صليب العلم

لِــ / مساحة بيضاء !
بين اضلعكم

متواضعتي


ياحرف بــ ارسم منك / بيتٍ محرزّ
،،،،،،،،، عن هرجة الشامت وعن كل همّاز
ان جيتني بالطيب ! والا تجي كزّ
،،،،،،،،، بـ اصخرك صخر اللي إلى جا اللزز فاز
ولد الكحيله / كل ماشرّت له فزّ
،،،،،،،،، عقب الصعب طاوع ،، ولا احتاج ملكاز
ياصاحـبـي / بالـعـزّ قــرّب تعـنـزّ
،،،،،،،،، ماخـاب انـا فينـي عـزيـزٍ ومعـتـاز
ارخصت لـه روحـي لـو هـي تجـززّ
،،،،،،،،، بـ / كف اليمين القلـب لـو كـان عـزاز
لـي خافـقٍ بالهـووون / ونّ وتـعـززّ
،،،،،،،،، ازرى يصوّت له / وهـو بالهـوى حـاز
مـر / يتقـرب حيـل ،، ومـر يتـقـززّ
،،،،،،،،، ومرات اخايـل بالسمـا قـرب الاعـزاز
قبل امس كان الحـب / باسمـي مطـرزّ
،،،،،،،،، واليـوم شـفّ القلـب مبعـد ومنـحـاز
لي هامـة فالغيـم / عـزٍ ومركـزّ
،،،،،،،،، من جدنا ( قحطان ) عجلين الانجاز
راسـي صليـب العلـم لاماتهـزز
،،،،،،،،، ارخي سلوم الطيب في بحر الاعجاز
حرفي شموخ الرجم لاشيف مرتـزّ
،،،،،،،،، من فوق هامة ظلع في عيـن قـزاز
وضح النقـا فعلـي / لا ماتـوزوزّ
،،،،،،،،، عزّي بجـاه القـوم عـزٍ ومركـاز

شاعرنا الراقي
مهنا الغيهب
ألف ألف صح لسانك ...!!
قصيدة شامخة بحرفها ... ومعناها ... وشموخ كاتبها
كل التحااياا لك على هذا الحظور الراقي
أخيك

ابو تركي

قصيدة من الوزن الثقيل بجمالها

صح السانك مليوووووووووووون

وسلم بنانك وفكر انجبها

جزلة

بانتظار جديدك

تقبل احتراماااااااااااتي سيدي

اخيك
المسافر

صح لسانك اخوي مهنا
قصيده جميله وقافية من صميم الفؤاد
لاعدمنا وجودك مبدعا بيننا

الرائع ،، أبداً

زيد روما

حضورك ،، أماري به
وحرفك في متصفحي ،، شهادة أعتز بها كثيراً

صح بدنك

دمت ،، أخي

المسافر

كما أنت ،، دوماً !

كـــ / ديم !

دمت لي ،، !

فهد نت

جعلك تسلم يا غالي


وصح بدنك

ودمت أخي

سيدي

خالد بن سعود

صح بدنك

وإشراقتك هنا ،، تعني لي الكثير الكثير !

دمتَ كبيراً ،، لي

مهنا الغيهب

مرهف الحس
مبدع الكلمه

ابدعت ابدعت

صح لساانك ملااايين

وضح النقـا فعلـي / لا ماتـوزوزّ
،،،،،،،،، عزّي بجـاه القـوم عـزٍ ومركـاز

عز الله انك ما كذبت ابد ابد

تقبل احتراامااتي وقبلها تحيتي

ابو سيف

حضورك لا يشبه سواك

صح بدنك يا غالي

ولا حرمني الله ،، منك

لك الود