمـر والهدانـي
والغين غاب وفسّد التـرف بعـداه=أجيـه حـذر ٍ بالغبـا والبيانـي
والفاء فكّر ويش رايـه وطريـاه=هو حبّ قلب لـو مـودّة لسانـي
والقاف قلت اقلط وخذ مـا تمنّـاه=ما شاف غطروف ٍ صخيف الثماني
والكاف كيفي طـاب والحمـد لله=إلى حصل قصدي ترى العمر فاني
واللام لايمني عسى الويل يجفـاه=ماشاف الذي ربي بحبّـه بلانـي
والميـم مـا والله لقينـا حلايـاه=لا في البدو يذكر ولا في المبانـي
والنون نوره من سرى الليل قـداه=مثل الفنر وإلاّ القمر يـوم بانـي
والواو وا يوم على السطح ويّـاه=أشرب من مبسم رهيف الثمانـي
والها هيّضني بهـا زيـن شقّـاه=كنـه لطّـراد الهـوى معشرانـي
ولام ألف لايمني صفعته وقـال آه=لا بعد مـن لـي قريـب ٍودانـي
والياء يسقيّنـي معسـل شفايـاه=ولو جفيته عايفـه مـا جفانـي

الألف أولّف مـن تحيّـات الأعـراب=عدّيتهن بالقلب مـن غيـر مكتـوب
والباء بليت بحبّ وضّـاح الا نيـاب=هو سالم ٍ مني ّوأنا رحـت مصيـوب
والتاء تنيته لين بـدر الدجـى غـاب=واصبحت لاجاني ولاشفـت محبـوب
والثاء ثلاث اوجاب ماشفت الاحبـاب=مع مثلهن ماشافت العيـن محبـوب
والجيم جمّ الدمع واغرسـت الانيـاب=أبكي بكـى ورعٍ يتيـم ٍ ومضـروب
والحاء حوى قلبي زهى زين الالباس=حلفت مانسى زاهي اللبـس والثـوب
والخاء خرف قلبي زهى بزين الترحّاب=لكنّ قلبـي بيـن الاضـلاع منهـوب
الدال دنّوا لـي علـى خيـل وركـاب=أبي آصله بالراس من غيـر منـدوب
والراء ربطني بالرسن بين الاطنـاب=ربط الحصان اللي من الخيل مجلـوب
الزاء زوايا قصّتـه فـوق الاعـذاب=والنهـد بيّـح فيـه لبسـه الثـوب
والسين سنّوا لي مواصيـل محـراب=واقضيت كنّي بين الاضلاع مصيـوب
الشين شان الحال من عقب الاحبـاب=والقلب عقب صويحبي فيـه دالـوب
والصاد صدّ القلب ومن الهوى تـاب=إلاّ عشيـر ٍحالـف ٍعنـه مـاتـوب

حـج الحجيـج وكلـهـم لــه يلـبـون=وانـا بـدار مـورد الـخـد لبـيـت !!
فالـى جـو لاركـان بيتـه يطـوفـون=والتجّـوا الحـجـاج بـمـوادع البـيـت
وادعت مـن دارت حجاجـه كمـا النـون=وابكـي وباطـراف الجـدايـل تلـويـت
فالـىت جـو الكعبـة بنصـحٍ يحبـون=لانجـال وارد ضافـي القـرن حبـيـت
احرمـت يـوم الفـوز البـي لمـزيـون=صافي البياض وغفر وغفر ماكان زليت

دع لذيذ الكرى وانتبـه ثـمّ صـل=واستقم في الدجى وابتهل ثـم قـل
يا مجيب الدعـا ياعظيـم الجـلال=يا لطيـف ٍ بنـا دايـم ٍلـم يـزل
واحـد ٍماجـد ٍقابـض ٍبـاسـط=حاكم ٍعادل ٍكلّ مـا شـا فعـل
ظاهـر ٍباطـن ٍخافـض ٍ رافــع=سامـع ٍعالـم ٍمـا بحكمـه ميـل
أول ٍ آخـر ٍ ليـس لـه منتـهـى=جلّ ماله شريـك ٍ ولا لـه مثـل
بعد لطفك بنـا ربنـا افعـل بنـا=كل ما أنت له يا إلآهي لـه أهـل
يا مجيب الدعـا يـا متـمّ الرجـا=اسألك بالـذى يـا إلآهـي نـزل
به على المصطفى مع شديد القـوى=وأسألك بالذى دكّ صـوب الجبـل
الغنـى والرضـا والهـدى والتقـى=والعفو.. العفو ثـمّ حسـن العمـل
واسألـك غاديـا ماديـا كلمـا=لجّ فيه الرعد حـلّ فينـا الوجـل
وادق ٍصـادق ٍغـادق ٍضاحـك= باكي ٍ كلما ضحك مزنـه هطـل
المحـثّ ألمـرثّ المـحـنّ ألـمـرنّ=هامـي ٍ سامـي ٍ آنـي ٍ متـصـل
وأسألك بعـد ذا عـارض ٍسايـح=كنّ به طق مثنـى سحابـه طبـل
دايـر ٍ حايـر ٍ عـارض ٍ رايـح ٍ= كل ّ من شاف برقه تخاطف جفـل
من سحاب ٍ حقوق ٍ صدوق ٍ جفول ٍ=عريـض ٍ مريـض ٍ ونـي ٍ عجـل
كنّ مزنه إلى مـا ارتـدم وارتكـم=فى مثانى السـدى دامـرات الحلـل
ناشي ٍ غاشي ٍ سداه فـوق السهـا=كنّ مقدم سحابـه يجرجـر عجـل
مدهش ٍمرهـش ٍمرعـش ٍمنعـش =لمع برقه كما سيـوف هنـد تسـل
كن نثر الطها يـوم هـبّ الهـوى=فرق ريم ٍ جفل و ارتهش واجتـول
كلما اختفـق واصطفـق واندفـق=و استهل وانتهـل انهمـل كالهلـل
أدهـم ٍمظلـم ٍموجـف ٍمركـم ٍ=جور سيله يعـمّ الوعـر والسهـل
به يحطّ الحصا بالوطـا مـن عـلا=منحـي ٍ بالرفـا والغنـا بالشلـل
حينما استـوى وارتـوى واقتـوى=واستقل وانتقـل إضمحـل المحـل
بعد ذا آخر ٍ ما حمـي جـور مـاه=ثم يشيل الشجر في مسيـل الفحـل
كلّما ازدجـر واندجـر وانفجـر=ماه حطّ الحجر في جـروف المحـل
والفياض اخصبت والرياض اعشبت=والركايا ارجعت والمقـلّ اسفهـل
والحزوم اربعت والجـوازي سعـت=والطيور أسجعت فوق زهر النفـل
كن وصف اختلاف الزهر في الرياض=إختلاف الفـرش والزوالـي تفـل
بعـد ذا علّهـا مرهـش ٍقالـط ٍ=في بقايا أربع ٍ مـن سمـاك العـزل
بعـد هـذا يعلـه ّ زلال بـدلال=قدر شهر ٍسقى راسيـات النخـل
راسيات المثانـى طـوال الحظـور=منصلات المقـادم جريـد ٍ المظـل
حيثهـنّ الذخايـر إلـى مـا بقـا=بالدهر مـا يديـر الهديـر الجمـل
تغتني به رجـال ٍبـوادى الحريـق=هم قروم ٍكـرام ٍ إلـى جـا المحـل
هم جزال العطايـا غـزار الجفـان=هم لباب ٍ لضيـف ٍبليـل ٍهشـل
يا مجيب الدعـا يـا متـمّ الرجـا=إستجـب دعوتـي إننـي مبتهـل
إمح لي سيتي واعـف عـن زلتـي=فاننـي ياإلاهـى مـحـلّ الـزلـل
فإنـي الـذي مـدّ فيـك الرجـا=فلا خاب من مـدّ فيـك الامـل
وأنت الـذى تهـدي لمـن يقـول=دع لذيذ الكرى وانتبـه ثـم صـل
ثم ختمه صلاتـي علـى المصطفـى=عد ما انحى سحاب ٍصدوق ٍوهـل

يا خردات ٍناطحني ضحـى العيـد=ما هن عنّ غزلان الافـلاج ببعيـد
من هنّ؟ قال مورّد الخـد والجيـد=إشتر جمال اليوسفي قلت انا: بيش
قالت تكلّم قلـت بالـروح والحـال=وابكل ما تملك يمينى مـن المـال
وبكل ما يرضيك يا طيّـب الفـال=تبيع يا صافي البها قال لى بيـش
ومنهن ّقال مورّد الخد يـا شيـت=دشّ الغرام وسر معانا إلى البيـت
فاستانست روحى للآحباب واشفيت=باغى مواصل لابسـات البرابيـش
قالت لدايات ٍلها مـن ورا البـاب=هو ذا المولّع في هوى تلع الارقاب
قالن نعم يا سيد غضّات الاشبـاب=واقفيت قالوا يا صبى قلت انا ويش
قالوا تعال ان كنت للزيـن طالـب=إشتر قماش مـا ظهـر للمجالـب
تراك يـا شاريـه بالفيـن غالـب=مدلول معسول اللمى سايح الريش
أقفن وشدّيت الشبـك والعشـارق=شفق ٍعلى لاما الخليـل المفـارق
يقول لى سلطـان خـنّ المفـارق=خلّ الشبك واقضب متان العكاريش
شدّيت مقذولـه وهزّيـت ريشـه=وكشفت عن صافى الجبين الكريشة
يوم التقت فرسان جيشى وجيشـه=راحت على جيشه تغني شوابيـش
قلت المواصل قال ما في يدي حيل=ممّا تبي وامهل علينا إلـى الليـل
قلت الرهانـة قـال دوك المفاتيـل=الطوق والمفرك وليّـاك تطريـش
وقفت عنده ساعـةٍ قـال اساليـك=باللي عن اسباب المنايـا يعديّـك
من مولع به ؟ قلت انا مولع ٍفيـك=أغضى ولجلج بالعيون المداهيـش
عفرت به في ماقفـه قـال ليّـاك=تفضح محبّ عقب ما فرح بلقـاك
قلت ان قصدى رشفة ٍمـن ثنايـاك=والحروة انى عاد من الغير ما بيش
مرسول قل له من محـبّ جوابـه=ولا يسمعك من كان جرح الهوى به
فانّه إذا مـا سـد للـواش بابـه=ثم انشده يا طارشى هـو يمنِّيـش
أعفر متركا عنـه مانيـب سالـي=ريقه كمـا درّ الحليـب العسالـي
حلفت ما يمشى على اخذ الرجالـي=أحبّ واغلا منك يابـو عكاريـش
أعفر متركا زارنـى فـي مقيلـي=متغطـرف ٍكنّـه ظبـيّ السليلـي
ياغصـن تفّـاحٍ بحملـه يميلـي=فتشت في ذا القلب بيديك تفتيـش
أعفر متركا هسّتـه فـي ذراعـه=فوق الردوف مجدلّه فـرق باعـه
واسعد أبو من عانقه كـلّ ساعـة=يشرب من الغر الثنايا المباهيـش
أعفر متركـا زارانـا ثـم ّشفنـاه=كن القمر متشعشـع ٍمـن محيـاه
ريقـه عسـل الشفايـا رشفنـاه=درب ٍعلينا والردى فيـه توحيـش
أقفا يـدوّر خاتمـه فـي مداسـه=واثر انقطع رمّانـةٍ مـن لباسـه
يـازارعٍ زرع الحشـا ثـمّ داسـه=هبّ الهوى لناقضـات العكاريـش
ألله يلـوم اللـي يلـوم المحبيـن=خصٍّ إلى من كانهـم مستشبِّيـن
ولاهمّ من طرق السفاهـة مغبّيـن=وارواحهم راحت دقـاق ٍدقاريـش
هنيّهم عقـب الفـراق ان تلاقـوا=من سلسبيل ارياقهم قـد تساقـوا
فالى ارجهنّوا عقب خمـرٍ وفاقـوا=فحبٍّ فتلميس ٍبالايـدي وتفتيـش
هلّت دموعـي ثـم زاد انزعاجـه=شفقٍ على طفل المهـا بالمواجـه
واقفـنّ عنيمـا تقضيّـت حاجـه=والهقوة انى عقب الاطفال ماعيش

ليلة يجينـا السيـل يازيـد وافيـت=موضى الجبين وسيد تلعات الاعنـاق
شميـت ريـح امجدلاتـه ومزيـت=ضواحـك ٍماقبلـي احـد ٍ لهـا ذاق
جلست أنا ويّاه فـي ربعـة البيـت=سقوى نتساقى بيننا خمـر الاريـاق
وسقاني الخمـر المصفّـى وثنيّـت=خمر ٍوانا اسقيتـه حليـب ٍوتريـاق
يوم ارجهنّ اصويحبـي وارجهنيـت=والكل منا عقب خمر الهـوى فـاق
فهقـت راسـه بالجدايـل وحبيـت=ورد ٍعلي خدّه كمـا صفـح الاوراق
رفعـت راسـي للكواكـب وراعيـت=والى انّ نور الصبح بـاد ٍبالافـلاق
بغيت أقـوم وشـدّ ردنـي وشديـت=جيده وحبّيتـه ثمـان ٍعلـى سـاق
وحلف عليّ ان قمت من ذا وشدّيـت=إلا انت معطينـي عهـود ٍوميثـاق
إنك تعـوّد لـي إلـى منّـك اقفّيـت=ولا لغيري من هوى البيض تشتـاق
واقسمت له بآيـات عـمّ وبالبيـت=والمدّعي واللي بنى سبـع الاطبـاق
إني فلا غيرك من البيـض هاويـت=ولا لغيرك من هوى البيض مشتـاق
انا الذي مـن حـرّ فرقـاك فرّيـت=أنوح كالبهلول في وسـط الاسـواق
يامـا طلبـت الله ويامـا تمنّـيـت=وياما دعيته عند حـزّات الاشـواق
وياما دعيته في المساجـد وصلّيـت=ويامـا شحـذت الله قسّـام الارزاق
يبني لخلي من جنـان العـلا بيـت=ومن الثمر يقطف ثمر كـلّ مـا لاق
عسى إلـى رقّ البكـا واستمرّيـت=بمنقشّات الريش زينـات الاطـواق
واستأنست روحي لروحـه ودشّيـت=سوقه ووافق مرتي حيـن مـا واق
قلت المواصل قال ماغيـره اشفيـت=قلت السـلام وردّ مثلـه ولا عـاق
قالت رجينا الله يجيبـك إلـى جيـت=عذب النبا الغالي مراشيف الاريـاق
هو أنت طالبني تبي شـي ٍوعيّيـت=يامن هواه المهتوى خاطـري شـاق
تبغى الدبش قلت الدبش عندنا هيـت=والله مالـي غيـر لامـاك عــلاّق
ترى الشفات إلى لفـاك النبـا ايـت=ساعت يقيف السوق عن كل مـرّاق
لو ما عليك أحد من النـاس دزّيـت=فانت ايت لازم قبل غيبات الاشفـاق
قلت ارجي ان الله يديمـك وحبّيـت=عذب النبا الغالي مراشيف الاريـاق
ونبكي من الفرقـا جميـع ٍوياليـت=من لام فرقا سيـد حـمّ الشفـا لاق
يالموت ما أخذت أربعميّـه وخليـت=خلي فلا ظنّـي بمثلـه حـد ٍسـاق
يالموت عقب "قويت " لي ويش خليت=ماعقب عثمانه من البيض اباشتـاق
يا زيد انا قد لي زمانيـن مـا ريـت=خلّ ٍ سوى خلّي إلي جيت لـه مـاق
إن كان روح الحيّ تسعى مع الميـت=فأنا الذي مع ريح ريحـان الاشـواق
ياما سعت روحي مع الريح لـقويت=بأزكى سلام ٍعـمّ بالطيـب الآفـاق

أنـا دخيـل الله عـن الإلتفـاتـي=لو كان يشعشني على ساقتي قـوم
اللّـي نطحنـي سيّـد الغاوياتـي=اللي غسل راسه بسدر ٍمن اليـوم
علـى الردايـف دلّـق ٍسابحاتـي=قدايمـه تنقـض وتاليـه ملمـوم
يا زيـن يـوم قلوبنـا صافياتـي=ما طعت عذّالٍ ولا ارخصت بك سوم
أرخصت من غالي حياتـي مماتـي=وادعيتني لا أكل ولا شرب ولا نوم
عـن الوشـاة احوالنـا مبهماتـي=يابو دليـق ٍكنـه اطـراف حمّـوم
رميت بأسباب الهوى الموجباتـي=قلبي رمى الله انجلك السود بسهوم
وبك اتهمونـي بظّنهـم ياشفاتـي=يا ظبي حور ٍسالم ٍمنـك مسلـوم
قلت اسقني مـن ذبّـل ٍمرهفاتـي=عسى طيور القلب تركد عن الحـوم
أو حبّةٍ تنعـش بهـا الظامياتـي=بمفلّجاتٍ كنّهـا الحـص منظـوم
أو قحويان ٍمـن بكـا المرزماتـي=غبّ المطر ما يبتسم كـل مكمـوم
يا شبـه ظبـيٍ ٍذيّـروه الرماتـي=يرعى زهر نبت بالأدمات ماسـوم
تغنيـك ريـح انفاسـه الذارياتـي=عن ريح ريحان ٍ وعن ريح مشموم
قلبي برمش اعيونـك المغضياتـي=والماسك اللي كنّها النـار مرقـوم
وخدودك اللي كالضيا المجهراتـي=في مدلهم ٍّبـأول الصيـف مرقـوم
خيله لطـلاّب الهـوى مسرجاتـي=يطعن وطلاّب الهوى في يـده روم
قلت المواصل قـال لا يـا شفاتـي=بعد الثلاثا بتالى الشهـر باصـوم
أنا الذي ياشبـه خشـف المهاتـي=على اعياني من زماني معـك زوم
عليـك أهـلّ دموعـي الذارفاتـي=بالحان غنّى نطقها غيـر مفهـوم
تنقب المحبّة والغـلا يـا شفاتـي=عليك ضيّعت الحيا مـنّ كـم يـوم
إن كنت مثلى مولـع ٍيـا شفاتـي=فعساك سهر ما يجي ٍعينك النـوم
يا قاعـد النهديـن سيـد البناتـي=جعله عليك مبارك ٍ شهر ذا الصوم
ًالجيد منهـا مثـل جيـد الحداتـي=والوسط منها كنه الـرخ ّمهضـوم
قلت اسقني من ثنيـك المسكراتـي=فانا من شرب انيابك البيض محروم
وبك ابتلانـي مجـرى الذارياتـي=وادعيتني من حبس بلواك مااقـوم
لو قلت أنا تايـب عـن الالتفاتـي=فلا عاش من ينسى خليله ولو يوم

لوباتمنى كـان لي بطـن حمّـوم = اللي تـصرّف كل لّـين وقاسي

مريت بخشيفـات ريـم ٍ يخوضـون=سيـل ٍوللقلـب المشقّـى يريـفـون
مـن حيـن شافنّـي رهـاف الثنايـا=قامنّ لـي باطـراف الاردان يومـون
رديت راسـي عقـب مانـي معيّـي=قالن دعونـا لـه إلـى جـا نحيّـي
قالـن حيّـه قلـت حـي المحـيّـي=قالن علامك تلتفـت قلـت مشطـون
قالـن ترانـا ثـبّـت الله مقـامـك=ننذر علـى شوفـك ونفـرح بلامـك
واليـوم ياعـذب السجايـا علامـك=مسعور في ذا الدار انا قلـت مفتـون
قالن نسالـك بالـذى شـرّف البيـت=وبجاه من له في دجى الليـل صليـت
من به بليت من الملا؟ قلت ب "قويت "=قالن بليـت بحبّهـا؟ قلـت مجنـون
قالـن لعفـرا كنّهـا ظبـى ليـنـه=منـه اقربـي كنّـك تبـي تنشدينـه
وارخي لـه الملثـم عسـى تقتلينـه=قالـت إلـى منّـي قتلتـه تـلالـون
قالن لها وهى تغطـرف مـن التيـه=تمشي على شقٍّ والاخـرى تمدريـه
قومي فلـك حـقٍّ علينـا ان قتلتيـه=و قاموا لقذلتهـا بالايـدي يواسـون
جتنـي كمـا برديّـة المـا تخـطّـا=مـرٍّ تكشّـف لـي ومــر تغـطّـا
لين اودعتنى لا اعرف اليا من الطـا=سكر ٍولا ادري ويش اللـي يقولـون
قالـن لـي الدايـات ياهـابّ الريـح=وين انت رايح قلـت للبـرّ اباسيـح
قالـن تسيـح ابلابسـات المطاويـح=نجل اللواحـظ قلـت لومـا يعيّـون
قلـت أسالـك يانـور ورد البساتيـن=ذا اللـى بخـدك نـاز ولا تفانـيـن
قالـت رقيمـات الهـوى يامسيكيـن=لتلافكـم أهلـنـا لـهـذا يعمـلـون
واستاسرتنـي بالعـيـون الـذوابـح=ومجدّل ٍمـن فـوق الامتـان طايـح
شدّيت مفـرق سيـد غـرّ الذوابـح=وهم على قطر ٍ مـن المـا يشوفـون
قلت المواصـل قـال مالـك شفيفـة=واضفى علـيّ ثيـاب شفّـه رهيفـة
قلت اسقنـي مـن شفّتيـك النظيفـة=لعـل حـسّـادي بـغـلٍّ يمـوتـون
إقعـد رعـاك الله ربّــي وثبّـتـك=يانـور عينـي لا تغـيّـر محبّـتـك
نخـاف مـن شـي يجينـا بسبّتـك=غديـت اقـول ودايتينـه يـنـادون
واقفيـت واقفـى والمدامـع تجـارى=واصيح وانخى من صديـق وجـارى
ياحصّـة ٍ مـا قلبوهـا التـجـارى=ما ترحمون وقالن البيـض مالـون ؟
تراك يا "محسـن "إذا شفـت طمّـاع=ذا البزّ لا يشـرى ولا هـوب ينبـاع
تكوسرت عنّـي مهـا الريـم بقنـاع=قالن تودّ اوصالنا ؟ قلـت ممنـون !!
أضفى الغطا عنّي على حـمّ الأشفـى=من عقب ما قلبي يوصله قـد اشفـى
تلّيت ردن الشوق من عقب ما اقفـى=قلت المواصل يا اريش العين ما دون
خلّيت أنـا القصّـه وشديـت جيـده=حبـارة ٍ مـنّـي لعـلّـي أصـيـده
أطرق بضحك وجادنـي قبـل أجيـده=وارخى اللثام وباح لى كـلّ مكنـون
واللي خلق لي مجدّلـك والمقصّّـص=وحرز ٍعلى مصقول صدرك مفصّـص
يا أنت من بـدّ العـذارى مخصّـص=ما أفضي بسدّك للعرب لـو يموتـون
قالن لي أقعد عندنـا قلـت مـا عـاد=ما ارضى مع سمر العكاريش مقعـاد
واليوم يا حمّ المراشيـف مـا عـاد=عطشان ما من عذب الأنياب تسقـون
قالن لى شـرواك يـا بـارد الجـاش=لو عطش مامن شهد الانياب نسقاش
قلت ان قلبي مـن الوجـد نشنـاش=باغ ٍ منكم مـن لمـا فيـه تعطـون
قالـن ابشـر بالـرضـا والغنمـيـة=أقبل إلـى شفـت الحساسيـد نيمـة
والاّ العجـايـز نـاقـلات النميـمـة=بحكايتـي ويّـاك ياشيـخ يــدرون
قالـن نعـيّـي لا نـذوقـك لمـانـا=نخـاف مـن واش ٍ قريـب حـذانـا
نـقـول ذا والاّ فـحـنّـا ورانـــا=حكي ٍخفـيٍّ مالـه النـاس يـدرون
و الى عجوز ٍ مـن ورا راس حامـي=قالت لهن ياالبيـض معكـن حرامـي
قالـن لهـا هـذا علينـا يحـامـي=قلبه مولّع مع اهـل الديـن مفتـون
قالـت لهـن هـذا الصبـيّ المولّـع=تمشـن لــه يالرعابـيـب دلِّــع
وانتـن مثـل الخيـل خطـر ٍ تقلّـع=وخوفتـي يالبيـض للرجـل ترنـون
قالـن لهـا هـذا عليـنـا يــداري=وايّاك والحكـي الـذي بـه مـداري
ترى ورانـا مـن ينـوش الخبـاري=ياليت اهلنـا عـن حكايـاك يـدرون
قالـت لهـن هـذا عليـه التهـامـة=هـذا مـن القطعـة واهـل اليمامـة
ما ينومـن لوكـان يلبـس عمامـة=لو هو نقـيّ فالعـرب بـه يشكّـون
يالله يـامـولاي طالـبـك خـيـره=عـلاّم شـيٍّ مـا يـورّيـه غـيـره
عسـى ننـوش النايفـة والقصيـرة=وختامهـا فـنّ الشياطيـن بالهـون

أربع ليال ومرقدي وسط جوفـه= البارحه واليوم وامس وقبل امس
غرو ٍ غرير وكاملاتن وصوفـه=يشدى قمر ولا شعاع من الشمس

يالله بـنــوٍّ مـدلّـهـم الـخـيـالا=طافح ربابه مثل شـرد المهـا الـزرق
لا جا على البكريـن"1" بنـا الحـلالا=لاعـاد يفصـل فيـه رعـدٍ ولا بـرق
يسقـي نعـام ثـم يمـلا الهـجـالا=يحط الحريق اديار الاجواد لـه طـرق
يسقي غـروس عقـب ماهـي همـالا=يصبح حمامه طـارب يلعـب الـورق
لي حـال أصبـر مـن فرايـد شمـالا=واصبر من الريع الذي يسهجه طـرق
جريت أنا صـوت الهـوى باحتمـالا=في وسط بستـان سقـاه اربـع فـرق
طبّيـت مـع فـرع جديـد الحـبـالا=وظهرت مع فرع تناحـت بـه الـورق
روشن هيـا لـه فرجـة مـن شمـالا=باب على القبلة وباب علـى الشـرق
ومبسـم هيـا لـه بالظـلام اشتعـالا=بين البروق وبين مبسـم هيـا فـرق
بـرق تـلالا قلـت عــز الـجـلالا=واثره جبين صويحبي واحسبـه بـرق
شربـت مـن ريقـه ثمـان تـتـالا=اوأصبحت يطرقني نسيم الهوى طـرق
له ريق أحلـى مـن حليـب الجـزالا=وأحلى من السكر الى جا من الشـرق
ومزيت مـن ريقـه حـلا مـا يحـالا=وقطفت رمانٍ ابصـدره وهـو غـرق
مدهـال عمهـوجٍ لـه القلـب مـالا=يفداه ما فـوق البسيطـة بـلا فـرق
النـور فـي غـرة جبيـنـه تــلالا=هـلا وحيانـي وانـا والهـن شـرق
لاباليميـن أصـفـق ولا باالشـمـالا=من سبته ميّـل القبلـه إلـى الشـرق
ياونتـي ونــة هـزيـل الجـمـالا=ينقل روي الخيـل قـد حسـه الفـرق
يـا قلتتـن فـي عاليـات الجـبـالا=ماها قراح ميـر مـن دونهـا غـرق
ماعـاد للصبيـان فيـهـا احتـمـالا=من كود مرقاهـا يديهـم لهـا طـرق
ياشبـه صفـرا طـار عنهـا الجـلالا=طويلة السمحوق تنـزح عـن الـدرق
أخــذت منـهـا حبتـيـن تـتـالا=يوم إن نسناس الهوى يطرقـه طـرق
غصبٍ على الكالـف وراعـي الحـلالا=والثالـث الملحـاق فـي لحيتـه ذرق
قالوا تتوب عـن الهـوى قلـت لا لا=إلا إن تتوب رماح علوى عن الـزرق
وقالوا تتوب عـن الهـوى قلـت لا لا=إلا إن يتوبون (الحناشل) "2"عن السرق
وقالوا تتوب عـن الهـوى قلـت لا لا=إلا إن تتوب الشمس عن مطلع الشرق

هب النسيم اوياب ريحـان لحبـاب=وترنحت أغصان قلـبي بتطريب
وأحيا هشيم القلب من عقب ما شاب=من كثر ما تمرح عليه اللواهيب
قمت اتنشّق ريحتـه بين الاطيـاب= وانشق شـذا ورد بعرف الهباهيب
لمـا تحققته الى نفـحت اسلاب=صافي الثنا يـا سيد جمـل الرعـابيب
ختله نقا عشب عليه الحيا طـاب=او عـطر شامي من مغـانيه له جيب
او مـا ورده يوم شاف الهـوا هاب=وتارجت لافـاق من نفحته طيب
طيب لـو شمه زكيم الهوى طـاب= وستجرحت منه لقـلوب المصاويب
ليمن جلست اويـاه في شراه وعتاب= يفتي به القاضي وجـاهل وكتيب
لا هوه سـالي عن ودادي ولا نـاب= سـالي سوداده والمحبـه تعـذيّب
ان غاب شخصه عن نظيري فلا غـاب=عن خاطري حبه وأنا عنه ما غيب
ان قـام لي في حندس الليل طراب= يجلي أسى العـاشق بضحك وتـاديب
حبه تبـلاني وأنا اجور هل شاب=حتى كبرت وصرت من يملت الشـيب
اطرب واغني له مثل ما جبت له جاب= عذب الشناي في الهوى مثل ماجيب
إن قلت أنا جـاعل لميعـادك أسباب=ولا يستوي بينك وبيني منـاديب
قال الهوى عيب على المرؤ لي شاب= ان الهوى ما جاز مع جملت الشيب
انته تجوز امطوع وسط محـراب =وش لك بحب النـاعمات الخراعيب
جـاز الهوى لجويهل بعد مـا شاب= خذ له زمـان وهمته في اللواعيب
قفيت وقفـا يوم القمر غـاب= وسريت لـه تحت الدجى سرية الذيب
نادى من انت قلت ضيف على الباب= جن الدجى له ما لقى له معازيب
جاكم على ميعـادكم قال محناب= ربعك ولا نـاعدك خبث ولا طيب
ان قلت عندي شاهد قال كذاب= احضر اشهودك عندنا كانك مصيب
قلت الجبـين وغرة فيك وحجاب=وجـوزين حمر علـقن بالكلاليب
قال و بعد قلت المحابيس وخضاب = وسـود الي فكت تليث العراجيب
قال واشهودك شرعنا ليس يرضاب= قلت السبب قال اشهودك كذاذيب
قفـيت كني محمل وسط لعباب = سمّر طبع من غـير شرع ولا جيب
هذا الذي يوثـق بتلعات لرقـاب= شروات من يـاثق بغيم الفياهيب
او ليش ما حطيت قفل على الباب= وحطيت دون القفل ناس حجاجيب
الي يغـوص الهير من دون تباب=وش حيلـته لو العطايـا المواهيب
لو بن خميس ايشم من نفح لاطياب=دش الهوى واستعذبته الكواعيب
لو بن علي ينظر محل الحقب ذاب= ذوب الرصاص بحاميات القواليب
لو هو نظر صافي البها يوم ينساب= يمشي دنق مشي الحمام الرعابيب
شروا القميص اليوسفي حين ما حاب= فتح بصر يعقوب في حين ما جيب
وش حصل التالي ولو جاب ما جاب=الفضل للاول على الخبث و الطيب
مـني لمن نـاداه قـوسين بوجاب =صلاة وتسليم تعم الاصـاحيب

باح العزا منّي وضاقـت صناديـق=صدري وما فيه من الغيـظ مكنـون
وازريت من كفّ الدموع المهاريـق=ساعت بعيني شفت ركب ٍ يشـدّون
عكـف ٍنضاهـن كنّهـن الدوانيـق=دنيت منهم قلـت والبـال مشطـون
كفاكـم البـاري شـرور التعاويـق=أريد عندي ياهل الهجاهيج تضحـون
في ديرة ٍبين الخشـوم الشواهيـق=ولا لميـلات الليـالـي تشـوفـون
وليا لفيتـوا عنـد حـدّ الطواريـق=وإلا ففي البطحـا بغيتـوا تنيخـون
حطّوا مفـارش كوركـم والمعاليـق=ودّي بكم عقب التعـب تستريحـون
والى تمشّيتـوا بعـرض الطواريـق=لا باس ياركب ان نويتـوا تحطّـون
عوجوا رقـاب ركابكـم بالخنانيـق=ياربّمـا للريـق عنـدي تفـكّـون
عوجوا رقـاب ركابكـم يامطاليـق=مقدار شرب مولّع الكيـف غليـون
والـى تقهويتـوا وفكّيتـوا الريـق=لا باس ياركب ان نويتـوا تمـدّون
من فـوق هجـن ٍكنّهـنّ الدوانبـق=تقطع مسيرالعشر يوم ٍ على الهـون
أوطوا على جلد الهنـا بالمساويـق=والاّ برفق ٍ ياهل الهجـن تمشـون
خلونى أصحى من هوى السكر وافيق=وادّى سلامـي يمّـة اللـى تـودون
ومنمّق ٍ بالـزاج والعفـص تنميـق=ألبّ واحلى مـن نبـا كـل مكنـون
للمنتخي خلف السبايا أبو عليق "1"=يوم ان ذا يطرح وهـذاك مطعـون
وطبان زيـن اعيادهـنّ المشافيـق=إلا وله نفس ٍطمـوح ٍعـن الـدون
ريف القرايـا بالسنيـن المحاحيـق=لي جوه أهل عيرات الانضا يحثّـون
مع ذا وهو معطى طوال السماحيـق=ورث الندى ليس العطا منه ممنـون
علوى "2" مكسّرة القنا بالمطابيـق=لا سافر المسيوق ما عنـه يقفـون
قوم إلى نشف البلـل جمّـة الريـق=وقفـت سباياهـم تراهـم يـردّون
إلى لحقهم طالـب الديـن بلحيـق=ردّوا عليـه وزادو الديـن بديـون
الخيـل فـى ميدانهـم كالجواليـق=هـذاك مقتـول ٍ وهـذاك مطعـون
كم روضة ٍ فيها الزهر كالمشاريـق=في قيضة ٍعنـد البـوادى يهابـون
ترعـى فلاياهـم رقـاب الزماليـق=منهـا وعنهـا بالعـوادي يعـدّون
والجمع فوق الجمع كره ٍ إلى سيـق=وردنّ غضّات الصبا الظعن بالهـون
ينخـنّ صبيـان ٍ غـوات ٍهداليـق=غياهـب ٍ يـوم الملاقـى يــردّون
مشحوف مذلوق الحراب المزاريـق=والزّمـل لازم عنـد تاليـه يثنـون
الرجل من حظّـه وهـو بالتوافيـق=والعبد له رز ق على الله مضمـون
وصلوا على غشّ العُصاة الزناديـق=ما سـار حجّـاج ٍ بليـل ٍ يلبّـون

ميم حا سين ٍونون ٍكن فـي=موق عيني من مفارقكم قذاه
"عرعر ٍ" سلطان "هبّاس" ومن=هاطلات المزنيحذى من عطاه
من عطاياه الأصايل والجيـاد=مثل عرعر في زمانه مانـراه
مظفي الحسنى وبداع الجميل=فرز شطرنج الوغا بحر القناه
ذروة العليا شقا عين الحريب=فرحة العاني سبب عزّه عناه

يا راكب ٍمن فوق مثـل السبرتـاة=حمرا فتـاة ٍعـن لقـاح ٍمعفـاّت
تنصى الكواعب من بنات العمارات=يبكن" أخو نوضا "على راس ما طال
يبكن بـدم ليـس بدمـع ٍّ يخلـط=علـى عقـاب العندليّـات مسلـط
حلفت ما مثله على الجمـع يقلـط=ولا انقلـن الخيـل مثلـه رجّـال
يا البيض كبّن الحلـي والعشـارق=وابكنّ أخو نوضا مروّى المطـارق
خيّالهـا وان جللّوهـا المـعـارق=لحق ٍ الوسيق ورد ّالاوّل على التال

أزكى سلام عدّ ما البـدر غايـب=أو غدّر الماء في محاني المحانيب
للمتّقـي والمعتنـي للعجـايـب=والمعتصم بالله عن كـل ماعيـب
ريف الهشالا يالسنيـن الجدايـب=فرز الوغى معطي المهار العباعيب
سرداح وان جال القنا بالضرايـب=يذبح مقاديم الرجـال المطاليـب
ياشيخ يامـدّي حقـوق النوايـب=يامعلّقٍ جمع المعادي الأصاويـب

يابو رديف ٍ مرّني عجلـي=سلّمت له بالهون واوحاني
ياسيّدي لا تقطع الوصلـي=وارحم غريب ٍ عندكم عاني
كنّك لغزلان المهـا طفلـي=نبنوب غصن الموز روياني
ولا مخضر ٍ حبهـا قبلـي=ركّابها بالكـون سكرانـي

تـعـطّـف يـاظـبـي بــانــه=وهـــجّ الــغــيّ بـيـبـانـه
أحـبّــك جـهــد مــاأقــوى=كتـمـتـه والـبـكــا بــانــه
بانه على وجنتي دمع ٍ صبابـه مـال=والقلب ياصاح من فرط الصبابة قـال
ياغصن موز ٍ إلى هب ّ الصبا به مال=عـلـيـه الـــروح عطـشـانـه
عطـشـانـه إلـــى عـسـعـس=وخـديــن الـمــلا عـسـعـس
ولـيــل قـرونـهـا عـسـعـس=تـنـقّـى الـصـبـح بـاوجـانـه
أوجانـه التبـر والتريـاق مرشافـه=يقتل إلى حط ّ تحت الطوق مرشافـه
مـوّرد الخـد لـو ان القمـر شافـه=طلـب حسـنـى مــن أحسـانـه
حـسـنـه بالسجـنـجـل جـــل=وعـنـقـه بالمجـلـجـل جـــل
ظـبـي ٍ مــن ظـبـا جـلـجـل=قـطـفـنــا ورد بـسـتــانــه
بستانه الخد ّ والثغـر الـذي سلسلـه=عمّن ترشف إلى جن ّ الدجى سلسلـه
جنّ الدجى مثل شعره كلّ ما سلسلـه=شمـيـنـا ريـــح ريـحـانــه
ريـحـانـه المعـثـكـل كــــل=قطفـنـا الـغـي ّ ولـكـل كـــل
نعـشـنـي صـافــي الكـلـكـل=بـوصـلـه بـعــد هـجـرانــه
هجرانه المر ّ وتلول العسل فـي فيـه=ومن الهوى والمحبة ليت مافي ّ فيـه
لو شبت ماتبت عن بدع القوافي فيـه=ورشـفــي كـــاس أسـنـانـه
أسـنــان الـمـفـلّـج لــــج=زهــر روض ٍ إلـــى لـجـلـج
بـهـا قلـبـي إلـــى لـجـلـج=شـبـيـه الـظـبـي بأعـيـانـه
واعيان صافي البها ياصاحبي نجلـي=وطعون قدّه بكل مافيه متيّـم النجلـي
بالله بالله ياغـضّ الصبـا نـج لـي=وريّـــا الـــورد بـاوجـانــه
وأوجـانــه إلـــى رفــــرف=ثـمــر ورد ٍ إلـــى رفـــرف
لـبـوس الـتـرف فــي رفــرف=ولــه بــرق الـهـوى عـانــه
عانه قتيل الهوى عقب المواصل صال=واجرى وصدّه علينا بالمواصل صـال
غزال جل ّ الذي من حم ّ صلصال صال=وعــن كــلّ أحـمـق ٍ صـانـه
حصـان الـشـوق لــي همـهـم=وخـلانــي ونـيـهـم هــــم
كفـانـي مــن جفـاهـم هـــم=وكـيــف عـيـنـيّ هـتّـانــه
هتّانة ٍمـن جفـا محبـوب أعيانـي=ومفارقي حب ّ صافي الخـدّ أعيانـي
يافرقد ٍ جادني مـن غيـر وعيانـي=بـنـبـل الـعـيــن خــزّانــه
خـزانــة ٍ لـلـفـراقـد قــــد=وصـــدّه لـلـفـراقـد قــــد
نـعـيـم ٍ بالـحـشـا قــدقــد=تـجـلّـى الـحـسـن بـأوطـانـه
أوطان قلبي غدا يرعـى بهـا شـادن=وقصور قلبي بمكنون الحشـا شـادن
وبنعم ساقيـه خلخـال ٍ إلـى شـادن=أنــابــيــب ربّـــانــــه

قـلـبـي بالمـهـامـه مــــا=تـعـطّـف يالـمـهـا مـهـمـا
تـعـرّض لــي مهـامـه مـــا=وتـلـرمـى بالمـهـامـه مـــا
مهمال قلبي بنيران الجـوى رقرقـت=صبابة ٍ بالحشا يوم المفـارق رقـت
خريدة ٍ عينهـا لـي كلّمـا رقرقـت=غــدت عيـنـي تـهـداد مـــا
مـا دمـوعـي عـنـد مهمـاهـا=كـلـونـي عـنــد مهـمـاهـا
وقـالــت عـنــد مـهـمـاهـا=ســلا سلـمـى لـمـا سـلـمـا
سلمى عذابك وله فاه ٍ كمـا سلسلـه=عن من ترشّف إلى جنّ الدجى سلسله
وبنرجس العين شعره كلّما سلسلـه=بـعـد الـمـا يـرقــى ادمـــا
أدمــى مــن عـلـى مـهـلـي=أرقــد مــن عـلـى مـهـلـي
إلـى قـدّ مــن عـلامـه لــي=ظـبــيٍّ كـاعــب ٍ مـسـمـى
سمـا وحبّـه بقلبـي ماعسـكـره=أرد على بوش مكنون الحشا عسكره
ياليت خمر المحبة حيـن ماعسكـره=كمـيـن ٍ مــن بـعـد ظـلـمـا
وبـعــد ضـمـيـري قــدقــد=خلـيـلـي لـلـغـوى قــدقــد
بـعــد ضـمـيـري قــدقــد=تــرى عنـكـم عـيـن مهـمـا
مهما المحاسن بها فوق المضّنى نقا=بدا لنا غصن موز فوق روض ٍ نقـا
إلـــى مــرتــع ٍ هــــادي=أبــا البـيـر لـهــا هـــادي
عـلـى الـداعـي لـنـا هــادي=صـــلاة المعـتـلـي خـتـمـا

سر يا سحاب الخير وامطر بالاحسان=وامطر من الكوثر صباح ٍ وعصـري
منشاك من طيبه بـروح ٍ وريحـان=برد النسيـم مذعـذع ٍ بالشمطـري
يامر الذي إن قال للشـي كـن كـان=هطّال يحيي مـن نمـا كـل بـذري
يصبح نعيم النبت مختلـف الألـوان=مشعشع ٍ نـوره بالاثمـار خضـري
مقام من له بالحشـا روض نعمـان=قطّـف رواعيهـا رقـاب البختـري
غرو ٍ زرع بموجـل القلـب بستـان=نوابع أشجـاره بالايغـام خضـري
من يوم قالوا شيل من بيع الاظعـان=وعنانتي من صوب لحـد ٍ وقبـري
قفّت ظعونه صوب معمول الاركـان=عقب المودة ليس يرعـى لصبـري
ليت القبر عن شوق ذا القلب نيبـان=ويش الـذي بمـورّد الخـد يمـري
ياقبـر ماتنبـاج ننظـر بالاعيـان=صفوة هـل الدنيـا بحسـن نظـري
ياقبر هـذا يشبـه لحـور الأعيـان=غرو ٍ نزل يحكم به المـوت سكـري
ياقبر هـذا سيـد غضّـات الابـدان=هايف ومهضوم ٍ لوسط ٍ وخصـري
يافبر هـذا نـور عينـي بالاوطـان=قرّة عيوني بيـن بـدو ٍ وحضـري
ياقبر هـذا مـدة شهـور وازمـان=عليه دمـع العيـن بالليـل نثـري
حطّوه في أظلـم لحـود ٍ وغيـران=بالحلّ يامن له مع الحـور قصـري
قصر ٍ فسيح ٍ بين طوبـى وعدنـان=في جنة الفـردوس وانهـار تجـري
ياموت ماتاخذ عن الشـوق الاثمـان=أحكم بكل شي ٍّ وانا منـك بأشـري
أعطيك بغـداد ٍ مـع ملـك سبهـان=خزاين الشامين مـع ملـك مصـري
وبنادر الشاهـات والهنـد وعمـان=والبصرة الفيحا مـع ملـك هجـري
مع كل مايجنـون حضـر ٍ وبـدوان=أسوقهم باللـي كمـا خـدّ عفـري
يا ورق ما تبدع غريبـات الافنـان=باح العزا حيثـك بشكـواي تـدري
عذري ولو جاوبـت ورقٍ ٍبالالحـان=لو نحت نوح الورق وا كبر عـذري
كم عاقلٍ قلبـه مـن العقـل مليـان=فاجاه من عقب السكـات التهـذري
يا لايمي صابك من البين مـا بـان=تاتيك غـاراتٍ علـى غيـر تـدري
دنياك ما تصفـي لحـيّ بالاحسـان=إلا إن سقته من الشري والسقطـري
قبل نبـيّ الله بنـى بيـت الاحـزان=وبكى على يوسف والفراق عسـري
يا عين هلّي دمعتك فـوق الاوجـان=مثل المطر ينهلّ من فـوق حجـري
وأبكي حبيب الدمع من موق الاعيان=تزفيـر عبـراتٍ تلاحـب بصـدري
هيهات لـي هيهـات ممّـا تبـلان=طال الفـراق وزاد بالبعـد هجـري
ما ظنّتـي ألقـى عشيـري ويلقـان=إلا بيوم ٍ شاخـص ٍ فيـه بصـري
عليه وجدي وجد مـن راح يسفـان=بوسط البحر شحّت من الموت خطري
وأشرف عليه الموج من كل الأركان=حاديه عاصوف ٍمن الريـح نهـري
أو وجد من له قدر عايض مربعـان=جاه الطبيب وقـال مافيـد نصـري
أيّس وقال اللي كتـب بالقلـم كـان=وماكان مكتوب ٍ على العبـد يجـري
وعجّل عليه المـوت للـروح ديّـان=كم واحد ٍفي النـاس فاجـاه عـذري
ياربنـا مامـن المـوت جـزعـان=والموت مكتوب ٍعلى العبـد يجـري
والمـوت لارواح المخاليـق ديّـان=ما يندفع من بعـد عسـر ٍ ويسـري
غارت خيول الموت ركض ٍبلا ارسان=والعبد منهـا غافـل ٍ ليـس يـدري
لكّن غضّ الطـرف سحّـاب الاردان=لو احتمـل عنـد امتنـاع ٍوصبـري
إلى ذكـرت ان ّه بمفلـوف الاكفـان=خذّه عني الموت غصـب ٍ وقسـري
ياليت ملك الموت من حيـن فاجـان=مضـى بنـا ويّـاه عبـر ٍ بعبـري
ما ابغى حياة ٍ عقب مريوش الاعيان=وزهدت في دنياي لو طـال عمـري
عسى تجي روحي وروحـه بيمنـان=يوم القيامة يـوم حشـر ٍ ونشـري
صلاة ربّـي للنبـي سيـد عدنـان=عد ّالرياح ومـا لعـى ورق قمـري