تقول لي وينك

خالد المنصور · #1 13-03-2006, 01:00 AM

السلام عليكم ورحمة الله وبركاته

ابناء وبنات العم الكرام ....سامحوني على القصور بالمشاركات
ويعلم الله اني دايما ما ازور المنتدى واطلع على المواضيع الجديدة....

تقبلوا مني هذه المتواضعة:

تقول لي وينك ووين أشعارك= وشفيك عنا صرت تخف شعورك
من عقب كنا كاتمين اسرارك= ونشوف ماتخفيه بين سطورك
ومن عقب كنا ملهمين أفكارك= وما تكتبه فينا عجب جمهورك
ابطيت عني ما سمعت أخبارك= وذلك شهر مازاورن طيورك
قلت ارفق ارفق لاتزيد أوزارك= ولياك تظلم في شهادة زورك
ماني قريبٍ لك ولاني جارك= ولانتب جحا واولا بلحمة ثورك
وإن كان تبغا العدل باستذكارك= شف دوري بحبك وناظر دورك
عن قرب داري لك نحيت بدارك= ومن كثر شوقي كل يوم آزورك
رميت روحي مع هدير أنهارك= وأغرقتها في غيهبات بحورك
وشحيت حتى في عبير أزهارك= ياحول حتى في عبير زهورك
و اعلنت ضدي حالة استنفارك= وباعلى مراقيبك تحط سبورك
عجزت اقاوم حملة استعمارك= وارهيت بي سكينك وساطورك
ومن قلبي المكلوم خذت بثارك= ولا دريت الا وانا موتورك
العام تكويني بجمرة نارك= واليوم تطبخني على دافورك
يا صاحبي يومك بنيت جدارك= تراك في قلبي بنيت قصورك
ما سرني شجبك ولا استنكارك= وجيشٍ حشدته صف في طابورك
لا قلت ابا اتحمل يزيد اصرارك= واليا نويت اصبر يزيد غرورك
وما عاد لي صبرٍ على استهتارك= ما دام عن عيني تغطى نورك
ولا عاد باقي معي من تذكارك= الا بقايا صورتك وعطورك
وان قلت لي وينك ووين اشعارك= اقول رحنا تحت موج بحورك

وسلامتكم

خالد محمد المنصور

شيهانــــــــه · #2 13-03-2006, 01:41 AM

تحت موج بحورك

الله الله

صح لسانك وتسلم يمناك

وواصل ابداعك..ولك كل التقدير

ولــ العيسى ــد · #3 13-03-2006, 01:56 AM

صح ألسانك و سلم ما خطته بنانك ..

تسلم يا شاعر ..

نايف الفوزان · #4 13-03-2006, 06:04 AM

صح لسانك وتسلم يمناك

وواصل ابداعك..ولك كل التقدير

قرم بني زيد · #5 13-03-2006, 06:33 AM

ابن العم خالد

صح لسانك وسلمت يمينك

وفي انتظار المزيد

زيـد رومـا · #6 13-03-2006, 09:18 AM

خالد المنصور
صح لسانك ولاهنت

الصييفي · #7 14-03-2006, 01:04 PM

الشاعر الشاب/ خالد محمد المنصور:
قصيدة جميلة بكل المقاييس،
و هذا ما تعودناه منك في كل إنتاجك،
إبداع X إبداع
لكن نريد منك المزيد.
سلمت و سلم إبداعك

ودعة الله

خالد المنصور · #8 14-03-2006, 01:21 PM

الاخت شيهانه
::::::::::::::::::::

صح بدنك يالغاليه وشكرا على المرور العذب

.................................................. .............................
ولــ العيسى ــد
::::::::::::::::::

صح بدنك وتسلم يالغالي
.................................................. ..............................

نايف الفوزان
:::::::::::::::::

ياهلا ومرحبا فيك وصح بدنك يالغالي
.................................................. ..............................

قرم بني زيد
::::::::::::::

صح بدنك يالغالي

وياهلا ومرحبا فيك.

.................................................. ...................

زيد روما
:::::::::::::::

صح بدنك يالغالي
.................................................. ..............

د.خالد بن مسعود
::::::::::::::::::::::::

شكرا لك على تنسيق القصيدة... وارجوا فعلا اني وهي كما قلت...

تسلم وشاكر ومقدر.

سعد اليابس · #9 14-03-2006, 11:55 PM

الشاعر خالد المنصور

نص جميل بجمال حضورك

صح لسانك

دمتـ بحبـ

شقراوية بني زيد · #10 15-03-2006, 01:22 AM

المنصور صح لسانك ...

عبدالله الأصيقع · #11 15-03-2006, 07:11 PM

فصيده جميلة

مستشار بني زيد · #12 15-03-2006, 07:37 PM

صح لسانك يابو محمد

ولا تحرمنا من مشاركاتك و قصايدك

خالد المنصور · #13 16-03-2006, 02:35 AM

سعد اليابس
::::::::::::::

صح بدنك يالغالي...وشكرا لك على مرورك.

.................................................. ..........

شقراوية بني زيد
:::::::::::::::::::

صح بدنك يالغالية.

.................................................. .....

العبدي
::::::::

حياك الله..

..................................................

مستشار بني زيد
:::::::::::::::::::::

صح بدنك يالغالي و ابشر بعزك.

ضـــاري · #14 25-03-2006, 10:30 PM

إقتباس

المشاركة الأصلية بواسطة خالد المنصور


	السلام عليكم ورحمة الله وبركاته ابناء وبنات العم الكرام ....سامحوني على القصور بالمشاركات ويعلم الله اني دايما ما ازور المنتدى واطلع على المواضيع الجديدة.... تقبلوا مني هذه المتواضعة: تقول لي وينك ووين أشعارك= وشفيك عنا صرت تخف شعورك من عقب كنا كاتمين اسرارك= ونشوف ماتخفيه بين سطورك ومن عقب كنا ملهمين أفكارك= وما تكتبه فينا عجب جمهورك ابطيت عني ما سمعت أخبارك= وذلك شهر مازاورن طيورك قلت ارفق ارفق لاتزيد أوزارك= ولياك تظلم في شهادة زورك ماني قريبٍ لك ولاني جارك= ولانتب جحا واولا بلحمة ثورك وإن كان تبغا العدل باستذكارك= شف دوري بحبك وناظر دورك عن قرب داري لك نحيت بدارك= ومن كثر شوقي كل يوم آزورك رميت روحي مع هدير أنهارك= وأغرقتها في غيهبات بحورك وشحيت حتى في عبير أزهارك= ياحول حتى في عبير زهورك و اعلنت ضدي حالة استنفارك= وباعلى مراقيبك تحط سبورك عجزت اقاوم حملة استعمارك= وارهيت بي سكينك وساطورك ومن قلبي المكلوم خذت بثارك= ولا دريت الا وانا موتورك العام تكويني بجمرة نارك= واليوم تطبخني على دافورك يا صاحبي يومك بنيت جدارك= تراك في قلبي بنيت قصورك ما سرني شجبك ولا استنكارك= وجيشٍ حشدته صف في طابورك لا قلت ابا اتحمل يزيد اصرارك= واليا نويت اصبر يزيد غرورك وما عاد لي صبرٍ على استهتارك= ما دام عن عيني تغطى نورك ولا عاد باقي معي من تذكارك= الا بقايا صورتك وعطورك وان قلت لي وينك ووين اشعارك= اقول رحنا تحت موج بحورك وسلامتكم خالد محمد المنصور

والله يابو محمد مدري وش اقول

عجزت اختار من القصيده بيت ولابيتين ظلم لها ..

صح لسانك واعتلا شانك ..

.

خالد المنصور · #15 01-06-2006, 11:36 PM

ضاري
:::::::::

تسلم وصح بدنك

وياهلا ومرحبا

وسامحني على التاخر بالرد

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر