علاج بعض الأمراض العصرية a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

علاج بعض الأمراض العصرية

المشاركة في الموضوع
 
خيارات الموضوع طريقة العرض
  #1  
قديم 20-01-2004, 08:43 PM
الصورة الرمزية لـ عميد السر
عميد السر عميد السر is offline
عضو مثالي
 





عميد السر is an unknown quantity at this point
 
علاج بعض الأمراض العصرية

 

علاج بعض الأمراض العصرية


عثا فينا جهاز الدش بث وعرض واستقبال=محاقين الردى لابارك الله في محاقنها
بدا وقت الفتن يطلع عسا الله يصلح الأحوال=ولانقدر نقول إلا عسا ربي يزينها
طلع جيل يشيب بالرضيع ويذهل العقّال =بعض ناس ذكرها المصطفى شفنا عواينها
لقينا الكاسيات العاريات الوصف والأشكال=عليها لبس لكن لبسها يبرز مفاتنها
تميل عن الطريق المستقيم ومن تبعها مال=خبيثة شكل ظاهرها يمثل خبث باطنها
ترحلها ابليس وانجلى عنها الحيا وانجال=ولو قامت تلملم من يصدقها ويامنها
تستر لين تدخل راسها في المشغل الشغال=وعلى الشغال في المشغل مذارعها تبينها
غدت ماعاد تجفل من عيال الهند والبنقال=تغنجه لين يهز راسه ثم يدينها
على ذا الحال يمكن تفتن الصاحي مع البطال=مدام انها تغنجله وكلمتها تلينها
تجرد عن لباس المسلمين وتلبس البنطال=معا قل الحلا تلبس لها لبس يشينها
يقولون الرجال إن الفرس في دبرة الخيال=ورى الخايب يخلي الخايبة تبرز محاسنها
ولا يدب ولاينصح ولا ينظر لها في حال=يعاملها بهيمه بس مابه إلا يسمنها
وبعضهم لو يبي يدب وينصح زوجته محتال=ولاينكر عليها شي وإن زعلت يساكنها
خذت منه القوامه وأصبح الحرمه وهي رجال=تخلى الثوب نصف الساق وثيابه يطمنها
ولا جا الليل كل رايح له سايق وله جوال=ولا من جات ماتلقاه وإن جا مايعينها
تحدد نسلها تبغى الرشاقة ماتريد عيال =مع عدوان دين الحق معلنةٍ تضامنها
وظيفتها عساها البعد بين الناس قيل وقال=تجيب الهرج وتوديه والفتنة تكونها
ولا أعمم لأن الخير في بعض البشر لازال=وكم مصيونة في بيتها والرب صاينها
ولايمكن يضحى بالشرف والدين بنت رجال=لأن الطيبة يحمي شرفها طيب معدنها
عطاها الرب عقل ودين مافيها جهل وخبال=نتيجة قوة التيار ماتخلف توازنها
على زلت بعلها لو يكررها وسيعت بال =تحدث في المحاسن والعلوم القشر تدفنها
لها في مهجته منزل وله في قلبها منزال=تبادله الغلا ماهيب خاينته وخاينها
ولا ننسى شباب ابتلن به طيبات الفال =تبا العفه وستر الحال والداشر يجننها
مريض ناقص عقله وخفيف وتشعفه لزوال=ومنيحه من ردا حضه ومن خبثه يحينها
نهاره نوم وإن جا الليل يسهر في ردى وهبال=ولاجا الفجر جاك يسحب رجيله مطينها
من آثار المخدر كأن في جوفه مرض سلال=من التدخين كأن شفاه بالنيله يلونها
ومنهم من تميز بالنعومة والظفور طوال=وذيك القذله اللي من دهون أخته يدهنها
تحلى بالأنوثه مابقى إلا يلبس الخلخال=يشوف أخته تجمل للعريس وغاير منها
إلا منه هرج في المجتمع جات الهروج هزال=يدور للرخامه والمراجل مايواطنها
يضايقه الأذان ويطرب الداشر مع الموال=قضى ليله مع الشلة وبنت الناس هاينها
ولا أعمم لأن المجتمع لازال فيه أبطال =ترى الدنيا من أهل الطيب ما خليت مخازنها
رجال تلتزم نهج الرسول وللحمول جمال=ولايخرج حداهم كلمته ياكون وازنها
ولا ننسى قضية من مسكها لجل حب المال=لأجل المال وصلت بنته الخمسين راهنها
يبيع ويشتري فيها كما السلعة مع الدلال =يبي ينظر من اللي يدفع أكثر من زباينها
ترا هذا ومثله في المجالس عده الفنجال =جزا للي على شان الطمع بنته يخزنها
إلى جوه رجال طيبين الدين والأفعال=يحولهم على أم الحوش والخايب ملقنها
تقول أبغى المهر ذلحين نقد ريال فوق ريال=نبي فوق المية من غير حاجات تأمنها
تحته لين يبقى راس ماله غترة وعقال=يدور للدداسن في المعارض ويتدينها
ألا وا شيب راسي شاخت النسوان والأنذال=ولا يعتز جيل شيخ الحرمه ومكنها
ترا ماني شامت غير أبين وأضرب الأمثال=لعل أهل العقول الطيبة تردع مجننها
أبا حاول علاج أمراض عصر الدش والأهوال=وناس ماتبي تسمع كلامي ماعلي منها
يقوله واحد يخطى مع التفريط والإهمال=ولكن في رجا الرحمن لا صعبت يهونها
إلا منا هوينا في المقابر والحمول ثقال =وبدينا في حياة الأخرة وأول مساكنها
وجا يوم عبوس قمطرير يشيب الأطفال=نهار فيه ناس يفرحون وناس يحزنها
ورود النار هذا شي ثابت ماعليه شكال =ولكن النجاة اللي ترا محدن بضامنها
تسمع يا وسيع العرف لاتجهل مع الجهال=أبعرض النصيحة وأنت ياجعلك تثمنها
تخيل يوم ينقطع النفس وتضيع الآمال=ونفسك عن هجوم الموت ماتقدر تحصنها
ولا ينفع ولدك ولا ولد عمك ولا ابن الخال=مسجى والمكفن عند جثمانك يكفنها
ألا يالله ياللي بأيدك الأرزاق والآجال=ولا للناس غيرك رب يرحمها ويمنها
تجاوز عن خطايانا إلا من عرضت الأعمال=نهار فيه نفس العبد مايجدي تغابنها
عراة ماعلينا لبس وحفات بدون نعال=نهار فيه يجمع فيه ظالم الأمة ومحسنها


قصيدة للشاعر/ راجح العجمي

 

الرد مع إقتباس
  #2  
قديم 22-01-2004, 12:19 AM
الدندان الدندان is offline
عضو مستمر
 





الدندان is an unknown quantity at this point
 

 

الله الله
خيااااااااااااااااال ها القصيدة شئ

كل بيت اطلق من اللي قبله لله در ها العجمي عساه من بني زيد(*)

وصح لسااااانك ولساانه ويا ليتني لو نص شويعر والله لااسوي بلاوي بس
العين عرجا والرجل عورا (*)

مع السلامه

الدندان
اللي مضيع الطاس

 


::: التوقيع :::




 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 07:23 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www