بعض قواعد القيادة في المملكة/ للأسف

هذه بعض قواعد القيادة في المملكة
1. الأفضلية دائما للسيارة الأكبر حجما، فكلما كبر حجم سيارتك كلما
كانت لك الأفضلية في فعل ما تشاء.
2. عند الدوارات أو التقاطعات فإن الأفضلية لمن يدخل مقدمة
سيارته أولا.
3. إشارة المرور ماوضعت إلا لكي تقطع! وإلا فماذا سيقطع الناس لو
لم توجد إشارات المرور ؟
4. استح على وجهك وخلك رجال ولا تربط حزام الأمان لا يضحكون
عليك الناس ويقولون مصدق نفسه !!
5. اسقط من اليمين ومن اليسار وماعليك من أحد..
6. السرعة القصوى في الشوارع، هذي ماوضعت لك هذي وضعت للي
سياراتهم ما تقدر تسرع.. أما انت فادعس بنزين لين الآخر
7. الحين من قالك ان أعلى سرعة تقدر توصلها هي 120 ؟ يعني
اليابانين والامريكين والألمان يتعبون أنفسهم ويحطون سيارات بسرعة
200 و220 ليه ؟ بتصير أحسن منهم ؟
8. لا تدق إشارة قبل ماتلف .. ترا مايدق إشارة إلا الخوافين والسواقين
بس !
9. امسك المسار الأيسر .. واللي يرفض انه يفتح لك لزق صدامك
بصدامه .. لين يخاف ويفتح.
10.المراية اللي قدامك ما وضعت إلا علشان تشخص فيها.. وماله
داعي انك تناظر فيها اللي وراك.
11.إذا كنت مروق ذاك اليوم .. امسك المسار الأيسر وامش 80 واللي
مو عاجبة يشرب من البحر.
12.خط المشاة ؟!!! وش هو خط المشاة ؟ أصلا وشوله يمشون ؟
مافيه ليموزينات ؟
13. ترا اللي خططوا المسارات ماعندهم سالفة.. فإنت امش في
الشارع بالشكل اللي تبيه.. لو في النص بين مسارين.. أهم شيء
ما يتعكر مزاجك
14. إشارة "قف" !!!!! أقول تراكم مصدقين انفسكم من جد !

15. اثنين احذر منهم .. خط البلدة .. والليموزين. فعندهم القدرة
العجيبة على نقل سرعة السيارة من 120 إلى صفر في خلال ثانية
وذلك اذا شافوا زبون واقف على الشارع ويأشر لهم !
16.أهم حاجة انك تكون مثقف، فما فيه أي مانع انك تقرأ جريدة أو أي
ورقة وأنت تسوق.. أحسن من انك تطالع الأزفلت الأسود !!
17- ليش توقف علشان تكلم بالجوال؟
18- النور العالي حق من حقوقك... شب عليه.
19- في المطر والضباب . ولع فلاشر... وحط رجلك.



منقول

جميع ماذكرت فهو نتيجة الجهل عند بعض الشباب . من يعتقد ان كسر القانون هو من الرجوله . فلو تقيد الجميع بالنظام لما شاهدنا كل هذه التجاوزات ونحمل كذلك المرور لانه يتفرج ولا يطبق النظام. انه الجهل بعينه ولن ترى احترام النظام حتى ياتي من يغير هذا في البنية التحتية لهذا النظام المتهالك. ولك تحياتي يابو سعد

1. الأفضلية دائما للسيارة الأكبر حجما، فكلما كبر حجم سيارتك كلما
كانت لك الأفضلية في فعل ما تشاء.

والله هذا هو اللي صاير عندنا يا أبو سعد مع الأسف
واللي أمه حالبة على خشمه ولا هو مصدق يروح
يطلع في وجة تريله ويقول الأفضليه لي,
مشكور أخوي / أبو سعد

svt

الضعيف


شاكر لكم مروركم وتعليقكم على الموضوع


تحياتي لكم

شكرا اخوي ابو سعدعلى هالموضوع المتميز

وحوادث المرور مستمره في الارتفاع وقلة الوعي المروري في انحدار والحملات المروريه على المتهورين قليلة

تحياتي لك

صدقت أخوي
هذا أنتم يالشباب

الله يهديكم

العفو أخوي الغالي عميد بني زيد

فعلاً الحملات المروريه على المتهورين قليلة

وتقدر تقول مافيه حملات في الأصل


ما نقول الا الله يهديهم

شاكر لك مرورك وتعليقك

-----------------------------

بائعة الورد

الله يهدي الجميع

مشكوره على المرور





تحياتي لكم جميعاً

ابو سعديه :)

فعلاً ،، مشكله نعااااني منها في شوارعنا

وان كنت اشوف المنطقة الشرقيه اكثر مناطق المملكة إلتزاماً بقواعد المرور وآداب القيادة

لكن الموت عندنا في نجد ،، !!

التوعيه التوعيه

هلا والله ابو تركي

والله انك صادق الموت عندنا في نجد

اكثر اللي يسوقون عندنا في سن المراهقه


مشكور على المرور