رحلتي للكويت ودبي والبحرين<<بالصور a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

رحلتي للكويت ودبي والبحرين<<بالصور

المشاركة في الموضوع
 
خيارات الموضوع طريقة العرض
  #1  
قديم 06-06-2007, 05:01 AM
أخت اخوها أخت اخوها is offline
عضو نشيط جداً
 





أخت اخوها is an unknown quantity at this point
 
رحلتي للكويت ودبي والبحرين<<بالصور

 

هلا وغلا فيكم كل ابوكم

انا احب ادخل على طوول بالموضوع بلا مقدمات بلا شي

قبل اسبوعين بالضبط كان عندي اسبوع اجازه من الكليه قبل الامتحانات العمليه
هاذي الاجازه للدوافير طبعا

فقلنا يله خل نروح نشم شويه هوا ونغير جو عشان اتهيأ نفسيا للامتحانات<<وباالاخير معي كم ماده

المهم قررنا نروح الشرقيه وللبحرين

يوم جا يوم الاربعا بعد ماطلعت من الكليه ونمت وروقت يوم جت الساعه 4 العصر وحنا نمشي ونعبي بنزين بعشرين فللنا ام السياره <<<الله يديم الرخص

ونخليها سحبه وحده من الرياض الين الشرقيه

عاد يوم وصلنا الشرقيه قلنا هاه نروح البحرين قلت انا وش رايك نروح الكويت ترا مابقى عليها الا 350 كيلو قال والله ماهيب شينه عاد انا فقيت خشتي ماصدقت

المهم ونددددددز للكويت والله عاد انا من يوم تعدنا الشرقيه بديت ادروخ خلاص جاني النوم المهم واخذ الترمس ابي شاهي الاه مخلص من ركبنا السياره وانا اقحن فيه

المهم وقبل ماناصل الحدود نوقف عند محطه نبي نعبي الترمس شاي عاد انا يوم شفت شكل المحطه حامت كبدي وش ذااااااا قال اقول لاتعنفقين ترى موب جايك الا من ذا واردىبس والله ياعليه شاهي شيييييييييييي
ماتلاحظون ان المحلات الوصخه يطلع اكلهم طعمه حلو<<<لاعاد تلاحظين لو سمحتي
عاد ذي صوره البوفيه مدري المزبله مدري وش اسميها صراحه بس لاتفوتكم لازم تجربونها
]

وعبينا بنزين بعد بعشرين بعد<<<<الله يعز الحكومه
المهم يوم الجت الساعه وحده الا وحنا في الحدود عاد مالقينا اي صعوبه كانت الحدود فاضيه مافيه احد الا حنا ونرز لهم جوازاتنا

]

عاد المسافه من الحدود الا الكويت مره قصير ه بس ساعه ماجت 2 الا وحنا بالكويت
وميتييين جوع وفينا النوم وكلش متجمع المهم ونلقا لنا مطعم وناخذ منه ثنين ساندوتش كباب طعمه يهبل مدري الجوع يحلي الشي

عاد ذي صورت المطعم طبعا صورته من بكره لاني وقتها كنت مدروخه

]

وبعدين رحنا عاد ناخذ شقه وطبعا ماحجزنا ولا شي بس فيه احد قال لنا عن شقق
مرره حلوه ويمدحها عاد قلنا خل نروح لها المهم ونسأل عنها ونلقاها جنب المطعم حق الكباب

ونحجز لنا غرفه مررررره حلوه هالشقق كنها نظام شاليهات تجيك دورين اول ماتدخل صاله وفيه درج صغير يودي غرفه النوم وطبعا الغرفه مفتوحه على الصاله
بس نسيت اصوره من جوا وهاذي صورتها من برا واسمها(السالميه بالاس)

]

شكلها مثل البيوت الكويتيه القديمه وناخذ الغرفه 450 ريال مع فطور كل يوم طبعا حنا حجزنا الاربعا اللي جينا فيه والخميس والجمعه بس صراحه الفندق مرررره حلو حتا فيه جلسات جوا مطعم وقهوه وفيها سوق صغير ومحلات مرره حلوه


وهذا شكل الممرات من جوا مررره حلو وهادي وغرفهم نظيفه
]


وهذا شكل المنظر مع البلكونه طبعا تطل على البحر وقدامها الجامعه الامريكيه
]
]

]
عاد طبعا حنا من يوم جت 9 وحنا قاحصين ونزلنا عشان نفطر كان فطورهم والله حلو طبعا بوفيه مفتوح صغير وهاذي صورت فطوري
]

يوم افطرنا وعينا خير ونروح لسوق اسمه مارينا مول مررررررره حلو الظاهر انه جديد وكان زحمه لانه يوم خميس والعالم ماعندهم مدارس
ونتمشى فيه وشريت منه كذا شي

يوم جت الساعه 12 وحنا نطلع منه ونروح سوق شرق ذا اللي مزعجينا فيه على الفاضي صراحه مره كئيييب وكله استعراض المهم ونتمشى فيه وبعدين طقنا الجوع وقلنا خل نتغدا
وهاذي صورت غدانا عاد لايغركم شكل البطاطس تراه ثقييييل وطعمه شين

]
]

وبعدها طلعنا نتمشى في ربوع الكويت<<<تكفين يالاس فيقاس كلها اشارتين ودوار
]


وبعدين رحنا البيت ريحنا شوي يوم جت الساعه سبع تقريبا وحنا نطلع ونروح
للمارينا هاذي مطاعم على البحر مرررره حلوه ورايقه بس كان الجو حر ورطوبه شوي
ونتعشى في مطعم (زعتر وزيت) يووووووووه ياهو هالمطعم خطير
طلبنا منه فلافل طبعا تجي زي الصبه بس اخف ومقطعه صغار يعني نمزمز عليها
ومناقيش لبنه ومناقيش زعتر بس من الشفاحه ماصورته

المهمونروح البيت وننام يوم جا يوم الجمعه ونطقها نووومه الين صلاه الجمعه
عقب الصلاه طلعنا ورحنا مول اسمه البستان ولما رحنا له قالوا المحلات ماتفتح الا الساعه خمس العصر وبعض المحلات ماتفتح اليوم عاد انا بغيت اصيح
المهم ونقعد بكفي شوب مررره رايق عاد اغلبه طلاب معهم دروسهم ويذاكرون
ولا يتكلمون الا انجليزي الاخوان متبرين من لغتهم
ونقعد ونتغدا فيه عاد عقب الغدا طلبت لي ذاك الشاي اللي يحبه قلبكم
شاي بالتفاح مع القرفه فظيييييع
وذي صورته
]

عاد حامت كبودنا ومحلاتهم مافتحت ونطلع منه لسوق لاصق فيه اسمه ليلى قاليري
وهو كله فساتين ابد ماعجبني كل فساتينهم شينه واسعارها مبالغ فيها
ولقينا في هالسوق محل حق اقمشه رجاليه مررره حلو عاد قشينا منه

وطلعنا ورحنا للمدينه الترفيهيه<<<<ماتعوق معنا مانفوت ولا دقيقه

ماش الملاهي مااعجبتنا كانت فاضيه مافيها ناس واجد يمكن عشان ليله دراسه
طبعا حنا جيناها الساعه 5 تقريبا وهاذي وحده من الالعاب اللي لعبناها
]


يوم جت الساعه 7 وحنا نطفش عاد طلعنا وقلنا عاد خل نحلل اليوم لانه اخر يوم لنا بالكويت ونروح للمارينا مره ثانيه ونقعد في جلساتها ونتعشى

بعدها رحنا البيت ونمنا يوم قمنا الصبح ونفطر ونروق يوم جت الساعه وحده تقريبا وحنا نمشي عاد قررنا نروح البحرين وندززززززززز على البحرين 5 ونص وحنا طابينها ونروح لاقرب مكتب سياحي نبي نروح دبي طقت بروسنا

ونلقى على خطوط الخليج الشخص (900) ريال قلنا حلو والله انها بحل عند الخطوط السعديه الشخص (1600)

قالوا الاقلاع الساعه 11 الليل قلنا اوكي
والله نروح السيف نتمشى فيه ويوم جت الساعه 10 وحنا نروح المطار قالوا الرحله تأجلت للساعه 3 الفجر عاد حنا جانا احباط

قلنا خل نروح نقعد على البحر وحنا بطريقنا للبحر الا ونشوف مطعم شكله حلو
وعنده شويه سيارات والانا جواعا قلنا خل نوقف عنده
وهاذي صورت المطعم

المهم يوم دخلنا الا مافيه الا ناس قليلين وكلهم سعوديين عاد انا استغربت ليش كلهم سعوديين
]

وهذا المدخل
]

]

عاد طلبنا العشا كان عندهم عرض عشا متكامل هم يجيبون لك كل شي مقبلات ومشاوي ورز وفاكه وحلا بــ 250 ريال والسعر مررره معقول ومع العصير بعد

كان اكلهم حلو بس كثيييييييييير يكفي قبيله انا لولا الحيا كان اخذته سفري
وهاذي صور العشا

اول شي المقبلات
]

]

عاد نسيت اصور المشاوي

هاذي الفاكهه
]

عاد يوم جت الساعه 1 ويجي واحد يغني عاد حنا طلعنا

ورحنا المطار وتوجهنا الى دبي دار الحي

عاد انا تعبت من الكتابه وانشالله يعجبكم موضوعي داريه ان هذري واجد بس تحملوني
واذا ودكم انزل صور دبي قولوا لي وانا حاضره

 

الرد مع إقتباس
  #2  
قديم 06-06-2007, 08:31 AM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

اخت اخوها

هلابك

ما شاء الله تقريري مفصل

مع ان اكثره اكل ومطاعم بس حلو

وترا ننتظر صور دبي ووين رحتوا بنيها

يعطيك الف عافية

تحياااااااااااااااااااتي لك

 


::: التوقيع :::



 
الرد مع إقتباس
  #3  
قديم 06-06-2007, 11:37 AM
الصورة الرمزية لـ بيكاسو
بيكاسو بيكاسو is offline
عضو مثالي
 





بيكاسو is an unknown quantity at this point
 

 

عاد بصراحه سفرتكم مرررررررره حلو
عاد والله يجنن
عاد قسما ماخليتو شي مارحتو له
عاد نزلي لنا صور دبي

عاد تشكراات اليك

 


::: التوقيع :::

إذا غامرت في شرف مروم *·~-.¸¸,.-~**·~-.¸¸,.-~* فلا تقنع بما دون النجوم


 
الرد مع إقتباس
  #4  
قديم 06-06-2007, 12:54 PM
الصورة الرمزية لـ الصاروخ
الصاروخ الصاروخ is offline
:: أبو عبد العزيز ::
 





الصاروخ is on a distinguished road
 

 

اخت اخوها

هلابك

ما شاء الله تقريري مفصل


الله يعطيك العافيه

 


::: التوقيع :::

التوقيع


 
الرد مع إقتباس
  #5  
قديم 06-06-2007, 04:07 PM
أخت اخوها أخت اخوها is offline
عضو نشيط جداً
 





أخت اخوها is an unknown quantity at this point
 

 

إقتباس
عاد بصراحه سفرتكم مرررررررره حلو
عاد والله يجنن
عاد قسما ماخليتو شي مارحتو له
عاد نزلي لنا صور دبي

عاد تشكراات اليك

عاد الله يقطع بليسك يابيكاسوا مايفوتك شي
عاد عساه اعجبك الموضوع خخخخخخخخخخخخخخ

 

الرد مع إقتباس
  #6  
قديم 06-06-2007, 04:18 PM
أخت اخوها أخت اخوها is offline
عضو نشيط جداً
 





أخت اخوها is an unknown quantity at this point
 

 

المســــافر
بيكاسوا
الصاروخ
اشكر لكم مروركم

 

الرد مع إقتباس
  #7  
قديم 06-06-2007, 05:15 PM
الصورة الرمزية لـ TuRkI(الرايق)TuRkI
TuRkI(الرايق)TuRkI TuRkI(الرايق)TuRkI is offline
عضو متميز
 





TuRkI(الرايق)TuRkI is on a distinguished road
 

 

هلا والله باخت اخوها

اكود انكم استانستوا

إقتباس
شكلها مثل البيوت الكويتيه القديمه وناخذ الغرفه 450 ريال مع فطور كل يوم طبعا حنا حجزنا الاربعا اللي جينا فيه والخميس والجمعه بس صراحه الفندق مرررره حلو حتا فيه جلسات جوا مطعم وقهوه وفيها سوق صغير ومحلات مرره حلوه

اهم شي استانستوا بالفندق
القندق روعة ومن افضل الفنادق 3 نجوم بالكويت
شكل الي عطاك المعلومة غلطان
الفندق هذا زي تصميم البيوت السورية القديمة

إقتباس
عاد طلبنا العشا كان عندهم عرض عشا متكامل هم يجيبون لك كل شي مقبلات ومشاوي ورز وفاكه وحلا بــ 250 ريال والسعر مررره معقول ومع العصير بعد

ومطعم الصواني هذا مطعم اوكي بس انا اخبره العشا عندهم ب120 ريال وراهم زادوه

والله شكلكم استانستوا وطبعا ما يحلى السفر الا مع الاكل >>>>>> طبع سعوديين عادي

 


::: التوقيع :::





أنت الزائر رقم:

من تاريخ: 10/05/2007
لمواضيعي ومشاركاتي.


 
الرد مع إقتباس
  #8  
قديم 06-06-2007, 05:22 PM
الصورة الرمزية لـ sn3ah
sn3ah sn3ah is offline
:: عطاء بلاحدود ::
 





sn3ah will become famous soon enough
 

 

اولا.. هلا ببنت ولد خالة ابوي الدافوره

ثانيا .. مااشاء الله دار فيتس الزمن ودخلتي قسم مكشات

إقتباس
ماتلاحظون ان المحلات الوصخه يطلع اكلهم طعمه حلو<<<لاعاد تلاحظين لو سمحتي

الا والله لا حظنا وانااشهد مير نتسلط على حقين اللي يبيعون الشاورما بريالين :( <--مايخالف تحملي البنت هااليومين طاايحتن بالشاورما

إقتباس
ونتعشى في مطعم (زعتر وزيت) يووووووووه ياهو هالمطعم خطير

وانا اشهد

إقتباس
المهم يوم دخلنا الا مافيه الا ناس قليلين وكلهم سعوديين عاد انا استغربت ليش كلهم سعوديين

ولمااذا الاستغراب يااخت العروبه السعوديين مرتزين بكل قرنه ياربي لك الحمد محد فاضي كثرهم

إقتباس
عاد طلبنا العشا كان عندهم عرض عشا متكامل هم يجيبون لك كل شي مقبلات ومشاوي ورز وفاكه وحلا بــ 250 ريال والسعر مررره معقول ومع العصير بعد



إقتباس
واذا ودكم انزل صور دبي قولوا لي وانا حاضره

نحن في الانتظار

يعطيك العافيه

 


::: التوقيع :::


شكراََ لكم :$
لا إله إلا أنت سبحانك إني كنتُ من الظالمين


 
الرد مع إقتباس
  #9  
قديم 06-06-2007, 05:46 PM
الصورة الرمزية لـ بنت ابراهيم
بنت ابراهيم بنت ابراهيم is offline
:: سيدة العطاء ::
 





بنت ابراهيم has a spectacular aura aboutبنت ابراهيم has a spectacular aura about
 

 

8
8
سنوعتي الله يرجتس

إقتباس
مااشاء الله دار فيتس الزمن ودخلتي قسم مكشات



ماشاء الله عليك تقريرك مفصل ويشوق وصورك حلوووه

عجبني البطاطس بس اشوى ارتحت يوم قلتي طعمه شين

علميني الكويت تستاهل أحد يروح لها ودي بها من زمان

ننتظر صور دبي

 


::: التوقيع :::


سنوعتي .. السرمدي ... آسر ،، أشكركم


 
الرد مع إقتباس
  #10  
قديم 06-06-2007, 06:33 PM
الصورة الرمزية لـ ♥Happiness♥
♥Happiness♥ ♥Happiness♥ is offline
شقاوة شرقاوية
 





♥Happiness♥ will become famous soon enough
 

 

إقتباس
عاد يوم وصلنا الشرقيه قلنا هاه نروح البحرين قلت انا وش رايك نروح الكويت ترا مابقى عليها الا 350 كيلو قال والله ماهيب شينه عاد انا فقيت خشتي ماصدقت

والله انك خطير .. زين انكم مرحتوا للبحرين << حايمه كبدها من البحرين

عاد من زينها مافيها الا السيف وبس


بس روحتكم للكويت رايقه وتمشيه فله ... بس يختي اغريتينا بالصور الكل


ننتظر صور البحرين ودبي .. وحطي دبي قبل البحرين :(

 

الرد مع إقتباس
  #11  
قديم 06-06-2007, 06:46 PM
الصورة الرمزية لـ عبدالعزيز العماني
عبدالعزيز العماني عبدالعزيز العماني is offline
مدير النشاطات الخارجية
 






عبدالعزيز العماني has a spectacular aura aboutعبدالعزيز العماني has a spectacular aura about
 

 

بسم الله الرحمن الرحيم

تقرير كلها أكل لا ما شاء الله صور تحكي

 


::: التوقيع :::





 
الرد مع إقتباس
  #12  
قديم 06-06-2007, 06:55 PM
الصورة الرمزية لـ وش ذا الذراابه
وش ذا الذراابه وش ذا الذراابه is offline
عضو v.i.p
 





وش ذا الذراابه is an unknown quantity at this point
 

 


شكل الرحله ممتعه
بس عساك جبتي لي هديه
بس تراني مقهوووووره ثلاث ارباع الصور مو طالعه

انتظر رحلتك لدبي

 


::: التوقيع :::

[img] [/img]


 
الرد مع إقتباس
  #13  
قديم 06-06-2007, 09:12 PM
أخت اخوها أخت اخوها is offline
عضو نشيط جداً
 





أخت اخوها is an unknown quantity at this point
 

 

إقتباس
اهم شي استانستوا بالفندق

اي والله الحمدلله استانسنا
إقتباس
القندق روعة ومن افضل الفنادق 3 نجوم بالكويت


إقتباس
شكل الي عطاك المعلومة غلطان
الفندق هذا زي تصميم البيوت السورية القديمة

مدري والله يمكن


إقتباس
ومطعم الصواني هذا مطعم اوكي بس انا اخبره العشا عندهم ب120 ريال وراهم زادوه

طمعوا يمكن بس مازال السعر معقول

إقتباس
والله شكلكم استانستوا وطبعا ما يحلى السفر الا مع الاكل >>>>>> طبع سعوديين عادي

الحمدلله انبسطنا وملينا بطونا ورجعنا خخخخخ

مشكور اخوي على مرورك الجمييل


إقتباس
اولا.. هلا ببنت ولد خالة ابوي الدافوره

هلا فيك قولي ماشالله لاتنظليني واسقط عاد انا على جريف خلقه

إقتباس
ثانيا .. مااشاء الله دار فيتس الزمن ودخلتي قسم مكشات

الدنيا وماتسوي



إقتباس
ولمااذا الاستغراب يااخت العروبه السعوديين مرتزين بكل قرنه ياربي لك الحمد محد فاضي كثرهم


مشكوره سنوعه على مرورك<<<مسويه برستييج


إقتباس
ماشاء الله عليك تقريرك مفصل ويشوق وصورك حلوووه

انتي الاحلى ياقلبي

إقتباس
عجبني البطاطس بس اشوى ارتحت يوم قلتي طعمه شين

يقعد على الكبد ثقيييييييييل

إقتباس
علميني الكويت تستاهل أحد يروح لها ودي بها من زمان

صراحه هي ماهيب شينه بس حدها يومين واحلا شي بالشتا نصيحه بالصيف لاتروحين لها
يمدحونها بعطله الربيع


إقتباس
ننتظر صور دبي

ابشري

بنت ابراهيم احبك بالله <<<<



إقتباس
والله انك خطير .. زين انكم مرحتوا للبحرين << حايمه كبدها من البحرين

عاد من زينها مافيها الا السيف وبس

وه بس ياني اكره البحرين من يوم ادخلها وهو صاكني راسي
والا اذا رحت السيف احس اني بصحارى كله سعوديين نعنبوا ذا البحارنه وينهم متدعسين ماينشافون



إقتباس
بس روحتكم للكويت رايقه وتمشيه فله ... بس يختي اغريتينا بالصور الكل

انتي الاروق ياقلبي

بنت العيسى شاكره مرورك





إقتباس
تقرير كلها أكل لا ما شاء الله صور تحكي

وشفيكم علي اكيد كله اكل حنا ليش تسافر اصلا عشان ناكل<<<حشى مجاعه
شاكره لك مرورك اخوي



إقتباس
شكل الرحله ممتعه

ماناقصنا الا انتي<<<لو جيتي طردتك
إقتباس
بس عساك جبتي لي هديه

ايه جبت لك بس مدري وينها الظاهر ظاعت<<<توهقت
إقتباس
بس تراني مقهوووووره ثلاث ارباع الصور مو طالعه

اسم الله عليك من القهر لاحقه عليها بتشوفينها انشالله

ذروبه الله لايخلينا منك

 

الرد مع إقتباس
  #14  
قديم 06-06-2007, 11:56 PM
الصورة الرمزية لـ وش ذا الذراابه
وش ذا الذراابه وش ذا الذراابه is offline
عضو v.i.p
 





وش ذا الذراابه is an unknown quantity at this point
 

 

اخت اخوها
ابشرك طلعت الصور
مطعم الصواني >>>تموت فيه
انواع الروقان يوم شفت صورته فز قلبي
يختي احبه
جوه وناسه وسعه صدر
طيب مادخلتوا سينما في السيف
ترى فيها صالتين سينما كل وحده تقول للثانيه الزين عندي<<<خبره في البحرين

دبي دبي لاتنسين هيا دحين نزليها

 


::: التوقيع :::

[img] [/img]


 
الرد مع إقتباس
  #15  
قديم 07-06-2007, 12:06 AM
أخت اخوها أخت اخوها is offline
عضو نشيط جداً
 





أخت اخوها is an unknown quantity at this point
 

 

إقتباس
اخت اخوها
ابشرك طلعت الصور

حلو

إقتباس
مطعم الصواني >>>تموت فيه
انواع الروقان يوم شفت صورته فز قلبي
يختي احبه
جوه وناسه وسعه صدر

مدري يوم جيناه كان فاضي مافيه ناس واجد بس يمكن ست طاولات


إقتباس
طيب مادخلتوا سينما في السيف
ترى فيها صالتين سينما كل وحده تقول للثانيه الزين عندي<<<خبره في البحرين

لامارحنا سينما بالسيف رحنا بالكويت قبل دخلنا فلم taxi
وفلمين بعد بس ماحفظت اساميهم


إقتباس
دبي دبي لاتنسين هيا دحين نزليها

ابشري قلوبوا

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 08:54 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www