شكر من الدريبي لكل من سأل عني..

سعود الدريبي · #1 30-08-2005, 05:23 AM

الى كل عزيز سأل عني ....

لقد تعرضت لوعكه صحيه طارئه ادخلت على اثرها للعنايه ولكن بفضل من الله تماثلت للشفاء...

وحبيت اطمن الجميع باني بصحه جيده ولله الحمد..
شاكرا كل من سأل عني راجيا من الله ان يجنبكم كل مكروه...

ماعشت من تالي العمر مكسب لي
وان مت في تاليه ماهي حسوفه

يبكي حياته واحد مسفهلي
ماهوب مثلي حادياته ظروفه

كسبي الا قسته مع بامجلي
مثل النقط في البحر محدن يشوفه

مير ان ربي قرب اجله مع اجلي
قبري وقبره مظلمات اجروفه

... وتقبلوا تحياتي والله لايوريكم مكروه بغالي.....

كريم سبلا · #2 30-08-2005, 06:29 AM

الحمدلله على السلامه ياولد العم

وطهور وتكفير انشاء الله ,,,والله لا يوريك مكروه

اااه نسيت اقول لك !!!

صح لسانك ,,, وش جاب لجاب
حضرمي عند واحد من طحاطيح بني زيد

تحياتي وتمنياتي لك بالصحه والعافيه

سعد الحامد · #3 30-08-2005, 10:56 AM

سعود الدريبي

نحمد الله على سلامتك وجعل ماأصابك تطهير وتكفيراً

ونسأل الله ان يجمع لك بين الأجر والعافية

المسافر · #4 30-08-2005, 11:52 AM

اخوي سعود

الحمد لله على سلامتك

ولا باس طهور ان شاء الله

تقبل احتراماااااااااااتي

عمر الضويان · #5 30-08-2005, 12:16 PM

الحمدلله على السلامه ياولد العم

وطهور وتكفير انشاء الله ,,,والله لا يوريك مكروه

زيـد رومـا · #6 30-08-2005, 12:25 PM

الغااالي
ابو عبدالله
الف الف لاباس عليك فديتك
وتكفير ان شاء الله وماتشوف باس
وربي ازعجني الخبر لكن ما احد اكده ولانفاه
لكن وجودك الآن هو راس المال
والله لايوريك مكروه لاانت ولابامجلي ههههههههههههههه
وماتشوف شر ياذيب

اخيك

مهنا الغيهب · #7 30-08-2005, 12:49 PM

سعووود

الف الحمدلله على السلامه

أيها الشاااااامخ

والف لا باس عليك

الله يمتع بك ان شاءلله

وقدامك العافيه ياغااالي

مشوح · #8 30-08-2005, 09:13 PM

الف لاباس وطهور انشا الله وكل شي باجره.... جعله تكفير وتطهير ذنوب

أقرب الناس · #9 31-08-2005, 07:44 AM

الحمد لله على السلامه و ما ترى باس

و الله يجعل هالوعكه تكفير اللهم آمين

الصييفي · #10 31-08-2005, 12:41 PM

طهور إن شاء الله يا سعود،
و تخرج بالسلامة:

عمر الفتى ياسعود مكسبْ مع اللّي= يقضيه في كسب(ن) حلالْ، بكلوفه
كسب(ن) شريفْ و مهنة(ن) ما تملّي=به فايده، سنابله مع سنوفه
إن كان عبد الله لفرضه يصلِّي= و نفسه على المحتاج دايم عطوفه
يبشر برب(ن) عادل(ن) ما يخلِّي= رزقه إلى جا ما يبي له بروفه
و الرجل ابا الكرّاث خلّه يولي= حتيش لو ماله يغطي كتوفه
خلِّه بلذات الترافه يفلِّي= و قدامه اعماله بساعة وقوفه
بكرة صحافه في حياته تفلِّي= في ماقف(ن) ما فيه ساعة مروفه
إن كان خيِّر، في مكانه يحلِّي= و الا لقى حصاد ظلمه و حوفه

محمد بن عبدالله بن جثلان · #11 31-08-2005, 03:54 PM

الحمد لله على السلامه
ان شاء الله ماترى مكروه
طهور ان شاء الله
رميزان

غــ ثهلان ـزلان · #12 31-08-2005, 03:57 PM

تكفيررررررررررر ذنوب ان شاء الله والحمد لله على السلامه ياسعود والله الله بالقصيد

أميرة بني زيد · #13 31-08-2005, 06:31 PM

الف لا باس عليك اخوي سعود الدريبي والحمدلله على سلامتك وجعل ماجاك تكفير وطهور يارب

وحياك الله بعد رجعتك

سعود الدريبي · #14 03-09-2005, 04:52 AM

كريم سبلا... سعد الحامد ... المساافر...

ابوسعد ... زيدروما .... مهنا الغيهب ...

مشوح ... اقرب الناس .. سند ...

رميزان ... غزلان ثهلان .. اميرة بني زيد ...

احبائي ...

اشكر لكم تواجدكم في صفحتي سواء كان للاطمئنان علي او للسؤل عني ...
والله لايحرمنا منكم يابني وبنات العم ...
وانشالله ماتشوفون شر بغاليكم...

تحياااتي لكم..

اخووضحى · #15 30-09-2005, 07:02 PM

أبو أحـــــمد ....

الحمد لله على السلااااامة ,, ولو إنهاااا متأخرة ,,

اعدمنااااا وجودك ....

وحيااااااااااااك

..........

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر