محمد بن صقيران ،، ملف وقصائد

بسم الله الرحمن الرحيم


رسوم ربعي في ثرى الدار يا هيه
،،،،،،،،،،،، ياللي تراضعنا عليهـا رضاعـه

،،،،،،،،،،،،،،،،،،،


الأحباب أعضاء منتديات بني زيد ،، الكرام

السلام عليكم ورحمة الله وبركاته

و أسعد الله مساءكم بكل حَـرف !

،،،،،

نعلم جميعاً ، أن للحرف وقع خاص على قلوبنا !
شعراً / نثراً / قصةً / حديثاً !!

فارسنا في هذا المتصفح
أحد أشعر من عرفت ! ولا أبالغ في ذلك !
وهو أحد الأفذاذ في هذا الزمان ، " شخصاً وشعراً"

إليكم

محمد بن صقيران

" مذهب"
لهذا المتصفح فخر ،، لا سواه !
فقد عُـنْوِنَ بــ / محمد بن صقيران
وَ
رسوم ربعي في ثرى الدار يا هيه !!

،،،،،،،

" مدخل "

هو : محمد بن براهيم بن صقيران
ولد عام الــ 1387هــ
وكانت الدوادمي مكان ولادته
ونشأ فيها
تخرج من كلية المعلمين ، قسم اللغة العربيه
التي كانت تناديه لِــ / حرفه ، ولما تعلم عنه من ملكه شعريه

أما عن حالة الإجتماعيه
فهو : متزوج
وله من الذريه
رغد
غدي
ريان

،،،

حسناً

دعونا نُــبحر في عالمه

سأبدأ من الآخر "كم أحب دائماً "

عندما توفي خادم الحرمين الشريفين الملك فهد بن عبدالعزيز آل سعود
رحمه الله

خرجت بِــ / روح وفاء ذلك المواطن المخلص ، هذه القصيده

الله يبيح العاهل اللـي مـد للعليـا يديـه
،،،،،،،،،،،،،،،، العاهل اللي عنك يا دنيا الفنا شـد ورحـل
شد وذرف دمع المفارق شعبه اللي يحتسيـه
،،،،،،،،،،،،،،،، للكايدات اللي نذير شرورها حـل ونـزل
اقفت به الاقدار عـن دار ٍ عبايرهـا عليـه
،،،،،،،،،،،،،،،، تبكي زعيم ٍ بالمواقف يرتكـي كنـه جبـل
مرحوم يا هامة ملوك العُرْب يالكف النزيـه
،،،،،،،،،،،،،،،، والله يعوض الدار باللي حل من عقبك بـدل
يالله عساك بجنة اللـي كـل ابونـا نتقيـه
،،،،،،،،،،،،،،،، رب ٍ كريم ٍ يستجيب لمن دعاه ومـن سـأل
الواحد المعبود نسجد له خضـوع ونرتجيـه
،،،،،،،،،،،،،،،، يغفر لابو فيصل ذنوب القول وذنوب العمل
يارب عنا جاز ابو فيصل بعفـو ٍ يكتسيـه
،،،،،،،،،،،،،،،، ونقِّه من اوزار الخطايا وانته اعدل من عـدل
يارب هذا خادم البيـت العتيـق ومعتنيـه
،،،،،،،،،،،،،،،،عبدك وابن عبدك ومن جودك على بيتك بذل
يا رب حرِّم شيبته عن حـر نـار ٍ تصطليـه
،،،،،،،،،،،،،،،، وادخله واسع رحمتك وانته ولا غيـرك امـل
ويالله عسى قبره من الرحمـة لنـو ٍ يغتشيـه
،،،،،،،،،،،،،،،،وينبت على قبره من الرحمات قيصوم ونفـل


قصيدة الوجد
إحدى الباسقات التي خطها قلم شاعرنا

الوجد ياسم ثومة القلب يـا سعـود
،،،،،،،،،،، وانا عليهـا حـر وجـدي كوانـي
وجدي على من قادني بالغـلا قـود
،،،،،،،،،،، يـومٍ حظـي يـم نجلـه حـدانـي
عمهوجـة ريَّانـة القـد والـعـود
،،،،،،،،،،، وجـدي عليهـا يالسنافـي برانـي
ان سلهمت لي في ذوابيحها السـود
،،،،،،،،،،، عـزّالله ان المـوت منهـا طوانـي
واليا اقبلت لي قلت يا باشة الخـود
،،،،،،،،،،، ارفق بحالـي سدنـي مـا غشانـي
اتلفت قلب ٍ من ﴿ نيا﴾ الوجد ملهود
،،،،،،،،،،، وش لك بقلبي يـا رهيـف الثمانـي
قلب الخطا يا ناعس الطرف مقـرود
،،،،،،،،،،، يا مانهيتـه عنـك ميـر يعصانـي
يا ابو جديل ٍ فوق الامتـان مرجـود
،،،،،،،،،،، اكسب بمثلي عنـد ربـك حسانـي
ارحم وخـل مولـع القلـب ياكـود
،،،،،،،،،،، يبرد لهيـب الوجـد يـا مودمانـي
ريِّع لمثلي واتـرك الحبـل ممـدود
،،،،،،،،،،، حبل الوصـل يامطـرق الخيزرانـي
ترا المواصل بين الاحبـاب محمـود
،،،،،،،،،،، وانا وصالـك دون غيـرك كفانـي
لا يلحقك هجري مع النـاس منقـود
،،،،،،،،،،، ويشناك بين الناس قاصـي ودانـي
جز عن عذابي وابدل الصد بوعـود
،،،،،،،،،،، واقرب يكوده يلتفـت لـي زمانـي
وابوك والله ما عن الحـال منشـود
،،،،،،،،،،، لا بان نجمـك يـا سهيـل اليمانـي
وشلون لوجتني مـع رايـح النُّـود
،،،،،،،،،،، ريحه عطوفـك يـا نعيـم المثانـي
وكاد ابا ادعي من على العرش معبود
،،،،،،،،،،، يصخـرك لـي يازاهـر القحويانـي

،،،،،

وكعادته ، شعيل
يكون الابرز دائماً
فـعندما شارك في إحدى المسابقات الشعريه وعلى قافية جزله
أبت القصائد المشاركه إلا أن توسع لها الطريق لترتقي لهرم المسابقه

هاض الغرام وهيَّض القلب ذاكا
،،،،،،،،،،، الجادل اللي شكِّت القلـب شكَّـا
منها صويب وموقن ٍ بالهلاكـا
،،،،،،،،،،، رمشه معه وانا الذبيـح المذكَّـا
يوم ٍ عرض لي جادل ٍ كالملاكـا
،،،،،،،،،،، في سوق من باع الغرام وتزكَّـا
جاني وقال اليوم ما مـن فكاكـا
،،،،،،،،،،، مالك فزيع اليـوم منِّـي يفكَّـا
سلهم بعينه واستـدار وتراكـا
،،،،،،،،،،، وارسل سهوم ٍ دكِّت القلب دكَّـا
قلت آه من جرحٍ تمنَّـى دواكـا
،،،،،،،،،،، قال الصبر يا فلان بالك تشكَّـا
قلت الصبر عني يـردِّه غلاكـا
،،،،،،،،،،، ارحم خفوق ٍ حكِّه الشوق حكَّـا
خليتني ما بين مـاك وسماكـا
،،،،،،،،،،، وتكِّيت قلبي يا اريش العين تكَّا
هدِّيت حيلي في قساك وجفاكـا
،،،،،،،،،،، شفني على حنوة عصاي اتوكَّـا
اذهبت حالي عل حالـي فداكـا
،،،،،،،،،،، واغديت نفسي بين ظن ٍ وشكَّـا
يا صاحبي جعل الولـي يحماكـا
،،،،،،،،،،، حبك على حدب الضلوع يتركَّـا
يا نابي الردفين مالـي سواكـا
،،،،،،،،،،، خليتنـي كنِّـي غريـر ٍ يبكَّـا
يا هيه مـا زاد الزميِّـم حلاكـا
،،،،،،،،،،، انته حلاك زميِّمـك بـه تحكَّـا
مدِّيت لك قلبي وانا اقول هاكـا
،،،،،،،،،،، وباب الغلا من دون غيرك يصكَّا
قيَّدت حالي خاضع ٍ فـي نحاكـا
،،،،،،،،،،، كنِّي سجين ومودع ٍ سجن عكَّـا
اطلق سبوقي دامني في هواكـا
،،،،،،،،،،، تكفا وتكفـا لا تريـض وتلكَّـا


،،،،،،،،،،،


شبة النار
إحدى القصائد التي لجأ لها شاعرنا


أنا اشهـد إن الوقـت جايروبـوَّار
،،،،،،،،،،، اللـي لخطـلان اليديـن يتحـدَّى
يصفق بهم من صفحة جدار بجدار
،،،،،،،،،،، عنهم بزيـن الحـال صـد وتـردَّا
ريف ٍ على اللي كنِّهم عشبة الغـار
،،،،،،،،،،، عوق ٍ على اللي بالمواقيـف عـدَّا
عوق ٍ على اللي سهمته شبِّة النـار
،،،،،،،،،،، اللي علـى ذبـح السمينـة مقـدَّا
واسمه يردد بين عطريـن الاذكـار
،،،،،،،،،،، يقـد مـن سيـر النواميـس قـدَّا
هذا زمـان ٍ بـدل المهـر بحمـار
،،،،،،،،،،، يسرج حـلال القـوم والمهـر ردَّا
يبني لفرخ البوم زينـات الاوكـار
،،،،،،،،،،، ويهـد وكـر الحـر بيديـه هـدَّا
وقت ٍ تروس به قصيرين الاشبـار
،،،،،،،،،،، والعلـم لاسمـاع الهلايـم يــودَّا
يالله ياعالـم خفـيَّـات الاســرار
،،،،،،،،،،، ياواحد ٍ مـا لـه وصيـف ٍ ونـدَّا
يارب هات اليسر من عقب الاعسار
،،،،،،،،،،، وافرج لحال ٍ بيـن جـزر ٍ ومـدَّا

،،،،،،،،،

ويبقى عشق فارسنا للبر ،، عشقاً سرمدياً !

فــ / أهدى لرفاقه هذه القصيدة

الله على ما يبهـج الصدريـا سعـود
،،،،،،،،،،،،، جكسٍ و مـن دار الخليجـي شرينـاه
من دار زايـد يـوم جبنـاه مفـرود
،،،،،،،،،،،،، نقوة بخيـصٍ باخـصٍ فـي مزايـاه
من صنع بيطارٍ على الكفـر مـردود
،،،،،،،،،،،،، صاغه على ما نشتهـي يـوم سـوَّاه
ما و رِّده طرش البحر هافـي جـدود
،،،،،،،،،،،،، تر ثة جـ........ اللي هفت به مطاياه
و ارد بر يمي مد ر كٍ كـل مطـرود
،،،،،،،،،،،،، هو منوة اللي حدِّه الضيـق و اشقـاه
جكسٍ زمى عن كل عيـبٍ و منقـود
،،،،،،،،،،،،، فرخ الحر ار مو لَّـع القلـب يشعـاه
ابيض بياض المرو ما قيـل مجحـود
،،،،،،،،،،،،، حاشـاه عـن ذ م الكراسيـع حاشـاه
في طار تـه سلـم المناعيـر معقـود
،،،،،،،،،،،،، و علـى جنوبـه للمشاكيـل عرقـاه
إليا انطلـق كنِّـه مشاويـح عبـرود
،،،،،،،،،،،،، و إليا قصـر كنِّـه تهـادي خونـد اه
و اليا نهض صدره كما مزبـد الـذود
،،،،،،،،،،،،، حـرٍ عمـانـيٍ تفـاخـر بمجـنـاه
و اليا هوى من عالي الطعس جلمـود
،،،،،،،،،،،،، و اليا سبح مع بـارح الخـط عَّـزاه
وإلياعوى الشكمان و الخـط ممـدود
،،،،،،،،،،،،، كنِّه يجاوب مهرف الـر يـع بعـواه
و حس المكينة مشبـهٍ نغمـة العـود
،،،،،،،،،،،،، عودٍ حضنه ابن س ....... و تـولاَّه
و غنَّى على الميعاد يا مخلف و عـود
،،،،،،،،،،،،، جيتك و قلبـي لاهـب الحـب كَّـوَّاه
ياعاذلي بالجكـس عذلـك بـلا فـود
،،،،،،،،،،،،، شورك تبارك لـك و حنَّـا عصينـاه
مقرود من ذمِّه مـع النـاس مقـرود
،،،،،،،،،،،،، وإن ذم وإن مـا ذم حنَّـا حمدنـاه
شيخ المواتر ما بهـا زيـف وجحـود
،،،،،،،،،،،،، لارنـج لا روفــر ولاذا ولاذاه
وعن وارد النيسان وكَّد علـى الُّـزود
،،،،،،،،،،،،، وش جاب مكفاخ اشقر الريش لحـداه
وعن وارد أمريكا فلا هـوب منشـود
،،،،،،،،،،،،، حاش النِّمـاره و الصـدارة بيمنـاه
دِقَّ الجيـوب و جلّهـا قادهـا قـود
،،،،،،،،،،،،، ودقَّ الجيوب و جلها تطلب رضـاه
لله درِّه لا حــد يـنـاه لـلـكـود
،،،،،،،،،،،،، لله درّه مـا خسـر مـن تهـقـواه
قلته عقب ما غرهد الصبـح غرهـود
،،،،،،،،،،،،، و جبته عقب ما هيَّض القلـب بغنـاه
أبـا اتمنَّـى د ام هبَّـت لـي النُّـود
،،،،،،،،،،،،، وأبا اتهيَّـض دامهـا جـت علـى آه

،،،،،،،،،،،،،،،

عندما يبحر فارسنا ،، في أحد الشعراء الفحووول
وهو صديقه المقرب : سيف السيف ( عكاشه )

ونبحر معه
في عنود الصيــد


جتني عنود الصيد تفرك كفَّها اللي زاهـي ٍ بخضابـه
،،،،،،،،،،،،، تبي قصيدة مثل ما يكتب عكاشة من غـلا الحوريَّـة
قالت تغـزَّل بـي ترانـي للغـزل ريميِّـة ٍ عجَّابـة
،،،،،،،،،،،،، واكتب قصيدة شاعر ٍ مغرم مدام الوقـت ملـك يديَّـه
قلت الغزل يا بنت يمِّك نوَّخت يـا بنـت كـل ركابـه
،،،،،،،،،،،،، حرام واللي يعلم الحسنـات واللـي عالـم ٍ بالسيَّـة
والشعر في بابي يجي ما نيب أنا اللي واقف ٍ في بابـه
،،،،،،،،،،،،، ولا نيب أنا اللي ياخذ القيفان من جاره ولـو عاريَّـة
لاجلك ضوى شعري يهندب طايع ٍ لي واسمعي هندابه
،،،،،،،،،،،،، يالفاتنة ياللي ملكتـي دانـي الخفَّـاق مـع قاصيِّـه
يا عين حر ٍ ينهض الجنحـان تـوِّه زامـي ٍ مرقابـه
،،،،،،،،،،،،، يا عين من عدَّى على المرقاب يتنى كفخـة الوكريَّـة
ياجيد خشف ٍ من حساس الريح ذاير ذيـرة المرتابـة
،،،،،،،،،،،،، يا من تغريفها كما عود ٍ نمـا فـي مستكـن وفيَّـة
يا أم العيون النجل سهم الموت فيني بيـن ٍ مضرابـه
،،،،،،،،،،،،، من عام الاول والجروح الخافية فـي خافقـي مقفيَّـة
يا من لهدني بين محني الضلـوع بخنجـره. وحرابـه
،،،،،،،،،،،،، وزادت جروح ٍ مرمسات اليوم صامل طعنـة الجنبيَّـة
يا وي والله وي دمـي ضـاع هـدر وآه يـا طلاَّبـه
،،،،،،،،،،،،، والحق يا طلاَّب دمـي يـا ولـد عمـي بكـف بنيَّـة
وأنا سبايب ما جرى مير اختلاف الحـال ذا. باسبابـه
،،،،،،،،،،،،، أنا اختلفت وخالفتني من عنـود الصيـد ذيـك وذيَّـة
إن جيت ابا أسلى عن عنود الصيد عيَّا خافقي يصخا به
،،،،،،،،،،،،، وإن جيت ابا أدمح زلِّة الفتان عيَّتنـي جـروح ٍ نيَّـة
الله يسامحهـا تولَّتنـي وخلَّـت خافـقـي ملعـابـة
،،،،،،،،،،،،، الجادل اللي راس مخطرها ندب باقصى الحشا ماريَّـة
لا هيب دنَّتني لها بمواصـل ٍ يطفـي لهيـب غيابـه
،،،،،،،،،،،،، ولا هيب خلَّت شاعر القيفان سيـف يولِّـم المرثيَّـة
واقفت وهي تضحك تقول شعيل ولَّع للغـزل مشهابـه
،،،،،،،،،،،،، شبيت أنا ناره وخلِّيتـه يصالـي نـار شـوق ِ حيَّـة

،،،،،،،،،،،،،،،،،،

ويعود الحنين لفارسنا لــ / لغته الأم

ويمطر بِــ / هذه !!

يـا أمـةً سـادت الدنيـا أوائلهـا
،،،،،،،،،،، واستسلمت آخر الأجيـال للمحـنِ
تاريخنا عابنا من سـوء حاضرنـا
،،،،،،،،،،، أبطال أمجادنا صاروا إلى الكفـن ِ
استحكم الضد فينـا مـن تباعدنـا
،،،،،،،،،،، واستنهض الشَّر في الأرواح والبدنِ
شبـاب أمتنـا اضحـت تجاذبهـم
،،،،،،،،،،، بواعـث اللهو والإلهـاء والفتـن ِ
القدس تصرخ والأ قصـى يعاتبنـا
،،،،،،،،،،، يا أمة الضعف والإخفاق والوهـنِ
عـراق إسلامناأمسـت تحرِّقـهـا
،،،،،،،،،،، نيران حرب العدو الآثـم الضغـنِ
بالأمس كانت أيادي الكفـر عابثـةً
،،،،،،،،،،، ولأرض إخواننا الشيشان تمتهـنِِ
حربٌ ضروسٌ بنو الإسلام لهوتهـا
،،،،،،،،،،، صنعت رحاها بنو الصلبان والوثنِ
يستحزبـون وحـزب الله فوقهـمُ
،،،،،،،،،،، ما خاب من قـال إن الله ناصرنـي
يا مسلمين أفيقـوا مـن سباتكـمُ
،،،،،،،،،،، وقاوموا غازي الإغفـاء والوسـنِِ

،،،،،،،،،،،،،،


يعاود فارسنا عسف الحرف

سأدعكم معها كما هي كي لا أخدش جماليتها

يا وي والله حالة الصب يا وي
،،،،،،،،،، يا وي حالٍ راح دقِّه وجلّّه

حالٍ كما دلوٍ تصافق به الطي
،،،،،،،،،، في كف ضميانٍ من الجم تلّّه

عليك ياللي ترقم القلب بالكي
،،،،،،،،،، والى برد مكواك كفِّك يعلّه

يا جادلٍ ما بالبني زيَّها زي
،،،،،،،،،، حـــرام لله ثــم لـــلاه لله

يا شبه عفريٍ زبن بارد الفي
،،،،،،،،،، أرثت فيني ياأتلع الجيد علّه

طويت قلبي في يدك بالهوى طي
،،،،،،،،،، من يوم صافحت الرموش المظلّه

وعينك لعيني بالخفا روَّحت شي
،،،،،،،،،، شيٍ لقلب الحر عوق ومذلّه

من عقبها يافاتني بار في يْدي
،،،،،،،،،، قلبٍ شفوقٍ ماركد في محلّه

حي كما ميِّت وميِّت وانا حي
،،،،،،،،،، أزنت ودمع العين موقي يهله

على وليفٍ يلحق الجور بالغي
،،،،،،،،،، ما يلتفت لمعذبٍ راح كلّه

ليته يلد بناظره يمِّي شوي
،،،،،،،،،، علّه يروف بحالة الصب علّه

امَّا يجيه ويشعل بخافقه ضي
،،،،،،،،،، والاّ يدم جروح قلبه بملّه

،،،،،،،،،،،،،،،،


يعاود الحنين لفارسنا للغته الأم

ويمطر هنا

أقولُ لها وقد بلغـت مداهـا
،،،،،،،،،،،،،،، من الأغلالِ قد كلَّـت يداهـا

اقول لها وقد سئمت خنوعاً
،،،،،،،،،،،،،،، من الإذلالِ نالت مـا كفاهـا

افيقي يـا رعـاك اللهُ هيَّـا
،،،،،،،،،،،،،،، لكِ الأعداءُ قد دارت رحاهـا

مجلجلةٌ جيوشُ الكفرِ جاءت
،،،،،،،،،،،،،،، جيوشُ الظلمِ قائُدهـا تباهـا

تفاخرَ قائدُ الصُّلبـانِ حينـاً
،،،،،،،،،،،،،،، بأنَ الحربَ قد رُسمت خُطاها

وأنَ الحربَ قد صُبغت بنصرٍ
،،،،،،،،،،،،،،، بهِ الأعداءُ قد نالت جزاهـا

وأنَ الشََّّر بالإسـلامِ يزهـو
،،،،،،،،،،،،،،، وأنَ الخيرَ بالصُّلبـانِ تاهـا

أإرهـابٌ وإجـرامٌ وقـتـلٌ
،،،،،،،،،،،،،،، ودين اللهِ عنَّـا قـد نآهـا

أرادوا ذلَّـة الإسـلام لمَّـا
،،،،،،،،،،،،،،، بنو الإسلامِ قد شُقَّت عصاها

يريدون ارتكاب الظلم جهراً
،،،،،،،،،،،،،،، باسم عدالةٍ فقـدت عُراهـا

يريقـون الدِّمـاء لأبريـاءٍ
،،،،،،،،،،،،،،، بغيرِ جريمةٍ سفكـوا دماهـا

أليس لأمة الإسلام ابـنٌ ؟!
،،،،،،،،،،،،،،، يذودُ بسيفه عنهـا عداهـا

أليس لها من الأبناء بـرٌُّّ ؟!
،،،،،،،،،،،،،،، يعيدُ لأمِّهِ مـا قـد عفاهـا

ألا هبَّت جيوش الحّق ِّيوماً؟!
،،،،،،،،،،،،،،، وكانت ثـورة باسـم الإلـهَ

،،،،،،،،،،،،،،،

ويلجأ شاعرنا الفارس للحرف مرة أخرى

ويمطر بغزاره

ما يلتيم جـرحٍ بـلا طـب وعـلاج
،،،،،،،،،،،،،، ولا ضيقـةٍ ألاَّ عقبهـا انفـراجـي
ولا يرجهن البـال والقلـب وهَّـاج
،،،،،،،،،،،،،، لا صرت ابتبع كل ظاهـر ولاجـي
ولا يقبل الرجـال جفـوات غنَّـاج
،،،،،،،،،،،،،، ويصيـر عبـدٍ للخفـوق المزاجـي
ثـم يتباكـى بيـن مفـرج وفـرَّاج
،،،،،،،،،،،،،، يطـرق براسـه مستـذلٍ وراجـي
أمَّـا فـزع ذايـر وسايـح ودوَّاج
،،،،،،،،،،،،،، يقول افيـض ضيقتـي بالفجاجـي
وألاَّ بـرك نايـح وللدمـع زعَّـاج
،،،،،،،،،،،،،، ينوح ولـفٍ جـاه عقبـه خلاجـي
سلـم المحبـة للرياجيـل سـهَّـاج
،،،،،،،،،،،،،، لاخير في رجلٍ رضـى بالسهاجـي
يصد عن درب المواجيـب عـوَّاج
،،،،،،،،،،،،،، عاج اعتداله مع سمـوم وعجاجـي
يصـد مـا يسمـع تعاذيـل هـرَّاج
،،،،،،،،،،،،،، جـداه بالمسـراح يدلـج ادلاجـي
يتبع دروب الغـي بايـس ونفَّـاج
،،،،،،،،،،،،،، دايم على الغـرَّات عجـل النفاجـي
يقول احـب وفالـج القلـب فـلاَّج
،،،،،،،،،،،،،، ويقول صوَّبنـي قريـن الحجاجـي
وهذاك خجه من هوى السمر خجَّاج
،،،،،،،،،،،،،، وهذاك طرفه من هوى البيض ساجي
وهذاك خد صويحبـه يلعـج العـاج
،،،،،،،،،،،،،، العاج برقٍ والسمـاء ليـل داجـي
يـا لعنبـو حـبٍ تبرمـج تبرمـاج
،،،،،،،،،،،،،، قصة سويلم جابهـا اليـوم ناجـي
سوالفٍ صيغت علـى كـل منهـاج
،،،،،،،،،،،،،، كـلٍ غـزاه الحـب درق ومفاجـي
هذيك من هـاذي سواليـف هلبـاج
،،،،،،،،،،،،،، سوالفٍ بيعـت بسـوق الحراجـي

،،،،،،،،،،،،،،

هنا ،، يترجم الطهاره في العفاف !!
كما هو دائماً

يا حي منطوق التليع الغض منسـوع الجديـل
،،،،،،،،،،،،،،،، يوم هرجت لي من ورا البرقع وقالت لـي هـلا
قالت هلا واغضت برمش ٍ كنه السيف الصقيل
،،،،،،،،،،،،،،،، وانا ومن خرس العيون الناعسـه ذقـت البـلا
عين ٍ كما عين اشقر الجنحان والمعنـى جزيـل
،،،،،،،،،،،،،،،، حر ٍ شلع من كـف صقـاره تعـلا واعتـلا
قالت هلا مير انت طرقـي ياولـد والاَّ نزيـل
،،،،،،،،،،،،،،،، والاَّ من اللي يشعبون الرجـل يتلـون الكـلا
قلت الهلا كل الهلا يا بنـت حمَّـاي الدخيـل
،،،،،،،،،،،،،،،، فيك الهلا والقلب من رمشك لك الله ما سـلا
انا عطيب ولا لمثلي طـب يالخصـر النحيـل
،،،،،،،،،،،،،،،، وش عاد لي حيلة ليـا شفـت القـوام معـزَّلا
انا غويت ولا تبين ... لي ... على وصلك سبيل
،،،،،،،،،،،،،،،، يا جيرة الله من نصيفـي منـك ياريـم الفـلا
وا بوك في مثلي تجمل لا تجـي تكفـى بخيـل
،،،،،،،،،،،،،،،، اما يجي شي ٍ علـى وضـح النقـا والاَّ فـلا
قالت ترا لي بالهـوى ياهيـه مطـروح وقتيـل
،،،،،،،،،،،،،،،، من ناش قلبـه رمشـي الفتـان لله مـا تـلا
قلت الهوى ما قد تخلّص به عميل ٍ مـن عميـل
،،،،،،،،،،،،،،،، خابره انا هـم ٍ يهيـن الحـر مـا بيـن المـلا
قالت تركَّد يا سليم القلب والمسـرى طويـل
،،،،،،،،،،،،،،،، ما للغشيم بساحة العشَّـاق يـا هيـه وكـلا
قلت آه لو تدرين وش قلب المعنى لـك يشيـل
،،،،،،،،،،،،،،،، يا سبة الجرح الجديد اللـي علـى قلبـي ولا
جرح ٍ سطا بي من مجيي دار من شـب الفتيـل
،،،،،،،،،،،،،،،، هاك الديار اللي جوازيها علـى الحـر اتعـلا
دار ٍ ربا فيها نظيف العرض ابو طرف ٍ كحيـل
،،،،،،،،،،،،،،،، دار السعد غنَّى بهـا طيـر الربيـع ولا جـلا
وجدي على ممشاي فيها بين مسـراح ومقيـل
،،،،،،،،،،،،،،،، واليا صفا لي جوها سَّيرت والمقصـد ( هـلا )

،،،،،،،،،،،،

سأختم هنا بجزء من قصيدة كتبها شاعرنا الفارس بمناسبه
بناء قصر ال سويد
ولعلي أعود بها كامله
ولــ / الأمانه ،، فمطلعها هذا ،، دائماً ما أردده في كل وقت

رسوم ربعي في ثرى الدار يا هيه
،،،،،،،،،،،،،، ياللي تراضعنا عليهـا رضاعـه
لابـة سويـد يومهـا بالمشاريـه
،،،،،،،،،،،،،، وقصر العويصي مشبعين ٍ جياعه
ريف الضعيف اللي تجذت عراويه
،،،،،،،،،،،،،، زبن الدخيل اللي تلاهث سباعـه
يا ما ومنهم من غثى الوقت حاديه
،،،،،،،،،،،،،، ويا ما زبنهم من قسى الضد لاعه

في الختام

لا يسعني الا أن أعتذر منكم على قصر قامتي امام قامة كــ / قامة محمد بن براهيم بن صقيران

وأعتذر لعدم حصولي على كم أكبر من القصائد

ولكن ،، سأدعم هذا المتصفح به دائماً

للجميع مودتي

مهنا الغيهب

فعلاً شاعر رائع ويملك شاعرية فذة
شكراً لك اخي مهنا

محمد بن صقيران

قامة شعرية شامخة غنية عن التعريف

مهنا

شكرا على كل حرف كتبته

وابو ابراهيم يستاهل اكثر

ليس بوسعي الان الا ان اصفق لكما

اخي مهنا الغيهب

بيض الله وجهك للامانة جهد تشكر عليه وماقصرت عز الله انك اختصرت مسافات ومسافات

للوصول لابداعات هذا العلم .

شعيل - ابوابراهيم - محمد الصقيران وليست مجاملة له كأبن عم لنا مكانه الطبيعي في مصاف الشعراء الكبار بالخليج العربي , بالرغم من ان الاضواء لاتسلط عليه من قبل وسائل الاعلام المقروءة والمرئية وهو ايضا لايبحث عنها لثقته بنفسه وباابداعاته .

شعيل قصة ابداع لاينته ِ .

شعيل والجزالة وجهان لعملة واحدة .

شعيل سأبحث عنك هنا وهناك واينما كنت .

البطرااان

الله الله الله

ابو تركي

جديد

رائع

فكرة

ابداع

اذا جاء اسم شعيل لا بد ان نقف ونرفع القبعات

شأشارك بما احمل من قصائد لشاعرنا

لك كل التحية

اخوي مهنا

شكر جزييييييل لك على الموضوع الجميل لقصايد الشاعر محمد بن صقيران
شاعر كبير وغني عن التعريف والله ان قصايده درر وتكتب بماء الذهب لما فيها من الابداع وزنا وقافيه ومعنى وسكبا وهذا اقل واجب لهذا الشاعر المبدع

الاخ مهنا الغيهب
تسلم الله لايهينك والشاعر الكبير محمد بن صقيران (شعيل) غني عن التعريف لما يملك من موهبه شعريه فذه تجبرك على متابعة روائعه ويكفي قصيدة حب الديار والتي نفخر بها جميعا والتي القاها في الاجتماع الثاني للمنتدى.

والله كتب ماتوفيه حقه

بصراحه بدون مجامله شاعررررررررر لا يشق له غبارررررر


وصدق الصحافه ماعطته حقه واتمنىىىىىىىىى انها تعطيه حقه عشان يعرف المتشاعرون حجمهم قدامه


وللعلم هو متواجد في كثير من المنتديات اللي روادها كبار الصحافيين بس مايبون يسلطون الضوء عليه لانهم دارين انه لو نشرت له قصيده بتسلط على شاعريته الاضواء الله يكفينا شر الانانية والحقد

مهنا الغيهب نسيت اقول لا عدمنا هاليمين ..

لم يكن شاعرنا الفارس أن يكتب شعراً
قبل أن يكون لــ / قبيلته نصيبٌ من ذلك
فقد كتب أجمل ماقرأت وسمعت في هذا المجال

يقول لا فض فوه


يالله يامن صـرف الكـون تصريـف
،،،،،،،،،،،،، ياعالـم خـط القلـم وسـط لوحـي
باسمك بديت اليوم طـرق المحاريـف
،،،،،،،،،،،،، هاوي وسرجت الحصـان الجموحـي
قاف زمي عـن بادعيـن السواليـف
،،،،،،،،،،،،، قاف خزلته عـن طويـل الشروحـي
ياسيـف لاعنتـك عنـا صـواديـف
،،،،،،،،،،،،، يمك تنضـح لـك خفوقـي نضوحـي
قاف شعفني يا ابيض الوجه تشعيـف
،،،،،،،،،،،،، يجتاح مـا بيـن المعاليـق جوحـي
ولا نيب أبيها مـنـك تـرجـع مناكـيـف
،،،،،،،،،،،،، دربـي ودربـك يالمعـرب سموحـي
ياسيف ابا شكي لك قسا الحب والحيف
،،،،،،،،،،،،، حـب يجـدد بالخفـوق الجـروحـي
حب ينصّـف ليّـن القلـب تنصيـف
،،،،،،،،،،،،، هاوي وعن جـزل الخطايـا دموحـي
حـب الديـار الـي تكـز الغطاريـف
،،،،،،،،،،،،، في حبها ياسيف لا اسمع ولا اوحـي
اركي غلاهن فـوق حـدب مهاديـف
،،،،،،،،،،،،، ومن جور هاك الحب كزيـت بوحـي
ولولاي أكابـد حـب داورد ياسيـف
،،،،،،،،،،،،، كان استباحت بنـت ثهـلان روحـي
حب العويصـي لاجـي بالسراجيـف
،،،،،،،،،،،،، و وسـم الشريفـا بالحنايـا يلوحـي
أحب قصـر بالقسـا يكـرم الضيـف
،،،،،،،،،،،،، ومن حب بنت الضلع قلبـي يفوحـي
واحب بنت الوشم ريف علـى ريـف
،،،،،،،،،،،،، شقرا كما رسـم الهنـوف الطموحـي
بنت الوشم منصى فـرود و مراديـف
،،،،،،،،،،،،، فيها الكرم والطيـب شيّـد صروحـي
في وصف شقرا ما تسمى ولا شيـف
،،،،،،،،،،،،، عنهـا تقاصـر طايـلات المدوحـي
وأحب دار الطيـب والنـار والكيـف
،،،،،،،،،،،،، بنـت تشـادي للغـزال السـروحـي
دارٍ ربـت مـن لاحسـب للتكاليـف
،،،،،،،،،،،،، ريف وفي هـاك الزمـان الشحوحـي
اسـم القويعيـه زمـى للمشـاريـف
،،،،،،،،،،،،، دار الزحـول مبعـديـن الشبـوحـي
ويا لابتـي حـدب الحنايـا ملاهيـف
،،،،،،،،،،،،، وحمامـة القلـب المولـع تنـوحـي
ونوّ العيـون الشاكيـات المذاريـف
،،،،،،،،،،،،، اللـي وفـى مكنـون قلبـي تبوحـي
يرسـم غـلا وديانهـا والأطاريـف
،،،،،،،،،،،،، هاك الديـار الـي غلاهـا فضوحـي
ديـار عـوق اللـي بـدا العجاريـف
،،،،،،،،،،،،، آولاد زيــد مقنعـيـن النطـوحـي
اللي لهم في ساعـة الحـق تشريـف
،،،،،،،،،،،،، ميزانهـم بالحـق يرجـح رجوحـي
واللي لياجـت بالسيـوف المراهيـف
،،،،،،،،،،،،، ربعي علـى الحـراب سـم ذحوحـي
واللي ليا ثارت هبـوب وعواصيـف
،،،،،،،،،،،،، لطامـة العايـل كـعـام الشفـوحـي
مايلحـق الرجـال منهـم تحاسيـف
،،،،،،،،،،،،، دامه على النوماس يجنـح جنوحـي
و راس الكرامه مايجـي بالتساويـف
،،،،،،،،،،،،، ان كان ماللفعـل بـارق و ضوحـي
ويالله عسى جمع القلـوب المواليـف
،،،،،،،،،،،،، ماينقطـع ياخالقـي وانـت تـوحـي

ابوابراهيم مهما كتبت عنه لن اوفيه ولو جزء بسيط من حقه

فهو شخص يجبرك على احترامه ليس لشاعريته فقط ولكن لشخصه

فأذا تكلم تجد نفسك تنصت لكلامه لتستفيد من خبرته في الحياة

وحسن تصرفه في كيفية التعامل مع الاخرين ,,, قليل هذه الايام ان

تجد من يحمل صفاة كريمة في شخص واحد مثل الكرم والشهامه

والرجوله لكن ابوابراهيم فعلها ,,,, لله درك يابوابراهيم ,,,,



شكرا ً ابوتركي على المقدمه الجميله وحسن الاختيار ,,,

ولازلت غيمة شعيل تمطرنا

الأمسيه


الشعر ذبح من الوريد اليا الوريـد
،،،،،،،،،،،،،، البارحـة وينـه وويـن العافيـه
جابوه قبل الامسية رجـل ٍ وقيـد
،،،،،،،،،،،،،، تذرى على وجه القصيد السافيـه
ذكاه شاعرهم بحـد ٍ مـن حديـد
،،،،،،،،،،،،،، وتقاطعوه اهـل البحـور الطافيـه
يوم اهتفو له باسم عساف القصيد
،،،،،،،،،،،،،، يالشاعر اللـي تنتخيـه القافيـه
تباشـرو باسمـه ولكـن الوكيـد
،،،،،،،،،،،،،، كل ٍ صحا لـه والقصيـدة غافيـه
سلم ورحب يا عسى مثلـه زهيـد
،،،،،،،،،،،،،، في عالـم الشعـار نـاره طافيـه
حطوه للساحة كمـا عـم ٍ وسيـد
،،،،،،،،،،،،،، في ليلة كسرت عصـا المحرافيـه
مال وتمايل مثل عـودان الهضيـد
،،،،،،،،،،،،،، غره مديح اهـل العقـول الهافيـه
ما كن له بالمرجله زرع وحصيـد
،،،،،،،،،،،،،، كنـه غنـوج ٍ بالغنـج مستافيـه
تمتم وحن وخـن والمعنـى بليـد
،،،،،،،،،،،،،، واستزفر المبلـي مشاعـر دافيـه
يلهث كما يلهث على المسرى طريد
،،،،،،،،،،،،،، يركض ورا المعنى ورجله حافيـه
حـدر وسنـد للقريـب وللبعيـد
،،،،،،،،،،،،،، وفتـق فتـوق ٍ يتعبـن الرافيـه
وعوض قديم الجرح بالجرح الجديد
،،،،،،،،،،،،،، والشعـر ينـدب غيبـة العرافيـه
ينشد عن اللي يطرق الطرق العنيد
،،،،،،،،،،،،،، اللي ليـا قـال القصيـدة شافيـه
وين الفحول الي لهم وزن ورصيد؟
،،،،،،،،،،،،،، اللـي رقـو بالشعـر للمشرافيـه
وين القصايد يا هل العرف السديد؟
،،،،،،،،،،،،،، عن ساحة ٍ شلّـت يـد الغرافيـه
وش تالية هم القصيد اللي يزيـد؟
،،،،،،،،،،،،،، والبينـه تهـون عنـد الخافـيـه
مدري يهيد الوضع والا مـا يهيـد
،،،،،،،،،،،،،، والقافية ترجـع سماهـا صافيـه
والا يزيد الوضع حمـدان وحميـد
،،،،،،،،،،،،،، والشعر يذبـح والقصيـدة غافيـه


ولا نزال في عالمه الكوني

وقصيدة

معامل الشاذليه

انا يجاذبني علـى البـر ثنتيـن
،،،،،،،،،،،،،،، جمع الحطب ومعامـل الشاذليَّـة
إليا حذفت الغمر من فوق غمرين
،،،،،،،،،،،،،،، وشبيت نـاري والليالـي مديَّـه
وراكيت صفر ٍ فال شماتهن شين
،،،،،،،،،،،،،،، فنجالهن ما سيق لاهـل الرديَّـه
وعلى سناها سقت كيف العريبين
،،،،،،،،،،،،،،، اسوق فنجالـي لزبـن الونيَّـه
في خايع ٍ منوة طليق الحجاجيـن
،،،،،،،،،،،،،،، ما دوجوه اهل الدبش والرعيَّّـه
ولا وطوه مجهجلين الوراعيـن
،،،،،،،،،،،،،،، اللي لهم في صيدة الضـب نيَّـه
قفر ٍ خلا وسمه تقافى نهاريـن
،،،،،،،،،،،،،،، سيِّل دعوبـه مزنـة ٍ عقربيَّـه
فيه ام سالـم تستلـذ التلاحيـن
،،،،،،،،،،،،،،، طير الربيع يجـاوب الراعبيَّـه
بارض ٍ نوايع عشبها يبهج العين
،،،،،،،،،،،،،،، مـدة كريـم ٍ وافـي ٍ بالعطيَّـه
مع رفقة ٍ ربع ٍ كـرام ٍ مياميـن
،،،،،،،،،،،،،،،كـل ٍ يبـدِّي للكرامـه خـويَّـه
مع رفقة ٍ فيهم رجوح الموازيـن
،،،،،،،،،،،،،،، في سلمهم ما فيه هـاذي وذيَّـه
ناخذ من علوم الرجـال النقييـن
،،،،،،،،،،،،،،،اهـل العلـوم الطيبـات النقيَّـه
سوالف ٍ صارت لاهلها نياشيـن
،،،،،،،،،،،،،،، راحو وجزلات السواليـف حيَّـه
ناخذ مدى صولاتهـم بالمياديـن
،،،،،،،،،،،،،،، في سجِّة ٍ بين السمـي وسميِّـه
سجّة زمان ولذة العمر يا حسين
،،،،،،،،،،،،،،، لا سقت رجلي بالديـار العذيَّـه


،،،،،،،،،

بعدما بدأت يد الإرهاب تدس اصابعها على أراضي الوطن
لم يصمت فارسنا

( سلام )

سـلام يـا دار ٍ يـذرِّي ذراهـا
،،،،،،،،،،،،،،، دار ٍلها في ساحة المجـد مقـدار
دار تبيَّـن طيبـهـا بقصـراهـا
،،،،،،،،،،،،،،، والطيب يلحق قاصي الناس والجار
دار ٍ حمد مداتهـا مـن نصاهـا
،،،،،،،،،،،،،،، تمد من مـدة طويليـن الأعمـار
دار ٍ يمجَّـد ذِكـر عـود ٍ بناهـا
،،،،،،،،،،،،،،، الله يحرِّم من بناهـا عـن النَّـار
عـود ٍعنـى للكايـدات ووطاهـا
،،،،،،،،،،،،،،، يوم ارتكى للضِّد رامـي وسبَّـار
اللـي زمـى للنايفـات وراقاهـا
،،،،،،،،،،،،،،، في ورث جدَّه ما تسمَّع للأشـوار
وحَّـد جزيرتهـا ووثَّـق عراهـا
،،،،،،،،،،،،،،، ورسى لها مرساك يالضلع سنجار
وارّث زحـول ٍ للشدايـد غذاهـا
،،،،،،،،،،،،،،، للكايده يرسون وافيـن الأشبـار
ذيك الحرار اللـي تعلـت سماهـا
،،،،،،،،،،،،،،، دوب شلعت بالجو من كف صقار
حرار نجد اللـي ينومـس ثناهـا
،،،،،،،،،،،،،،، فيهم يطيبن القصايـد والأشعـار
اهل الفعول اللي هبا مـن شناهـا
،،،،،،،،،،،،،،، خدَّام بيت الخالق النافـع الضـار
آل السعود اللـي نديـن بولاهـا
،،،،،،،،،،،،،،، ونجدد البيعة لهـم سـر وجهـار
حنا لهم عن سـو حامـي لظاهـا
،،،،،،،،،،،،،،، حنا لهم عن واهج الحامي الحـار
حنا لأبوفيصل علـى مـا بغاهـا
،،،،،،،،،،،،،،، حنا لهم سيف على الضـد بتَّـار
حنا جنـود الـدار نفـدي ثرهـا
،،،،،،،،،،،،،،، ونسقي عدو الدار كاسات الأمرار
تخيب هقوة هاقيـن قـد هقاهـا
،،،،،،،،،،،،،،، الحاقد اللي حولت عنـه الأنظـار
حكامنـا عـن ذاك تكـرم لحاهـا
،،،،،،،،،،،،،،، الخايـن اللـي للمواثيـق غـدار
وياللي نوازعهـم تبيـن خفاهـا
،،،،،،،،،،،،،،، ردو طويلات السواليـف بقصـار
نفس ٍ على كره الوطن من وراها
،،،،،،،،،،،،،،، من هو يطق لراقص النار بالطـار
من هو سعى بالناس يشقرعصاها
،،،،،،،،،،،،،،، ظاهره طيب ولبِّه انجس من الفار
وش غايته لا قام يـدرج رحاهـا
،،،،،،،،،،،،،،، وحقده يسرج له سفاهين وصغار
ناس ٍ علينا تدِّلـج فـي عماهـا
،،،،،،،،،،،،،،، ما للحقود إلا جزا الخزي والعـار
نفس تخون الدين تلقـى جزاهـا
،،،،،،،،،،،،،،، تلقى جزاها عند زوغات الأبصار
الله يجازي مـن علينـا حداهـا
،،،،،،،،،،،،،،، الفتنة اللي وقَّضت شّر الأشـرار
والحمد للـي فكنـا مـن بلاهـا
،،،،،،،،،،،،،،، الله وثـم النايـف الوالـد البـار
ورجالنا اللي تعتزي فـي لواهـا
،،،،،،،،،،،،،،، بايمانهم مجدك زمى اليوم يـادار
وختامها يا مـن سمـع مبتداهـا
،،،،،،،،،،،،،،، اقول صلى الله على نـازل الغـار
صلوا على الهادي محمـد وطـه
،،،،،،،،،،،،،،، على النبي الهاشمي سيد الأبـرار

،،،،،،،،،

ولا تزال غيمة شعيل تمطر وتمطر
وهذه المره بـــ / غزل !

عسعس وفردة


يا ليتني مـا جيـت عسعـس وفـردة
،،،،،،،،،،،،،،،، ولا وطـت رجلـي مداهيـل ريمـان
خشيـف ريـم وناشنـي ريـح ورده
،،،،،،،،،،،،،،،، من دون عسعس لاتلع الجيـد مقطـان
عنـود صيـد ٍ مستذيـرة وشـردة
،،،،،،،،،،،،،،،، ترعى وحش في دارة ٍ بيـن ضلعـان
تـارد علـى عــد ٍ تمنـيـت ورده
،،،،،،،،،،،،،،،، واخذ ومـن سيـد العماهيـج برهـان
جيتـه مسيِّـر وارتمـانـي بـفـرده
،،،،،،،،،،،،،،،، واجلب على قلبي بلا سـرج وعنـان
وتزايمـن بالقلـب حـرِّه وبــرده
،،،،،،،،،،،،،،،، برد العصير ونـار مدعـوج الاعيـان
وا قرد مثلي آه وا عظم قرده
،،،،،،،،،،،،،،،، بغـى يصيـد وصـار للغيـد نيشـان

،،،،،،،،،،،،،

ولازال يسلط سوط حرفه

لا والله الا عـوِّدت دون فــي دون
،،،،،،،،،،،،،،،،، وتشيَّخت بالنـاس روس الحصانـي
وقتٍ وفيه الذيب طاوي . ومغبـون
،،،،،،،،،،،،،،،،، والثعل يفرس في ظهـور السمانـي
وقتٍ على ذربين الايمـان فرعـون
،،،،،،،،،،،،،،،،، وعلى عيال العجـز ريـف وليانـي
فيه اختلط ريح ازرق الطيب والصون
،،،،،،،،،،،،،،،،، والهرش الاجرب صار حرٍ عمانـي
والطيب مع من مات منعي ومدفـون
،،،،،،،،،،،،،،،،، والا الردى جاء له ربوع وعوانـي
وقتٍ غريب وله تصانيـف وفنـون
،،،،،،،،،،،،،،،،، فيـه السواقـي صـدَّرت للسوانـي
دبرة ولي العرش بالكـاف والنـون
،،،،،،،،،،،،،،،،، بيـن اصبعينـه خافـق المودمانـي
له ما يشاء من دون هقوات . وظنون
،،،،،،،،،،،،،،،،، عالـم بصيـرٍ بالخفـا والبيـانـي
قلته وانا من غابر الوقت . مشحـون
،،،،،،،،،،،،،،،،، وقلته وانا اشوف الرخـوم تحدانـي

تسلممممممممم يمينك يا مهناااا

زدنا بعد يمكن نطيح على شي ماقد قريناه ..

نسيت اضيف بعد ان اكثر شي يعجبني في محمد بن صقيران صراحته ماشاء الله عليه ماله وجهين

ومايطعن في الظهر ابد يقول بالوجه ولا عليه من احد بصراحه اانا مخليته بقدوتي بهالامر

ولا فيه غرور ولا كبر مع انه يحق له لهالشاعريه اللي يملك يالله الله يعطيه من خيره ويكفيه شر الحاسدين