الشعراء القديمة تعود

يا ديرتي جاك السعد من اهاليك
أنا اشهد انك تستحقين ما جاك
جار الزمان اللي نسى كل ماضيك
وشلون مع كثرة مآثرك ينساك
لك لابةٍ مهما يجور الزمن فيك
ما منهم اللي يكفر بزادك و ماك
محدن نسى جوِّك و طيِّب مفاليك
و ابو رجوم اللي بظله تغشّاك
من خوفهم يكثر عناك و بلاويك
و الابتسامة تختفي من محياك
تكاتفوا مع بعضهم لأجل عينيك
و بجهودهم و اموالهم زان مبناك
تسابقوا بالطيب بالكاش و الشيك
و كلن على قدر استطاعته أعطاك
وشبابك اللي لاجل ماضيك يغليك
حدد دكاكينك و دُورك و مقراك
و ارسوا عقودك لاجل تعلى مبانيك
و ترجع كما كانت بوقتٍ عرفناك
الديره اللي مجدها مثل ماضيك
لازم يرجِّع مجدها حُب شرواك

ياسلااام يا الصييفي

صح لسااانك حتى ترضى

جزله من شاعر معروف بالجزاله

لا خلا ولا عدم