هدية الى نعيم حماد حفظه الله ( محاورة في طاش )

يا ساكن حول المشاش = وش علمكم في طاش طاش
ودي ولـــــو كنا جميع = بوجودكم يحلا النقــــــــاش
يا مرحبا يا مرحــبا = في منتدانا وقربا
نورك يشادي الكهرباء = عين غطاء وعين فــــــراش
هذا مسلسل هـــــــادفي = يضرب على السر الخـــفي
مثله مثل شاعر نفـــــى = نصيحة جتـــــــــنا بــــلاش
اقول لو سبوا العقـــال= و البشـــت مع زي الرجال
وش رايكم يابن الحلال = رامي ولكن ما رماش
اقـــول له زي البــــــلد = اعـــقل واهجد يــاولد
واقــــــف كما وقفة أسد = ان كان في بطنـــه غشاش
وشلون من قال الحجاب = تـقليد بالي يــــا شبـــــــاب
والحكم في نص الكتاب = والسم في بطن الخشاش
لعلها كــبوة جواد = ولا كما شيبـــــــه ســــواد
لاشك ذا علم وكـــــــاد = في الــليل يسرن الخفــاش
وشلون لو سب النظــام = ورجاله شيوخ كــــــــــرام
تسهر وانا عيني تنــــام= يا مدبة زمرة رشــــــــــاش
لقول وقف ياكـــــــــذوب= بينت ماتخفي القـــــلوب
والله من شوفه لــــتوب = ورمى بصحنه في العشاش
ياكيف من يبغى الحريم = مـــن دون محرمها تهـــــيم
من شان تصبح للـــــــــئيم = يخيطها خيط القمـــــــاش
ياصاحبي توي افــــــيق= من نومتي نومي عمــــــــيق
شبيت في قلبي حــــريق= للنار يركض هالفـــــــراش
لو قال حدوا من الامن = لا به حـــــــــــروب ولافتن
تطور ياهل المـــــــــدن = لازم نـــــــوفرها المــــعاش
اقــــــــول ذا اخطر عدو = امن الحضـــــــــر ومن البدو
يهدي لنا سمه هـــــــدو= والنار تبداء من القشـــــــاش
من حاربوا اهــــل السكر = يوما وكــر وعقبه وكــــــــر
قابل عملهم بالـــــــــــنكر = شفقاً على ذيـــــــــك الغراش
ارجوك يكفي يالعميل = خضيتني خض الصميل
غيرت فيً المستحيل = في الصبر عندي ما بقاش
من سب منهاج النبي = واضح يا خونا وش يبي
لانت غبي ولاني غبي = واضح كما قدح الفلاش
يضحك علينا ما يصير = وشلون يرضاها الوزير
تارد على الجم الحمير = والبل في الصحراء عطاش
لاتندفع !! لاتنــــدفع = اركد دقيــقه واستمع
لازم بنفسك ترتفع = وركد على صيدك خِراش
افتــــى بهم مفتي الديار = فتوى كما شمس النـــــــهار
لا شك في عيني غبار = من عاش للدنيا ما عاش
هذي اشارة يا الحبيب = يشوفها الرجل اللبيب
في قدرها وصفة طبيب = لو قال لك بالغير واش
من دار من حول الحـمى = يوشك و يرتع يانــــما
اسلم وسلم تســــــــلما = للي سكن حول المشــــاش

تامر على القاف واصحابة = وشلون صفحه من الديوان

ودمتم على خير