في قلب الرمال ( كشتاتـT) a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

في قلب الرمال ( كشتاتـT)

المشاركة في الموضوع
 
خيارات الموضوع طريقة العرض
  #1  
قديم 09-12-2006, 06:43 AM
ماجد المنيع ماجد المنيع is offline
:: مصور محترف ::
 





ماجد المنيع is an unknown quantity at this point
 
في قلب الرمال ( كشتاتـT)

 

كشتة في قلب الرمال

بسم الله الرحمن الرحيم

اهلا بكم مرة ثانية في تقرير مفصل عن كشتاتـT هذا العام 1427 هـ
والي أسأل الله أن يكون عام خير للعباد والبلاد

كشتتنا هالاسبوع غير
مكان غير
وأخويا غير
جتني رسالة من صديق لي يخبرني عن عزمه لتنسيق كشته هالاسبوع
أنا رديت عليه مباشرة بالموافقة
طبعا المخطط له أن الرحلة تبدأ يوم الخميس
لكن يوم الاربعاء ليلة الخميس اتصل علي وقال هاه ودك نمشي الحين؟
انا انلخمت< ---- يعني انصدمت
وقلت له والله ما ظنيت
انا ما استعديت الى الحين
هنا سبقنا بعض الربع للموقع
طولت عليكم في الكلام بس
الحين بيكون كلامي مع الصور
يمكن يخف دم الموضوع شوي

-1-
بعد ما تجمعنا في بيتنا وركبنا العفش في السيارة
طليت من الباب والشمس ما بعد طلعت
كان الجو يشجع جداً


-2-
ومن مسكنا الدائري الشرقي وهي ما شاء الله ترش
يارب لك الحمد


-3-
مرينا طبعا على الثمامة
ووقفنا عند محطة العويضة
اشترى اثنين من ربعي فرش ( سليب باق ) بـ150 ريال

-4-
امي اذا شافت البعارين قالت : ياشينه في الخط يا زينه في الفريزر خخخخـ يا حبيلها يا ناس

عاد انتبهوا من المغاتير تراهن خطيرات



-5-
والله ضاق صدري
يعني ما كفاهم الحمامات والجدران
جايين تكتبون لى لوحة الجمعية الخيرية !!!
الله يهديهم بس



-6-
يمديكم على النظرة !!
هذا عامل المحطة والي عبينا من عنده بنزين



-7-
السحاب كان رفيقنا في الخط
مرة تشوف الدنيا شمس همن تنقلب عكس
شوفو اللاندكروزر يمر الآن تحت سحابة
شوفوه زين تراه صغيييييييييييييييييييييييييييييير مرة




-8-
بعد ماوصلنا آخيراً لقينا ربعنا الي سبقونا
طبعا بيننا وبين الرياض أقل شي اكثر من 200 كيلو
وهم وصولوا للموقع في الليل وما اهتموا بتنقية الموقع
لاحظ جرة < ----- أثر الجيب وحنا على السيف
الطعوس روياااااانة



-9-
طعوس ما مر عليها شباب الثمامة



-10-

أخيرا وصل قراندايزر
خخخخخـ
ما شاء الله تبارك الله


-11-
خيمة ابو فهد هي من أقوى أسباب قيام هالكشتة
فيها من المواصير الشيء الكثير



-12-

وبعد جهد جهيد ركبت المواصير




-13-
وبدينا بالشاهي والعلوم الزينة
بس وشرايكم بقنارتي المربوطة بسماط ؟!؟




-14-
لا بد من النقنة البسيطة الين يجهز الفطور
معنا ناس تقدر الاكل ههه




-15-
وبعد العصر تجهيز جلسة الشبه
موعودين بسواليف من الي يحبها قلبك



-16-

منظر فوقي لمقر كشتتنا
وهو قد اختير بعناية فائقة < ----- ايه هين


-17-

اخذت كاميرتي ورحت شوي فوق الطوس
بس المشكلة كان الهوا قوي وخفت يخرب كاميرتي
بس ما قدرت اقاوم هالصورة




-18-
رمال متحركة
تمسح خطواتك بسرعة

 

الرد مع إقتباس
  #2  
قديم 09-12-2006, 06:44 AM
ماجد المنيع ماجد المنيع is offline
:: مصور محترف ::
 





ماجد المنيع is an unknown quantity at this point
 

 

-19-

والآن نبقة مع فقرة مطبخنا المكشاتي
والشيف : أبو فهد
جايب لنا طبخة رفض يعطينا اسمها
حتى يضمن أنها تنجح

أول شي يتم تقطيع الخضار


-20-
التقطيع يكون شرايح زي الصورة


-21-
بعدين نجي لتبهير الدجاج
اولا : نعصر ليمونة على الدجاج .
ثانيا : نضع الكركم < -- العصفر
ثالثا : نضع الزبادي
رابعا: نخلط المزيج على الدجاج باستخدام الملاعق المعقمة


-22-
بعدها نكون مجهزين قصدير ملفوف ومغلق من ثلاث جهات
يدهن القصديير بزيت الزيتون
ثم يصف الطماط
ويوضع الرز ووالدجاج وباقي الخضروات


-23-
قبل لا تنتهي تعبئة القصدير لازم يكون الحطب مجمر صح
ومولع قبلها بفترة



-24-

اذا تقفيلك للقصدير صح
فتراه بينتفخ زي الي في الصورة



-25-
وبعد ساعة الا ربع أو ساعة على حسب جمرك
تطلع القصدير من النار وبالهنا والشفاء



-26-
عاد حنا ما اشتهيناه ابد
ما جاب لنا ملاعق وشوك


قولوا ما شاء الله تبارك الله

-27-

وبدت السواليف والعلوم الغانمة




-28-
كانت ليلة ممتعة جدا
بس في الصباح
كان الطل مغرق الدنيا
وعدستي كانت مغبشة



-29-
قزاز السيارات صار عليه تضليلة من نوع جديد



-30-


الفطور ليوم الجمعة
بيض مسلوق
والليمونة عشان ما يسود القدر
هذا كلام الشيف ابو فهد




-31-

بعد ما خلص تانكي الماء الي في سيارتي
اضطرينا نستخدم التانكي الي في قراندايزر
وبعد موافقة الدكتور أمون
بس الماء كان ضعيييييف جدا

وعرفنا السبب !!



-32-
هنا وصلنا لمرحلة ضف العفش
وشيل الخيمة
بس المشكلة اذا كان في الخيمة واحد نايم وما طاع يقوم !!!




هنا وصلت لآخر كشتتنا هذي
اتمنى أنكم استمتعتوا معنا

ونترككم على خير الى كشتة قادمة من كشتاتـT

 


::: التوقيع :::



 
الرد مع إقتباس
  #3  
قديم 09-12-2006, 06:56 AM
الصورة الرمزية لـ sn3ah
sn3ah sn3ah is offline
:: عطاء بلاحدود ::
 





sn3ah will become famous soon enough
 

 

صوووووور جناان وكشته ولا اروع تصدق اني منيب احب الكشتات بس كشتتكم تشهي على الطلعه
ياحليلكم حليلاه
بس من جد اللي روعني العامل حق المحطه

8
8
يممممممممممممممممممممه
---اشكرك على هالصور اللي تنم عن ابداااع
--سنوعه

 


::: التوقيع :::


شكراََ لكم :$
لا إله إلا أنت سبحانك إني كنتُ من الظالمين


 
الرد مع إقتباس
  #4  
قديم 09-12-2006, 08:00 AM
الصورة الرمزية لـ نايف الفوزان
نايف الفوزان نايف الفوزان is offline
ابو عبدالله
 





نايف الفوزان is on a distinguished road
 

 

^




ماجد أنت مبدع والله .. تقرير وتصوير

بس عز الله اللي توثمت فيني بكبسة القصدير

ماشاء الله .. طلعة متكتكة .. بس ليه الصور ذا المره صغيره والدقه ماش؟

يعطيك العافية

 


::: التوقيع :::



 
الرد مع إقتباس
  #5  
قديم 10-12-2006, 12:27 AM
الصورة الرمزية لـ حصة بنت عبدالعزيز
حصة بنت عبدالعزيز حصة بنت عبدالعزيز is offline
طالبة عفو خالقها
 





حصة بنت عبدالعزيز is on a distinguished road
 

 

صور جميله اخي ماجد
والله يوسع صدوركم بالعافيه

 

الرد مع إقتباس
  #6  
قديم 10-12-2006, 01:53 AM
الصورة الرمزية لـ رادار
رادار رادار is offline
 





رادار has a spectacular aura aboutرادار has a spectacular aura about
 

 

ههههههههههههههههههههه

أما قرانديزر أوجعني بطنى من الضحك

بصراحة تقرير ولا أروع في رحلة ممتعة .

تسلم يدينك يا ماجد وعساك على القوة لتقرير الجاي >>>>> أعجبة الوضع .

 


::: التوقيع :::

سبحان الله وبحمدة ,, سـبحان الله العظيم
دعواتكم : (


 
الرد مع إقتباس
  #7  
قديم 23-01-2007, 07:04 AM
احساس انثى احساس انثى is offline
عضو مشارك
 





احساس انثى is an unknown quantity at this point
 

 

وع دوده في حق المويه يممممممممممممممممممممممممه والله لو انه اللي لاقيتها ان اصل بيتنا مالتفت


بس وربي ان تقاريرك جنان وين كشتات عنك
اماااانه المره الجاايه خوذوني بس لاتقولون شيلي وحطي ولا اطبخي ترى ماحب
بس ابي جو حلو ووناسه وشيف وبسكوت البدو (الاحمر)امممممممممم
وسلامتكبس لو جاكم ذيب وش الحل امممممممم
الله لا يعيدها كشتنا مره في كاف اللي في القريات امممم الساعه 11 وجانا ذيب كبر الاسد والله قمت اناقز وبدل ماركب في السياره طلعت فوق التنده ولا عاد ادري وين اروح بس اللي مكشتينا (اللي عازمينا)عارفين ان فيه ذيب ويدورون عليه من زمان
ملحوووضه كاااف منطقه جن في الاساس <<<مادريت لين رجعت لبيتنا
وعقبها لا بر ولا هم يحزنون

 


::: التوقيع :::



 
الرد مع إقتباس
  #8  
قديم 24-01-2007, 05:40 AM
الصورة الرمزية لـ حلا بني زيد
حلا بني زيد حلا بني زيد is offline
:: القلب الابيض::
 





حلا بني زيد will become famous soon enough
 

 

صـــووووور رووووعــه
وكل صوره أحلى من الثــانيه الله يحرسك ياااارب

 


::: التوقيع :::

اللهمـ اني استودعتكـ اعمالي الصالحه فاجعلها شفيعه لي يومـ القاكـ
واستودعتكـ الشهاده فلقنيها عند الموت
واستودعتكـ قلبي فلاتجعله معلقا الا بكـ


 
الرد مع إقتباس
  #9  
قديم 25-01-2007, 10:26 AM
الصورة الرمزية لـ بنت السحاب
بنت السحاب بنت السحاب is offline
عضو نشيط جداً
 





بنت السحاب is an unknown quantity at this point
 

 

ماشاءالله جعلي ماظركم
طلعتكم توسع الصدر

بس مادري شلون طلعت بهالبرود

يعطيك الف عافيه على الصور

 

الرد مع إقتباس
  #10  
قديم 25-01-2007, 12:54 PM
الصورة الرمزية لـ بنت ابراهيم
بنت ابراهيم بنت ابراهيم is offline
:: سيدة العطاء ::
 





بنت ابراهيم has a spectacular aura aboutبنت ابراهيم has a spectacular aura about
 

 

ماشاء الله كشته متكتكه بس وراكم لحالكم ماحولكم أحد >>>>> تسمع بالكشتات

بصراحة ابوفهد شقردي وفكرة الليمونه حرررررركة

مشكور ياماجد على التقرير المصور

 


::: التوقيع :::


سنوعتي .. السرمدي ... آسر ،، أشكركم


 
الرد مع إقتباس
  #11  
قديم 11-02-2007, 03:43 PM
الصورة الرمزية لـ ابو حنين
ابو حنين ابو حنين is offline
:: محمد الهويمل ::
 





ابو حنين is on a distinguished road
 

 

الله يعطيك العافيه على الصور الرائعة

 


::: التوقيع :::



ابوحنيـــــــــــــــــــــــــــــــــــــــــن


 
الرد مع إقتباس
  #12  
قديم 19-02-2007, 12:28 AM
الصورة الرمزية لـ دهران
دهران دهران is offline
مشرف قسم مكشات والرحلات السياحية
 





دهران is a jewel in the roughدهران is a jewel in the roughدهران is a jewel in the rough
 

 



الأخ الغالي : ماجد المنيع.



موضوع مميز.

موضوع في قمة الروعة.

ننتظر جديدك.

وتقبل أعذب وأرق التحايا.

 


::: التوقيع :::



 
الرد مع إقتباس
  #13  
قديم 27-02-2007, 01:15 AM
الصورة الرمزية لـ قرناس
قرناس قرناس is offline
عضو مثالي
 





قرناس is an unknown quantity at this point
 

 

الله عليك طلعة ممتعة ماشاء الله بس فية سؤال محيرني الرز اللي بالقصديرة هل هو مطبوخ من قبل ام لا وكم يستغرق من الوقت في الملة وشكرا

 


::: التوقيع :::

«®°·.¸.•°°·.¸¸.•°°·.¸.•°®(قرناس نجد) «®°·.¸.•°°·.¸¸.•°°·.¸.•°®»


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 02:01 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www