تقرير مصور رحلتنا للقصيم 66 صورة a

آخر المشاركات المطروحة في منتديات قبيلة بني زيد

  أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |    اعمل هذا العمل البسيط لكي لاتفوتك صدقة ليلة القدر صدقة 83 سنة بإذن الله (صورة) ( آخر مشاركة : ساكتون    |    هل تريد ان تكون لك سقيا صدقة مدى الحياة بإذن الله (صورة) ( آخر مشاركة : ساكتون    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

تقرير مصور رحلتنا للقصيم 66 صورة

المشاركة في الموضوع
 
خيارات الموضوع طريقة العرض
  #1  
قديم 24-08-2014, 07:38 AM
الصورة الرمزية لـ شقراوي الناصر
شقراوي الناصر شقراوي الناصر is offline
عضو دائم
 






شقراوي الناصر is on a distinguished road
 
تقرير مصور رحلتنا للقصيم 66 صورة

 

بسم الله الرحمن الرحيم


السلام عليكم ورحمة الله وبركاتة



"
كل عام وأنتم بخير وعيدكم مبارك بعد الزحمة وأعتذر عن الغيبة
ورجعت لكم ومعي تقارير دسمه ان شاء الله بتعجبكم "


بعد تخطيط وتجهيز أكثر من أسبوع قررنا أنا ورفيق الدرب أبو عمر جعله يسلم نروح للقصيم
ونغير جو فيها وهو كذلك ولمنا أغراضنا وكل ما نحتاجه وحجزنا فندق عن طريق موقع بوكنج
ومشينا الفجر من الشعراء الساعة 5 ونص الفجر ,,,, وإليكم التغطية المصورة (66 صورة)



***~~




قبل الأنطلاقة وقفنا في محطة الأمير في الشعراء وأخذنا بعض اللوازم والي نحتاجه في الطريق




سوالف وعلوم(ن) غانمة وحنا في الطريق والجو حليو




بعد ما وصلنا دخنه لقطت هذي الصوره على السريع




ووصلنا الرس وكانت الوجهة طبعا لبريده




في طريقنا لبريده




بعد ما وصلنا لبريده سألنا عن الفندق الي حجزنا فيه وكل واحد يعطينا وصف ورحنا على الوصف الي وصلنا




برج بريده والسحب




طبعا وصلنا لبريده الساعة 9 ونص ودورنا الفندق وما حصلناه واخر شي ألغينا الحجز بعد ساعتين ونص من البحث
وفي الأخير رحنا لفندق السلمان (وجهن تعرف ولا وجهن تنكره)




بعد ما حجزنا الغرفة وموجهين لها طبعا سعر الليلة بـ 550 ريال شامل الإفطار




ممر الغرف



غرفتنا في الدور الرابع والفندق عليه زحمه




نبذه عن الغرفة
عبارة عن سريرين منفصله مع بلكونه وتلفزيون ودورة مياه ودالوب ملابس وصندق أمانات




مطل من الدور الرابع من البلكونه




بع ما ريحنا أنا وأبو عمر نزلنا للبوفية وطلبنا غداء





هذا غدانا




بعدها رقينا للغرفة ونمنا وما صحينا ألا على المغرب
وتقهوينا وفلينا الحجاج





,,




وهذي درجة الحرارة في بريدة اول يوم لنا فيها




بعدها نزلنا في اللوبي وطلبنا براد شاهي مع النعناع وجانا واحد من الربع كان ساكن هو وأهله في نفس الفندق وتقهوينا وأخذنا العلوم
وكنا نتشاور وين نطلع له أي مكان وكانت الوجهه للسنيدي




محاولة للأحتراف (^_^)




وقبل ما نروح للسنيدي مرينا النادي الصحي
طبعا النادي الصحي شامل لحساب الغرفة وهو عبارة عن جاكوزي وساونا وبخار ومسبح
ووقت النادي من 9 صباحا الى 11 مساء






,,




صورة خارجية للفندق




وصلنا السنيدي والزحمة موجودة وكان وقت اغلاق المحل ما نعرفه
وبعد ما كانت الساعة 10 ونص طفوا الأنوار وكنا نحسبهم يفتحون الى 12 الليل
طبعا ما قدرت أخذ أغراض واجد الوقت ما أسعفنا
وأبو عمر جعله يسلم خذ غرضه وخلص





,,




,,




,,




بعدها رحنا لمطعم ماكدونالدز أنا وأبو عمر ورفيدزنا الثالث قال بنام




,,




بعدها أخذنا جولة على بريده وتمشينا فيها




في صباح اليوم الثاني ووقت خروجنا من الفندق الساعة 4 العصر
صورة لفخر تويوتا مع برج بريده قبل الشروق



أبو عمر أفطر وقال بروح أرقد
وأنا أفطرت وجيته لقيته واعي أنا سميت بالرحمن ورقدت وقومني جعله يسلم الساعة 3 العصر




وهذا كان آخر غداء لنا في الفندق قبل الخروج




حملنا عفشنا وأنهينا إجراءات خروجنا من الفندق وعطونا كرتهم




وهذي صور منوعه للمقهى الخاص بالفندق




,,




,,




اخر صوره إلتقطتها في الفندق وحنا طالعين منه




وحنا طالعين لقينا هذا الفندق الرايق وحاولنا نحترف بتصويره (^_^)




تشاورت أنا وأبو عمر وين نروح ووقع الإختيار على السنيدي مره أخرى
وقفت فخر تويوتا أمام السنيدي




,,




طبعا قبلها بيوم كنت ماخذ منهم تلبيسه للشنطة وجبتها لهم وكلمت العامل وما قصر لبس الموتر




وهذي النتيجة بعد تركيب التلبيسه وشريت معها بعض الأغراض الجانبية




أحن للماضي وروعه سنينه
وأذكر حياتي في وصاله وقربه
ولله ماأنسى ولايمكن أنساه
أيامه الحلوهـ معي أو لياليه

هذا مركز عدنان كان له فرع رئيسي في الدوادمي وخدم المحافظة أكثر من 15 سنة ويغادر الى مقره الرئيسي محافظة جده



بعد ما طلعنا من الفندق ورحنا للسنيدي وبعض المحلات وتسوقنا فيها
قررنا نطلع لنفود عسيلان




بعد ما عبينا بنزين أخذنا بعض الحاجيات من الخفايف من المحطة




ما سألت الشمس عن وقت الغروب
دامها وان جاملتني غايبه
الوصل لو نبتعد وصل القلوب
ما نسيتك لو ظنوني خايبه

غروب شمس يوم الثلاثاء




,,




احبك كثر مابـك رمـل
وحبي صـادق احساسـه

ولو مره خذيت الرمـث
أشـم النـار وانفـاسـه

على ظهرك أصول الناس
رجـال كلهـم نـاسـه

على ظهرك أقول بهمس
بيـوت ظايـع سـاسـه

بعد ما وصلنا للنفود وأستقرينا ذكرنا دعاء نزول المنزل
ونزلنا العزبة وحان وقت أذان المغرب في بريدة وصلينا المغرب والعشاء جمعا




وهنا بعد ما صلينا وولمنا براد الشاهي ومع البراد الي يشرح الخاطر ويوسع الصدر




بعد ما تقهوينا وعينا من الله خير
رجعنا لبريده ووجهنا لمقهى جنب الفندق علشان نتابع مباراة الهلال والسد




حماس وتشجيع غير طبيعي من أهل بريدة جعلهم يسلمون




بعدها توكلنا على الله موجهين لعنيزة




وهنا بعد ما وصلنا لعنيزة



توجهنا لمطعم ماكدونالدز بالقرب من هايبر بنده في عنيزة




وقفنا عند محطة بالقرب من منتزه الغضا وكان ودي أوقف فيه ونتقهوا لكن كنا مستعجلين




طلعنا من عنيزة متوجهين للمذنب ومن بعدها الى ساجر وأخيرا وليس أخرا الى الدوادمي (عالية نجد)




عند مدخل المذنب




إهتمام جميل وتصميم فريد من قبل بلدية المذنب




,,




أجمل دوار أعجبني في المذنب




وهنا عند آخر دوار في المذنب قبل الخروج منها




لافته من قبل بلدية المذنب تودع المسافرين وتشكر عليها




ووصلنا الى الدوادمي (عالية نجد) في تمام الساعة 4 و20 دقيقة فجرا

******~


الرحلة ممتعة بكل أنواعها وكل شي داخلها
أكثر ما ضيع وقتنا وأتعبنا وأرهقنا هو الفندق الي حجزت فيه وكنسلت الحجز الى الآن ما أدري وين موقعه وأسأل أهل بريدة يقولون ما نعرفه

طبعا تم تدوين كل شي نشتريه حتى لو سعره 1 ريال بورقه علشان نعرف كم صرفنا
مجموع الي تم صرفه هو :
1,980

ومجموع ما تم دفعه للبنزين هو 163 ريال طوال الرحلة ذهابا وإيابا
بمعدل تعبئة البنزين 3 مرات


ملاحظاتي على فندق السلمان /

الفندق في قمة الروعة ولا يعيبه شي سو أن سعر الليلة أرتفع بـ 180 درجة عن اخر مره سكنت فيها في الفندق
وكان وقتها الفندق نجمتين والآن أصبح 4 نجوم

أهالي القصيم بشكل عام من شبابها ورجالها وكل أهلها تعاونوا معنا
شكرا أهالي القصيم

أتمنى أني وفقت في هذا التقرير وسامحونا على القصور

تم التصوير بجوال آيفون 5s ذهبي


ملاحظة /
(هذا التقرير تم جمعه وتصميمه وتنسيقه وأخذ منا الكثير فـ لا تنسونا من ردودكم المتميزة ودعواتكم الطيبة)

والسلام عليكم ورحمة الله وبركاتة

 


::: التوقيع :::


آلله يرحمك يآ أدهم
الأربعاء 28/10/1434 هـ


 

آخر تعديل بواسطة شقراوي الناصر ، 24-08-2014 الساعة 07:53 AM.
الرد مع إقتباس
  #2  
قديم 28-08-2014, 03:31 AM
الصورة الرمزية لـ عبدالله المنقاش
عبدالله المنقاش عبدالله المنقاش is offline
عضو نشيط
 






عبدالله المنقاش is an unknown quantity at this point
 

 

مشاء الله
رحلة موفقة الله يسعدكم

 


::: التوقيع :::



 
الرد مع إقتباس
  #3  
قديم 28-08-2014, 08:59 AM
الصورة الرمزية لـ السعييدي
السعييدي السعييدي is offline
عضو مثالي
 






السعييدي is on a distinguished road
 

 

رحلة موفقة وتقرير رائع

 


::: التوقيع :::

اللهم إني اسألك عفوك ورضاك والجنة


 
الرد مع إقتباس
  #4  
قديم 29-08-2014, 01:51 AM
خالد ابومعطي خالد ابومعطي is offline
عضو مستمر
 





خالد ابومعطي is an unknown quantity at this point
 

 

الحقيقه رحله رائعه ... والاروع من هذا كله هذا التقرير الموثق بالصور مشاءالله تبارك الله ...

السنيدي هذا ... لي اربع سنوات وانا ابروح له .... وشكلها بتصير اربع ثانيه وانا مارحت ...

شقراوي الناصر ... شكراً لك

 


::: التوقيع :::

سبحانك اللهم وبحمدك ، أشهد أن لا إله إلا أنت أستغفرك وأتوب إليك


 
الرد مع إقتباس
  #5  
قديم 01-09-2014, 02:04 AM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 

ماشاء الله لاقوة الا بالله
تقرير ممتع ورحله حلوة الله يهنيكم
الله يعطيك العافية

 


::: التوقيع :::

رحم الله جسداً تحت الثرى لم يفارقني الحنين اليه
الله يرحمك يا ( ابوي ) ويغفر لك ويسكنك فسيح جناتة


 
الرد مع إقتباس
  #6  
قديم 01-09-2014, 07:15 AM
الصورة الرمزية لـ شقراوي الناصر
شقراوي الناصر شقراوي الناصر is offline
عضو دائم
 






شقراوي الناصر is on a distinguished road
 

 

إقتباس
المشاركة الأصلية بواسطة موج الغلا
ماشاء الله لاقوة الا بالله
تقرير ممتع ورحله حلوة الله يهنيكم
الله يعطيك العافية

الله يعافيك يا أم الوليد
ونورتي الموضوع بردك
وطبعا فيه تقارير كثيره ان شاء الله

 


::: التوقيع :::


آلله يرحمك يآ أدهم
الأربعاء 28/10/1434 هـ


 
الرد مع إقتباس
  #7  
قديم 02-09-2014, 09:13 AM
شقراوي 2006 شقراوي 2006 is offline
عضو نشيط
 





شقراوي 2006 is on a distinguished road
 

 

تقرير ممتاز ماشاء الله تبارك الله

 

الرد مع إقتباس
  #8  
قديم 10-10-2014, 02:41 AM
مجيد مجيد is offline
عضو نشيط
 





مجيد is an unknown quantity at this point
 

 

ماشاء الله تبارك الله الله يعطيكم العافيه على التقرير الجميل

 

الرد مع إقتباس
  #9  
قديم 02-06-2015, 09:55 AM
الصورة الرمزية لـ خالد العبودي
خالد العبودي خالد العبودي is offline
عضو جديد
 






خالد العبودي is an unknown quantity at this point
 

 

تقرير ممتاز ما شاء الله

 

الرد مع إقتباس
  #10  
قديم 12-06-2015, 01:33 PM
فارس القبيلة فارس القبيلة is offline
عضو مشارك
 





فارس القبيلة is an unknown quantity at this point
 

 

ماشاء الله تبارك الله يعطيكم العافية

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 10:39 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www