بمناسبة قرب انطلاق موسم صيد الضب ( معلومات ـ نصائح ـ صور ) a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

بمناسبة قرب انطلاق موسم صيد الضب ( معلومات ـ نصائح ـ صور )

المشاركة في الموضوع
 
خيارات الموضوع طريقة العرض
  #1  
قديم 14-04-2007, 06:53 PM
قناص بني زيد قناص بني زيد is offline
عضو مشارك
 





قناص بني زيد is an unknown quantity at this point
 
بمناسبة قرب انطلاق موسم صيد الضب ( معلومات ـ نصائح ـ صور )

 

انطلاق قوافل صيد الضب (موسوعة الضب ـ معلومات شاملة وصور )
السلام عليكم ورحمة الله وبركاته
الحمد لله رب العلمين ،والصلاة والسلام على أشرف الانبياء والمرسلين، نبينا محمد وعلى آله وصحبه اجمعين،
وبعد،،،،،،،،،،
أحبيت اطرح لكم اخواني أعضاء المنتدى وزواره هذا الموضوع مع العلم أنه اغلب الناس ملمين فيه ولكن هذا للتذكير فقط.
حيث تتجه هذه الأيام قوافل الصيد باتجاه الصحارى للبحث عن الضب، الذي يعتبر صيده من أفضل أنواع الصيد وأمتعها في السعودية، وبعض الذين يصيدونه يأكلونه، ولكن الأغلب منهم دائماً يبحث عن المتعة في مطاردته.

في البداية نترككم مع هذه الصورة المحزنة ...
لا حول ولا قوة الا بالله
والله الفسقه شباب وفسقانين
المفروض الواحد يصيد على قدر حاجته مو يصيد مثل هالكمية الكبيرة من الضبان
يعني يبون ياكلونها كلها كثر لي منها ربع الضبان ياكلونه والباقي الله يخلف عليه
الاسراف الله يكفينا شره 00




وهنا على العكس تماماُ شاهد كيف يحترام الضب في الدول الأخرى



معلومات عن الضب

اسم الضب : يسمى ذكر الضب عير وخاصه اذا كان سافط العداد في الكبر والأنثى اسمها ضبه ، ومكون ، وولدهم الصغير اسمه سحيلي يعني الابو ينادونه ربعة ابو سحل اما البنت فاسمها ضبيبة لكن صعب جدا في علم الضببه انك تعرف الذكر من الانث وخاصه اذا كانت الضببة توها في مقتبل العمر الا عاد اذا بغيت تخربها وتسوي حركات وسخه فهذا شي ثاني

راس الضب باللي فيه
دايم العير يكون في راسه ورقبته حدود سود وبعضهم يحسبها لحية من بعيد وهذي ميزة الذكر الشايب ، وسنون الضب قوية مع انها صغيره لكن اذا عضك وانت تنبث عليه فاحسن حل انك تنخج خشته بعود او تكب عليه فلفل الين يعطس وتطلع يدك منه ، ودايم تلاحظ الضب يشرب هواء ثم يبخه بقوه وخاصه اذا كان مطرود ومقفله معه ، اما عيونه فهي غالبا ما تكون حمر وصبياته عسليه وله اذان على شكل خياشيم وسمعه احيانا يكون الله بالخير لأنك ترمي عليه بالشوزن وتسف من عنده وما جاب خبرك بس عنده حاسه قويه بمجرد انه يلمح قرطاسه تدربى يجحر وما تشوف الا عكرته سابقته

بطن وأحشاء الضب
آآآآآآه هنا مربط الضب هنا لندن قصدي هنا كلش المكينه والقير ونبدا بالمصارين اللي مالها داعي انك تخليها فيه بعد الذبح اكتم نفسك واقطعها واحذفها بعيد واهم شي في البطن هو السلايق هي بمثابة الكنز الثمين في احشاءه واذا كنت محظوظ بضب مربع ومزغدد من الربيع فتبي تلقى سلايقه حول ما تطلع مع اذانه من كبرهن وطولهن وفيه شي لازم تنتبه له في بطنه اللي هو المراره وهي عباره عن تفيفيخه صغيره لكن اذا انفقعت في البطن فسدت اللي فيه اقطعها بشويش واغسل البطن عقبها


عكرة الضب
هنا الزبده وهنا مطلب الضب وهالعكره تتكون من واحد وعشرين عقدة تقريبا وتعتبر سلاحه في وقت الزنقه وضربة العكره تسمى لسبه مشتقه من لسب يلسب لسبا اي رصعه و فيه طريقة ممتازه لتحريك الضب اذا شصب مكانه وهي انك تحرش عكرته وتدغدها مع جوانبها وبكذا يبي يمشي طبلونه في أي اتجاه تبيه ، بالاضافه الى ان العكره تعتبر اطعم مافي الضب لدرجة ان بعضهم اذا صاده يقطع عكرته ويطلقه الين يطلع شكله كنه موتر بدون نسافه

جلد الضب
جلده طبعا احرش وخشن ويستخدمون جلده في تزيين النعال والشنط وابواك الفلوس ، وميزة جلده انه ما يتأثر بالماء هذا غير تحمله للحرارة

بيض الضبة
يقولون ان الضبه تبيض حول سبعين بيضة او اكثر ويكون بيضها في حجم حلاو الصعو للي يعرفها او كبر المصاقيل وطبعا الضبه ما ترجن على بيضها لكنها تدفنه في مكان معين او مثلث الين يفقس ويبي له حول الاربعين يوم عشان يفقس يعني نفاسية بالضبط مثل حريمنا ويقال ان الأم تاكل عيالها اذا طلعوا من البيضه الا اللي وفق وعـــطا صحراء قبل ما تطيح فيه ....

حياته وطباعــــــــــــــه
يقولون ( ايه لزقها في يقولون ) ان عمر الضب ياصل 300 سنه ؟ او اكثر والضب معروف عند الناس بطول العمر، هذا غير انه يبطي في موته لدرجة ما نتصورها واغلبية اللي ذبحوه وقطعوه وفي القدر سقطوه لقو بعض اجزاءه تتحرك ؟ وقالوا الاولين في احد امثلتهم (لزق المثل في الاولين ) يموت الضب وعكرته تلسب ، كنايه عن صعوبة موته ، ومن أطباعه انه ضعيف الذاكره وعشان كذا تلقاه ما يبعد عن جحره لكن اذا داخ مع الربيع وخربها بعيد عن الجحر وطردته فهو يبي يسحب السيفون على جحره وارض الله واسعه، ومن اطباعه انه ما يتواطن مع الورر وقبلهم هواش ولعنة خيّر مع انهم يتشابهون شوي في الشكل لكن الضب يفضل العقرب على هالحيوان الزاحف المعصقل وبينه وبين العقرب صداقه ومصالح فهو يسكنها جحره مقابل انها تقرص كل من حاول يدخل يده يتلمس عكره، ومن اطباعه ايضا انه فيه شوفة نفس وكبر وخاصه وقت الخضره والعشب وتشوفه يختال في مشية يسحب عكرته ويمشي بشكل متغنج ، ايضا له قدره عجيبه في صبره عن الاكل فتلقاه يجلس في الجحر كم شهر بدون اكل ، ، هذا غير انه ما يحتاج للماء لأن جلده خالي تماما من الكحول قصدي من المسام

طرق صيد الضب
له كم طريقة واولها انك تجيب المسحاة والعتله وتبدا تحفر جحره لكن مشكلة جحره انه يكون طويل وعميق ومتعرج وهالطريقة انقرضت هالحين لكثرة العجازين في هالوقت ، والطريقة الثانيه هي انك (تغرّقــه ) بالماء الين يطلع وبعض الضبان هالحين تنبه للطريقه هذي وحط له خزان تصريف في جحره يعني يبي يقضي الماء ما طلع ، والطريقة الثالثه انك تشكمنه والمعروف انها مضره للضب وتفسد لحمه ، وفيه طريقه (المكناس ) وهو عصى تشبه العتلة وراعي المكناس اذا شاف الضب خارط الريوس في جحره يختل له بشويش ويمشي على اطراف اصابعه و يطعنه طعنة غدر

وهذه قصيدة عن الضب ...
أواه يا ضب علــــى الطعــس مغبـــون = يبكي قهر من شوف فرقا مكـونه
شـاف الجحر فاضي بلاطعم او لـــــون = شافـه ودمعـــه غارقٍ في عيونـه
ما صـــدق عــيونه الا كيف وشـلــــون =عقب الرفاقـــــه والمحبه تخــــونه
قام يـتـــقلب في الجحر تقل مجنـــون = يقلب تــراب الــغضي ويصــــــونه
يشكي على الحرمل مواجيع وشطـون = ويلــسب لواهيب الغرام وديــــونه
ويسحب من اللوعات انفاس وشجـــون = ويجلس طوال الليل تسهر جفـــونه
تسمع وشيشه كن صدره به اطــــعون = يــجاذب انفاس الوله في طــعونه
هنيكــــــم يالــلي بــــذا البر تـلـهـون = ما تـــعرفون العشق شكله ولونـه
يالحـــــب مثل السيف لا جاك مسـنون = يحمل معه اوجــاع ذل ومـهــــونـه
ياعل جــحر في نـقـا الــبر مسكــون = يســـقيه ربي من صوادق مزونــــه
حيثه سكــــن في داخله ضب مزيــون = ضب جـــــمع بالزين حســن وليونه
هــذا ولـيفي مــــغرمٍ فيه مفــــــتون = وما شفـــــت طعمٍ للبراري بـدونــه

 

الرد مع إقتباس
  #2  
قديم 14-04-2007, 07:05 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

الله يعطيك العافيه اخوي قناص بني زيد

ودك والله بعد لو يخلونها الناس في جحورها

على الاقل تتكاثر

 

الرد مع إقتباس
  #3  
قديم 14-04-2007, 07:15 PM
الصورة الرمزية لـ الصاروخ
الصاروخ الصاروخ is offline
:: أبو عبد العزيز ::
 





الصاروخ is on a distinguished road
 

 

إقتباس
ودك والله بعد لو يخلونها الناس في جحورها

اقول ياسعد الضبان تشتكي منك وهي في جحورها

مشكور على الموضوع

 


::: التوقيع :::

التوقيع


 
الرد مع إقتباس
  #4  
قديم 14-04-2007, 09:12 PM
خيالي خيالي is offline
عضو مشارك
 





خيالي is an unknown quantity at this point
 

 

بارك الله فيك

 

الرد مع إقتباس
  #5  
قديم 15-04-2007, 06:33 PM
قناص بني زيد قناص بني زيد is offline
عضو مشارك
 





قناص بني زيد is an unknown quantity at this point
 

 

شكرا على الردود

إقتباس
المشاركة الأصلية بواسطة سعد الحامد

ودك والله بعد لو يخلونها الناس في جحورها

على الاقل تتكاثر

والله ودي

 

الرد مع إقتباس
  #6  
قديم 20-04-2007, 08:01 PM
الصورة الرمزية لـ أبو هارون
أبو هارون أبو هارون is offline
عضو نشيط جداً
 





أبو هارون is an unknown quantity at this point
 

 

مشكورررررررررر يابن العم على جهودك الرائعه

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 08:01 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www