(( ( هـذا وأنا من بيت عز ... وقبيلة ...!! ل عبدالكريم المهنا ) )) a

آخر المشاركات المطروحة في منتديات قبيلة بني زيد

  بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

(( ( هـذا وأنا من بيت عز ... وقبيلة ...!! ل عبدالكريم المهنا ) ))

المشاركة في الموضوع
 
خيارات الموضوع طريقة العرض
  #1  
قديم 03-09-2005, 05:52 AM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 
(( ( هـذا وأنا من بيت عز ... وقبيلة ...!! ل عبدالكريم المهنا ) ))

 

[CELL="filter:;"]






يلوى معاليق الحشى والتوي له=ويفتل حباله ... ثم يلوي عقالي
وانا أنتخي فيه العيون الظليلة=لين بركت بحمى عيونه جمالي
صيف الهوى ياحلو بارد مقيله=لاهب نسناس الهوى من "شمالي"
العشق علة ... والقطاعة مليلة=والصبر يوجع ... والله ادرى بحالي
والهم واجد ... والسوالف قليلة=والقلب نجدي ... ليت قلبي شمالي
وبل الحياء حدّرْ على القلب سيلة=يجرح سهول القلب هي والعوالي
عليك يااللي بالغرام احدي له=واربط حبالك ... وأنت تقطع حبالي
قلبي يفور من القهر ويعوي له=وبـ...وجار هجره فايحاتٍ دلالي ...
له فرض عشق ... وعشق غيره نفيلة=زلزل ركوني ... وارجفت له جبالي
شكيت له نفسٍ بحبه عليلة=وهو من هموم الهوى ماشكى لي
إلى زعل من دون شيء أعني له=وهو يزاعلني ولاقد عنى لي
بستان قلبي خاوياتٍ نخيلة=وبير الغلا قام يتهايل هيالي
أصَمِّق كفوفي وأشب الفتيلة=والدم يزبد كني بجال صالي
معاد له دربٍ ولافيه حيلة=أقفى وخلاني لوجهي وفالي
وأمسيت مثل اللي غدى به دليلة=مغير اقَطّعْ هم حالي لحالي
ارخيه عن كتفي ... واعود واشيله=ياالله عسى ماللحسودين والي
قبل أمس انا واياه خل وخليلة=واليوم عنده غير غاليه غالي
أنساه ...؟! لاوالله تراها ثقيلة=إلا إن نساني ماتبعني ظلالي
إن جت على حبي له الله وكيلة=يفوق حُبه عندي اصغر عيالي
بعيش عمري بالرجاء وتّعَليلة=ويجيبه الله والليالي طوالي
ياالله دخيلك من علومٍ طويلة=دنياً لها في كل يومٍ مجالي
إن قلت ابا اصبر ماتحملت ليلة=درب الصبر مالي عليه احتمالي
اللي بقى لي منه عطرٍ وشيلة=فيني على ريحة عرقها هبالي
وعندي بعد منها خِصيلة جديله=هي والذي بنى السماء راس مالي
تسوى عيوني ... والريال ... وعديلة=عسى عدوي فاله اليوم فالي
إلى تقابل كل خل وقبيلة=دمعة عيوني حولت ماتبالي
كني هبيلٍ راقيٍ له نثيلة=أجر صوتي ... وأنتخي في عقالي
هذا وانا ماقد وطيت الرذيلة=والشين والله ساعةٍ ماطرالي
وامشي بدرب الطيب واسلك سبيله=واسوق دون الشين صافي حلالي
كان العميل اليوم خلى عميلة=انا اشهد إن العشق ماله موالي
أشرب قراح الماء تقل حنظليلة=مرٍ أمجه بالظمأ ماصفالي
إلا إن سقاني رشفةٍ من صميله=رويت منها بالعمر مابقى لي
بالقيض ياوجدي على سلسبيله=وإن جاء الشتاء دفى حظينه "هبالي"
وافز من نومي واجيه احبي له=كني فطيم الديد وده يشالي
مغير اغاغي له واجر الجديلة=أبيه يضحك لي ويرحم سؤالي
إلى ضحك تحسبه برق وتخيلة=ويمطر على شفاهه من الريق حالي
سكة سفرنا إنتهت بـ... اتحَوِيلة=وانا ابا اكمل كل دربه مبالي
خل القهر يشفي هواه ... وغليله=من كثر ماعانيت جاني جفالي
شربت من صوعات بقعى عبيلة=ومليت من شوك المكيدة سلالي
هذا وانا من بيت عز ... وقبيلة=شمسي كسوف ... وخاسفٍ بي هلالي
ساق الردى لي يوم سقت الجميلة=ساق الجفى يومي عطيته وصالي
إن صد اسوق اقدام رجلي واجي له=حقه عليّ من حق عمي وخالي
بصف الهوى ندرس زميل وزميله=وتقديرنا ممتاز في كل حالي
ماعاش في هالوقت غير الطبيلة=اللي بمركوز النهد مايبالي
اللي بخبز الفرن يدحى شليله=وإلى هضم مالح ... تذرع لحالي
تارم شدوقه والصحن يهتوي له=الى ضرب بالخمس ياهُمالالي
هذاك ياالله جعل ماني قبيلة=همه ورى اللقمة ... وجمع الريالي

( ل عبدالكريم المهنا _ زيد رومـــا _)

[/CELL]

 

الرد مع إقتباس
  #2  
قديم 03-09-2005, 06:02 AM
غزال العارضيه غزال العارضيه is offline
عضو دائم
 






غزال العارضيه is on a distinguished road
 

 

زيدروما

صح لسانك,, هي ماتُقال!

ولكن
لحرفك..
لِكلمه..
لبيت من ابياتك
لا يوجد مايقال!
تسلم يابن العم تسلم على هالابداع..

 

الرد مع إقتباس
  #3  
قديم 03-09-2005, 06:23 AM
الصورة الرمزية لـ السرمدي
السرمدي السرمدي is offline
:: إنسان في حاله ::
 





السرمدي will become famous soon enough
 

 

إقتباس
وأمسيت مثل اللي غـدى بـه دليلـة
مغيـر اقَطّـعْ هـم حالـي لحـالـي
ارخيه عن كتفي ... واعود واشيلـه
يـاالله عسـى ماللحسوديـن والـي
قبل أمس انـا وايـاه خـل وخليلـة
واليـوم عنـده غيـر غاليـه غالـي
أنسـاه ...؟! لاوالله تراهـا ثقيـلـة
إلا إن نسانـي ماتبعـنـي ظـلالـي

صح......لسانك

وسلم.....بنانك
والله القصيدة حلوة ....وأكثر شي أعجبني ..التشبيهات اللي في محلها.
...............ودعتك ربي........يا الاستاذ زيد روما.

 


::: التوقيع :::

يَا رَبِّي ,, ~ وِدَآعِتِك .. أُبُوي .. ~


 
الرد مع إقتباس
  #4  
قديم 03-09-2005, 06:39 AM
عنود الصيد عنود الصيد is offline
عضو دائم
 





عنود الصيد is an unknown quantity at this point
 

 

زيد روما .....

سلمت يداك ...
كـان العميـل اليـوم خلـى عميلـة
انا اشهـد إن العشـق مالـه موالـي
أشرب قـراح المـاء تقـل حنظليلـة
مـرٍ أمـجـه بالظـمـأ ماصفـالـي

صح لسانك ..

عنود الصيد

 


::: التوقيع :::



توديع الأحباب مثل الموت له سكره
أدمى جروحي وشق الصدر منيا
مصير الأحزان تنسانـــي وتفتكــره
ماكل الأيام بيض وسمــحة محـيا
قل غيرها ما أنت لا مجبر ولا مُكره
لا صار ماهي غلا ماأبي لك حميا
ياليتني لا بغيت أكـره قـدرت أكـره
ما كان قلبي ليا جيت أكرهك عيـا


 
الرد مع إقتباس
  #5  
قديم 03-09-2005, 07:07 AM
الصورة الرمزية لـ كريم سبلا
كريم سبلا كريم سبلا is offline
شـاعـر
 






كريم سبلا is an unknown quantity at this point
 

 

صح لسانك يابوصلاح

قصيدة لا يكتبها إلا الشعار الكبار امثالك

دوما ً بأنتظارك

 

الرد مع إقتباس
  #6  
قديم 03-09-2005, 04:19 PM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

زيد روما

ملك الحرف والقلم والقافية

صح السانك مليوووووووون

وجزلة من راس جزل

فيها من الابداع الشئ الكثير

الذي لا يجيده الا القلائل
فانت هكذا دائما

دمت بود

تقبل تحيااااااااااتي

اخيك
المسافر

 


::: التوقيع :::



 
الرد مع إقتباس
  #7  
قديم 03-09-2005, 08:07 PM
صافي النوايا صافي النوايا is offline
شاعر
 





صافي النوايا is an unknown quantity at this point
 

 

زيد روما

والهم واجـد ... والسوالـف قليلـة=
وبل الحياء حدّرْ علـى القلـب سيلـة=
عليـك يااللـي بالغـرام احـدي لـه=

صح لسانك وبيض الله وجهك

وجزل ماتجيب الا جزل يابو صلاح

لاهــــنـــــت

 


::: التوقيع :::

حـنـا بني زيد معدلـت كـل مـايــل
..................................من السعدان اللي صيتهم يرفع الراس


 
الرد مع إقتباس
  #8  
قديم 04-09-2005, 03:57 AM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

إقتباس
المشاركة الأصلية بواسطة غزال العارضيه
زيدروما

صح لسانك,, هي ماتُقال!

ولكن
لحرفك..
لِكلمه..
لبيت من ابياتك
لا يوجد مايقال!
تسلم يابن العم تسلم على هالابداع..


الغالية بنت عمي
غزاال االعاارضية

الف الف صح لسانك ولاهنت ولاهان وقوفك الكريم هنا
وربي بقدر ما اخجلتني كلماتك الرقيقة الا انني انتشيت لها طربا
دمت بكل خير
اخيك

 

الرد مع إقتباس
  #9  
قديم 04-09-2005, 06:05 AM
شقراوية بني زيد شقراوية بني زيد is offline
أميرة المنتدى
 





شقراوية بني زيد is on a distinguished road
 

 

زيدرومـــــــــــــــــــــــــا ...

صح لسانك ,, لا يسعني تقديم اعجابي الا بلقب (تاج بني زيـــــــــــــــد)

لك كل الاحترام ...

 

الرد مع إقتباس
  #10  
قديم 05-09-2005, 12:50 AM
جبرين بن سعد الجبرين جبرين بن سعد الجبرين is offline
عضو مثالي
 





جبرين بن سعد الجبرين is an unknown quantity at this point
 

 

زيد روما

صح لسانك

ماأقدر اختار منها اي بيت لان كل بيت عن قصيده

صح لسانك الى مالا نهايه

فمان الله

 


::: التوقيع :::

لا اله الا الله .... محمد رسول الله


 
الرد مع إقتباس
  #11  
قديم 05-09-2005, 02:14 AM
saab saab is offline
عضو مشارك
 





saab is an unknown quantity at this point
 

 

صح لسانك يازيد والله وشنقول وش نخلي مالنا الا نقول صح لسانك وحنا بانتظار جديدك يالقرم...

 

الرد مع إقتباس
  #12  
قديم 05-09-2005, 04:47 AM
الصورة الرمزية لـ البواارديه
البواارديه البواارديه is offline
عضو مشارك
 





البواارديه is an unknown quantity at this point
 

 

زيد روما

ابدااااع والله ابداااع

صح لسانك

وصح لسان بنت عمي يوم تسميك (تاج بني زيد)
عز الله انها ما كذبت

 

الرد مع إقتباس
  #13  
قديم 07-09-2005, 04:18 PM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

إقتباس
المشاركة الأصلية بواسطة السرمدي
صح......لسانك

وسلم.....بنانك
والله القصيدة حلوة ....وأكثر شي أعجبني ..التشبيهات اللي في محلها.
...............ودعتك ربي........يا الاستاذ زيد روما.




السرمـــدي
لاهنت ولاهان وقوفك الكريم هنا
إعجابك مصدر سعادتي
اسعد الله ايامك
كل التحااياا لك
ولحظورك
اخيك

 

الرد مع إقتباس
  #14  
قديم 12-09-2005, 12:39 PM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

إقتباس
المشاركة الأصلية بواسطة عنود الصيد
زيد روما .....

سلمت يداك ...
كـان العميـل اليـوم خلـى عميلـة
انا اشهـد إن العشـق مالـه موالـي
أشرب قـراح المـاء تقـل حنظليلـة
مـرٍ أمـجـه بالظـمـأ ماصفـالـي

صح لسانك ..

عنود الصيد


الغالية
" عنود الصيد "
تسلمين وتدومين والله
وصح بدنك
لاهنتِ ... ولاهان وقوفك الكريم هنااا
كل التحااياا لك
أخيك

 

الرد مع إقتباس
  #15  
قديم 12-09-2005, 02:38 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

أبو صلاح:
ويش أقول و ويش أخلي:
رهيبة،
بقوتها،
و تصويرها،
وفوق كل هذا . . . جرأتها.

سلمت و سلم إبداعك.

وداعة الله

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:43 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www