قصيـــدة رائعـــــــــة مـن روائــــــع بـديــوي الوقـداني a

آخر المشاركات المطروحة في منتديات قبيلة بني زيد

  موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    حقيقة مقتل بنيدر الدويش ومن هم الرماة واهل البنادق ( آخر مشاركة : أمل الخير    |    أضِـف بصّـمَـتُـك اليَـوّمِـيّـة ( آخر مشاركة : همس    |    المولودة ماجدة تنظم لأخواتها ليكونن تسعاً ( آخر مشاركة : عبدالعزيز عبدالله الجبرين    |    قصة مقتل بندر الدويش. ( آخر مشاركة : محمد بن صقيران    |    من معارك بني زيد (3) معركة عرجا ( آخر مشاركة : محمد بن صقيران    |    جدتي في ذمة الله ( آخر مشاركة : خالدالراجحي    |    اعراض كورونا ( آخر مشاركة : مطول الغيبات    |    هل تريد صدقة جارية وحسنات لاتنقضي في الحياة وبعد الممات في مكة المكرمة (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

قصيـــدة رائعـــــــــة مـن روائــــــع بـديــوي الوقـداني

المشاركة في الموضوع
 
خيارات الموضوع طريقة العرض
  #1  
قديم 03-06-2007, 06:30 AM
الصورة الرمزية لـ شمســـان
شمســـان شمســـان is offline
عضو نشيط جداً
 





شمســـان is an unknown quantity at this point
 
قصيـــدة رائعـــــــــة مـن روائــــــع بـديــوي الوقـداني

 

بديوي الوقداني من حاضرة عتيبة من أهل الحجاز وكان رحمه الله من شعراء الأشراف وهو من المتميزين في الشعر وخاصة شعر الحكمة ويمتاز رحمه الله بعزة النفس وعلو الهمة
وهذه احدى روائعه

أيامنــا والليالــي كــم نعاتبهـا=شبنـا وشابت وعفنـا بعض الأحوالـي
تاعد مواعيــد والجاهـل مكذبهـا=واللي عرف حدهـا من همهـا سالـي
إن أقبلـت يوم ما تصفـى مشاربهـا=تقفـي وتقبـل وما دامـت على حالي
في كــل يوم تورينـا عجايبهـا=واليوم الأول تراه احسـن من التالـي
أيـام فـي غلبهـا وايـام نغلبهـا=وايام فيهـا ســوا والدهـر ميالـي
جربت الأيام مثلـي من يجربهـا=تجريب عاقل وذاق المــر والحالـي
نضحك مع الناس والدنيا نلاعبـها=نمشي مع الفي طوع حيـث ما مالـي
كم من علومٍ وكــم آدب نكسبهــا=والشعر مازون مثقــالٍ بمثقالــي
اعرف حروف الهجاء بالرمز واكتبها=عاقل ومجنون حاوى كـل الأشكالي
لكن حظــي ردي والروح متعبهـا=ما فادني حسن تاديبي مـع أمثالـي
إن جيت ابي حاجـةٍ عزت مطالبها=العفو ما واحدٍ فــي الناس يا والي
قومٍ الـى جيتهـم رفـت شواربهـا=بالضحك واقلوبها فيها الردا كالـي
وقومٍ الى جيتها صكـت حواجبهـا=وابدات لي البغض في مقفاي واقبالي
ما كنــي إلا حــال مغضبهــا=والكل في عشرتـه ماكر ودجالـي
يا حيف تخفي أموراً كنت حاسبهـا=واللي على بالهـم كلـه على بالـي
الجار جافـي وكـم قومٍ محاربهـا=والأهل وأصحابنا والدون والعالــي
والروح ويش عذرها في ترك واجبها=راح الحسب والنسب في جمع الأموالي
نفسي تبى العز والحاجات تغصبهـا=ترمي بها بيـن أجاويـد وانذالــي
المال يحــي رجالاً لا حيـاة ابها=كالسيل يحي الهشيـم الدمدم البالــي
عفت المنازل وروحـي يوم اجنبها=منها غنيمـه وعنها البعـد أولا لـي
لا خير في ديرةٍ يشقـى العزيز ابها=يمشي مع الناس في هـمٍ وإذلالـي
دارٍ بها الخــوف دومٍ ما يغايبهـا=والجوع فيها ومعها بعض الاحوالي
جوعى سراحينها شبعـى ثعالبهـا=الكلـب والهـر يقـدم كل ريبالـي
عز الفتى راس ماله من مكاسبهـا=يا مرتضي الهون لا عزٍّ ولا مالي
دللت بالروح لين ارخصت جانبهـا=وانا عتيبي عريب الجـد والخالـي
قومٍ تدوس الافاعـي مع عقاربهـا=ولها عزايم تهــد الشامـخ العالـي
خل المنازل وقل للبيــن يندبهــا=يبكي عليها بدمـع العيـن هطالـي
لا تعمـر الدار والقالات تخربهــا=بيع الردي بالخساره واشتر الغالـي
ما ضاقت الأرض وانسدت مذاهبها=فيها السعــه والمراجــل والتفتالِ
دارٍ بدار وجيــرانٍ نقاربهــا=وارضٍ بأرض وأطلالٍ بأطلالـي
والناس اجانيب لين إنك تصاحبهـا=تكون منهــم كما قالوا بالأمثالـي
الارض لله نمشــي فـي مناكبهـا=والله قدر لنـا أرزاق وآجالـــي
حث المطايـا وشرِّقهـا وغرِّبهــا=واقطع بها كل فـجٍّ دارسٍ خالــي
واطعن انحور الفيافـي في ترايبهـا=وابعد عن الهم تمسي خالي البالـي
من كل عمليـةٍ تقطــع براكبهـا=فدافد البيــد درهـامٍ وزرفالــي
تبعدك عـن دار قـومٍ ودار تقربها=واختر لنفسـك للمنزال منزالــي
لو مـتّ فـي ديرةٍ قفراً جوانبهــا=فيها لوطـى السباع الغبس مدهالي
اخير مـن ديرةٍ يجفـاك صاحبهـا=كم ذا الجفا والتجافـي والتعلالـي
دوس المخاطر ولا تخشى عواقبهـا=الموت واحد وبعد العـز يجلالـي
ان المنايــا إذا مـدت مخالبهــا=تدركك لو كنت في جو السما العالي
ما قرت الاسد في عالـي مراقبهـا=تسعى على الرزق ما حنت للاشبالي
والشمس في برجها والغيـم يحجبها=تقفي وتقبـل لها في العرش مجدالِ
رب السماوات يا محصي كواكبهـا=يا مجري السفن في لجات الأهوالي
ضاقت بنا الأرض واشتبت شبايبهـا=والغيث محبوس يا معبـود يا والي
يا الله من مزنــةٍ هبـت هبايبهـا=رعادها بات له في البحر زلزالي
ريح العوالي من المنشـا تجاذبهـا=جذب الدلى من جباء مطوية الجالي
ديمومةٍ سبلـت وأرخت ذوايبهــا=وانهل منها غزير الوبـل همالـي
تسقي دياراً شديد الوقـت حاربهـا=ما عاد فيها لبعض الناس منزالـي
يا جاهل اسمـع تماثيـلاً مرتبهـا=فيها معاني جميـع القيل والقالـي
مثـل المحابيـب زادت في قوالبها=في صرفها زايده عن قرش واريالي
يا ربي توبه وروحي لا تعذبهــا=يوم القيامه إذا ما ضاقت اعمالـي
وازكى صلاةٍ على المختار نوهبها=شفيعنا يوم حشرٍ فيه الأهوالــي

 


::: التوقيع :::

رضيــت بالله ربــا وبالأســـلام دينــا وبمحــمـد صلى الله عليه وسلــم نبيـا رسولا


 
الرد مع إقتباس
  #2  
قديم 03-06-2007, 07:32 AM
الصورة الرمزية لـ همس المشاعر
همس المشاعر همس المشاعر is offline
رحمها الله واسكنها فسيح جناته
 





همس المشاعر is on a distinguished road
 

 

رائعه سمعتها منشده بصوت سمير البشيري في شريط اسمه ايام

تسلم على النقل الرائع

دمت بود

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 06:57 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www