قمر خمسة عشر a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

قمر خمسة عشر

المشاركة في الموضوع
 
خيارات الموضوع طريقة العرض
  #1  
قديم 07-01-2006, 09:08 AM
عبدالله البليهي عبدالله البليهي is offline
شـاعـر
 





عبدالله البليهي is on a distinguished road
 
قمر خمسة عشر

 

هاك نبذه عن قصيدي ياقمر خمسة عشر = من هجوس الشاعر اللي دوب يبدا بالوقوف
بالبدايات انطعنت ابطعنتن جت بالظهر = من رفيقن استشرته في قصيدة " ياهنوف "
قال موضوعك عزيزي غير صالح للنشر = والمصيبه شفتها عقب اعتراضه في " قطوف "
يدّ غيري داعبتها جعل يده للكسر = مايرجعها مضامين الأدله والحلوف
نعنبوهم ناشبونا حتى بابداع الفكر = ماكفاهم نهبة اللقمة من افواه الضعوف
غلطتن مرت علي وان قاله الله ماتمر = مفلس الأفكار لا يحسب مكيداته تطوف
ماأقول اني بشعري من مشاهير العصر = ماأقول اني خفقت اقلوب والهبت الكفوف
ماأقول ان اسمي اصبح منكتب فوق الحجر = انّقش به واستزانت بالذهب كل الحروف
ماكتبت القاف لجل اّصل مكانه واشتهر = ماخذ الدعوه هوايه ماني بالشهره شغوف
احضر الندوات جيزي جيز جمهورن حضر = مااذكرني يوم حتى قد تقدمت الصفوف
لاكنني يوم شفتك صرت مولع بالشعر = واندب الماضي على تركه ودقّيت الحسوف
ايه انا ماشفت مثلك من بدايات العمر = لا ولا ظني عيوني بالحسن عقبك تشوف
طالبك طلبه وانا بالرد مافيني صبر = عايني مجنون حسنك جعل عينك ماتعوف
عايني ذا الشاعر اللي في وصالك ماظفر = خافي الله كان في قلبك ولو ذرّات خوف
ماتغطى الشمس بالغربال في عز الظهر = مايخفت النور حتى لو تعرض للكسوف
من يدور في عيوبك تاه واعياه النظر = لو يدور ثمْ يدور مالقى عيب امعروف
فيك عيبن غامضن يابنت من بد البشر = من كثر زينك تعذر كل شاعر بالظروف
ليه نكتب فيك وصفن بالقصايد والنثر = وانت لو ناصف وناصف مايوفّيك الوصوف
مير اباكتب بيت واحد بالمفيد المختصر = واقبليه ان كان قلبك حنّ واصبح لي عطوف
انت تحفة صاغها فنان مبدع وانتحر = انت حكمه وانت منطق ماكتشفه الفيلسوف

 


آخر تعديل بواسطة كريم سبلا ، 07-01-2006 الساعة 03:00 PM.
الرد مع إقتباس
  #2  
قديم 07-01-2006, 02:57 PM
الصورة الرمزية لـ كريم سبلا
كريم سبلا كريم سبلا is offline
شـاعـر
 






كريم سبلا is an unknown quantity at this point
 

 

ابوسعود

الشاعر الذي يتفاخر به منتدانا ,,, شهادتي فيك مجروحه

صح لسانك ,,, وارتفع شانك دائماً ننتظر جديدك



مثل ماطلبت ابوسعود تم تعديل البيت

 

الرد مع إقتباس
  #3  
قديم 07-01-2006, 03:26 PM
الصورة الرمزية لـ شيهانــــــــه
شيهانــــــــه شيهانــــــــه is offline
عضو دائم
 





شيهانــــــــه is an unknown quantity at this point
 

 

انت تحفـة صاغهـا فنـان مبـدع وانتحـر
انت حكمه وانت منطق ماكتشفه الفيلسـوف


وانت شاعر يفتخر فيه المنتدى وجميع اعضائعه

على هذه الرائعه

ولك شكري وصح لسانك

 

الرد مع إقتباس
  #4  
قديم 07-01-2006, 03:36 PM
العابر العابر is offline
عضو نشيط
 






العابر is an unknown quantity at this point
 

 

صح لسانك

 


::: التوقيع :::


سلمى تقول المودة غرابيل......وانا على سلمى كثير الحسايف


 
الرد مع إقتباس
  #5  
قديم 07-01-2006, 05:55 PM
الصورة الرمزية لـ ابن الهويمل
ابن الهويمل ابن الهويمل is offline
عضو مستمر
 





ابن الهويمل is an unknown quantity at this point
 

 

صح لسانك

 


::: التوقيع :::



 
الرد مع إقتباس
  #6  
قديم 08-01-2006, 04:43 PM
الصورة الرمزية لـ السرمدي
السرمدي السرمدي is offline
:: إنسان في حاله ::
 





السرمدي will become famous soon enough
 

 

إقتباس
فيك عيبن غامضن يابنـت مـن بـد البشـر
من كثر زينك تعـذر كـل شاعـر بالظـروف

ليه نكتب فيـك وصفـن بالقصايـد والنثـر
وانت لو ناصف وناصف مايوفّيك الوصـوف

مير اباكتب بيت واحـد بالمفيـد المختصـر
واقبليه ان كان قلبك حنّ واصبح لي عطـوف

انت تحفـة صاغهـا فنـان مبـدع وانتحـر
انت حكمه وانت منطق ماكتشفه الفيلسـوف

صح لسانك يا أبو سعود ...


--------------------------------------------------------------------------------

 


::: التوقيع :::

يَا رَبِّي ,, ~ وِدَآعِتِك .. أُبُوي .. ~


 
الرد مع إقتباس
  #7  
قديم 08-01-2006, 10:43 PM
أميرة بني زيد أميرة بني زيد is offline
مشرفة سابقة
 





أميرة بني زيد is an unknown quantity at this point
 

 

ماأقول ان اسمي اصبح منكتب فـوق الحجـر
انّقش به واستزانت بالذهـب كـل الحـروف


بس انا اقول واشهد بان اسمك وحروفك تنكتب من ذهب

بطرااااان الشعر والحرف يا شاعر بني زيد

صح لسااااانك ابو سعود لو مهما قلت قليل في ابداعك وعذوبة ماكتبت في هالقصيده ...

 


::: التوقيع :::



 
الرد مع إقتباس
  #8  
قديم 09-01-2006, 01:46 AM
جبرين بن سعد الجبرين جبرين بن سعد الجبرين is offline
عضو مثالي
 





جبرين بن سعد الجبرين is an unknown quantity at this point
 

 

طالبـك طلبـه وانـا بالـرد مافينـي صبـر=
عايني ذا الشاعر اللي فـي وصالـك ماظفـر=
ماتغطى الشمس بالغربال فـي عـز الظهـر=
من يدور في عيوبـك تـاه واعيـاه النظـر=

صح لسانك والبطران اسم على مسمى

تحياتي لك

الصارم

 


::: التوقيع :::

لا اله الا الله .... محمد رسول الله


 
الرد مع إقتباس
  #9  
قديم 09-01-2006, 05:10 AM
شقراوية بني زيد شقراوية بني زيد is offline
أميرة المنتدى
 





شقراوية بني زيد is on a distinguished road
 

 

صح لسانك يالبطرااااااااان ....

قصيده اكثر من رائعه .... كلمات معبره ...

هنيئا لنا بك ...

 

الرد مع إقتباس
  #10  
قديم 09-01-2006, 07:58 AM
الصورة الرمزية لـ محمد بن صقيران
محمد بن صقيران محمد بن صقيران is offline
شاعر بني زيد
 





محمد بن صقيران is on a distinguished road
 

 

من هنا
,
ماكتبت القاف لجـل اّصـل مكانـه واشتهـر
,,,,,,,,,,,,,,,,,,, ماخذ الدعوه هوايه ماني بالشهـره شغـوف
,
,
,
,
,
الى هنا
,
ماتغطى الشمس بالغربال فـي عـز الظهـر
,,,,,,,,,,,,,,,,,,, مايخفت النور حتى لـو تعـرض للكسـوف

يكفي الشعر ان ينتسب القصيد للبطران
ابو سعود
وهل بعد هذه من شموخ
صح لسانك وجاد بيانك
,
تحياتي لك وللصريح

 


::: التوقيع :::

[img][/img]
قصر واسط


 
الرد مع إقتباس
  #11  
قديم 13-01-2006, 10:52 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

صح لسانك يبو سعود،
قصيدة جميلة،

وداعة الله

 

الرد مع إقتباس
  #12  
قديم 14-01-2006, 01:44 AM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

ايه انا ماشفت مثلـك مـن بدايـات العمـر
لا ولا ظني عيوني بالحسن عقبـك تشـوف

طالبـك طلبـه وانـا بالـرد مافينـي صبـر
عايني مجنون حسنك جعل عينـك ماتعـوف

عايني ذا الشاعر اللي فـي وصالـك ماظفـر
خافي الله كان في قلبـك ولـو ذرّات خـوف

البطران
كل التحااياا لقلمك
ولعذوبة حرفك
ولتواجدك الراقي
الف صح لسانك ولاهنت أُستاذنا
أخيك

 

الرد مع إقتباس
  #13  
قديم 14-01-2006, 01:56 AM
عاشق شقراء عاشق شقراء is offline
شـاعـر
 





عاشق شقراء is an unknown quantity at this point
 

 

قال موضوعك عزيزي غيـر صالـح للنشـر
والمصيبه شفتها عقب اعتراضه في " قطوف "

يـدّ غيـري داعبتهـا جعـل يـده للكسـر
مايرجعهـا مضاميـن الأدلـه والحـلـوف

نعنبوهـم ناشبونـا حتـى بابـداع الفـكـر
ماكفاهم نهبة اللقمة مـن افـواه الضعـوف

غلطتن مـرت علـي وان قالـه الله ماتمـر
مفلس الأفكار لا يحسـب مكيداتـه تطـوف

ماأقول اني بشعري مـن مشاهيـر العصـر
ماأقول اني خفقت اقلوب والهبـت الكفـوف


انت تحفـة صاغهـا فنـان مبـدع وانتحـر
انت حكمه وانت منطق ماكتشفـه الفيلسـوف
يالطيف عليك يالطيف

اقول صح والله لسانك يالبطران

 

الرد مع إقتباس
  #14  
قديم 15-01-2006, 05:47 PM
عبدالله البليهي عبدالله البليهي is offline
شـاعـر
 





عبدالله البليهي is on a distinguished road
 

 

مشرفنا الغالي ابوفارس

لاهنت جعلي مااقد زولك دائما اتشرف بمصافحاتك

اختي شيهانة :

صح بدنك والبطران هو من يتشرف بمرورك لاهنتي والروعه تكمن بحضورك

العابر :

صح بدنك يالغالي

ابن هويمل :

صح بدنك ولاهنت على المرور

 

الرد مع إقتباس
  #15  
قديم 16-01-2006, 05:13 AM
غزال العارضيه غزال العارضيه is offline
عضو دائم
 






غزال العارضيه is on a distinguished road
 

 

ليلة 15 كانت منذ يومين..
يبدو انّ ليلةً من 15 ستعود مجدداً
ليكون لِقمرها نورٌ على ابياتٍ كتلك!

صح لسانك ابن العم البطران صح لسانك

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 01:19 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www