مكشاتنا الى الشبرميه في أجواء أوروبية

شقراوي الناصر · #1 14-12-2013, 08:15 AM

بسم الله الرحمن الرحيم

السلام عليكم ورحمة الله وبركاتة

مدخل ////

الجو زان وحان وقت المكاشيت .. وين أنت ياللي للمكاشيت هاوي
طاح المطر والفرصة اللي تحريت .. اليوم حانت يا بعيد الهقاوي

الموضوع وما فيه سلامتكم من يوم الخميس والأجواء في الدوادمي روعه وحقها مكشات وحسب توقعات الأرصاد بتكون فيها أمطار وخاصة يوم الجمعة

قمت لصلاة الجمعة بعد ما أخذت شور على السريع وكانت الأجواء أشبه بالأوروبية
ومن بعد الصلاة طلعت أتغداء بحكم أني عزوبي وعجز أطبخ :D
طلعت تغديت وهي تمطر وما وقف المطر والدوادمي شوارعها بدت تمتلي مياه قلت ما بدهاش يا ولد وحقها مكشات وأزهم الربع أبو عمر وأبو عبدالعزيز قلت تولموا بنكشت وراء الشعراء قالوا قدام قلت العصر وأنا عندكم
طبعا الدوادمي والشعراء جاها شي من ربي عظيم خير وبركة وشوفة المطر تسعد الصدر وتزيل الهم وشوفة الناس كل واحد وعياله يتمشون في البر

مالكم بالطويلة <<<<<< لا ياشيخ كمل ترا ما تفرق :D

هذ مجموعة صور من الأمطار الي جت بعد صلاة الجمعة

بعد ما صليت العصر ولمت العزبه والشغل العدل وربطت الشراع وتوكلت على الله بعد ما عبيت البنزين وشيكت على الموتر وكل شي تمام الى الشعراء لمكان التجمع المعد علشان الإنطلاقة
وكانوا ينتظروني أبو عمر وأبو عبدالعزيز جعلهم يسلمون

وهنا بالطريق موجه للشعراء :hrt:

الصور أبلغ من الكلام :hrt:

المصلوخه :hrt:

لاتغركم اللوحه ترا من قبل الأمطار وهي كذا :D

وهنا معشوقتي ثهلان :hrt: بدأت تقترب

أعدد الدقايق والثواني بطرياك
وأقول وين الحبيب الي عني غايب
, ثهلان :hrt: , الشعراء :hrt:

بدأنا نقترب أكثر وأكثر :hrt:

هاهي ثهلان :hrt: بدأت تزيح عنها أثآر الضباب

ها هي معشوقتي الشعراء :hrt:
وقد أعطاها الغيم صورة فائقة الروعة بل ونحمد الله على فضله وعطائه , سبحانك ربي ما أعظمك :hrt:

الشعراء :hrt: وتبدو هناك أثآر للمطر جعلها الله أمطار خير وبركه وعم بنفعها البلاد والعباد

طبعا يوم وصلت للشعراء :hrt: رحت لنقطة التجمع الي أتفقنا عليها ولقيت أبو عمر وأبو عبدالعزيز واقفين ينتظروني

قررنا نتوجه الى الشبرميه :hrt: وطبعا كانت زحمه من هالعالم

طبعا طريق الشبرميه فيها لفات خطره كأنك في طريق كرا يمينك ويسارك هويات اذا ما كنت عارف للخط كان الله يرحمك :D

بداية اللفات الخطره

تعدينا منطقة الخطر بسلام :D

من داخل الشبرميه وأترك لكم حرية التعليق

وحنا ماشين ما تدري تلقاك تمشي على ردميه فاجأة تطمر جرف ويختض الموتر شي طبيعي جدا :D

ياماحـــلا والنار يضـــوي لهبها ,, في فيضــة فيها الحيا مابعد شــيف
في خــــــيمة منصوبة في خببها ,, ودلال صـــفر ماشريته من الســيف

هنا بعد ما وقفنا وشبينا الضو وطبعا قبل كل شي أول ما وصلنا قرينا دعاء النزول في المكان والحمدلله الأجواء كانت حلوه تمطر وتوقف وتمطر ثانيه والناس رايحين وجايين وكل واحد مبسوط
الله يديم الأمطار علينا ولايحرمنا منها يارب :hrt::hrt:

أتمنى من كل قلبي التقرير نال على رضاكم رغم المخاطر الي واجهتنا لكن كل شي لعيونكم يهون :hrt:

طبعا من أهم ما حرصت على تواجده في موتري /
1- شنطة الإسعافات الأولية .
2- ماطور هواء ,
3- إستبنه ولوازمها .
4- جميع المتطلبات من أكل وشرب وغيره ,

وأعذرونا على القصور

مخرج ////

تولموا يا أهل المكاشيت والصيد
نبى نسج مع الديار الخليه

نبعد عن إزعاج العمل والمواعيد
ولا همنا في الوقت هذي وذيه

والسلام عليكم ورحمة الله وبركاتة

عطر ألآماكن · #2 14-12-2013, 07:45 PM

الف شكر لك وتقرير رائع بروعتك وروعة الاجواء الجميله

الله يهنيكم بالايمان وطاعة الرحمن

تقديري لك اخي الكريم

موج الغلا · #3 15-12-2013, 05:15 AM

ماشاء الله تبارك الله

جعلها السيل

تقرير

ياحلو الشبرمية وهي ممطورة

تثبيت

شقراوي الناصر · #4 15-12-2013, 03:08 PM

إقتباس

المشاركة الأصلية بواسطة عطر ألآماكن


	الف شكر لك وتقرير رائع بروعتك وروعة الاجواء الجميله الله يهنيكم بالايمان وطاعة الرحمن تقديري لك اخي الكريم

الله يسلمك ويعافيك يالأمير ولاهنت
أسعدني وفرحني تواجدك

شقراوي الناصر · #5 15-12-2013, 03:09 PM

إقتباس

المشاركة الأصلية بواسطة موج الغلا


	ماشاء الله تبارك الله جعلها السيل تقرير ياحلو الشبرمية وهي ممطورة تثبيت

أفلحتي ان شاء الله
اللهم امين يارب
الله يجزاكي خير ولاهنتي

ناصر النواصر · #6 06-02-2014, 06:20 AM

صور

شقراوي الناصر · #7 06-02-2014, 06:52 AM

إقتباس

المشاركة الأصلية بواسطة ناصر النواصر


	صور

لاهنت يالأمير

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر