(( ( يُـمـه...اللي تسوونه حرام أنتي وابوي ...! ل عبدالكريم المهنا ) )) a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

(( ( يُـمـه...اللي تسوونه حرام أنتي وابوي ...! ل عبدالكريم المهنا ) ))

المشاركة في الموضوع
 
خيارات الموضوع طريقة العرض
  #1  
قديم 12-04-2006, 12:03 AM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 
(( ( يُـمـه...اللي تسوونه حرام أنتي وابوي ...! ل عبدالكريم المهنا ) ))

 

يُمه ...!!
وش القصة ...؟!
وربي ما اعرف السالفة ...!!
ودي ادري وش يصير ...!!
وش قصتك إنتي وابوي ...؟!
صديقتي نورة تزوجت ... و رزقها ربي بـ ولدين ...!!
وحصة لها بنت ولد ...!!
حتى سعاد حامل فديت عيونها ....!!
واليوم معزومة انا بـ ملكة عهود ...!!
وش سالفتك إنتي ... وابوي ....!!
وآخرها معاكم ...؟!
تدرين باقي لي شهر ويصير عمري ثلاثين ...!!
متحنطه ...
متخللة ...!!
اللي تسوونه حرام ... وربي حرام ...!!
تدرين كم واحد خطبني ...؟!
صاروا " 11 "
أحمد وقلتوا انه كبير
حاضر كبير ...
سالم وقلتوا انه قصير
وإذا قصير ...؟!
بس ماعليش قلنا قصير
حتى سعد قلتوا عليه ملاحظة
وش قصدكم بـ ملاحظة ...؟! مدري ...!!
وعبدالعزيز اخته منار مدلعة
طيب وإذا ...؟!
اللي يبيني مو منار ... اللي خطب عبدالعزيز
وعثمان قلتوا راتبه ماهو كبير
يا يُمه مابنموت جوع ...!!
وجاكم يزيد وقلتوا لي أُمه تبي توريني العذاب
ومع إني اعرفها تخاف الله كثير ...!!
بس ماعليش
وسعود قلتوا مو يتيم ...طيب وإذا ...؟!
لازم تموت أُمه وابوه وتوافقون ...؟!
ياربي مبدئكُم غلط ... والله غلط
الله يخلي له ابوه
وماجد تقولون انه شويه بخيل
وما اظنه ابخل من ابوي
على الأقل ابوي ياخذ راتبي ... وماجد بخيل براتبه ...!!
بس ماعليش ...!!
وسامي بعد راعي سفر
طيب وإذا سافر أحد ...
حرام يتزوج بعد ...؟!
هذا اخوي كل يوم من ديرة إلى ديرة يطير ...!!
وخالد صغير
ياربي وش دخل العمر ...؟!
ومروان ماعنده رصيد
يكفي إذا عنده ضمير ...
ونهاية القصة معك ...؟!
قولوا لي وش ممكن يصير ...؟!
تدرين وش اكبر عذابي ...؟!
يوم ابقى كذا ...!!
بين الألم والياس ... اشكي همومي للسرير ...!!
و وسادتي تشهد علي ...
ودبدوبي الوردي الصغير ...
يا هو عذاب ...و ليلي ألم ...
ومشاعري في وسط صدري تحترق
وإحساسي بركانه خمد ...!!
والعمر قدامي يروح
يطويه الزمن طوي الحصير
وحلمي يموت
يُمه اقول حلمي يموت ...
تدرين وش معنى يموت ...؟!
يعني انا كلي أموت ... واشرق بـ ريقي من القهر ...
وأحس في صدري جمر ...!!
بنتك أنا...
ودي اصيح ... أو انفجر ...
والله قهر ...!!
بس الحياء خلاني اكتم كل شي
في داخلي شيءٍ كثير ...
وهمٍ كبير ...
وآخر سواليفي السكوت ...!!
حسي بـ بنتك ياغلاها ...
مثلي مثل باقي البنات ...
وإن جت على الراتب ... ملعونٍ ابوه
عطيه ابوي
او احرقيه
الحين هذالي سنين ... ست أو سبع ...؟!
وراتبي كله لابوي ...
وما همني
وهني على قلبه بعد
لكن يبيه إلى متى ...؟!
بـ أقعد رهينة راتبي ...!!
يُمه الراتب ما يعطي العذراء ولد
ولا يشاركها غلا
ولا ينسيها ألم
وانا مثل باقي البنات ....
أحلم بفستان الزواج
وليلة عمر
و أعزم صديقاتي بعد
أبي رجل
اجيب له بنت و ولد
وأصير له عضد وسند
واجلس معه
وإذا زعلت اقبل علي ... واحرق دموعي بضحكته
و يعينني على الزمان ...
واعطيه من قلبي وله
وآخذ من عيونه حنان
واشرب وفى ... وأعطي دفى ... وأقول أحبك يا غلاي
واموت فيه
يمه
الحين كم واحد خطبني ...؟!!
صح" 11 "...؟!
حتى ولا واحد سئلتوني أبيه أو ما أبيه ...؟!
ياربي تدري بحالتي
وربي أخاف ادعي وتصيب ...
في ذمتك يُمه
وفي ذمة أبوي ...!!
والله ما اسامحكم ابد ...!!
ادري أني بنت
وضعيّــفة
وما في يدي حيلة ابد
وبـ ابقى اعاني وساكته ...!!
بس ما يهم
يكفيني إن ربي يشوف ...
ويعرف زوايا حالتي ...
وعادي ... وقولي لابوي إن بنتك تسلم عليك
وتقول ياخذ راحته
ويسوي كل اللي يبيه
بس ذكريه
قولي ترى سلمى ضعيفة ... بس عندها ربٍ قوي
يشوفها ويشوفكم ... ويعرف خفايا قلوبكم ...!!
ويمكن يخليها إلى يوم الحساب ...!!
وعلى العموم ... الله يهديه ...!!



( ل عبدالكريم المهنا _ زيد رومـــا _)

 

الرد مع إقتباس
  #2  
قديم 12-04-2006, 06:11 AM
محمد بن عبدالله محمد بن عبدالله is offline
عضو مشارك
 





محمد بن عبدالله is an unknown quantity at this point
 

 

احسنت

 

الرد مع إقتباس
  #3  
قديم 12-04-2006, 07:41 AM
الصييفي الصييفي is offline
:: شاعر متمكن ::
 





الصييفي will become famous soon enough
 

 

أبو صلاح:
بارك الله فيك على هذا الحوار،
الحوار الذي لا يستبعد حصوله في بعض البيوت،
مشكلة كبيرة يعاني منها شريحة لا يستهان بها
من مجتمعنا.
طبعا هناك آباء وامهات مكابرون،
و لا أستبعد مكابرة حتى البنات.
لكنها حقيقة يجب الوقوف حيالها بتجرد.

سلمت و سلم خطابك.

وداعة الله

 

الرد مع إقتباس
  #4  
قديم 12-04-2006, 08:44 AM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

زيدروما

وضعت يدك على جرح وحال كثير من الفتيات

وبشموخ الشعر

وعذب الكلام

وحسن التعبير

وقوة المعنى

نسجت هذه الرائعة البارعة

لله درك يا زيدروما

صح السانك مليوووووون يابعدي

تقبل تحياااااااتي وتقديري سيدي

اخيك
المسافر

 


::: التوقيع :::



 
الرد مع إقتباس
  #5  
قديم 12-04-2006, 09:40 AM
الصورة الرمزية لـ محمد بن عبدالله بن جثلان
محمد بن عبدالله بن جثلان محمد بن عبدالله بن جثلان is offline
رميزان
باحث في الأنساب
 





محمد بن عبدالله بن جثلان is on a distinguished road
 

 

استاذي الشاعر الكاتب المبدع
زيد روما
كلمات هادفه وفي الصميم
وهذه مشكله يعاني منها المجتمع
بارك الله فيك
دائما تاتون بالمفيد
وفقك الله
رميزان

 

الرد مع إقتباس
  #6  
قديم 12-04-2006, 01:38 PM
الصورة الرمزية لـ سعود بن عبدالعزيز
سعود بن عبدالعزيز سعود بن عبدالعزيز is offline
عضو متميز
 





سعود بن عبدالعزيز is an unknown quantity at this point
 

 

زيد روما

كلمات اكثر من رائعه ومعبره جدا

صح لسانك مليوون..

دمت بخير

 

الرد مع إقتباس
  #7  
قديم 12-04-2006, 04:12 PM
الصورة الرمزية لـ ولــ العيسى ــد
ولــ العيسى ــد ولــ العيسى ــد is offline
عضو متميز
 





ولــ العيسى ــد is an unknown quantity at this point
 

 

صح ألسانك و سلم ما خطته بنانك ..

أبدعت أخي زيد روما ..
------------------------------------------

تحياتي ..

 


::: التوقيع :::



شـkــرا ً


 
الرد مع إقتباس
  #8  
قديم 12-04-2006, 05:38 PM
الصورة الرمزية لـ عبدالله الأصيقع
عبدالله الأصيقع عبدالله الأصيقع is offline
مشرف لجنة المقابلات
 





عبدالله الأصيقع will become famous soon enough
 

 

زيد روما
الله يعطيك العافيه
ومايحتاج تعليق

 


::: التوقيع :::



 
الرد مع إقتباس
  #9  
قديم 12-04-2006, 05:54 PM
الصورة الرمزية لـ .. P e A r L ..
.. P e A r L .. .. P e A r L .. is offline
سيدة القلم
 





.. P e A r L .. is on a distinguished road
 

 

رااائعة و مؤثرة

سلمت يا زيدروما

 

الرد مع إقتباس
  #10  
قديم 12-04-2006, 05:54 PM
عاشق شقراء عاشق شقراء is offline
شـاعـر
 





عاشق شقراء is an unknown quantity at this point
 

 

ياســـــــــــــــــــــــــــــــــــــــــــــــ ـــــــــلام عليـــــــــــــــــــــــــــــــــــــــــــــــ ــــــــــــــك

 


::: التوقيع :::

أهم شــــــــــــــــــي الأخـــــــــــــــــــــلاق


 
الرد مع إقتباس
  #11  
قديم 12-04-2006, 06:51 PM
الصورة الرمزية لـ أبو تالا
أبو تالا أبو تالا is offline
سيد القلم الراقي
 





أبو تالا is an unknown quantity at this point
 

 

سلمت أبو صلاح

أختصرت الزمن والحرف ..ووصلت الرسالة ...بتقنية عالية الجودة ...صنع عبدالكريم المهنا

ما أروع محاضراتك

لن ازيد ربما لأنني لا استطيع ذلك

تحياتي لك شاعر الحياة

 


::: التوقيع :::



 
الرد مع إقتباس
  #12  
قديم 12-04-2006, 07:47 PM
الصورة الرمزية لـ THAQEB
THAQEB THAQEB is offline
العــــــــــودّ
 





THAQEB is an unknown quantity at this point
 

 

الرائع دوما زيد روما

حكيت واقعا مريرا اليما ورسمته في لوحة مضيئة بمفرداتك

لا هنت ايها المبدع لا هنت يا فيلسوف المفردة واميرها

ابقى في حفظ العظيم

 


::: التوقيع :::

!! لكل شيء مطية ومطية العلم التواضع !!


 
الرد مع إقتباس
  #13  
قديم 19-04-2006, 09:23 AM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

الله عليك يازيد روما ماتحط يدك الا على الجروح اللي في المجتمع


يعطيك الف عافيه وعافيه

مشكوووووووووووور

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
  #14  
قديم 21-04-2006, 03:02 PM
عنود الصيد عنود الصيد is offline
عضو دائم
 





عنود الصيد is an unknown quantity at this point
 

 

راااااااااائع يعطيك اللف عافيه

سلمت يابن العم

 


::: التوقيع :::



توديع الأحباب مثل الموت له سكره
أدمى جروحي وشق الصدر منيا
مصير الأحزان تنسانـــي وتفتكــره
ماكل الأيام بيض وسمــحة محـيا
قل غيرها ما أنت لا مجبر ولا مُكره
لا صار ماهي غلا ماأبي لك حميا
ياليتني لا بغيت أكـره قـدرت أكـره
ما كان قلبي ليا جيت أكرهك عيـا


 
الرد مع إقتباس
  #15  
قديم 23-02-2007, 03:39 PM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

إقتباس
المشاركة الأصلية بواسطة محمد بن عبدالله
احسنت


تسلم ولاهنت اخوي محمد
اسعدني مرورك اسعد الله ايامك

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 12:33 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www