من عنده ألفية ابن عمار والعوني؟ a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

من عنده ألفية ابن عمار والعوني؟

المشاركة في الموضوع
 
خيارات الموضوع طريقة العرض
  #1  
قديم 30-07-2005, 04:39 PM
الصورة الرمزية لـ عبدالعزيز المنيفي
عبدالعزيز المنيفي عبدالعزيز المنيفي is offline
أبو عمر
 





عبدالعزيز المنيفي is an unknown quantity at this point
 
من عنده ألفية ابن عمار والعوني؟

 

اعوال العم

السلام عليكم


من يتحفنا بالفية ابن عمار كاملة والتي يقول في مطلعها: ألف اولف من جواب نظيفي.

وكذلك ألفية العوني اللي يقول في مطلعها: ألف اولف من حلا ما يقزّا

؟؟؟؟؟؟

 


::: التوقيع :::

أخـوكـم فـي الله/ أبـوعـمـر
عـبـدالـعـزيـز بـن الـبـواردي الـمـنـيـفـي


 
الرد مع إقتباس
  #2  
قديم 31-07-2005, 04:02 AM
الصورة الرمزية لـ قلب الأسد
قلب الأسد قلب الأسد is offline
:: ابو خالد ::
 





قلب الأسد is on a distinguished road
 

 

سم يابو سعود هذي الفية بن عمار


الف اولف من جوابٍِ نظيفي

............. ودموع عيني فوق خدي ذريفي

من لام في حب الحبيب وليفي

............. دقاق رمش العين سيد الخوندات

خوندات الذي ما بعد عاشرنه

................ قله تراهن بالهوى يذبحنه

قلبي وقلبك من عروقه خذنه

.............. عزي لمن مثلي تعرض للافات

البا بليت بحب خلي على ماش

.......... ولاحصل لي منه ما يبرد الجاش

غديت انا واياه طاسه ومنقاش

........... بالوصف كنه يالمعزي سلامات

سلامات الذي يذكرونه

........... يبغي المعزة منه وهي المهونه

يقول طيب مير غارت عيونه

........... سبب ولدكم واحد صابه ومات

التاء تبعت الزين والزين مقفي

.......... امشي وحتفي شايله فوق كتفي

لاشفت مجدول وكتف ورد في

.......... ماقوى التفت لو طوحولي بالاصوات

اصوات قالوا ياهبيل وسايح

.................. طرد المقفي يالشقاوي فضايح

قلت ماريد اشواركم والنصايح

..................مثل المطر فوق الطياس المكفات

الثاء ثمانه حب رمان طايف

.............او قحويان ٍ في رياض ٍ عطايف

متنقلٍ بالزين سيد العفايف

.............. عمهوجة ٍ فيها من الحور شارات

شارات فيها من ظبي الحمادي

.................... هي لذة الدنيا وغاية مرادي

وان كان راح صويحبي من بلادي

................... عليه جاوبت الحمامة بالاصوات

الجيم جاني من عشيري سلامي

........................ ولا لقينا من يرد الكلامي

عليه زرع القلب هايف وظامي

.......................مالي جدا كود البكاء والتنهات

ابكي على ما فاتني من زماني

...................... يوم الحبيّب زارني في مكاني

وراي ماخذت القضاء يوم جاني

..................... توي دريت البيض فيهن غرٌات

الحا حليه في الوطن ما لقيته

........................ عذلت قلبي عنه ولا قويته

لوه يذكر يم مكه نصيته

..............انصا ه لو بيني وبينه مسافات

مسافات في وسط البحور الظلامي

...................... في وسط بتيلٍ حداه الولامي

والى حصل لي بلوغ المرامي

..................... اصبر ولو دشيت بحر الظلمات

الخاء خليلي صار مني قريبي

.................... جعلي نصيبٍ له وهو من نصيبي

ودي أواجه نور عيني حبيبي

....................... مار الوحيد لهيد ما فيه نوهات

مافيه نوهات ٍ ولو من غثا البال

.......................... دب الليال مسِيم عمال بطال

والى استراح البال عن ذيك الأحوال

...................... دنياك هذي ياريش العين نشبات

الدال دامي ما قضبت الذوايب

....................... لو قيل طيب قلت ما نيب طايب

دنو استاد القبر ودنو النصايب

.......................... ودنو دواة الحبر نكتب سجلات

سجلات اريد اكتب لي وصيه

.......................... عمري غدا يا وجد اهيلي عليه

قولو لصافي اللون ياقف عليه

......................... ياكود يرجع ويتحسف بما فات

الذال ذالي عنه مدة ليالي

......................... لو قيل طيب فأنا انا أبخص بحالي

والله مايطري علي شف بالى

............................. الا انت يا راعي الثمان الرهيفات

رهيفات فيها للمشقى طرابه

.............................. مجمول مدلول ٍ ولا به طنابه

هني من يدخل معه في ثيابه

............................ وأسج انا وياه في العمر سجات

الراء ردوف صويحبي ثقلنه

................................ مثومنٍ ماحلى بياضه ودنه

ونهوده الثوب الحمر شلعنه

.............................. والساق فيها مثل عرق الارطات

ارطات غرمولٍ ذرته الذواري

................................. والله يالولاي من الناس اداري

لأضوي عليها مثل ذيب الغداري

........................... جايع وبا لغابه عياله مجيعات

الزاء زماني شفت منه الهوايل

............................. لاعاد حظي في الغنادير مايل

وراي ماا ترك قصير ٍ وطايل

........................... مار العقل يادبب هيهات هيهات

هيهات لو ان العقل فيه لبه

................................ ما كان يتبع واحد ما يحبه

ليصار هرجه لك خريطٍ بدبه

......................... وش لك بشوفه يالعيون المشقات

السين سقنامن الدراهم وعيا

.......................... واللي نبي من صاحبي ما تهيا

يقول والله لو تحب الثريا

......................... خذني على السنة تشوف الطرابات

طرابات ينسنك جميع الدروبي

.......................... ياكود في باقي حياتك تتوبي

اجعل مقرك بين جلدي وثوبي

.............................. حتى تشوف البيض فيهن جنا ت

الشين شاب الرأس ياعذب الانياب

............................... واللي برجوى توبته ذاك قدتاب

مارن ان بدالي عازة فافتح الباب

................................الله غفورٍ عالم ٍ بالخفيات

خفيات انا فيك يازين مفتون

........................ من حبك اسهر والخلايق ينامون

الهيتني عن مذهب اللي يصلون

........................... ما عاد اميز لو قرآن التحيات

الصاد صيدي يوم الاوي غريمي

....................... شفق ٍعلي الحبه وشد البريمي

مهوب صيدي قلة في الحريمي

...................... لا شك كل ٍ له مع الناس مشهات

مشهات فيك ياظبي الفريدي

........................ حب الملا ينقص وحبك يزيدي

لا شفت زولك ذاك هو يوم عيدي

......................... تصبح بساتين الضماير مريفات

الضاد ضد ٍ حال بيني وبينه

.................. يقول هذا صانعٍ ٍ لاتبينه

عسى الولي يبلاه في صبي عينه

.......................... عساه يسهر من الليل ساعات

ساعات فيها ما يشوف الجدارا

.......................... ولايعرف الليل هو والنهارا

وعساه يوم البعث يحشر حمارا

........................محمل من حمل الاسراف سيئات

الطاء طويت اليأس والسد باحي

.......................... وما عاد لي شف ٍ بظبي البياحي

لعلها هفت خفوق الجناحي

........................... اللي سبوقه فوق رجله مطوات

إمطوات و طار في يوم هبه

.................. راعيه لو رز اللواء ما ينبه

شاف الحباري رابضات بخبه

........................... يبي العشاء من بين فخذ ٍ وفندات

الظاء ظمانه لا تعاشر لك اثنين

............................ لازم تخلي عشرتك يامسيكين

واللي ابتغى بالمرابط حصانين

............................... يجي لهن هز ٍولزٍ وصقلات

صقلات يصقل كل ماجا طعامه

........................ يجري لهن مع المعيشه بحامه

افهم كلامي يالهبيل الفدامه

.................. إلي جمعت الحصن فالحصن خطرات

العين عن من ينقل الهرج حذراك

..................... تراك كنك شايلٍ داك برداك

إلى سمع له هرجةٍ من حكاياك

....................... يحطها مثل القصور المبنات

يبني عليها كبر راس الغرابه

........................ ويكدر المشروب عقب الطرابه

وهو يشابه بومة ٍ في خرابه

.......................لاينّقل هرجه ولا كفو هرجات

الغين غاب العقل باول شبابي

........................... وادميت من تلعات الارقاب نابي

واليوم شاب الرأس والكيف طابي

........................... ماني على الفايت كثير الحسوفات

حسوفات لاتفرح على اللي يجي فيك

.............................. ايضا ولاتندم على اللي مضى منك

مدراك لو هو خيرة صدته عنك

............................ناهيه والي العرش رب السموات

الفاء فؤادك لاتوليه حساد

....................... واحذر يجي لك مع اهل الفي مقعاد

اضحك وكنك عن جميع العرب صاد

........................ ثم اعتبر بالذيب يضوي بغرات

يضوي بغرات وهم ما دروا به

........................ واللي يوقف في المحاري حكوا به

كم واحد وقف ولاقضى نوبه

..........................يكسر الى شاف اللحم كنه حدات

القاف قل للي يريد النواميس

........................ واللي شقى بالهوى يرخي الكيس

الا بذلت النفس والكيس وابليس

........................... يطيح ناس ٍ يدعون الديانات

طاحوا وصاروا للخلايق علاجه

...................... يلقى بهم راعي الهوى قضي حاجه

وإلانثرت الحب جتك الدجاجه

..................... حارت وباضت لو تبي عشر بيضات

الكاف كن السد في كل الاحوال

........................... واحذر لسانك لايقولون ذا قال

حتى تجي عند العرب خوش رجال

................... لا صرت بالمجلس نواظرك صقلات

صقلات لا تجلس مع اللي يشاكيك

.....................هو علتك ودواك هاللي يشانيك

ياذيب كان الله على الرشد هاديك

.................. اكتم كلامك بالضلوع المحنات

اللام ليت العمر ينكس لحله

..................قيمة ثلاثين السنه هي محله

الرجل قبل الشيب يا حلو دله

................... وان لاح فيه الشيب ما فيه لذات

مافيه لذات ٍولا يقبلونه

.................. لو حط له رده وكحل عيونه

اهل الهوى عقب الغلا ينكرونه

..................... لوهو مصافيهم على فايتٍ فات

الميم ما غيري من الناس جرب

....................... وماغيري أحد في حياته تطرب

لاويت صافي اللون فوق المضرب

..................... كن العدو عني عيونه مداوات

مداوات جعله ما يجي لك عباره

....................... واللي بصد ٍعنك وش لك بكاره

الحذر ما ياطا بوسط الخباره

....................... لازم يجي فيها عقارب وحيات

النون نام الحظ ولا فيه حيله

.......................... عيا يباريني وانا ازريت اشيله

من يوم خلاني عريض الجديله

..................... دليت اكسر في حشا الصدر عبرات

عبرات اكسرها بداخل ا ضلوعي

...................... عليك يا خلي حسين الطبوعِ

عليك ما جفت محاجر دموعي

..................... دايم عيوني في مهاواك سهرات

الهاء هواي الخافية يالفطيني

...................... والعاشرة ياللي تعرف الرطيني

مخفية ما ودي لضدي يبيني

.................... والتاسعة تحصاه باعداد الاميات

اميات مات القلب من كثر همي

...................... واشكي عليك الحال يا ولد عمي

انته عضيدي وانت لحمي ودمي

..................... ترضاه يجفاني ولانيب مجفات

الواو ويل اهل الهوى من هواهم

................... ان كان هل اللي سم حالي وطاهم

كم ليلة ٍيصبح جفيفٍ عشاهم

.....................الالقيمات ٍ مع الحلق مرات

مرات لين اقضي من الترف شفي

...................... واوسده عضدي وزندي وكفي

واكشف عن اللي غابي ٍ وامتخفي

.................... حتى يجي للأكل والشرب لذات

اليا يحبه صلف ومراقده كلف

.................... لو هو يتمم مطلبي كان اقول الف

حيثه يقرر لي على الحب بالعرف

..................... والا فغيره لو يبي عشر بيزات

بيزات ما افلها لغيره بلاشي

................. من جنس رأس الظبي ما ابي عراشي

الا لمن ما يه على ماه ماشي

...................... هذاك من يمه فلوسي رخيّات

 


::: التوقيع :::



 
الرد مع إقتباس
  #3  
قديم 31-07-2005, 04:05 AM
الصورة الرمزية لـ قلب الأسد
قلب الأسد قلب الأسد is offline
:: ابو خالد ::
 





قلب الأسد is on a distinguished road
 

 

وهذي الفية العوني


ألف أولف من حلى ما يقزا *** بين الكياتب والصيارف يقزا
نظم نظمته من زمرد وياقوت *** وقاف بنيته من ضميري على الزا

والبا بنفس شفت أنا العيب توه *** عجزت أميز صاحبه من عدوه
الله يكافينا أشراره وسوه *** بين الحبايب والقرايب يخزا

والتا تتالن الليالي والأيام *** ننسى العمر عامين ثم نذكره عام
عمر يروح وكننا بغبة أحلام *** وناس بعرض الناس دايم تهزا

والثا الثعالب كيف صارت ذيابة *** والبوم يفرس عقب ذيك الخيابة
والعم عند العبد ما له مهابة *** هذا زمان عايفك لو تلزا

والجيم جنب هن ردى الطماعة *** صادق صديق لك ترى الشجاعة
ترى ردي الخال مابه بتاعه *** لاشك تركه في كل المعاني إتعزا

الحا حريب المرجلة قصر يمناك *** لا عاد لا فضل ولا تضهد أعداك
اصبر على الحقران حقك وما جاك *** وعزي لمن مثلك زمانه إيهزا

الخا خفيف النفس فيه الشجاعة *** ولا ثقيل النفس كله دناعة
نفس العزوم ليها الشجاعة بتاعة *** ونفس الدناعة ما يعزه امعزا

والدال دمع العين ياما غشاها *** ياما على خدي نثر دمع ماها
على فراق اللي صخيف حشاها *** حبه يلقن بين الأضلاع رزا

والذال ذللني زماني وذليت *** من شاف مقرون الحجاجين ياليت
منهم يخبر أمورس الخد بالبيت *** يفرح به القلب الحزين المقزا

والراء زماني باشهب الجبخاني *** ياما جرالي من ضنين رماني
عزاه بالفرقا عشيري دهاني *** قلت آه واويلاه وعز عزا

والزاء زعجت الصوت من شد مابي *** عليك يالمجمول لا واعذابي
يابو نهود شولعن الثيابي *** حمر ثمرهن شالهن ثوب قزا

والسين سهرت الليل هي والقوايل *** وهليت دمع مثل وبل المخايل
والله ما يبرا ضميري غلايل *** إلا إن غدا نابي لنابه يلزا

والشين شهر شوال يوم قضت لي *** إن كان علام الخفا ما فرج لي
ياللي عيونه سود وخده سجلي *** والراس ذيل أشمرة جيت اتلزا

والصاد صد امورد الخد زوله *** يانور عيني يا خياله وزوله
أظن له تسع اسنين ولا تم حوله *** أظن له عشر سنين ولا امزا

والضا ضوى حبه بداخل ضلوعي *** عليه من العبرات هلت دموعي
حسبت أيام الشهر مع السبوعين *** والنوم لامن لاج بالجفن فزا

والطا طلبتك ياجزيل العطايا *** طالبك ياللي ما تخيب رجايا
تجيب سيد البيض عذب السجايا *** ما دام في عمري شباب وعزا

والعين عمهوج خليلي وباخص *** مالي محب خص شيء وما خص
كل العذارى من ورى الشوق مشخص *** غرو إلى استمر هوا الليل هزا

والغين غاية عيفتي لذة النوم *** من العام دمع العين يذرف إلى اليوم
على لطيف الروح مانيب مليوم *** لا من طرالي راغ قلبي وفزا

الفاء فجعني نايح الورق بفراق *** وأنا عليك الحال والجسم عفاق
أنا نبا لوني وقنا به وبراق *** عمر طويل لولبه ما يرزا

القاف قفا ضامري عن محله *** قصر حصين وغرسة مستظله
راعي ثليل فوق متنه يتله *** والقلب عن لاماه ماله ملزا

الكاف كبر امورس الخد زوله *** يانور عيني يا خياله وزوله
توه صغير ما بعد فتحوا له *** بين العشر والخمس ولا امزا

اللام لا ما غذب الأنياب جنه *** ابشر برضوان من الله وجنه
ياليت من سيد جيله مضنه *** من سلسبيل من اشافيه مزا

والميم مذيوب العسل ديث بشفاه *** والملح والبنور والنور بشقاه
ما نجتك ياللي دثت اشفاك باشفاه *** عفت ثمر روس النواهد بلزا

والنون نوى كان هو ما حصلي *** واودع علوم الذل عني تولي
أشكي لمن هو برى حالي وغلا *** اللي إلى قلبت العواتق تخزا

الها هواي اللي كما الورس خده *** أشقر عراه الورس كالطرس خده
هني من حط المخده لخده *** متنه ويقلب صاحبه فوق قزا

 


::: التوقيع :::



 
الرد مع إقتباس
  #4  
قديم 31-07-2005, 04:44 PM
الصورة الرمزية لـ عبدالعزيز المنيفي
عبدالعزيز المنيفي عبدالعزيز المنيفي is offline
أبو عمر
 





عبدالعزيز المنيفي is an unknown quantity at this point
 

 

قلب الأسد

بيّض الله وجهك


وكثّر خيرك

ما قصّرت يالغالي

 


::: التوقيع :::

أخـوكـم فـي الله/ أبـوعـمـر
عـبـدالـعـزيـز بـن الـبـواردي الـمـنـيـفـي


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 04:31 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www