كشتاتـT a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

كشتاتـT

المشاركة في الموضوع
 
خيارات الموضوع طريقة العرض
  #1  
قديم 01-12-2006, 11:44 PM
ماجد المنيع ماجد المنيع is offline
:: مصور محترف ::
 





ماجد المنيع is an unknown quantity at this point
 
كشتاتـT

 

بسم الله الرحمن الرحيم

الحمد لله .. على الخير والأمطار غسلت قلوب الناس قبل أراضيهم وديارهم

أنا قررت أني أكشت هالسنة أكثر من السنوات السابقة

الجو يساعد

والأمطار تشجع

وأيضاً ابحاول أنزل تقرير لكل كشتة من كشتاتــT

وأخليكم مع الكشتة الأولى
الخميس 10/11/1427 هـ



الموتر توصخ قبل لا نمشي
صح أني منيب ماخذه معي
بس طريق استراحتنا في شقراء كان مطين
الله يرزقنا زفلت ونفتك



تحركنا بعد ما طلعت الشمس مباشرة
وأول شي سويناه بعد القهوة
عبينا التوانك ماء



همن رحنا تقضينا
وخذنا دقيق بر
وحنيني < ----- رجعنا ما ذقناه
وشابورة
ومن كل نعمة الله لا يغير علينا



بما أننا في بداية موسم الكشتات
قرر أخوي أنه يلغي فكرة الدوافير
ويستبدلها بدبة غاز أصرف




بعد ما مسكنا خط المستوي
كان الجو ممتاز
الغيوم منظرها خيالي



وعبنا التوانك بنزين
بس وحنا نعبي جانا شباب معهم كراسيدا اكس ال مطيحه
قالوا وين الداهنه
قلنا انتم فيها الحين
قالوا : طيب هي ما فيها بر ؟!!
قلنا : والله ما ندري ؟ ( مدري وش تقول لها النوعية )



موتر أخوي
قولوا ما شاء الله تبارك الله
على طعوس الفروثي
الا على طاري الفروثي وش رايكم بالاسم تحس أنه زكرتي
يصلح اسم ماركه



عندي تقليد
قبل لا أروح للبر لازم اطق لي لوح ككاو
ما لقيت قلت أتعبر بكندر < --- ولد نعمه
طبعا السبب لان الككاو تمسك البطن



ما شاء الله الارض رويانه
الله لا يغيرها من نعمة



هذا الموتر الي أنا راكب فيه
عاد قولوا ما شاء الله تبارك الله




ليش ما قلتوا ما شاء الله
هذانا غرزنا ونحتاج ننسم للموتر شوي




ما يهم اذا كان كل الي حولك حجارة
أنت تستطيع أن تكون شجرة مثمرة



انتبهوا للبعارين
تراهم بدوا يتنقلون ويلاحقون المراعي
الله يستر


قعران بصراويل ذهبية
ستايل جديد
خخخخخخخخـ




لا تفوتكم اللمعة



الصروال الذهبي
مو شكله جميل بس
لا وعملي كمان < ---- خخخ دعايات



هنا استقرينا بعد ما مرينا على شعبان وأودية شقراء
اخترنا وادي ( شعيب ) الخويش الشمالي



الشعيب كان فيه مناقع بس مهيب كثيرة
السبب نوعية الأرض الرملية



يا ما حلا الفنجال مع سيحة البال
ابو ريان يدق القهوة بالنجر



وهذي النتيجة
شغل نظيف يابو ريان



كلما رفعت راسي
أشوف هالمنظر الجميل



لاننا ما استقرينا في هالمكان الا حول الـساعة حدعش
قالوا أجل مهنا فطور وخلونا نسعى في الغدا
ولان الناس كلهم كاشتين
ما لقينا دجاج مبرد
وزي ما تشوفون المجمد يبيله تذويب




تقطيع الدجاج
وش رايكم بالقاطاعة ؟؟ شيك وتهوس .. مو؟



بعد التقطيع ونزع الجلد
ننطل الدجاج في الدزدر ( القدر) زي مانتم شايفين
طبعا فوق الكشنة



وبالهنا والشفاء
بس ناقصنا ببسي



وعقب الغدا سواليف
وتقهوي
وسعة صدر
ما درينا الا والشمس تقول استأذن ابروح يا شباب
قلنا لها وييييييين ؟؟!! تونا بدري
قالت معليش اجيكم باتسر باذن الله
عاد ما حبينا نلزم ونحلف عليها وقلنا اكرام النفس هواها



حتى السحاب في الشرق حزين على فراق الشمس



عاد دامها تبيتجي باتسر وشوله الحزن
شب النار يا شباباها
وخلنا نسولف ونستانس بس



تذكرون يوم اقولكم اننا شارين دقيق بر
هذا ابو شهد يعجن لنا عجينة
ووافقت أنها صارت مصابيب



وبدى الشغل النظيف



وأكلنا البان كيك البري
وكان حاقه اورجينال خالص
سلمت يدينك

عدسة : ماجد المنيع

عاد أنا هنا وصلت لنهاية كشتتي الأولى لهذا الموسم

أتمنى تكونوا استمتعتم معي فيها

وإذا فيه أي ملاحظات أو طلبات للكشتة القادمة
عطونا رايكم
اذا الصور طويلة ومملة نقصرها
اذا التعليقات ثقيلة دم نشيلها
اذا الاطار مهو زين نغير ابوه بعد

بس لا تنسونا بدعوة في ظهر الغيب
اشكر لكم مشاركتنا هنا
والى لقاء قادم

محبكم
ماجد المنيع

 


::: التوقيع :::



 
الرد مع إقتباس
  #2  
قديم 02-12-2006, 06:09 AM
الصورة الرمزية لـ sn3ah
sn3ah sn3ah is offline
:: عطاء بلاحدود ::
 





sn3ah will become famous soon enough
 

 

إقتباس
قرر أخوي أنه يلغي فكرة الدوافير

الدفاره وراثه ببني زيد وراكم الغيتوها؟؟:(
إقتباس
قلنا : والله ما ندري ؟ ( مدري وش تقول لها النوعية )

خخخخخخخخخخخخخخخخخخخخ الله يصلحكم:(

إقتباس
قولوا ما شاء الله تبارك الله

ماشاء اله خمسه وخميسه
إقتباس
يصلح اسم ماركه

توقع يافندي

إقتباس
ما لقيت قلت أتعبر بكندر < --- ولد نعمه

وانا اشهد
إقتباس
طبعا السبب لان الككاو تمسك البطن

قل قسم؟؟ معلومه جديده
إقتباس
هذا الموتر الي أنا راكب فيه
عاد قولوا ما شاء الله تبارك الله

ماااشا الله ماصارت كل شوي سته وستيته

إقتباس
ما يهم اذا كان كل الي حولك حجارة
أنت تستطيع أن تكون شجرة مثمرة


هههههههههههه حلوه

إقتباس
قعران بصراويل ذهبية
ستايل جديد
خخخخخخخخـ

كشخه
إقتباس
لا وعملي كمان < ---- خخخ دعايات

منتب صااااااحي
إقتباس
ما درينا الا والشمس تقول استأذن ابروح يا شباب
قلنا لها وييييييين ؟؟!! تونا بدري
قالت معليش اجيكم باتسر باذن الله
عاد ما حبينا نلزم ونحلف عليها وقلنا اكرام النفس هواها


إقتباس
عاد دامها تبيتجي باتسر وشوله الحزن


إقتباس
وأكلنا البان كيك البري
وكان حاقه اورجينال خالص

الله يخلف بان كيك العنزي
إقتباس
أتمنى تكونوا استمتعتم معي فيها

وإذا فيه أي ملاحظات أو طلبات للكشتة القادمة
عطونا رايكم
اذا الصور طويلة ومملة نقصرها
اذا التعليقات ثقيلة دم نشيلها
اذا الاطار مهو زين نغير ابوه بعد

يعطيك الفين وستميه عافيه مااجد من جد شي ظريف ودم خفيف وصور حلوه وتعاليق احلى
وسعت صدري بهالصبحيه
ننتظر الكشته التاليه على احر من الفحم

سلاااام
وعذرا للاطاله بس كل ماقلت خلاص طلعلي شي احلى
سي يوو
اختك--سنعه

 


::: التوقيع :::


شكراََ لكم :$
لا إله إلا أنت سبحانك إني كنتُ من الظالمين


 
الرد مع إقتباس
  #3  
قديم 02-12-2006, 06:16 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

ماجد

صور ولا اروع

سلمت يمينك وجعل ايامك كلها مطر وخير

 

الرد مع إقتباس
  #4  
قديم 02-12-2006, 03:04 PM
الصورة الرمزية لـ بنت آل غيهب
بنت آل غيهب بنت آل غيهب is offline
:: رمز الوفاء ::
 





بنت آل غيهب is on a distinguished road
 

 

ماااااااشااااء الله لا اله الا الله <--- شف ذكرت الله


بصراحه طلعه معتبره الله لايظركم ..
والجو رهيييييييييييييييييييب ..
ياحلو شقراء وحلو برها <--- امنيتها تروح لها



خخخخخ النمله ماشيه مع موضة هالسنه الذهبي

موضوع كااامل .. وبإنتظار باقي الكشتات

 


::: التوقيع :::



سُبحان اللِه وبحمدهْ .. سُبحان اللِه العظيمْ


 
الرد مع إقتباس
  #5  
قديم 03-12-2006, 10:30 AM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

ماجد

انا اشهد انك ذيبان

تقرير ولا اروع

وتراي شايفه في موقع ما طبعا باسمك

يعطيك الف عافية

تحيااااااااااااااااااتي

نتواصل
المسافر

 


::: التوقيع :::



 
الرد مع إقتباس
  #6  
قديم 03-12-2006, 12:55 PM
الصورة الرمزية لـ Haifa
Haifa Haifa is offline
مصورة محترفة
 





Haifa is an unknown quantity at this point
 

 

الحقيقه رحله ممتعه ,
واجواء تفتح النفس ..
ماشاء الله

 


::: التوقيع :::


ياوجه أبي وَ أمي لاتغيب ،


 
الرد مع إقتباس
  #7  
قديم 04-12-2006, 12:27 AM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

ياسلااااااام


يعطيك الف عافيه يالمنيع

دمت بود

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
  #8  
قديم 05-12-2006, 06:06 AM
ماجد المنيع ماجد المنيع is offline
:: مصور محترف ::
 





ماجد المنيع is an unknown quantity at this point
 

 

يا هلا يا هلا

معليش على التأ خر بس والله اني من نزلت الموضوع ابفتح الصفحة تعيي:( مدري ليش

فتحت معي البارح بس كنت منتهي وفيني نووووووم قلت اخاف ارد همن انخبق خليكم


هالحين مصحصح :)<---- قل قسم

اشكركم على مروركم الكريم

 


::: التوقيع :::



 
الرد مع إقتباس
  #9  
قديم 10-12-2006, 08:37 PM
المشاعر المشاعر is offline
مصممه محترفه
 





المشاعر is an unknown quantity at this point
 

 

مشاءالله كل صوره ازين من الثانية

خاصة هالصور


^
^
ودي اغمض اعيوني ولاني داخلتن بالصوره..

::



::



::




::

تسلم يدينك

 

الرد مع إقتباس
  #10  
قديم 17-12-2006, 06:51 AM
آخر العنقود آخر العنقود is offline
عضو نشيط
 





آخر العنقود is an unknown quantity at this point
 

 

إقتباس
بس وحنا نعبي جانا شباب معهم كراسيدا اكس ال مطيحه
قالوا وين الداهنه
قلنا انتم فيها الحين
قالوا : طيب هي ما فيها بر ؟!!
قلنا : والله ما ندري ؟ ( مدري وش تقول لها النوعية )

هههههههههههههههههههههههههههههههههههه




انا من شفت الصوره هذي عرفت انكم حريفين بر



يالله من فضلك

ماجد المنيع

ننتظرجديدك .. تقبل مني .. كل الود

اخوك

اخرالعنقود

 

الرد مع إقتباس
  #11  
قديم 22-12-2006, 02:45 PM
زيد من بني زيد زيد من بني زيد is offline
عضو مستمر
 





زيد من بني زيد is an unknown quantity at this point
 

 

ما شاء الله
الحمد لله على السلامه

 

الرد مع إقتباس
  #12  
قديم 26-12-2006, 02:54 AM
الصورة الرمزية لـ ابو حنين
ابو حنين ابو حنين is offline
:: محمد الهويمل ::
 





ابو حنين is on a distinguished road
 

 

ماجد

صور ولا اروع

سلمت يمينك وجعل ايامك كلها مطر وخير

 


::: التوقيع :::



ابوحنيـــــــــــــــــــــــــــــــــــــــــن


 
الرد مع إقتباس
  #13  
قديم 26-12-2006, 12:50 PM
الصورة الرمزية لـ بنت البواريد
بنت البواريد بنت البواريد is offline
مقلعة تصوير
 





بنت البواريد is on a distinguished road
 

 

اقول يازكرتي ورا ما اخذتني معكم ":P

ماشاء الله

طلعتكم مره رايقه

النمله انيقه مره ":P

كشخه ياحبي لها

الناس كلهم عندهم ملابس عيد الا انا

": (


يعني تعال جد ذا بان كيك ولا تستهبل ؟؟

بليز قول لبو شهد مره ثانيه يلبس دسود وش لون تاكلون يده كلها شعررررر

يع . .

بس وربي كشتكتك روووعه

اخذوني معكم المره الجايه

حتى لو اتعلق فوق عادي

لا تقول ماتكفي السياره ":P


":P

هل من مزيد من هل مواضيع السنعه

 


::: التوقيع :::



 
الرد مع إقتباس
  #14  
قديم 19-02-2007, 12:30 AM
الصورة الرمزية لـ دهران
دهران دهران is offline
مشرف قسم مكشات والرحلات السياحية
 





دهران is a jewel in the roughدهران is a jewel in the roughدهران is a jewel in the rough
 

 



الأخ الغالي : ماجد المنيع.



موضوع مميز.

موضوع في قمة الروعة.

ننتظر جديدك.

وتقبل أعذب وأرق التحايا.

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 08:32 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www