سلامٍ احلى من مذاق السلسبيل= اسطّره في بعض شعري با اعذبه
هاك النصايح كان معك الها مشيل= خذ ما تبي من در نصحي و اشربه
امّ اللبن ما يوم تثمر زنجبيل= و الحنظله ما يوم تثمر حبحبه
و بالعوشزه لياك تبحث عن مقيل= و الصيد ما جا من فتيلٍ مغربه
و لمْعَ الّسرابه ما يملِّي لك صميل= و الشمس غربال الرّدى ما يحجبه
و من يفزع بعميان ما حصّل دليل= حتى و لو يعجبك زوله و شنبه
و لا تامن الجاهل و لا تامن هبيل=عقرب ثرى يقرص بفمِّه و ذنبه
و يبحث عن الفزعات من عابر سبيل= و الفزعه القشرا قبلها متربه
الشِّعر ما سمّن ضعاف الهرذويل= و لا حمى الدفُّوع بيته بسببه
و المرجله دربه مشقّات و طويل=و لا جابها لللاش قرمٍ يندبه
لو الخيار موَرّثه ما طفّ كيل= و بقى قراح الما مبرَّدْ بقربه
لا شك جمرك يالغضى تحت النثيل= رماد مدفونٍ عقب جود حطبه
أقولها و انا بشر لو صبت اميل= و اخطي مثل غيري مع خِذه و جِبِه
24-02-2016, 01:03 AM
النمط الخطي
