واقعيه ومن اسلوبي a

آخر المشاركات المطروحة في منتديات قبيلة بني زيد

  معركة ( الثنية ) يارم افزعي لشيحان العقيد الشيخ على بن عطية ( آخر مشاركة : الطايل    |    ب 50 ريال فقط سيكون لك أجر مليون شخص وأجر خمس أوقاف بما فيها بئر للسقيا وجامع (صورة) ( آخر مشاركة : ساكتون    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    أعظم أوقاف القرن الواحد والعشرين فكرة إبداعية في مكة المكرمة داخل حدود الحرم (صورة) ( آخر مشاركة : ساكتون    |    وسّع لصدرك مدامك حي = العمر ياصاحبي مره ( آخر مشاركة : مطول الغيبات    |    اكفل طفل يتيم ب 5 ريال فقط ( صورة ) ( آخر مشاركة : ساكتون    |    مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |   


العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل   جعل جميع المنتديات مقروءة

واقعيه ومن اسلوبي

المشاركة في الموضوع
 
خيارات الموضوع طريقة العرض
  #1  
قديم 14-02-2004, 02:45 PM
mo7trm mo7trm is offline
عضو جديد
 





mo7trm is an unknown quantity at this point
 
واقعيه ومن اسلوبي

 

قصه من وقع الحقيقة تدور احداثها في احد البلدان البعيدة او على شاطىء البحر تبدأ القصة بدون ان نشعر لتنتهى بدعاء ونداء وولاء ....

تركي تركي تعال شوف البحر من هنا !!
هكذا صرخ فهد وهو واقف على الشرفة
يقفل تركي الباب بسرعة بعد ان اعطى حامل الحقائب في الفندق بخشيشه
فهد يأتي مسرعا ليسحب تركي الى الشرفه
يقف تركي مذهولا من المنظر الجميل للبحر في منتصف النهار
ليقول بلهجته النجديه صدق من سماه : فندق الرمال الذهبيه
فهد : تدري ياتركي ليت سعود معنا
تركي : ايه والله بس ...
ويقطع الحوار صوت فتح باب الشرفة للغرفة الملاصقه لغرفتهم
لتخرج معها بنت !!! اطلت يمينا حيث شرفتهم وعادت مسرعه الى الغرفه واقفلت الباب الزجاجي بقوه !!

يقف الشابان في صمت للحظات .. لم تدم طويلا
عدل تركي الكرسي ليجلس وسحب بعدها علبه السجائر من جيب القميص واخذ سيجاره
وتامل بها طويلا قبل ان يشعلها

انسحب فهد بهدوء ليحظر زجاجتي كولا من الثلاجه الصغيره

تركي مازال يتأمل البحر ممدا رجليه على الطاولة الصغيره ويسحب انفاس السيجاره بهدوء ..
يدخل فهد ممسكا بزججتي الكولا بيد واحده !!

يفيق تركي من تامله على صوت فهد
فهد : وين يابو الشباب !! امداك تحن للرياض !!!
تركي : ههههههههههههههههها
لا والله تونا بدري على الرياض . يسكت للحظه
ليكمل : بس شفت البنت اللى طلعت من شوي

فهد : يطلق زغروده فرح !! وعلامات الاندهاش باديه في محياه
اوف اوف اوف
والله مااصدق تركي اللي عمره ما طالع بنت ولا حتى بالغلط ..يحب ؟؟!!!

تركي : وانت مااسرع ماسميته حب !!
هذا يسمونه اعجاب من اول نظره ...
فهد: انت انت ياتركي تعلمنى في الحب !!! ههههههههها
اقولك هذي يبيلها مكالمه عااااجله جدا للسعوديه .. لازم الشباب كلهم يدرون
ولا ليش الخساير اتحى اذا صدقوني ان تركي لفتت نظره بنت اخيرا

صوت باب الشرفه المجاوره يقطع حديثهم من جديد لتخرج نفس الفتاه وتنظر الى اليمين بسرعه
ولكنها جلست هذه المره ولكن بعد ان عدلت وضعيه الكرسي ليكون ظهرها لهم !!

فهد : تركي تركي
تزول الابتسامه البلهاء اللتى ارتسمت على وجهه تركي ليقول : نعم
يقترب فهد من تركي اكثر ويقول له هامساً: والله ماالومك البنت قمر وسمارها يجنن !!
تجي نكلمها ؟؟

تركي : والله انت مانت صاحي ؟1
فهد : اقول انت مايعتمد عليك اذا في ديرتك ماعمرك كلمت بنت اذا امك تستحي حتى تكلمها ..
تبي تكلم وحده هنا وفي ماليـــــزيا ؟؟!!

يمسك تركي فهد بقوه ويحمله مازحاً مهددا اياه بقذفه من شرفه الدور الرابع !!
يسمع الاثنان ضحكات الجارة المكتومه ...
ويبتسم تركي في سره ويدخل منسحبا الى الغرفه ويتبعه فهد بعد قليل ...

تركي : اقول فهد خلينا نبدل ملابسنا ونطلع نتمش تحت قبل الليل ..
فهد : لاتصرف الموضوع ... والله يانا بفضحك عند الشباب بس خلنا نرجع للديره
ولا فيه احد يضيع هالقمر من يده ؟!؟!
تركي : اقول ترا مااسمحلك
فهد : اوف اوف اوف بدينا من الحين نغار

غيروا الشباب ملابسهم ونزلوا على البحر شوي وبعدها دخلوا مطعم الفندق للغداء

فهد : والله ياتركي لو اننا صابرين شوي ومخلينها غداء عشاء مره وحده
ولا فيه احد يتغدى قبل المغرب بنص ساعه !!!
تركي : ياقلبي وسع صدرك ولك اليوم عندي احلا عشاء اللى ماتنساه طول عمرك
فهد : ومن اللي يشتهي يتعشى بعد هذا الغداء المتأخر ..

طلعوا الشباب من المطعم وتوجهووا الى المسجد الصغير اللى في اخر الفندق لصلاه المغرب

تركي وبعد الفراغ من الصلاة : الحين باخذ فيك جوله على الاكشاك والمحلات الشعبيه تراهم جنبنا ... انا مختار هذا الفندق بالذات علشانه قريب من كل شي وماتحتاج تأخذ تكسي ..

فهد: والله انك ذيب ياتركي
يكفي ياخي اسمه ((الرمال الذهبيه))
تركي : توك ماشفت شي ترا ((بينانج)) مليانه اشياء حلوه
فهد : يشير باصبعه الى فندقهم وعلى وجهه ابنسامه صفراء

تركي : ياخي انساها وبعدين شكل البنت خايفه مننا ..
فهد : لا بالعكس انت خلينا نرجع للغرفه وانا اللى اكلمها لك ..
تركي : لا الله يرحم ابوك لاتتدخل في السالفه ..
فهد : حــاضر ياعم ,
بس واللى يخليك امش قبل لايسكرون الاكشاك اللى مزعجنا فيها ياوزير السياحه الماليزيه

يشتري تركي بعض الهدايا الخفيفه والتذكارات ولا ينسى بالطبع اخته
فهد : والله انك مكلف على نفسك ترا بنروح لــ(( كوالالمبور)) وفيها كل شي ارخص وأحلى
تركي : يارجال كها كم هديه وماتغلى على ولا ؟؟

فهد : اكيد اكيد ...
عموما خلينا نروح لسوبر ماركت نأخذ لنا شبس وقراميش لزوم الجوع اخر الليل ..
تركي : انا اصلا بروح للسوبر ماركت لان سجايري خلصت على ايه حال ..

دخل الاثنان الى المحل الصغير المسمي ((سوبر ماركت))
وخرجا بأربعه اكياس كبيره !!!
بسكويت , شوكلاته , كولا واكيد الشبس وسجاير تركي

تركي : الحين احنا داخلين نبي سجاير وشبس وطلعنا باربعه اكياس
فهد : يا أخوك لاتدقق وخلينا نروح ننزل الاغراض في الغرفه ولاتبينا ندخل المطعم
بهذه الاكياس ؟؟!!

تركي : هههههههههههههههههههههههههههههههههه
مو تو واحنا على الغدا توقل من يشتهي يتعشي ؟؟؟!1

فهد : يااخي انت المشي معاك يجيب الجوع
والسواليف معاك تجيب الجوع
وحتى الاكل معاك يجوع

تركي : اوف اوف اوف كل هذا
وبأبتسامه : ايوه ياعم فهد طلع اللى في البك طلع !!
فهد : اقول تركي يابيخك وانت تتكلم مصري !!
تركي : اوكي اوكي يالله اضغط الدور الرابع وخلصنا ..

دخل فهد الى الغرفه اولا وعلى الفور توجهه الى ثلاجه الغرفه الصغيره
ليخرج اغراض الفندق ويضع مكانها كل مافي الاكياس بمافي ذلك سجائر تركي !!!

فيما توجه تركي لاشعوريا الى الشرفه ونظر الى جهه اليسار حيث كانت تقف
والتقت عيناهما للحظه ...

نهاية الجزء الاول

اتمنى ان تعجبكم واكيد راح انزل باقي الاجزاء قريباً

وشكرا لكم

 

الرد مع إقتباس
  #2  
قديم 16-02-2004, 07:10 PM
mo7trm mo7trm is offline
عضو جديد
 





mo7trm is an unknown quantity at this point
 

 

تركي تركي تركيىىىىىىىىىىىىىىىىى

دخل تركي بسرعه وهو وده يذبح قهد

تركي : هاه ايش فيه ليش تصارخ
فهد : يااخي نسينا الشبس
تركي : الحين مناديني من احلى موقف مر على في حياتي علشان تقول نسينا الشبس ياللى ماتخاف الله ؟؟!!

فهد : البنت جالسه برا ؟
تركي : وانت وش دخلك ؟؟

فهد : سوري والله سوري مادريت
المهم ارجع لها بسرعه واذا بغيت مساعده قولى

ينظرتركي با ستهتار الى فهد...

تركي : انا ..انا ابي مساعده منك
وليه ؟!! انتهوا الرجال ...
فهد: اقول لايكثر بس وروح للبنت قبل لاتدخل لغرفتها

يفصخ تركي التي شيرت ويقعد بالفانيله الداخليه والشورت الجينز

فهد: اقول ياخبل انت بتطلع لها كذا .. بهذا اللبس ؟؟!!
والله شكلك تقول سواق فلبيني ولا علشان المكان سواق ماليزي ..
تركي : نا اوريك الحين من السواق الفلبيني
اذا ماخليتك تنقهر من اللى بسويه معاها ثلاث سنين قدام مااكون انا تركي

فهد : طيب طيب بشويش ياسوكارتو.. قصدي تركي
بس واللى يرحم والديك بسرعه قبل ماتدخل البنت ..

يطلع تركي للشرفه مره ثانيه وماتزال البنت جالسه في مكانها
الجو ظلام وماتقدر تشوف البحر لكن بالطبع تقدر تسمع صوته بوضوح وصوت الموسيقى الللى جايه من اللوبي ...

ومازال تركي في مكانه واخذ سيجاره وقعد يفكر ايش يقول للبنت ...
وخاصه انه اول مره يكلم بنت !!

قطع حبل افكاره فهد اللى قاعد يخبط على زجاج الشرفه من داخل الغرفه
سحب تركي نفسه بهدوء ودخل للغرفه

فهد : يالخبل... الحين ماتدري ان لك ساعه بالظبط من يوم ماطلعت والى الان ماتكلمت ولا كلمه !!
والله لو انى مكانها كان دخلت انام من زمان وتركتك ...

تركي : يافهد ايش اقول وايش اخبى والله خانتني الكلمات
فهد : هو انت عندك كلمات من الاساس علشان تقولها

تركي: اقول فهد طلعني بالله من هالجو .. وشرايك نطلع نتعشى ؟!!
فهد : عشاء مين ياعم ..الساعه هذي يادوب نطلب الروم سريفيس ويمكن يوافقوا يجبون لنا حاجه..
تركي : اوكي انت اطلب وانا راح انزل اشم شويه هواء ...

فهد: اوكي انزل ياروميو زمانك
بس تكفا البس تيشرت لا يطردونا من الفندق ..

يبتسم تركي ويلبس لينزل الى تحت الى منطقه المسابح.... متوجها الى البحر !! ...
ادار تركي رأسه الى الاعلى ليجد شرفتها مضاءه... ربما لتقرأ

لم يستغرق وقتا طويلا على البحر رجع الى غرفته وفتح الباب وكعادته الجديده
توجهه مباشره الى الشرفه
نظر الى اليساار فلم يجدها .....

فهد: اقول تركي شكلنا بنغير الخطه بنحط سريرك في لشرفه علشان ماتعب نفسك داخل طالع
... ولا تدري احسن... بقولهم ماعاد نبي الغرفه احنا بنسكن في الشرفه بس .. نوفر في المصاريف
تركي : اقول خلك من الطنازه وقولى ايش طلبت لنا عشاء ؟؟ّّ
فهد : كالعاده باستــــــــاااااااا

تركي وعلامه النصر في وجهه : ايوه كذ تخليني احبك ...
فهد بغرور : طيب طيب... المهم استعجل نبي ننام بدري ورانا مشاوير الصبح
تركي ممسكا بصحن الباستا : اوكي اوكي

صلوا العشاء وتوجهه فهد الى سريره بينما توجه تركي اللى الباب الزجاجي المؤدي الى الشرفه

لكن فهد صرخ فيه: لا لا لا يابابا مو كذا خليك ثقيل
رجع تركي الى سريره لأنه كان فاقدا الامل في ان يجدها قد خرجت مره اخري بعد ان دخلت لغرفتها ...

استيقظا الساعه السابعه صباحا
اخذوا دشا سريعا وصليا الصبح..

تركي : يالله بسرعه علشان نلحق على الفطور تحت
فهد : طيب طيب بس ماراح تشيك على الحبيب.. واشار باصبعه الى الشرفه وفي وجهه علامه السخريه ...

تركي : لا لا..ابصير ثقل !!..

تعجب فهد من تصرف تركي لكنه لازم الصمت ولم يعلق..
دخلا الى المكان المخصص للافطار وكان جميلا مكشوفا على المسبح..
تجول الاثنان في المكان .....
واستغرف فهد من وجود البعض بلابس النوم الخليجي !! الجلابيه
بينما تنقل تركي بنظره بين الطاولات الكثيره .. ورقص قلبه فرحا حين وجدها ..!!
تركي : فهد تعال هناك بنجلس ..
فهد: اوكي

اطال تركي النظر اليها وود لو انه يستطيع محادثتها الان واما الجميع ولكن للاسف
لم تكن وحدها..
كان هناك اخوها واخت اصغر منها واخيها الصغير ..
كانوا جميعا بملابس السباحه ماعدا هي فطمأن قلبه لذلك ...
انتهوا من الفطور في المائده المجاوره وبالفعل توجهوا للمسبح كما توقع تركي وكما تشير ملابسهم ..
لكنها ذهبت معهم وجلست على احد الكرسي المطله على المسبح
هذا مااستطاع تركي كشفه من مكانه داخل المطعم الصباحي ...

انهى تركي فطوره سريعا !!! ولم يعلق فهد على ذلك ... ربما لم يكن يعلم بنواياه

خرج تركي الى المسبح وابطأ فهد من سيره ...

مر تركي بجانبها وهي ماتزال في مكانها والتقت النظرات ...










نهايه الجزء الثاني

 

الرد مع إقتباس
  #3  
قديم 16-02-2004, 07:11 PM
mo7trm mo7trm is offline
عضو جديد
 





mo7trm is an unknown quantity at this point
 

 

اكمل تركي طريقه !!! بهدوء!! و دون ان ينطق بكلمه واحده !!

ربما خانته الكلمات ربما هو الخوف ربما هي رهبه الحبيبه !!

فهد يمشي خلفه وعلامات التعجب والاستفام تدور في رأسه ...

لم تجلس طويلا في مكانها ..فحملت نفسها وتوجهت الى غرفتها ...
على الاقل المنظر من الشرفه ..اجمل من الانتظار هنا امام المسبح ...

او ربما عادت لتفكر مليا في الموقف السابق !! وماحدث من تركي ..

عاد تركي .. وفهد ايضا الى الغرفه

و ربما تعودنا على عادته الجديده ... نعم .. لقد توجهه للشرفه مباشره
بينما استلقى فهد على السرير

جلس تركي على الكرسي الخشبي في الشرفه واتقط سيجاره ونظره معلق على الشرفه المجاوره

كان سمارها اخاذا .. لشمس ماليزا دور فيه ...
كانت تقف ... تتأمل البحر

لم يطل تركي النظر اليها فقد عقد العزم على محادثتها ....

هم بالنهوض من كرسيه ..لكن ماهذا الصوت ...
لفت نظره الصوت القادم من اسفل .. انها اختها الصغيره تنادي عيها من الاسفل
لقد كانا في الدور الرابع ولكن الصوت يصل بوضوح ...
ودعا.. الله ان ترد عليها ليستمع الى صوتها على الاقل
ولكن الولاء .. لم يكن في جانبه فقد اكتفت بحركات بسيطه من ايديها

وليصب تركي لعناته على لغه الاشاره ومن اخترعها !!!

وعاد محطما الى داخل الغرفه ..
ليجد فهد مستغرقا في النوم..
كان قد مر على خروجه الى الشرفه ساعه ونصف الساعه !! لم يستغرب ذلك فقد اعتاد ذلك !!

تركي : فهد يالله قوم .. بنطلع برا ؟؟
فهد ونصف عينه مفتوحه : هاه بشر كلمتها ؟؟!!

تركي : لا ..لا صعبه والله صعبه !!
فهد : وش اللى صعبه ..ماتعرف تقول أي شي
قولها صباح الخير ..كيف الحال ..يااخي أي شي

تركي : اوكي اوكي
فهد : فرصه عمرك ياتركي لاتضيعها
وخاصه انه البنت عاجبتك وماخذه عقلك ...
ترا خلاص ثلاث ايام وبنترك الفندق ...

تتسارع الايام الثلاثه المتبقيه وبنفس الاحداث السابقه ...
تركي يقف كل يوم في الشرفه ودون ان ينبس ببنت شفه وهي ايضا كذلك تبادله الصمت
والتأمل بالبحر ..
ولايخفي انه دعا .. الله ان تكون تبادله نفس الشعور والولاء..

اليوم هو اليوم الخامس ...
وهو يوم مغادره الفندق !!

انهى فهد إجراءات الفندق
وعاد لنهي جمع اغراضه ...
فهد : تركي يالله قوم سكر شنطتك ترا لازم نكون في المطار بعد ساعه ولا ترا والله بنروح لـ(كوالالمبور)) مشي !!
تركي: اوكي .. انا خلصت بس انتظر حاجه مهمه !!!

فهد : بالله للحين مامليت ياخي انت خبل ..
الحين لك اربع ايام وجهك بوجهها .. 24 ساعه .. وماقلتلها حتى كلمه صباح الخير ..
جاي الحين وفي اخر ساعه تبغى تكلمها !!!

تركي : بالله فهد خذ الشنط وانزل تحت اطلب لنا تاكسي ...
انا بكلمها !!! وبنزل لك ...

لم يرد فهد تحطيمه اكثر وخاصه ان احس تغيرا في صوت تركي .. يميل الى البكاء!!

فهد: طيب ..ياتركي بس واللى يخليك حاول تستعجل ..لازم نكون في المطار خلال ساعه من الان ...

اقفل تركي باب الغرفه وجلس على حافه السرير بضع دقائق حاول فيها ان يستجمع قواه وان يرتب كلماته ...

فتح باب الشرفه .. ودقات قلبه تنيض بجنون ..
دخل ونظره الى الجهه اليسرى ..


لكن للاسف لم يجدها ..

دارت الافكار برأسه .. مر شريط الايام الخمسه السابقه امام عينه وبجميع احداثه وبسرعه شديده
تذكر عندما شاهدها اول مره وعندما وقف امامها اول مره .. كيف كانت هيبتها .. كيف خانه التعبير وخانته الكلمات مرات عده ..

لم يستغرق طويلا ...

ولم يخنه قلبه ..اخيرا !!.. هاهو يسمع صوت الباب الزجاجي لشرفتها يفتح ..
دخلت ..تطلعت اليه للحظه.. واتنتقت بنظرها الى البحر ...

ازاح نظره عنها ..ونظر الى البحر... ايضا
تمنى لو ان له ماللبحر من سحر ..

لفت نظره طائر بحري ...
كان ينظر اليهما.. حيث كانا واقفين !! وبتحديق غريب !!
يبدو انه كان ينتظر هذه اللحظه!! من زمن...

ابتسمت لتركي ..وابتسم بهدوء ..

وغادر الشرفه دون ان ينطق بكلمه واحده ..

ولكنه دعا... الله ان يصل الـنداء...وان تحفظ له الـولاء...


النـــــــــهايــــــــــــــة

 

الرد مع إقتباس
  #4  
قديم 16-02-2004, 07:55 PM
الصورة الرمزية لـ .. P e A r L ..
.. P e A r L .. .. P e A r L .. is offline
سيدة القلم
 





.. P e A r L .. is on a distinguished road
 

 

الاسلوب روووعة
لكن شوف شلون .. ضاعت ايامه بـ (بينانج) يفكر بهالبنت لا هو الي كلمها ولا هو الي شالها من راسه ..
وبعد كل هذا .. تعتقد انه حبها؟؟ صح ان شكلها اعجبه بس مو شرط يكون حبها..

مشكور اخوي محترم

 


آخر تعديل بواسطة .. P e A r L .. ، 16-02-2004 الساعة 09:23 PM.
الرد مع إقتباس
  #5  
قديم 02-03-2004, 10:48 PM
الصورة الرمزية لـ بائعة الورد
بائعة الورد بائعة الورد is offline
عضو متميز
 





بائعة الورد is an unknown quantity at this point
 

 

يسلمووووووووووووووا

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:28 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www