من طالنا خيره عسى عمره يطول = ما يجحد اهل الطيب يكود الرّدي
شعيل ما يخذلك في شيل الحمول = و لا يتعب من الماد لو هو سرمدي
عنِّز على زحلٍ مجرّب من زحول = الى نخيت لفزعته جاك يعدي
و ان تهت في بحرٍ به امواجٍ تهول = تلقاه في كبد السما مثل الجدي
مهوب ثرثارٍ يقول و لا يطول = عنده لسانه راس ماله و البدي
الى شبع من نايد الناس الغفول = عوّد على لحمه بموس و مبردي
هذا و شبهه بالبلد ودِّك يزول = حتى البلد ينعم بخيره و يهدي
يا رب تحمي ذا البلد دار الرسول = من شلةٍ خانت هل الكف الندي
و ابو فهد عساه يبطي بالإفول = اللي لخير الشعب ما جا له لدي
يحميه ربي من رديين الفعول = اللي يحيكون المكايد لبلدي
و ولي عهده يا عسى عمره يطول = و محمد الثاني عسى عمره مدي
يا رب تنصرنا على كل الفلول = الفرس و الحوثي و بشار و زدي
جمِّع شرار الارض مع طق الطبول = و اجعل هل التوحيد تنحرهم فدي
و يومٍ مثل هذا مثل يوم السيول = انا اشهد انه راح بالي و سعدي
النمط الخطي
