ابيات شعريه جواليـّه فيها الغزل وفيها الوصفيّه a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

ابيات شعريه جواليـّه فيها الغزل وفيها الوصفيّه

المشاركة في الموضوع
 
خيارات الموضوع طريقة العرض
  #1  
قديم 12-04-2004, 07:01 AM
الصورة الرمزية لـ كرناف
كرناف كرناف is offline
:: ابو محمد ::
 






كرناف is an unknown quantity at this point
 
ابيات شعريه جواليـّه فيها الغزل وفيها الوصفيّه

 

هذي ابيات شعريه من جوالي جعله يسلم خذتها ونقلتها لكم

فيها النصح وفيها المدح وفيها الغزل عساها تعجبكم ان شاء الله ...

وجعلكم سالمين وغانمين

تقول الأبيات .....


هذي الأوّله:


خلك جبل ما كل ريحن تهزه .... من شان ترفع راس منهو سأل عنك

أحذر عدوك بالحكي تستفزه ...... لا تامنه لو كان يضحك ويامنك

كم واحدن يفز بالوجه فزّه ...... يضحك وهو من داخل القلب يلعنك

والسر يا صاحبي بالصدر وزّه .... ما عاديرجع كان سرك فلت منك

==================================

الثانيه:

لا صد عنك من توده وجافاك ... خلّه وجازه بالجفا مثل صدّه

خلك عزيزالنفس والعز ماواك ... وكلن عطه تفصيل ثوبه بقده

خص الرفيق اللي اذا جيت حياك ... وان غبت عنه ياصلك بالموده

================================

الثالثه:

ما عاش مخلوق يعرفك وينساك ... بس الزمن زادت علينا حموله

يا صاحبي جعل المخاليق تفداك ... يفداك كل الكون عرضه وطوله

أضرب بي الهامه وانا كف يمناك ... اطول منهو عجز غيري يطوله

=================================

الرابعه:

من قال فيني عيب والله ظلمني ... فيني ثمان عيوب والتاسع الطيب

والعاشر أليا من رفيقي زهمني ... أسوق له عمري واسوق المواجيب

والصاحب اللي بالمراجل هزمني ... هو الذي هالحين يقرا المكاتيب

=====================================
==================

الخامسه:

لا تحسب انك لا هجرت بشكي الحال

او انطر الرحمه لك العمر كله

في ذمتي تركك كما شرب فنجال

كم واحد قبلك نسفنا محله

================================

السادسه:

يحسبني يوم سلم ما سمعته ... سامعه بس ابتغلى عليه

قلت ابثقل بس ثقلي ما استطعته ... وابتسمت وجيت لمعانق يديه

يحسب اني يوم ما رديت بعته ... ما درى اني بكل عمري مشتريه

والصراحه يوم سلم ما سمعته ... كنت افكر كيف انا أسلّم عليه

=================================

السابعه:

يا خاطري لا تطلب انصاف وحقوق ... مبطي وانا اللي ما نصفني زماني

كم غيمة مرت وعلمي بها فوق ... ابطت علي وغيثها ما سقاني

والماطر اللي ينتثر ديم وبروق ... امطر على كل الجهات ونساني

===================================

الثامنه:

تفضل ترى القلب دارك ومنزالك ... على ما تبي نفسي تجي وانت راعيها

ترفّق بقلب صرت تلعب به الحالك ... يقول القصايد وانت بعده تغنيّها

احبك واحب اسمك ورقمك وجوالك ... واحب الديار اللي رجلك وطت فيها

======================================

التاسعه:

بعض الغلا ياخذ له ايام ويروح ... وبعض الغلا ياخذ له سنين ما راح

وبعض الغلا متمكن داخل الروح ... ما يمحي لو جاه نزّاع الارواح

وانت غلاك ما يبي شرح ووضوح ... غلا حقيقي دون تمثيل ومزاح

====================================

العاشره:

لك ذكريات باقيه لو فقدناك ... صوتك وضحكاتك وكلمة هلا بك

حتى الزمان اللي شهد يوم لقياك ... الحين يبكي من سبايب غيابك

===================================

الحاديه عشر:

تدري من انت انت الرصيد اللي للايام مذخور

وانت الذي لا ضاق وقتي نخيتك

وتدري من انا انا رفيقك في الليالي المعاسير

ولاّ الرخا كلن يسد بمكاني

==================================
الثانيه عشر:

اجمل زمن في ظل قربك قضيته ... واحلى قصيده قلتها فيك شفقان

والعين تهوى كل درب مشيته .... والرجل تاطى لك شعوب ووديان

قربك هو اللي في الحياة ارتجيته ... وعرفت في قربك غلا كلمة احباب

====================================

الثالثه عشر:

ما اقدر افسّر في خيالي معانيك ... لكن تمنيت اوصل حدود بالك

واعرف وش اغلى ما تمناه واعطيك ... ليت السعاده دايم الدوم فالك

وجعل الزمن اللي يزعلك يرضيك ... واشيل الهم عنك وازعل بدالك

===================================

الرابعه عشر : عجّل تعال ابيك تطفي ظما شوقي

وتسقي روحن لاجل شوفتك عطشانه


وسلااااااااااااااااااااامتكم

 

الرد مع إقتباس
  #2  
قديم 12-04-2004, 07:41 AM
الصورة الرمزية لـ ضناني الشوق
ضناني الشوق ضناني الشوق is offline
عضو مشارك
 





ضناني الشوق is an unknown quantity at this point
 

 

الله يعطيك ألف عافية ....

مررررررررررررة مفيدة ..

مشكور أخوي كرناف ... ونحنوا في انتظار المزيد

 

الرد مع إقتباس
  #3  
قديم 12-04-2004, 08:25 AM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

رسايلك اطوال كرناف
شكل كل رساله بثلاث رسايل
لكن شكرا على مشاركتك
تحياتي .............

 


::: التوقيع :::



 
الرد مع إقتباس
  #4  
قديم 12-04-2004, 09:11 AM
الصورة الرمزية لـ كرناف
كرناف كرناف is offline
:: ابو محمد ::
 






كرناف is an unknown quantity at this point
 

 

الله مير يسلمك اخوي ضناني الشوق ويجبر بخاطرك

والمفيد هو مسيارك للموضوع والتعرف عليك

وابشر بالمزيد وانا خوك الجوال مليان

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,

يا حيا الله اخونا المسافر...

المهلّي ما يولّي... بالنسبه للرسايل وانا خوك صحيح هي طويله بس بيني وبينك حلوه

وتراها بربع ريال ..يعني بسيطه

شاكر لك ردك حبيبي ولا هنت ...

 

الرد مع إقتباس
  #5  
قديم 14-04-2004, 04:46 AM
الصورة الرمزية لـ كرناف
كرناف كرناف is offline
:: ابو محمد ::
 






كرناف is an unknown quantity at this point
 

 

على فكره يا عيال العم ... الأبيات هذي ترى ما تخصّني لا من بعيد

ولا من قريب ..

هي مجرد رسايل يرسلونها لي بعض الشباب جزاهم الله خير

للترفيه والتسليه فقط ... وانا بدوري حبيت انقلها لكم

صراحه كتبت الكلام هذا عشان ما تفهموني غلط

وتقولون الأخ كرناف معجب بنفسه وجاي يورينا رسايله هنا



وسلامتكم من كل شر ,,,,,

 

الرد مع إقتباس
  #6  
قديم 16-04-2004, 10:49 PM
أميرة بني زيد أميرة بني زيد is offline
مشرفة سابقة
 





أميرة بني زيد is an unknown quantity at this point
 

 

الله روووعه الابيات هذي

بس اللي مرسل لك الرساله الخامسه قووووويه

يعطيك العافية كرناف على رسايل جوالك الحلوه

 


::: التوقيع :::



 
الرد مع إقتباس
  #7  
قديم 18-04-2004, 02:29 PM
الصورة الرمزية لـ كرناف
كرناف كرناف is offline
:: ابو محمد ::
 






كرناف is an unknown quantity at this point
 

 

الله يعافيك يا اميره يا اخت الكل ..والروعه هي طيبتك المعروفه عنك

اختي اميره ما قلنا من الأول ان الرسايل هذي ما تخصني لا من بعيد ولا من قريب

وانا بريء منها مثل براءة الذئب من دم يوسف.. بس انتي الله يهديك الا تلزقينها فيني

وبعدين وش معنى هذي اللي ركزتي عليها ما فيه ابيات احلى منها.. ما بلاش فضايح :(


عموماً .. شاكر لك اختي تشريفك موضوعي وقراءة ابيات جوالي ..

وتحياتي ,,,

 

الرد مع إقتباس
  #8  
قديم 20-04-2004, 10:43 PM
الواثق الواثق is offline
شــاعر
 






الواثق is an unknown quantity at this point
 

 

يعطيك ألف عافية

 

الرد مع إقتباس
  #9  
قديم 20-04-2004, 11:01 PM
الصورة الرمزية لـ مهنا الغيهب
مهنا الغيهب مهنا الغيهب is offline
حــلم !
 





مهنا الغيهب will become famous soon enough
 

 

حلو

استلم بعد انت


والله ماسولف دام خاطرك ضايق
،،،،،، واليا رضا خاطرك سقت السواليف

 


::: التوقيع :::

كٓانْ هُنا ،، يٓتٓنفسُ الـ هٓذيٓان !

لازال قٓلبُه ، يٓستٓنشِقُ هذيانه !!


 
الرد مع إقتباس
  #10  
قديم 26-04-2004, 02:07 PM
الصورة الرمزية لـ كرناف
كرناف كرناف is offline
:: ابو محمد ::
 






كرناف is an unknown quantity at this point
 

 

الواثق بالله

الله يعافيك ويسلمك من كل شر يا شاعرنا

وهذي الساعة المباركه يوم يشرفنا شاعر مثلك وبوزنك ..

تسلم للشعر ويسلم لك ..

 

الرد مع إقتباس
  #11  
قديم 26-04-2004, 02:19 PM
الصورة الرمزية لـ كرناف
كرناف كرناف is offline
:: ابو محمد ::
 






كرناف is an unknown quantity at this point
 

 

يا مرحبتين ومسهلتين براعي الحميّه اللي يتذوق الشعر بكل حنيّه

واستلم هذي وانا خوك ..

أبشر بقلب ما يجازيك نكران ....... قلب على مر الليالي مصافيك

وسلامتك يا الغالي ,,,

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 08:55 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www