(كل فتق يوم ما يرقى يعور)للشاعر سليمان بن مشاري بن علي الناصري التميمي (راعي الداخلة) a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

(كل فتق يوم ما يرقى يعور)للشاعر سليمان بن مشاري بن علي الناصري التميمي (راعي الداخلة)

المشاركة في الموضوع
 
خيارات الموضوع طريقة العرض
  #1  
قديم 17-03-2006, 02:44 AM
اديب الناصري اديب الناصري is offline
عضو نشيط
 






اديب الناصري is an unknown quantity at this point
 
(كل فتق يوم ما يرقى يعور)للشاعر سليمان بن مشاري بن علي الناصري التميمي (راعي الداخلة)

 

كلنا يعلم ان أهالي نجد كانوا يكابدون شظف العيش في القرون الماضيه حتى نهاية منتصف القرن الرابع عشر وذلك بسبب قلة الموارد وعدم الاستقرار الأمني وقد صور الشاعر سليمان بن علي حالة بلدته الداخله وهي بلدة تقع على وادي سدير في منطقة سدير فكانت هذه القصيدة

مبتدا ما قول في رقم السطور = واشتكاي العيش من قل الهجاع
السجله و القلم عندي حضور =يا يميني طاوعيني يا يراع
اكتب اللي تسمعه مني بفور =استرق للسمع من غير استماع
كل يوم ما يمر الابا مور =باحتكام وانتقاظ وانقطاع
وكل قلب عنده أفكار تدور=والسراير ما عليهن اطلاع
وكل فتق يوم ما يرفى يعور =بالتغافل ما يزيد الا اتساع
وكل من ركب البحر ظن العبور =والمنايا راصدات كا الأفاع
قالوا اصبر قلت هو مثلي صبور =نازل في حوضها وبها شماع
حايل دون الثمر لو هو يدور =راسها دور الفلك ما طاح ضاع
يا نديمي في القبول وفي الدبور =وبالمضيق إلى اتفقنا وفي الوساع
ما تجي تشوف وش لون الدبور=مودع الداخله مثل الكراع
المحيل اللي مضت منه الدهور =ما تبيه الطاويات من السباع
ما تشوف الآ الشذارم والحفور =من هباط في بساط في رفاع
جنب السيل المسايل لو يجور =ما لها إلا النظر والأستماع
عابر ما عاد تلزمه الحكور =يوم مات أهل النظر والراي ضاع
والهمال من الهمل غادي عقور =قل ضعاف قل كساف قل دعاع
لو يشرع غيل ما غذا الكافور =وان غذاه فما جناه إلا صقاع
زرعها ما هوب ها لسنة محضور =الذكي يرد بذر الصاع صاع
والرياح اللي جرت فيها عبور=كنه لولا رسوم الدار قاع
كن ما صار الزمان بها عمور =من غلاها مشتراها بالذراع
راكبين في بحور ما تغور=ننطح الموجات ما نخشى انطباع
لا برفع ولا بخفض ولا بزور=غاية المطلوب هي ترس الشراع
وش تظنه يا مطنه لو يزور=هو يبي يشوف شٍ غير اتساع
أو يبي يقول الزرع مغضور =أو يقول متول و ضاع
ولبس الراس البياض من الشعور =واتلف الطرف الشجن وهما وماع
انصدع يا قلب تراك معذور=وانحدر يا دمع ولك الخد قاع
ذا فنى وذا جلا يم البحور =هل ترى عقب الفراق من اجتماع
وارتحال من القصور إلى القبور =ضيقوا رحب الوساع من التلاع
ديرة بان الوفا منها غدور= لو عطت دث الأثر قالت وداع
جمها لو زاد سيوره يغور=لا يغرك هالسنه بالارتفاع
كل دارج سلعة فيها تبور =واقرادة من شرى فيها وباع
ديرة سكانها تقل محصور =لو بغى المخراج منها ما استطاع
دايم بالويل يدعي بالثبور =هو وأهل سكن الجحيم أخوة رضاع
ديرة دارت علينا بالفقور =يا مويس الجوع طق بها الشراع
صربها يا مويس سلطان غيور=منزلك بالرحب في قاع وساع
والله انك لو تعدل بها وتجور =انك المتبوع فيها والمطاع
يا مويس الجوع لا تبر افنبور=فيك ونخليك يقضبك القطاع
خلنا في دورنا لو هي قبور =ما بهن شي من الدنيا يباع
هالسنه في خير ما نشكي قصور =عندنا القعقاع فاكهة المتاع
رتـعوا فيه البهايم والبزور=ما عليهم لاجياع ولا شباع
ترّسوا منه الأواني والقدور =والصغار من الرمايل بانتراع
يدْخَر المضمون من طبعه قتور =نفس تشري للطمع لو هو يباع
خايفٍ من الدهور اللي تدور =يوم ملوى الدهر ذب القناع
أتلف الأشياء إلى صرت محظور =مع ردى الأمور بنفوس رفاع
ما تعودنا التباله في الأمور =مشكلين ومشكل رمي الشراع
ان بغيت أبور ما عنهم ثبور=وان بغيت أجود وإلى ماش قاع
والذخر حرام ما عنهم ذخور =لو لحينا الساق هو وايا الذراع
وان نهضت وقمت قالوا لي حضور=وان قعدت إلاي بسباع جياع
خمشني بالمخالب والظفور=ونهشني واود عن لحمي مشاع
لا تغبطوا شاري العنز العصور=في مناح مخرجه من باع باع
يا عجوز ما يجملها العطور=واحسايف عطرنا في الجيب ضاع
جعلها في السابعة نجم دمور=بالغضب ما مور ما منه امتناع
والمقر السابعة وإلا حدور=والثرى المذكور عنها بإرتفاع
حيث ما المطلوب فيها بمعذور=كل ما جا طالب له مد باع
ارجموها بالحجاره يا حضور =وامنو لعلها ريع هياع
لجة سوداء وداخلها يثور =الهوايل من دخنها يوم فاع
استغفر الله مما قلت زور =من خطا أطاه من غير اطلاع
مثل لو ظهر سهو وانا محضور=ما طرقت لها علم ولها استماع
من وشاةٍ قل فشاةٍ قل دشور =قل اسلوب قل خنوب قل سعاع
ثوّروها بالخشب لو ما تثور=واعرضوها للزبن لو ما تباع
واسلكت صعب الدروب من الوعور=المهاوي والعلاوي والشساع
لين صارت كنها بالعرض طور =سدت الافاق سمنت بارتفاع

نقلا من كتاب شعراء وادي الفقي الجزء الرابع للاديب الشاعر أحمد الدامغ التميمي مع بعض التعديل

قلت وشاعر كمثل سليمان بن مشاري ممن لم يدون شعره فقد أخذ أغلب شعره عن طريق أفواه الرجال وتختلف بعض الكلمات من راو إلى راو آخر فلذلك لا يسلم من ورود خطإ ما

ولكم تحياتي

 

الرد مع إقتباس
  #2  
قديم 17-03-2006, 06:15 AM
الصورة الرمزية لـ فارس بنو زيد
فارس بنو زيد فارس بنو زيد is offline
عضو نشيط جداً
 





فارس بنو زيد is on a distinguished road
 

 

صح لسان الشاعر

والحمد لله على نعمة الاسلام والخير والراحه اللى حنا فيها الحين

مشكور يا ابن اخي

 


::: التوقيع :::



 
الرد مع إقتباس
  #3  
قديم 17-03-2006, 12:57 PM
الصورة الرمزية لـ saad9999
saad9999 saad9999 is offline
عضو مشارك
 





saad9999 is an unknown quantity at this point
 

 

صح لسان الشاعر

والحمد لله على نعمة الاسلام والخير والراحه اللى حنا فيها الحين

 

الرد مع إقتباس
  #4  
قديم 18-03-2006, 01:51 AM
اديب الناصري اديب الناصري is offline
عضو نشيط
 






اديب الناصري is an unknown quantity at this point
 

 

فارس بنو زيد

saad9999

أشكركما على المرور والتعليق

تحياتي

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 03:14 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www