سلام يا أحفاد الرجال الصماصيم

قصيدة عبدالله بن عثمان الضويان في حفل بني زيد ( سلام يا أحفاد الرجال الصماصيم )

سلام يا احفاد الرجال الصماصيم = يا صلب جدي يا هل المدح والكار
يا احفاد مروين السيوف الصواريم = يوم المغازي والمشاكل والاخطار
ويا احفاد من هم قوموا الدين تقويم = وباعوا له اللي يملكونه والاعمار
هم نصرته يوم الليال المظاليم = يوم القليل اللي ثبت ضد الاشرار
ويا مرحبا فيكم عدد ما نشا الغيم = واعداد ما هلت من المزن الامطار
يا اللي لكم في المجد وسم ومراسيم = كسابة الطولات وافين الاشبار
في مدحكم تزها القوافي بتنظيم = يالاد زيد مطوعة كل جبار
رجالكم من صاحبه ماشكى الضيم = من دون خوتكم ولو صار ما صار
ولضيوفكم طيب الحفاوه وتكريم = حتى ولو كنتوا وسط محل الادهار
بدلال بنن للنشامى مواليم = وعلى الصحون مبركه حسك الاوبار
ولفعالكم في روس الامجاد تعميم = ترسي كما يرسي على الارض سنجار
وسلام يا احفاد الرجال الصماصيم = يا صلب جدي يا هل المدح والكار

صح لسانك يابوعثمان وإلى الأمام

صح لسانك

كفوووو و صح لسانه

هذا الشبل من ذاك الأسد

الإخوة ولد رشيد
وفارس القبيلة
وعبدالله بن صقر
شاكر لمروركم ودمتم
للعلم فيديو القصيدة موجود على اليوتيوب ولكن المنتدى لا يقبل روابط اليوتيوب

صح لسانك

أخو نورة ومطول الغيبات
شاكر لمروركم ودمتم

صح لسان ابو عثمان والله يبيض وجهه
قصيدة وافية ما شاء الله

صح لسانك

الإخوة محمد الصقيران وابن نهيد
شكرا لمروركم